2 Ko̱ri̱nto̱ 11:3 - Tennet

³ Ma̱i̱je̱ i̱yo̱ko̱, ko̱ngo̱o̱le̱ anna alabanung atin uwat ki bali ming alaba ogonikket Eva, ngaa ci Adami nyaate ci een Eden ke̱. Kar i̱yo̱ko̱, ecebannung atin uwat o̱o̱tti̱ kar iróng ngen arikku zi̱nze̱tti̱ Ki̱ri̱sto̱ de̱de̱ ki ba̱li̱ye̱.

2 Ko̱ri̱nto̱ 11:3 ပူးပေါင်းရင်းမြစ်များ

Kananet 3:1

Bali eenycane Manyi Ta̱mu̱ta̱dde̱n elegje do̱o̱k ke̱, egenyi da̱ uwat oroot kar kize labjoit. I̱ki̱ya̱ uwat i̱jji̱n ngaa a̱nne̱k ne, “Ma dim da̱ Ta̱mu̱ta̱dde̱n a̱nne̱kku̱ng ne, ‘Ma adakku o̱ya̱u̱ ne̱k keen wak aavtte manatoto ko̱ do̱o̱k’?”

Kananet 3:13

Iizek zin Manyi Ta̱mu̱ta̱dde̱n ngaa ne, “Nya ming ogoni niko ko̱?” O̱bo̱de̱k zin bo̱do̱k ngaa Ta̱mu̱ta̱dde̱n a̱nne̱k ne, “Uwat ci alabekan kar kadak o̱ya̱u̱ cik keet neci.”

Kananet 3:20

Akatek zin Adami ngaa cinne kize Eva eci atin enne okko een e̱e̱ti̱ ollu lo̱o̱ta̱ ngatu do̱o̱k.

Kananet 3:4

Iizek zin uwat ngaa ne, “A̱zze̱to̱, iróng een niko, iróng atin a̱da̱knnu̱.

Ma̱te̱yo̱ 24:24

Eci a̱vvu̱ atin ol cik volongak azi ne ke̱e̱ggi̱nna̱ Ki̱ri̱sto̱, ovvo uggak azi ne ke̱e̱ggi̱nna̱ a̱ri̱tto̱k cik zoz ci Ta̱mu̱ta̱dde̱no̱, ovvo atin ogon kaal cik a̱vu̱la̱ abunna a̱lu̱t ol cik atahala Ta̱mu̱ta̱dde̱n, iróng zin uuta o̱o̱tti̱ cik ol ne̱ke̱.

Kaviyak wak Abunna Ta̱mu̱ta̱dde̱no̱ eher Joni 8:44

E̱e̱ggi̱nnu̱ niga dooli cik lo̱rye̱nta̱k, be̱e̱ti̱nno̱ng, ogonnu kaal cik orong enne. Bali oowa, een enne e̱e̱t ci a̱ru̱k ol ka̱da̱i̱to̱, iróng enne abak zo̱ze̱ ci een de̱de̱, eci enne iróng anyak zoz ci een de̱de̱. Ming ovolong gon enne zoza, een neci kaale cinne, eci enne een volongnyoit, be̱e̱ti̱ volongo.

Roma 12:8

Ming anyak e̱e̱ti̱ arizet ci i̱lo̱te̱ ol, abunna ming i̱lo̱t ol ju̱rru̱m. Ming anyak e̱e̱ti̱ arizet ci amuce enne ol, anyik kumuc ol ju̱rru̱m. Ming anyak e̱e̱ti̱ arizet ci abale ol, abunna ming abal ol ju̱rru̱m. Ming anyak e̱e̱ti̱ zinin ci a̱ti̱ri̱ze̱ ol, abunna ming a̱ti̱ri̱z ol ju̱rru̱m.

2 Ko̱ri̱nto̱ 1:12

Katalninna gi̱i̱ye̱ co̱de̱ baize cinna, i̱ye̱le̱kke̱t zi̱nze̱tti̱ cigga̱c kabakta baiz ci abunna ki̱ti̱ri̱ztta̱ ol ju̱rru̱m, ommogje baling ngen kabak ki i̱ge̱t ke̱. Aanyyet Ta̱mu̱ta̱dde̱n deten ci kabahe, iróng een genyize ci lo̱o̱tu̱.

