2 Ko̱ri̱nto̱ 12:11 - Tennet

¹¹ Ke̱e̱ni̱ anna tarbal ming kozozi zoz ci ele cinanni niko, abarik i̱ge̱t e̱le̱tti̱ cik aanyang kozoz niko. Ozozu weete niga e̱le̱tti̱ne̱ zoz cinanni. Kiize i̱yo̱ko̱ anna gi̱i̱tareng, iróng zin anna ke̱e̱ni̱ gerza, kize vu̱rru̱t ci to̱ni̱a̱k wak volongak, ming iróng anna ke̱e̱ni̱ e̱e̱t imma nu̱nu̱n.

2 Ko̱ri̱nto̱ 12:11 ပူးပေါင်းရင်းမြစ်များ

Lu̱ka̱ 17:10

Kar niga bu̱k, ming u̱tu̱gu̱zzu̱ niga kaal cik ka̱du̱wa̱kku̱ng anna kar u̱tu̱gu̱z, a̱nnu̱ zin niga ne, ‘Iróng wo̱ye̱ naga du̱cca̱ha̱ kaganona ki inatinet; eci ku̱tu̱gu̱zza̱ naga li̱ngli̱ngo̱n ci gon cinna̱ng la̱du̱n.’”

1 Ko̱ri̱nto̱ 13:2

Ming kanyai anna arizet ci ka̱du̱wa̱ne̱ zoz ci i̱ye̱le̱ka̱ Ta̱mu̱ta̱dde̱n annit, icima kanyai doiz ci ka̱gga̱we̱ kaal do̱o̱k, kedeca kaal wak a̱lu̱gu̱ny Ta̱mu̱ta̱dde̱n iróng i̱ye̱le̱k ol bu̱k, icima kanyai tu̱we̱ne̱t ci kanyike bee ki̱pi̱ya̱ ele kuk ngamani, ma̱i̱je̱ ngatu i̱llo̱i̱ rezinet ngatinanni ci kireze ol, kaave anna gaganiko. Maya ming kirezi ol.

1 Ko̱ri̱nto̱ 3:22

ogon ki i̱yo̱ko̱ anna Pa̱u̱lo̱ icima Apollos, icima Cephas icima lo̱o̱c cu, icima ruget, icima daiz, icima zoz ci i̱yo̱ko̱, icima zoz ci loza, e̱e̱ggi̱n ne̱ko̱ do̱o̱k cuggo̱k,

2 Ko̱ri̱nto̱ 1:6

Kapirnanna naga abunna ming a̱ti̱ri̱zu̱ng Ta̱mu̱ta̱dde̱n, ming eelannet Ta̱mu̱ta̱dde̱n, abunna keelannung, kar ka̱a̱nyu̱ng nimenet no̱ngi̱tto̱n cik kapirnanna naga ko̱.

2 Ko̱ri̱nto̱ 11:1

Korongnyung izikttang annit ju̱rru̱m, ma wo̱ye̱ nu̱nu̱n kozozi kiwagon e̱e̱ti̱ ci tarbali, izikttang annit niko.

2 Ko̱ri̱nto̱ 11:5

Ka̱gga̱ anna azi gon to̱ni̱a̱ha̱ cik volongak ne ke̱e̱ggi̱nna̱ nege to̱ni̱a̱k cik Ta̱mu̱ta̱dde̱no̱ riilik do̱o̱k, iróng zin nege ommogja annita.

2 Ko̱ri̱nto̱ 12:12

Baling ngen kaavtte bu̱k, ku̱tu̱gu̱ kaal cik i̱ye̱la̱ ke̱e̱ni̱ anna to̱ni̱a̱t ci Ki̱ri̱sto̱ de̱de̱, go̱o̱le̱ ci ku̱tu̱gu̱ kaal cik meelek giir a̱vu̱la̱.

2 Ko̱ri̱nto̱ 12:6

Iróng abarik korongi kodong ele, gerza ming ke̱e̱ni̱ tarbal. Korongi kozoz zoz ci een de̱de̱. Iróng zin atin kozozi zoz ci a̱ppwe̱. Zoz zin ci iróng e̱e̱ti̱ imma ngatinno̱ng i̱no̱n zoz cinanni ko̱ nenen necu, eci acinnu kaal cik kogonni anna ki cik ka̱du̱wa̱.

2 Ko̱ri̱nto̱ 3:1

Iróng naga kuwahekka ol zoz ci Ta̱mu̱ta̱dde̱no̱ ngati kodongnyya e̱le̱tti̱. Iróng korongnya ol u̱gge̱ icima i̱ge̱t ikebit bunnat ci li̱ngli̱ngo̱n cinna̱ng.

2 Ko̱ri̱nto̱ 5:13

Ming adakket ngamoni, adakket zo̱ze̱ ci Ta̱mu̱ta̱dde̱no̱; ming kaavtte naga labak, kaavtiya zin zo̱ze̱ cunno̱ng.

Ga̱la̱ti̱a̱ 6:3

Ming i̱no̱n e̱e̱ti̱ ele azi ne ke̱e̱ni̱ e̱e̱t ci riili ngati keelane ol, a̱lu̱t e̱e̱ti̱ neci ele cinne. Iróng e̱e̱ti̱ neci een riil.

Evesos 3:8

Ma wo̱ye̱ nu̱nu̱n ming ke̱e̱ni̱ anna vu̱rru̱t oroot ngati olli Ta̱mu̱ta̱dde̱no̱ do̱o̱k, anyozia annit deten necu, atahala Ta̱mu̱ta̱dde̱n kar ki̱li̱ngli̱ng li̱ngli̱ngo̱n ci a̱di̱ngdi̱nge̱ oroot kar kuwaheung i̱ge̱t ol wak iróng e̱e̱ggi̱n Ya̱u̱d ko̱ kaviyak cik abunna Ki̱ri̱sto̱, anyak eezet ci iróng naga ka̱gga̱.