2 Ko̱ri̱nto̱ 12:19 - Tennet

¹⁹ Iróng ka̱gga̱ ming ikebu waraga cu ko̱, i̱no̱nnu̱ keheri anna kaal ne̱ko̱ abunna kacazi no̱ngi̱tto̱n ngati ol wak ovolongnya annit ko̱, abaccu zin niga. Azikna Ta̱mu̱ta̱dde̱n bu̱k, kozozi niko ke̱e̱ni̱ e̱e̱t ci ka̱tu̱ Ki̱ri̱sto̱. Gonogga, abarik kogonni niko kar ubunntta niga.

2 Ko̱ri̱nto̱ 12:19 ပူးပေါင်းရင်းမြစ်များ

Roma 12:19

Gonogga wak zinino, ma acacannu gi̱i̱ ci gerze ogoniki e̱e̱ti̱ imma, abarik tungek Ta̱mu̱ta̱dde̱n kedez e̱e̱t neci, eci e̱he̱rye̱ Warage ci Ta̱mu̱ta̱dde̱no̱, azi Manyi ne, “Kacaca atin anna kaal cik gerzek ogonekku̱ng ol i̱ge̱ta̱.”

Roma 14:19

Abunna zin gon odohize kogon kaal cik abunna kar kabait yahe ki ol wak a̱tu̱we̱ do̱o̱k, kar tu̱we̱ne̱t cinna̱ng kuk oowa.

Roma 15:2

Abunna naga ol cik okkomit tu̱we̱nta̱ ko̱ ming kogon kaal cik abunna anyike locari katalo tu̱we̱nta̱, kar keela nonno kanyak tu̱we̱ne̱t ci okkomi kak.

Roma 9:1

Kozozi anna zoz ci een de̱de̱ zare cik Ye̱su̱ Ki̱ri̱sto̱, iróng ka̱du̱wa̱ zoz ci een volong, eci Vongizi ci A̱li̱le̱ i̱ye̱le̱ka̱ zoz wa een de̱de̱.

1 Ko̱ri̱nto̱ 10:14

Gotonogga ki ngonogga tu̱we̱nta̱, e̱de̱yya̱ e̱le̱tti̱ to̱do̱yo̱we̱ cik e̱e̱ggi̱n ta̱mu̱ta̱dde̱ne̱t cik adimanai azzine.

1 Ko̱ri̱nto̱ 10:33

Korongi gon anna ol do̱o̱k katalto kaale wak kogonni anna ko̱ go̱o̱lo̱we̱ do̱o̱k. Iróng anna korongi ku̱tu̱gu̱ kaal cik ele cinanni do̱, abarik korongi ku̱tu̱gu̱we̱k ol do̱o̱k kaal cik abunna, kar atin nege kurubta ti̱ri̱ze̱ne̱t ci Ta̱mu̱ta̱dde̱no̱.

1 Ko̱ri̱nto̱ 14:26

Gotonogga ki ngonogga tu̱we̱nta̱, kazi zin naga ne? Ming urumteu niga nga̱to̱de̱, anyak e̱e̱t ci orong keben lo̱ng, icima zoz ci ti̱lo̱wi̱nto̱, icima zoz ci i̱ye̱le̱k Ta̱mu̱ta̱dde̱n nonno, icima zoz ci iróng ol a̱gga̱, icima arizet ci a̱du̱wa̱ne̱ u̱nge̱tti̱ cik zozzak. Abunna kaala ne̱ko̱ do̱o̱k ming ogone kar keela ol cik een e̱re̱nno̱k ke̱le̱ci̱a̱.

2 Ko̱ri̱nto̱ 10:8

Egerebo, kodonga i̱yo̱ko̱ gon anna ele idic komize bali aanya Manyi ke̱, abunna ming keelannung kar kidiman tu̱we̱ne̱t cunno̱ng kuk oowa, iróng kegerezani tu̱we̱ne̱t cunno̱ng, iróng zin adaka a̱li̱ya̱ni̱ ngati ka̱li̱ngli̱nge̱ komize cinanni.