2 Ko̱ri̱nto̱ 11:20

De̱de̱ anyikku niga ol wak a̱vvu̱ orong ku̱tu̱gu̱ze̱u̱ng kaal cik a̱a̱nyu̱ng izet du̱cca̱k, ogorozzung, aminyyung, kar kapanttung ngu̱mti̱ cuggo̱k.

2 Ko̱ri̱nto̱ 11:29

Ming anyak e̱e̱t imma ci iróng a̱tu̱we̱ ju̱rru̱m, ki̱no̱ni̱ anna nonno oroot, korongi keela. Ming anyak e̱e̱t ci a̱tu̱we̱ alaba ol wak a̱tu̱we̱ kabaccit zoz, ka̱bu̱ri̱ zin anna nong oroot.

2 Ko̱ri̱nto̱ 2:17

Iróng naga kogonna ki ol uggak cik uwahek ol zoz ci Ta̱mu̱ta̱dde̱no̱ go̱o̱le̱ ci oronge ba̱a̱li̱ne̱t. Abarik zin naga do̱o̱k iróng kogon niko, kuwahekka ol zoz ci Ye̱su̱ Ki̱ri̱sto̱ wa een de̱de̱, kogon ki ol wak i̱tto̱na̱i̱ Ta̱mu̱ta̱dde̱na̱.

2 Ko̱ri̱nto̱ 4:2

Kodola zin anna abunna ka̱li̱ngli̱ng zi̱nze̱tti̱nne̱ cik voorik kaale do̱o̱k. Kar bo̱do̱k iróng kogonna gi̱i̱ imma ci gerze, kar kaanyyet ko̱to̱ngo̱o̱ltte̱ ol. Iróng naga korongnyya ku̱lu̱ttu̱ng ki genyizi ci anyakku ko̱, ki i̱yo̱ko̱ ming ogon ol uggak ko̱. Iróng korongnyya kutuhuyya zoz ci Ta̱mu̱ta̱dde̱no̱ ki ol uggak. Abarik kedemezza ol zoz ci een de̱de̱ obod ki Ye̱su̱ Ki̱ri̱sto̱. Ka̱gga̱yya̱ niko acinnet Ta̱mu̱ta̱dde̱n kaale ne̱k kogon zi̱nze̱tti̱nne̱ cik alali ko̱ do̱o̱k, i̱llo̱i̱ zin e̱e̱t imma ci wo̱ye̱ azi ne kedemezza naga ol zoz ci gerze.

Ga̱la̱ti̱a̱ 1:6

Ka̱ku̱le̱i̱ je̱e̱n zo̱ze̱ cunno̱ng eci utuburtu zoz ci Ta̱mu̱ta̱dde̱no̱ ataman, nonno ci a̱a̱nyu̱ng baiz ci abakku eezete ci Ki̱ri̱sto̱. Kanyaktaung ba̱li̱ye̱ kaviyak cik Ye̱su̱ abunna, abarik a̱tu̱yyu̱ kaviyak cik aavtte do̱ adarnannu kaviyak cik abunna Manyoni.

Ga̱la̱ti̱a̱ 2:4

Ize gerza zoz neci eci ol wak a̱ti̱yye̱ ol tu̱ i̱tto̱zzo̱ orgen cinna, a̱vvu̱ kize ro̱tto̱k, a̱ru̱k talaben, kar kicinnet baiz ci abunna kanyaka ngati ka̱tu̱yya̱ Ye̱su̱ Ki̱ri̱sto̱, abarik orong nege kutuhuyyet kizet du̱cca̱k.

Ga̱la̱ti̱a̱ 3:1

Eehi olli Ga̱la̱ti̱a̱, aditennung iina, nya ci ecebannung o̱o̱tti̱? I̱ye̱la̱i̱ keng ci daiz ci Ye̱su̱ Ki̱ri̱sto̱ ju̱rru̱m ngatinno̱ng, ogon ki ci icinntu nonno ming odode keete ci een ta̱la̱ke̱c ka̱da̱k.

Ga̱la̱ti̱a̱ 4:11

Ko̱to̱ngo̱o̱le̱u̱ng, kicina umurya li̱ngli̱ngo̱ni̱ cinanni ngatinno̱ng.

