2 Ko̱ri̱nto̱ 11:23 - Tennet

²³ E̱e̱ggi̱n nege de̱de̱ to̱ni̱a̱k cik Ki̱ri̱sto̱? Ke̱e̱ni̱ anna e̱e̱t ci adaka ngamoni ming kozozi niko ko̱, abarik ka̱li̱ngli̱ngo̱ni̱k nonno kommog nogo do̱o̱k. Ki̱li̱ngli̱nga̱ oroot, a̱ju̱ke̱ka̱ ol lagam lak cik meelek giir zo̱ze̱ ci Ki̱ri̱sto̱. Ki̱bi̱ce̱ a̱lle̱ne̱ kize daizoit.

2 Ko̱ri̱nto̱ 11:23 ပူးပေါင်းရင်းမြစ်များ

Buk wa To̱ni̱a̱u̱ 14:19

Ulutet lo̱ddi̱ki̱re̱ uggak cik een Ya̱u̱d a̱vvu̱ o̱ro̱gjo̱we̱ cik een Antiyok ki Iconium kar ku̱tu̱yya̱ o̱o̱tti̱ cik ollu. Ovvocit zin ol Pa̱u̱lo̱ biyene kar ku̱tu̱gu̱rte̱k orog abanyca, i̱no̱n nege azi ne, a̱da̱ha̱.

Buk wa To̱ni̱a̱u̱ 20:23

Ka̱gga̱ anna eci a̱du̱wa̱ka̱ Vongizi ci A̱li̱le̱ o̱no̱zo̱we̱ o̱ro̱gjo̱we̱ cik kokkoye, azi ne, okko atin gi̱de̱ne̱t ki piryanzet i̱i̱na̱ka̱ annit lagama.

Buk wa To̱ni̱a̱u̱ 21:11

Ma baling i̱ki̱ya̱ rok agita, idima nyakadingo ci Pa̱u̱lo̱ kar zin kecebe azzin ki zo̱o̱ ciginnek, kar zin kize ne, “Azi Vongizi ci A̱li̱le̱ ne, ‘Eceb atin Ya̱u̱di̱ cik Jerusalemo manyi nyakadingo cu ki i̱yo̱ko̱, kar zin kaanycik ol wak iróng een Ya̱u̱d.’”

Buk wa To̱ni̱a̱u̱ 25:14

Baling ovvo nege anyak i̱i̱nya̱ cik meelek nginati, ozoz zin Vestusi zoz ci Pa̱u̱lo̱ ki alaan. Azi enne ne, “Anyak e̱e̱t imma ngatu ci ungnek ddi̱ki̱ryo̱i̱ti̱ ci gaalau een Ve̱li̱ce̱ ko̱ lagam.

Buk wa To̱ni̱a̱u̱ 27:1

Baling odolta nege kar ki̱tto̱nnte̱t i̱bo̱wa̱ rok lo̱o̱c ci een Italiya, anyozik Pa̱u̱lo̱ ki ol u̱gge̱ wak e̱ce̱bje̱ lagama ko̱, ddi̱ki̱ryo̱i̱t ci een zara Julius. “Een enne ddi̱ki̱ryo̱i̱t ci aciiru balik akannek ol zar cik alaan wa Romi.”

Buk wa To̱ni̱a̱u̱ 28:16

Baling ku̱zu̱cca̱ naga Roma, aanyik zin ddi̱ki̱ryo̱i̱ti̱ Pa̱u̱lo̱ kabak do̱, kar zin aciiroc kebek nonno.

Buk wa To̱ni̱a̱u̱ 28:30

Abak Pa̱u̱lo̱ e̱rki̱nya̱ rama ce̱e̱ze̱ wa a̱ru̱we̱ enne o̱ro̱bi̱ya̱ nye̱lo̱wa̱, kar zin kivata ol do̱o̱k wak ovvo acin nonno.