2 Ko̱ri̱nto̱ 11:10

Ka̱du̱wa̱kku̱ng kaal ne̱ko̱ ko̱, eci kozozi zoz ci Ki̱ri̱sto̱ een de̱de̱ ngatinanni. I̱llo̱i̱ e̱e̱t imma ci wo̱ye̱ abilizan lo̱o̱ce̱ ci Achaia ko̱ ngati kodonge ele zo̱ze̱ necu.

2 Ko̱ri̱nto̱ 11:31

Ka̱du̱wa̱ zoz ci een de̱de̱, i̱tto̱ni̱k Ta̱mu̱ta̱dde̱n Be̱e̱ti̱ Manyi Ye̱su̱, abunna kinnat Ta̱mu̱ta̱dde̱n udut, a̱gga̱ enne iróng anna kovolongi.

2 Ko̱ri̱nto̱ 12:15

Korongi zin ka̱a̱nyu̱ng i̱ge̱t kaal ne̱k kanyai anna ke̱ do̱o̱k rok ele cinanni bu̱k. Ming kirezzung anna i̱ge̱t oroot ke̱, iróng wo̱ye̱ niga irezang annit bu̱k?

2 Ko̱ri̱nto̱ 13:10

Keherakkung anna i̱ge̱t waraga cu ming ngen kuzucaung. Gi̱i̱ ci zin iróng anna kerenyekkung doize ci aanya Manyi annita, ming kokko ka̱kku̱na̱ku̱ng. Aanya ba̱li̱ye̱ enne doiz neci kar keelaung, iróng kegerezannung.

2 Ko̱ri̱nto̱ 2:17

Iróng naga kogonna ki ol uggak cik uwahek ol zoz ci Ta̱mu̱ta̱dde̱no̱ go̱o̱le̱ ci oronge ba̱a̱li̱ne̱t. Abarik zin naga do̱o̱k iróng kogon niko, kuwahekka ol zoz ci Ye̱su̱ Ki̱ri̱sto̱ wa een de̱de̱, kogon ki ol wak i̱tto̱na̱i̱ Ta̱mu̱ta̱dde̱na̱.

2 Ko̱ri̱nto̱ 3:1

Iróng naga kuwahekka ol zoz ci Ta̱mu̱ta̱dde̱no̱ ngati kodongnyya e̱le̱tti̱. Iróng korongnya ol u̱gge̱ icima i̱ge̱t ikebit bunnat ci li̱ngli̱ngo̱n cinna̱ng.

2 Ko̱ri̱nto̱ 7:1

Gotonogga ki ngonogga wak kirezi anna ko̱, eci Ta̱mu̱ta̱dde̱n u̱du̱wa̱ zoz cinne kar kaanyyet kizet dooli ciginnek, abunna naga do̱o̱k kabiliz ba̱ci̱nno̱k vongize cinna. Gerza ming kogon kaal cik gerzek, gerza ming ki̱no̱n i̱no̱ni̱ ci gerze. Abunna ko̱ngo̱o̱le̱ Ta̱mu̱ta̱dde̱n, kabak baiz ci caale. Ming ku̱tu̱gu̱zzo̱ naga niko, irezet atin Manyi oroot.

Vilipia 4:1

Gotonogga ki ngonogga wak zinino, korongi gon anna kar kurumte ki i̱ge̱ta̱, eci gon aanyang niga annita talninet kar bo̱do̱k anna kodong ele ngatinno̱ng. Ibilet zin ju̱rru̱m ngati Manyi.

1 Te̱se̱lo̱ni̱ka̱ 5:11

I̱yo̱ko̱ zin i̱ti̱lo̱zzo̱ e̱le̱tti̱ kar i̱ti̱lo̱z ol do̱o̱k tu̱we̱nte̱ ci Ye̱su̱ bu̱k ki i̱yo̱ko̱ ming abakku ko̱.

I̱bu̱ru̱ 6:9

Imma niga gotonogga ki ngonogga tu̱we̱nta̱, ka̱du̱wa̱kku̱ng kaal ne̱ke̱ ko̱ eci ka̱gga̱yya̱ niko ming ogonnu kaal cik abunna cik okkoyyung go̱o̱le̱ ci ruget wa aave udut.