Evesos 4:14

Abunna kabiliz baiz ci kabahe ki i̱yo̱ko̱ dooli cikidik ko̱. Gerza ming kelemi ol cik volongak kecebtaet o̱o̱tti̱ de̱mzi̱nte̱ cinne̱ng volongo. Ogon ki ngooti ci odong kaal okkoye gon ngati okkoye ngooti.

Evesos 4:22

Edemezung de̱me̱zzo̱wa̱ ba̱li̱ye̱ zoz cu, ibilizet baiz bali reeni ke̱ eci baizi bali reeni amin zi̱nze̱tti̱ ciggo̱k ke̱ ecebannung o̱o̱tti̱ kar kegerzan baiz cunno̱ng.

Evesos 6:24

Anyik Ta̱mu̱ta̱dde̱n kanyik deten ol do̱o̱k wak irez Manyitinna Ye̱su̱ Ki̱ri̱sto̱ rezinte ci iróng a̱da̱i̱.

Kolosiya 2:18

Ma anyikku e̱e̱t imma ci ozoz volonga a̱ru̱k talaben ngati alawe anjilonya kar ka̱a̱nyu̱ng i̱ge̱t imiret zo̱ze̱ ci Ki̱ri̱sto̱. Imma e̱e̱ti̱ ci ogon niko oob ke̱ngti̱ cik zo̱zzo̱k ne̱k icin enne ko̱ oroot, kar kodong ele, kar kozoz darace.

Kolosiya 2:4

Ka̱du̱wa̱kku̱ng zoz neci abunna iróng e̱e̱ti̱ imma alabanung zo̱ze̱ ci a̱lu̱te̱ nege ol dangonte ci okkomi.

Kolosiya 2:8

Ka̱du̱wa̱kku̱ng, ebeit e̱le̱tti̱ ju̱rru̱m, kar i̱llo̱i̱ e̱e̱t imma ci alabanung genyize ci anyak volong a̱kku̱ ngati ol cik diirik, de̱mzi̱ne̱t ci olli lo̱o̱tu̱, iróng ozoz zoz ci obod ki Ki̱ri̱sto̱.

1 Te̱se̱lo̱ni̱ka̱ 3:5

Gi̱i̱ ci zin bali ki̱tto̱na̱ne̱ Ti̱mo̱te̱yo̱ ko̱ nenen necu, baling ommoga zoz ci kengerone u̱u̱mu̱c, okko atin enne acinnung ogonnu ku̱ tu̱we̱nte̱ ci a̱tu̱yyu̱ Ye̱su̱ wa atahalai. A̱wu̱ce̱ gon zinin kazi ne icima lo̱rye̱nti̱ alabaung i̱ti̱ku̱ng tu̱, kar kumurya li̱ngli̱ngo̱ni̱ bali nang ke̱.

1 Ti̱mo̱te̱yo̱ 1:3

Ki baling ka̱jji̱nni̱ la̱du̱n i̱i̱ bali kokkoye anna lo̱o̱ce̱ ci een Macedonia ke̱, aave i̱nna̱ o̱rge̱ ci een Ephesus kar gerenyek ol wak edemezek ol wak a̱tu̱we̱ zoz ci een volong.

1 Ti̱mo̱te̱yo̱ 2:14

Iróng bo̱do̱k ba̱li̱ye̱ een Adam nenen ci alaba lo̱rye̱nti̱, ngaa ci ba̱li̱ye̱ alaba lo̱rye̱nti̱ kanyahak ba̱ci̱ ol lo̱o̱ta̱ do̱o̱k.

2 Ti̱mo̱te̱yo̱ 3:13

Ma̱i̱je̱ ol wak gerzek ki ol wak een volongnyok, gerza atin zoz cinne̱ng oroot, ovolongek ol kar bo̱do̱k ol kovolongttek nogo.

Ti̱to̱ 1:10

Anyak ol cik meelek ibbez de̱mzi̱ne̱t wa een de̱de̱, edemez nege ol de̱mzi̱ne̱t ci een darace kar ku̱lu̱te̱t ol. Een zoz necu de̱de̱ ngati ollik Ya̱u̱do̱ wak orong ol kettedit wucic vi̱ca̱vi̱cce̱t kar kurubta ti̱ri̱ze̱ne̱t.