Buk wa To̱ni̱a̱u̱ 9:16

Ki̱ye̱le̱k atin anna nonno gool ci okko enne apirnane zo̱ze̱ cinanni.”

Roma 8:36

E̱he̱rye̱ Buwe ci Ta̱mu̱ta̱dde̱no̱, azi ne, “Kaavtte naga daiza odohize zo̱ze̱ cunne Ta̱mu̱ta̱dde̱n. Kogon kiwagon a̱zza̱ cik ovvo ol otodongi.”

1 Ko̱ri̱nto̱ 15:10

Abarik kiize anna e̱e̱t imma bu̱k eci Ta̱mu̱ta̱dde̱n aanya deten cinne, iróng deteni ci Ta̱mu̱ta̱dde̱no̱ aave gaganiko ngatinanni. Ming ki̱li̱ngli̱nga̱ anna nu̱nu̱n oroot kommog to̱ni̱a̱k veelek, deten ci Ta̱mu̱ta̱dde̱no̱ ci a̱ma̱yu̱ka̱n.

1 Ko̱ri̱nto̱ 3:5

Ma i̱yo̱ko̱ ming ki̱no̱n ju̱rru̱m, een Apollos ngene? Ma Pa̱u̱lo̱ een ngene? Ke̱e̱ggi̱n naga do̱o̱k du̱cca̱k, i̱tto̱na̱ne̱t Manyi kar ki̱vi̱ta̱ kaanycung i̱ge̱t elemtta zoz ci Ki̱ri̱sto̱. Imma gon e̱e̱ti̱ imma ngatinna̱ng a̱li̱ngli̱ng li̱ngli̱ngo̱n ci aanyik Manyi nonno ki̱li̱ngli̱ng.

1 Ko̱ri̱nto̱ 4:1

Abunna ming a̱gga̱yyu̱ niga do̱o̱k, ke̱e̱ggi̱nna̱ naga du̱cca̱k cik Ki̱ri̱sto̱, eci bali Ta̱mu̱ta̱dde̱n aanyyet agit zoz cinne bali a̱lu̱gnye̱.

1 Ko̱ri̱nto̱ 4:11

Kowoya gon naga magizet, kowoya bo̱do̱k kooret, kar kuburucca ru̱u̱ma̱ni̱ cik zorzorik, ogonet ol gerzet, i̱llo̱i̱ rok ce̱e̱z ci kabaka.

1 Ko̱ri̱nto̱ 4:9

Eci zin ngatinna̱ng to̱ni̱a̱k, ogon ki ci arikket Ta̱mu̱ta̱dde̱n nginti gerze vu̱rrte̱ ci ollu do̱o̱k, ku̱tu̱gu̱zza̱ naga kiwagon ol cik etteddek ol lo̱ki̱ko̱ ovvo atin a̱ru̱we̱ ka̱da̱i̱to̱. Ka̱vvu̱ta̱ naga ngati acinnet ebere do̱o̱k, anjilonya ki ol bu̱k.

2 Ko̱ri̱nto̱ 10:7

Acinnu niga kaal ta̱dde̱n, aniyyu ne ke̱e̱ni̱ anna e̱e̱t ci diiri niko. Ming i̱no̱nnu̱, i̱ge̱t do̱ cik e̱e̱ggi̱nnu̱ olli Ki̱ri̱sto̱? Abunna ming a̱gga̱yyu̱ ke̱e̱ggi̱nna̱ naga bu̱k olli Ki̱ri̱sto̱ ki i̱yo̱ko̱ niga ko̱.

2 Ko̱ri̱nto̱ 11:5

Ka̱gga̱ anna azi gon to̱ni̱a̱ha̱ cik volongak ne ke̱e̱ggi̱nna̱ nege to̱ni̱a̱k cik Ta̱mu̱ta̱dde̱no̱ riilik do̱o̱k, iróng zin nege ommogja annita.

