2 Ko̱ri̱nto̱ 11:15 - Tennet

¹⁵ Iróng wo̱ye̱ ka̱ku̱le̱k je̱e̱n gi̱i̱ye̱ necu, a̱gga̱ to̱ni̱a̱ha̱ cik lo̱rye̱nto̱ uhu e̱le̱tti̱ azi ne kogonna kaal cik abunna. Ngen atin Ta̱mu̱ta̱dde̱n apahek anjilonya cik lo̱rye̱nta̱k lo̱ki̱ko̱ kaale ne̱ko̱ i̱i̱te̱n co̱de̱.

2 Ko̱ri̱nto̱ 11:15 ပူးပေါင်းရင်းမြစ်များ

Buk wa To̱ni̱a̱u̱ 13:10

“E̱e̱ni̱ i̱nna̱ do̱le̱c ci lo̱rye̱nto̱ kar bo̱do̱k ize mo̱dde̱ni̱t ci kaal cik abunna do̱o̱k. Anyai i̱nna̱ baiz ci a̱lu̱te̱ ol ki ci alabane kaal cik ollu. Alami wo̱ye̱ i̱nna̱ gool wa abunna Manyi?

Roma 2:6

Okko atin Ta̱mu̱ta̱dde̱n, “Aanyik ngenngene kaal go̱o̱le̱ ci u̱tu̱gu̱ enne.”

Roma 3:8

Azi gon ol uggak volonga ne agit cik ka̱du̱wa̱nna̱ zoz cu, “Ku̱tu̱gu̱z mu̱nye̱n, kar ol kicinnet kengerta zoz ci abunna ju̱rru̱m.” Abunna zin ming edez Ta̱mu̱ta̱dde̱n atin nogo do̱o̱k.

1 Ko̱ri̱nto̱ 9:11

Ming ki̱ye̱le̱u̱ng naga i̱ge̱t arizet ci Vongiz ci Ta̱mu̱ta̱dde̱no̱ orgene cunno̱ng, abunna zin niga ming aanyyet agit bu̱k kaal cik korongnya naga.

2 Ko̱ri̱nto̱ 11:13

Iróng ol ne̱ke̱ e̱e̱ggi̱n to̱ni̱a̱k cik Ki̱ri̱sto̱ de̱de̱. Alaba nege ol azi ne ke̱e̱ggi̱nna̱ to̱ni̱a̱k cik Ye̱su̱.

2 Ko̱ri̱nto̱ 11:23

E̱e̱ggi̱n nege de̱de̱ to̱ni̱a̱k cik Ki̱ri̱sto̱? Ke̱e̱ni̱ anna e̱e̱t ci adaka ngamoni ming kozozi niko ko̱, abarik ka̱li̱ngli̱ngo̱ni̱k nonno kommog nogo do̱o̱k. Ki̱li̱ngli̱nga̱ oroot, a̱ju̱ke̱ka̱ ol lagam lak cik meelek giir zo̱ze̱ ci Ki̱ri̱sto̱. Ki̱bi̱ce̱ a̱lle̱ne̱ kize daizoit.

2 Ko̱ri̱nto̱ 3:9

Ming anyahak lo̱ti̱nno̱wa̱ balik reentik riilik ke̱ ol daiz, ommog zin atin lo̱ti̱nno̱wa̱ cik een jor riilik ko̱, anyaha bunnat do̱ niko.

Evesos 6:12

Eci iróng naga kooro ki mo̱ddo̱ cik anyak e̱le̱tti̱ ki i̱yo̱ko̱ cik kanyak naga ko̱. Abarik kooro ki to̱ni̱a̱k cik lo̱rye̱nta̱k ki vongizzok waginnek gerzek abak zara. Abal nege lo̱o̱c necu, anyak doiz vatanine cigge̱k, abal nege lo̱o̱cco̱k ne̱ko̱ do̱o̱k ku̱ru̱m nginti engerone ta̱mu̱-keng ki lo̱o̱c.

Vilipia 3:19

Ovvo ol ne̱k iróng azikne ko̱ een baizi cinne̱ng li̱be̱ne̱t, irez nege ke̱ngti̱ cigge̱k, odong abarik e̱le̱tti̱ ci iróng adak a̱li̱ya̱ni̱ nogo, i̱no̱n nege kaal cik lo̱o̱c cu do̱ niko.

2 Peturu 2:3

Anyak atin ol ne̱ke̱ zi̱nze̱tti̱ cik a̱ppi̱nte̱k kaale, ozoziku̱ng u̱tu̱ge̱tti̱ne̱ cik emede. Ettedik Ta̱mu̱ta̱dde̱n nogo lo̱ki̱ko̱ zo̱ze̱ necu, iróng zin enne adunge.

Ju̱da̱ 1:4

Eci anyak ol u̱gge̱ cik eher zoz ci adange nege Ta̱mu̱ta̱dde̱n, iniktozeung nege orgen cunno̱ng. Abarik zin ol ne̱ko̱ aminye deten ci Ta̱mu̱ta̱dde̱n cinna kize gool ci ogone nege kaal cik gerzek, kar kimigtoi Manyi cinna Ye̱su̱ Ki̱ri̱sto̱ O̱de̱ Ṯok niko. Ettede zin lo̱ki̱ko̱ ci ol ne̱ko̱ bali reena.

O̱no̱zzo̱k 13:14

Ma̱rri̱t enne ogon kaal cik a̱vu̱la̱, anyozik zin nonno komizi ci ogone kaal zare cik e̱le̱gi̱t bali o̱o̱wu̱ ke̱, u̱lu̱t zin enne olli lo̱o̱tu̱. Kar ku̱du̱wa̱k ol kokovanta ngu̱m ci e̱le̱gto̱ biya kize gool ci o̱ngo̱o̱li̱nne̱ nege nonno, e̱le̱gi̱t bali abucane nyazuwata ke̱, imma ngatu ngen aruge dee.

O̱no̱zzo̱k 13:2

Okko e̱le̱gi̱ti̱ ci kicina anna ko̱ atubo ki keelang, ma̱i̱je̱ ngatu anyak zo̱o̱ ki e̱le̱gi̱ti̱ ci ogon ki nyaangu, imma utugi cinne ogon ki ci maawo. Aanyik zin e̱le̱gi̱ti̱ ci ogon ki u̱ggu̱li̱ ci a̱ddi̱ki̱re̱ ko̱ e̱le̱gi̱t neci doiz cinne ki lecer cinne ki alaanzet ci a̱ddi̱ki̱re̱.

O̱no̱zzo̱k 9:11

Anyak nege alaan ci abal nogo een anjilo ci a̱kku̱ lo̱o̱we̱ neci wu̱u̱ni̱ ke̱, een zara ciginnek utuge ci olli I̱bu̱ru̱ ko̱ ne Abaddon, kar utuge ci Gi̱ri̱yo̱ een zara Apollyon.