2 Ko̱ri̱nto̱ 11:25 - Tennet

²⁵ Kar bo̱do̱k aciiri cik Romi ki̱bi̱cca̱ annit lak i̱i̱yo̱, i̱i̱te̱n imma ovoca moddena cigannik biyene, apakce i̱bo̱ ci keerona lak i̱i̱yo̱ nyatapare ci a̱ddi̱ki̱re̱ orgena ka̱vvu̱ maame ecito, katavane anna maame ba̱a̱li̱n ki wazin.

2 Ko̱ri̱nto̱ 11:25 ပူးပေါင်းရင်းမြစ်များ

Ma̱te̱yo̱ 20:19

Kar zin nege ka̱gga̱mte̱ya̱ annit ol wak iróng een Ya̱u̱d, kar atin nege komomoztan, bak a̱ru̱ka̱ kar zin kotodoyya keet ci een ta̱la̱ke̱c. Imma i̱i̱nya̱we̱ cik een i̱i̱yo̱ kingazi atin anna daiza dee!”

Ma̱te̱yo̱ 21:35

“Abarik zin ol ne̱k ebek ma̱na̱ ke̱ a̱gga̱mi̱t du̱cca̱k ne̱ke̱ kar zin ku̱ru̱we̱t co̱de̱, kar ku̱ru̱we̱t co̱de̱ ka̱da̱k, kar kovoccit co̱de̱ biyene.

Buk wa To̱ni̱a̱u̱ 14:19

Ulutet lo̱ddi̱ki̱re̱ uggak cik een Ya̱u̱d a̱vvu̱ o̱ro̱gjo̱we̱ cik een Antiyok ki Iconium kar ku̱tu̱yya̱ o̱o̱tti̱ cik ollu. Ovvocit zin ol Pa̱u̱lo̱ biyene kar ku̱tu̱gu̱rte̱k orog abanyca, i̱no̱n nege azi ne, a̱da̱ha̱.

Buk wa To̱ni̱a̱u̱ 14:5

Ozoza ol wak e̱e̱ggi̱n i̱do̱ngi̱ ki Ya̱u̱d, ki lo̱ddi̱ki̱re̱ cigge̱k nga̱to̱de̱ zoz ci adawe nege Pa̱u̱lo̱ ki Barnabas, orong kar kovoccit nogo biyene.

Buk wa To̱ni̱a̱u̱ 16:33

Imma ba̱a̱li̱n neci ele, utuny ddi̱ki̱ryo̱i̱ti̱ ngoddocet cigge̱k, kar nege ka̱gga̱mte̱k nonno ba̱ti̱ti̱mo̱ ki ol ciginnek do̱o̱k.

Buk wa To̱ni̱a̱u̱ 16:37

Ma̱i̱je̱ Pa̱u̱lo̱ izek nonno ne: “I̱bi̱cce̱t ol agita zu̱wa̱ ci ngen kettedit lo̱ki̱ko̱ cinna, ming nu̱nu̱n ke̱e̱ggi̱nna̱ naga olli Romi, kar ku̱ju̱kte̱t lagam. Orong i̱yo̱ko̱ nege koogtaita agit lo̱mu̱k? Iróng een niko! Anyik nogo e̱le̱tti̱ne̱ ki̱vi̱ta̱ ki̱nya̱ma̱nte̱ta̱.”

Buk wa To̱ni̱a̱u̱ 22:24

u̱du̱wa̱k ddi̱ki̱ryo̱i̱ti̱ wa a̱ddi̱ki̱re̱ aciir ko̱o̱tte̱ Pa̱u̱lo̱ ngati aavtte nege gon ko̱. A̱du̱wa̱k nogo ki̱bi̱cce̱t nonno kar ki̱jji̱nne̱t nyaa ming egerenyek ol ne̱ko̱ nonno ko̱.

1 Ti̱mo̱te̱yo̱ 1:19

Anyak ol u̱gge̱ cik iróng arike tu̱we̱ne̱t zi̱nze̱tti̱, bak a̱ddu̱te̱ tu̱we̱ne̱t cinne̱ng ki i̱ra̱na̱ cik aavtte de̱e̱ra̱.

I̱bu̱ru̱ 11:37

Ovoc ol u̱gge̱ ka̱da̱i̱to̱. Ovvo uggak ngatinne̱ng etted ol rugetet ne pur. Ovvo uggak akane nyazuwata. Ovvo ne̱k anyigzai ke̱ aim ceremwa cik eezau ki cik a̱zza̱nnu̱, aminye ol kipirta ne twa̱c.