I̱bu̱ru̱ 13:9

Ma anyikku de̱mzi̱ne̱t ci aave do̱ kuwe o̱o̱tti̱ cuggo̱k. Anyik deten ci Ta̱mu̱ta̱dde̱no̱ ka̱a̱nyu̱ng komiz, iróng een ti̱lo̱wi̱ne̱t ci Musesi ko̱ icima á̱há̱t ci adakku kwo̱o̱ra̱ ko̱ ci a̱a̱nyu̱ng komiz, iróng á̱há̱ta̱ neci eelannung.

2 Peturu 3:17

Gotonogga ki ngonogga tu̱we̱nta̱, i̱yo̱ko̱ zin, eci niga a̱gga̱yyu̱ de̱mzi̱ne̱t ci ol wak e̱e̱ggi̱n volongnyok ko̱ la̱du̱n, abunna ming ebekku e̱le̱tti̱ ju̱rru̱m kar iróng nege alabanung i̱ge̱t kar urubta mu̱nye̱n cik ol wak abure Ta̱mu̱ta̱dde̱n bak kacin utuburtu tu̱we̱ne̱t cunno̱ng.

2 Peturu 3:3

Arrak oowa, abunna ming a̱gga̱yyu̱ i̱i̱te̱n ci okko looci aṯurneke, a̱vvu̱ atin ol wak a̱da̱c ol, ovvo aranne ol cik a̱tu̱we̱, abarik nege i̱no̱n kaal cik gerzek irez zi̱nze̱tti̱ cigge̱k do̱ niko.

1 Jon 2:18

Izikto niga dooli wagannik tu̱we̱nta̱, i̱ki̱ya̱ ṯurnenet ci lo̱o̱tu̱. Iziktu niga ba̱li̱ye̱ zoz ci azi ne, a̱kku̱ atin mo̱dde̱nti̱ ci amarine Ki̱ri̱sto̱. I̱yo̱ko̱ zin i̱ye̱ltta̱i̱ mo̱ddo̱ cik Ki̱ri̱sto̱ cik meelek. Imma zin zo̱ze̱ neci ka̱gga̱ i̱ki̱ya̱ ṯurnenet ci lo̱o̱tu̱.

1 Jon 4:1

Gotonogga ki ngonogga tu̱we̱nta̱, ma a̱tu̱yyu̱ zoz ci ol cik azi ne kanyaka Vongiz ci Ta̱mu̱ta̱dde̱no̱, abarik abunna ming atimanu vongizzok ming e̱e̱ggi̱n cik Ta̱mu̱ta̱dde̱no̱ de̱de̱, eci anyak a̱ri̱tto̱k cik meelek volongak i̱vi̱tta̱k lo̱o̱c cu.

Ju̱da̱ 1:4

Eci anyak ol u̱gge̱ cik eher zoz ci adange nege Ta̱mu̱ta̱dde̱n, iniktozeung nege orgen cunno̱ng. Abarik zin ol ne̱ko̱ aminye deten ci Ta̱mu̱ta̱dde̱n cinna kize gool ci ogone nege kaal cik gerzek, kar kimigtoi Manyi cinna Ye̱su̱ Ki̱ri̱sto̱ O̱de̱ Ṯok niko. Ettede zin lo̱ki̱ko̱ ci ol ne̱ko̱ bali reena.

O̱no̱zzo̱k 12:15

Kar u̱ggu̱li̱ ci a̱ddi̱ki̱re̱ kutura utuge cinne maam cik ogon kiwagon moro, kar koot o̱o̱we̱ ci ngaa neci kar atin ki̱ti̱k nonno kutudude.

O̱no̱zzo̱k 12:9

U̱ju̱ko̱zi̱k u̱ggu̱li̱ ci a̱ddi̱ki̱re̱ lo̱o̱c, awu ol nonno bu̱k azi ne uwat wa reeni icima lo̱rye̱n, icima Sitan, nonno ci a̱ti̱ye̱ lo̱o̱c do̱o̱k tu̱. U̱ju̱ke̱k Ta̱mu̱ta̱dde̱n nonno lo̱o̱c, ki anjilonya ciginnek bu̱k.

O̱no̱zzo̱k 20:2

A̱gga̱m enne u̱ggu̱l ci a̱ddi̱ki̱re̱, een enne bo̱do̱k uwat ci a̱ddi̱ki̱re̱ unuk da̱, een enne lo̱rye̱ni̱t ci een zara Sitan, kar zin enne keceb nonno e̱rki̱to̱k i̱bbo̱ng co̱de̱ (1,000).