2 Ko̱ri̱nto̱ 12:1 - Tennet

¹ Anycang kodong ele. I̱llo̱i̱ gi̱i̱ imma ci kar kuruba ngatu, kodongi ele kaale cik kicina i̱ye̱le̱ka̱ Manyi o̱no̱zo̱we̱.

2 Ko̱ri̱nto̱ 12:1 ပူးပေါင်းရင်းမြစ်များ

Kaviyak wak Abunna Ta̱mu̱ta̱dde̱no̱ eher Joni 16:7

Ka̱du̱wa̱kku̱ng zin zoz wa een de̱de̱, abunna abarik ming kokko anna kar niga ubunntta. Kokko abarik anna kar kuk ki̱tto̱na̱kku̱ng De̱me̱zo̱i̱t kar ki̱ti̱ri̱zzu̱ng.

Kaviyak wak Abunna Ta̱mu̱ta̱dde̱no̱ eher Joni 18:14

Kaipas ci i̱lo̱t ol ne̱k e̱e̱ggi̱n Ya̱u̱d ke̱, a̱nne̱k ne, “Abunna abarik ming a̱da̱i̱ e̱e̱ti̱ co̱de̱ olle wak e̱e̱ggi̱n Ya̱u̱d kar kuruget ol do̱o̱k.”

Buk wa To̱ni̱a̱u̱ 18:9

Ozozek Manyi Pa̱u̱lo̱ ba̱a̱li̱n co̱de̱ o̱no̱zo̱we̱, a̱nne̱k ne, “Ma o̱ngo̱o̱le̱, zoz i̱nna̱ niko, ma ijakce li̱i̱m.

Buk wa To̱ni̱a̱u̱ 23:11

Imma bali ba̱a̱li̱n ci reng, ibil Manyi abanyce ci Pa̱u̱lo̱ kar kize ne, “Anyik zinin cunne kokkom! Ki i̱yo̱ko̱ baling iize i̱nna̱ bbacait Jerusalema ke̱, abunna zin la̱du̱n ming e̱e̱ni̱ bbacait Roma.”

1 Ko̱ri̱nto̱ 10:23

Azi ol uggak ngatinno̱ng ne, “Kogon wo̱ye̱ naga kaal cik korong naga ku̱tu̱gu̱z labak.” De̱de̱, ogonnu wo̱ye̱ ki i̱yo̱ko̱, abarik zin iróng kaala do̱o̱k cik kogon naga ko̱ eelanneta, ma bo̱do̱k anyak kaal cik iróng aanyet koo oowa tu̱we̱nta̱.

1 Ko̱ri̱nto̱ 14:6

I̱yo̱ko̱ zin, gotonogga ki ngonogga tu̱we̱nta̱, ming ka̱kku̱na̱ku̱ng kar kozoz utuge ci iróng niga a̱gga̱yyu̱, abunna ni̱i̱ ngatinno̱ng? Maya ming ka̱du̱wa̱kku̱ng arizet ci zoz ci a̱du̱wa̱ Ta̱mu̱ta̱dde̱n, icima gga̱wa̱ne̱t ci zoz ci Ta̱mu̱ta̱dde̱no̱ icima de̱mzi̱ne̱t.

1 Ko̱ri̱nto̱ 6:12

Azi ol uggak ngatinno̱ng ne, “Kogonni wo̱ye̱ anna kaal do̱o̱k ming korongi.” Abarik ka̱du̱wa̱kku̱ng iróng kaala do̱o̱k agano ming kogon naga. Kutubura zin anna iróng kaala do̱o̱k anyak doiz ngatinanni.

2 Ko̱ri̱nto̱ 12:11

Ke̱e̱ni̱ anna tarbal ming kozozi zoz ci ele cinanni niko, abarik i̱ge̱t e̱le̱tti̱ cik aanyang kozoz niko. Ozozu weete niga e̱le̱tti̱ne̱ zoz cinanni. Kiize i̱yo̱ko̱ anna gi̱i̱tareng, iróng zin anna ke̱e̱ni̱ gerza, kize vu̱rru̱t ci to̱ni̱a̱k wak volongak, ming iróng anna ke̱e̱ni̱ e̱e̱t imma nu̱nu̱n.

