2 Ko̱ri̱nto̱ 11:9 - Tennet

⁹ Baling kabak ki i̱ge̱t ke̱, ming i̱zzi̱ gi̱i̱ imma to ngatinanni, iróng anna kalayyung. Anyak de̱de̱ ollik Ta̱mu̱ta̱dde̱no̱ lo̱o̱ce̱ ci Macedonia cik aanyya o̱ro̱bi̱ya̱ cik kadayinne. Iróng zin anna ka̱a̱nyu̱ng elem cinanni i̱ge̱t udut.

2 Ko̱ri̱nto̱ 11:9 ပူးပေါင်းရင်းမြစ်များ

Buk wa To̱ni̱a̱u̱ 18:3

eci bali enne een e̱e̱t ci adiman ti̱te̱t ru̱u̱ma̱ni̱ne̱ ki nege, a̱vvu̱to̱ ki nogo kar zin ki̱li̱ngli̱nge̱t bu̱k.

Buk wa To̱ni̱a̱u̱ 18:5

Baling i̱vi̱ta̱ ciko Silasi ki Ti̱mo̱te̱yo̱ lo̱o̱ce̱ ci een Macedonia, uwahek Pa̱u̱lo̱ olli Ya̱u̱do̱ zoz ci Ta̱mu̱ta̱dde̱no̱ odohize, a̱nne̱k ne, een bali Ye̱su̱, Ki̱ri̱sto̱.

Buk wa To̱ni̱a̱u̱ 20:33

Ngen anna katamatek ziik cik ataltali icima dhahab icima ru̱u̱ma̱ni̱ cik e̱e̱t imma.

Roma 15:26

Oowa ol cik a̱tu̱we̱ lo̱o̱co̱we̱ cik Macedonia ki Achaia kaal cik i̱tto̱ni̱k ol wak a̱tu̱we̱ amati Jerusalema.

1 Ko̱ri̱nto̱ 16:17

Katalne anna oroot, eci Stephanasi ki Vortunatus ki Achaicus a̱rra̱yya̱ annit ngatu. Eci ogon ki ci een i̱ge̱t e̱le̱tti̱ cik a̱vvu̱na̱kka̱ng.

2 Ko̱ri̱nto̱ 6:4

Abarik ke̱e̱ggi̱n naga du̱cca̱k cik Ta̱mu̱ta̱dde̱no̱ kaale cik ka̱du̱wa̱ kar bo̱do̱k kogon naga ko̱, kanimnya kaal cik i̱i̱na̱kke̱t baiza do̱o̱k. Anyahakket ol no̱ngi̱tto̱n, kanimnya naga dee niko,

2 Ko̱ri̱nto̱ 9:12

Abunna ming a̱gga̱yyu̱, ming amuci ol cik Ta̱mu̱ta̱dde̱no̱, iróng i̱nna̱ anyike kaal cik orong nege. Een necu gool ci ovvo ol cik meelek aanyik Ta̱mu̱ta̱dde̱n zany.

Vilipia 2:25

Abarik riil oroot ngatinanni ming ki̱tto̱na̱kku̱ng bo̱do̱k Epaphroditus, gotona tu̱we̱nta̱ bali i̱tto̱na̱kka̱ng niga abunna okko eelanna annita ke̱. Ki̱li̱ngli̱ngta̱ anna ki nonno, ogon enne kiwagon aciiroci ci oor illa.

1 Te̱se̱lo̱ni̱ka̱ 2:6

Iróng ba̱li̱ye̱ naga korongnya ol u̱gge̱ icima i̱ge̱t kecebtet ceremi. Ming nu̱nu̱n ke̱e̱ggi̱nna̱ to̱ni̱a̱k cik Ki̱ri̱sto̱, iróng korongnya kaanycung nga̱bo̱lo̱ ci e̱le̱me̱tti̱ cigga̱k.

1 Te̱se̱lo̱ni̱ka̱ 2:9

Gotonogga wak tu̱we̱nta̱, a̱a̱da̱nnu̱ ri̱t niga bu̱k li̱ngli̱ngo̱n bali gon a̱ppwe̱ kapirnanna wazin ki ba̱a̱li̱n do̱o̱k kar iróng ka̱ggi̱ddu̱ng kaale cik een da̱i̱ne̱t ngati kamitanekkung kaviyak cik abunna Ta̱mu̱ta̱dde̱no̱.

I̱bu̱ru̱ 11:37

Ovoc ol u̱gge̱ ka̱da̱i̱to̱. Ovvo uggak ngatinne̱ng etted ol rugetet ne pur. Ovvo uggak akane nyazuwata. Ovvo ne̱k anyigzai ke̱ aim ceremwa cik eezau ki cik a̱zza̱nnu̱, aminye ol kipirta ne twa̱c.