2 Ko̱ri̱nto̱ 3:6

Aanyyet enne kizet ol cik ka̱li̱ngli̱ng olom ci een jor Ta̱mu̱ta̱dde̱no̱, iróng een lo̱ti̱nno̱k balik e̱he̱rye̱ ke̱. Imma kaale do̱o̱k, aanyyet lo̱ti̱nno̱wa̱ ne̱ke̱ daiz, okko Vongizi ci a̱li̱le̱ aanyyet ruget.

2 Ko̱ri̱nto̱ 4:11

Ming ngen karuge nu̱nu̱n, ka̱gga̱ ka̱ru̱we̱ atin eci kedemez zoz ci obod ki Ye̱su̱. Aanyyet Ta̱mu̱ta̱dde̱n kipirta abunna ming acin ol ngen Ye̱su̱ aruge e̱le̱tti̱ne̱ cik atin a̱da̱i̱ ko̱.

2 Ko̱ri̱nto̱ 6:9

Iróng ol uggak a̱gga̱yye̱tta̱, abarik a̱gga̱yye̱ttu̱ niga agit oroot. Ogon ki ci ka̱da̱kta̱, abarik ngen karugna, ming edezet ol nu̱nu̱n, ngen ku̱ru̱ktte̱t ka̱da̱kta̱.

Ga̱la̱ti̱a̱ 6:17

I̱yo̱ko̱ zin, ma anyikku e̱e̱t imma kucunanna zo̱ze̱ necu, eci kanyaha bboroyyok eliye ci i̱ye̱la̱ ke̱e̱ni̱ anna e̱e̱t ci Ye̱su̱.

Evesos 3:1

Ku̱tu̱gu̱ anna Pa̱u̱lo̱ ki e̱e̱ti̱ ci kecebje, eci atahala Ye̱su̱ Ki̱ri̱sto̱ annit abunna ming keela ol cik iróng een Ya̱u̱d kuwahek nogo zoz ci Ta̱mu̱ta̱dde̱no̱.

Evesos 4:1

Eci kaale cik u̱tu̱gu̱we̱u̱ng Manyi Ye̱su̱, kecebje zin anna zo̱ze̱ ci ka̱li̱ngli̱ngo̱ni̱ke̱ nonno, kilalekkung zin anna i̱ge̱t abait baiz ci ol wak a̱tu̱we̱ balik atahalak Ta̱mu̱ta̱dde̱n ele cinne.

Evesos 6:20

Eci ke̱e̱ni̱ zin anna to̱na̱i̱t ci kar kuwahek ol kaviyak cik Ta̱mu̱ta̱dde̱no̱ abunna, ming kecebje nu̱nu̱n ko̱. Alayeang Ta̱mu̱ta̱dde̱n kar kuwahek ol zoz ci Ta̱mu̱ta̱dde̱no̱ mazeta labak.

Vilipia 1:13

I̱yo̱ko̱ zin, i̱ye̱la̱i̱ zoz necu ju̱rru̱m ngati ol wak ebek ce̱e̱z ci alaano ki ol do̱o̱k, ming kecebje anna lagama zo̱ze̱ ci Ki̱ri̱sto̱.

Vilipia 2:17

Een tu̱we̱ne̱t cunno̱ng wawac ci li̱ngli̱ngo̱n ci Ta̱mu̱ta̱dde̱no̱, ming a̱ddu̱te̱ bi̱ye̱ta̱ cigannik wawac neci, katalne anna kar niga bu̱k ataltto ki anna.

Kolosiya 1:24

I̱yo̱ko̱ zin, katalne anna eci kipira zo̱ze̱ cunno̱ng, eci u̱ce̱zi̱ ci eliye cinanni ko̱, korongi anna kedecak piryanzet bali apirnane Ki̱ri̱sto̱ zo̱ze̱ ci ol wak a̱tu̱we̱.

Kolosiya 1:29

Kar atin zoz necu ku̱tu̱gu̱we̱, kokko anna kapirna, kar ki̱li̱ngli̱ng oroot doize ci aanya enne annita.