2 Ko̱ri̱nto̱ 12:5

Kodongi atin anna ele zo̱ze̱ ci e̱e̱t neci, iróng een zo̱ze̱ ci ele cinanni. Abarik kodongi ele kaale cik i̱ye̱la̱ pirnanet cinanni do̱ niko.

2 Ko̱ri̱nto̱ 12:7

I̱yo̱ko̱ zin, kozozi anna zoz ci obod ki kaal cik a̱zi̱ze̱ balik kicina anna ke̱. I̱tto̱na̱i̱ anjilo ci Sitano kar ki̱ki̱ya̱ kaanya piryanzet, kar atin anna iróng kodongi ele.

2 Ko̱ri̱nto̱ 12:9

Ma̱i̱je̱ enne a̱nne̱ka̱ ne, “Elenonu i̱nna̱ ki deten cinanni do̱ niko. I̱llo̱i̱ gi̱i̱ imma ci orongi i̱nna̱, aanyi komizi cinanni i̱nne̱t doiz ming i̱llo̱i̱ i̱nne̱t komiz.” Kar zin ming aave Ki̱ri̱sto̱ aanya komiz cinne, katalne kodongi ele ming i̱llo̱i̱ annit komiz.

2 Ko̱ri̱nto̱ 8:10

I̱yo̱ko̱ zin, iziyyet ti̱lo̱wi̱ne̱t cu: E̱rki̱t bali okko ke̱, i̱ge̱t cik oowanu o̱ro̱bi̱ya̱ oowa, ogonnu zin niko talninta orongnyu umucet Ce̱e̱z wa Ta̱mu̱ta̱dde̱no̱.

Ga̱la̱ti̱a̱ 1:12

Amire ki e̱e̱t ci diiri ci edemzeka annit kaviyak ne̱ko̱, abarik Ye̱su̱ Ki̱ri̱sto̱ ci aanya kaviyak ne̱ko̱.

Ga̱la̱ti̱a̱ 2:2

Kokko rok orog neci eci Ta̱mu̱ta̱dde̱n i̱ye̱le̱ya̱ annit abunna ming kokko. Imma bali nginati, kurumtowa ki lo̱ddi̱ki̱re̱ cik ol wak a̱tu̱ Ye̱su̱ lo̱mu̱k, kar koobek nogo kaviyak cik abunna kiwagon kuwahek ol wak iróng een Ya̱u̱d do̱o̱k ko̱. Kogonni zoz necu niko ko̱ gerza ming amurya de̱mzi̱ne̱t necu.

Evesos 3:3

I̱ye̱le̱ya̱ Ta̱mu̱ta̱dde̱n annit zoz bali ninne a̱lu̱gnye̱ ke̱, ki bali ming kehera anna arrak do̱yo̱i̱t.

1 Te̱se̱lo̱ni̱ka̱ 4:15

Kedemezung de̱mzi̱ne̱t ci Manyi Ye̱su̱ azi, ming okko Manyi oboda ta̱mu̱-kenga, iróng naga ne̱k ngen karuge ko̱ kuwante o̱o̱we̱ ci ol balik a̱da̱i̱to̱ ke̱.

1 Jon 5:20

Ka̱gga̱ naga do̱o̱k a̱kku̱ Ngerrti Ta̱mu̱ta̱dde̱no̱ lo̱o̱c kar ki̱ki̱ya̱ kaanyyet gool ci een de̱de̱ ka̱gga̱we̱ Manyi wa een de̱de̱. Karume zin naga ki nonno, ki bo̱do̱k Ngerinne Ye̱su̱ Ki̱ri̱sto̱, Manyi wa een de̱de̱ ki ruget ci aave udut.