1 Te̱se̱lo̱ni̱ka̱ 3:2

Ki̱tto̱ntta̱ gotonet Ti̱mo̱te̱yo̱ wa ka̱li̱ngli̱ngnya̱ bu̱k zo̱ze̱ ci Ta̱mu̱ta̱dde̱no̱ ngati kuwaheka ol kaviyak cik abunna, kar ki̱ki̱ya̱ ki̱ti̱lo̱u̱ng zo̱ze̱ ci Ki̱ri̱sto̱ kar bo̱do̱k keelaung ibilet ju̱rru̱m tu̱we̱nta̱ zo̱ze̱ ci Ta̱mu̱ta̱dde̱no̱.

1 Ti̱mo̱te̱yo̱ 4:6

Ming edemzike i̱nna̱ ti̱lo̱wi̱ne̱t ba̱li̱ye̱ ol wak a̱tu̱we̱, e̱e̱ni̱ atin du̱ca̱i̱t ci abunna ngati Ye̱su̱ Ki̱ri̱sto̱, adaizi i̱nna̱ ele, ogon ki i̱yo̱ko̱ ming adaizi i̱nna̱ ele zo̱ze̱ ci a̱tu̱we̱ Ta̱mu̱ta̱dde̱n ki de̱mzi̱ne̱t wa een de̱de̱ azunne i̱nna̱ ko̱, ki e̱e̱ti̱ ci adaiz ele da̱i̱nte̱.

2 Ti̱mo̱te̱yo̱ 1:16

Anyik Manyi ka̱mu̱yu̱k ce̱e̱z ci Onesiphorus, ma̱rri̱t ba̱li̱ye̱ ozozikan, iróng enne anyak a̱li̱ya̱n zo̱ze̱ ci kecebine anna lagama ko̱.

2 Ti̱mo̱te̱yo̱ 1:8

Ma zin anyike a̱li̱ya̱n kadayin ngati uwaheke ol zoz ci Manyi, icima a̱gga̱mnyi̱ a̱li̱ya̱ni̱ ngatinanni bali kecebine anna zo̱ze̱ cinne. Abarik nyak komiz ci aanyi Ta̱mu̱ta̱dde̱n ko̱, kar i̱jja̱ kipirta nga̱to̱de̱ ngati kuwahek ol kaviyak cik abunna.

2 Ti̱mo̱te̱yo̱ 2:9

Kapirna zo̱ze̱ ci kuwaheke ol kaviyak cik abunna ko̱. Kecebje lagama kiwagon mu̱ju̱li̱, iróng zin zoz ci Ta̱mu̱ta̱dde̱no̱ bu̱k e̱ce̱bje̱.

2 Ti̱mo̱te̱yo̱ 3:11

A̱gga̱ bo̱do̱k i̱nna̱ gi̱de̱ne̱t wa a̱gi̱dda̱ ol o̱ro̱gjo̱we̱ cik een Antiyok, ki Iconium ki Lystra. Kinima gi̱de̱ne̱t neci kar Manyi keelawa no̱ngi̱tto̱ne̱ ne̱ke̱ do̱o̱k.

Vilomene 1:9

Abarik kilaleki rezinta, anna Pa̱u̱lo̱ e̱e̱ti̱ ci a̱ddi̱ki̱re̱. I̱yo̱ko̱ kecebje zo̱ze̱ ci kuwahek ol kaviyak cik Ye̱su̱ Ki̱ri̱sto̱.

I̱bu̱ru̱ 10:34

Ippirttau niga ki ol wak e̱ce̱bje̱ lagama, kar bo̱do̱k kaamttaung i̱jjo̱ cuggo̱k, abunna ming anyakku zi̱nze̱tti̱nne̱ cik alali. A̱gga̱yyu̱ niga a̱a̱nyu̱ng atin Ta̱mu̱ta̱dde̱n i̱jjo̱ cik abunna aavtte udut.