2 Ko̱ri̱nto̱ 11:11 - Tennet

¹¹ Kogonni niko ko̱, eci kirezzung, iróng ka̱gga̱ma̱nnu̱ng o̱ro̱bi̱ya̱ cik kuwahekkung zoz ci Ta̱mu̱ta̱dde̱no̱. A̱gga̱ Ta̱mu̱ta̱dde̱n kirezzung anna i̱ge̱ta̱ oroot.

2 Ko̱ri̱nto̱ 11:11 ပူးပေါင်းရင်းမြစ်များ

Kaviyak wak Abunna Ta̱mu̱ta̱dde̱no̱ eher Joni 21:17

I̱jji̱n zin bo̱do̱k Ye̱su̱ Si̱mo̱ne̱ lak i̱i̱yo̱ dee, izek ne, “Si̱mo̱ne̱ ngerrti Joni, ireza i̱ye̱ i̱nna̱ annita?” Omoze Peturu oroot eci i̱jji̱n Ye̱su̱ nonno lak i̱i̱yo̱ ming irez enne nonno. Izek zin enne Ye̱su̱ ne, “Manyi, a̱gga̱ i̱nna̱ kaal do̱o̱k. A̱gga̱ i̱nna̱ ming kirezin.” Izek zin Ye̱su̱ nonno ne, “Tam zin nyoo cigannik ko̱ ju̱rru̱m.

Buk wa To̱ni̱a̱u̱ 15:8

Imma Ta̱mu̱ta̱dde̱n wa a̱gga̱ zi̱nze̱tti̱ cik ollu do̱o̱k, i̱ye̱le̱kke̱t agit ngati bali anyike enne ol wak iróng e̱e̱ggi̱n Ya̱u̱d Vongiz ci A̱li̱le̱, ki baling aanyet enne agit ke̱.

Roma 1:9

A̱gga̱ Ta̱mu̱ta̱dde̱n ming kalawekku̱ng anna i̱ge̱t Ta̱mu̱ta̱dde̱n zinine cinanni do̱o̱k odohize, kuwahek ol kaviyak cik abunna obod ki Ngerinne.

2 Ko̱ri̱nto̱ 11:10

Ka̱du̱wa̱kku̱ng kaal ne̱ko̱ ko̱, eci kozozi zoz ci Ki̱ri̱sto̱ een de̱de̱ ngatinanni. I̱llo̱i̱ e̱e̱t imma ci wo̱ye̱ abilizan lo̱o̱ce̱ ci Achaia ko̱ ngati kodonge ele zo̱ze̱ necu.

2 Ko̱ri̱nto̱ 11:31

Ka̱du̱wa̱ zoz ci een de̱de̱, i̱tto̱ni̱k Ta̱mu̱ta̱dde̱n Be̱e̱ti̱ Manyi Ye̱su̱, abunna kinnat Ta̱mu̱ta̱dde̱n udut, a̱gga̱ enne iróng anna kovolongi.

2 Ko̱ri̱nto̱ 12:15

Korongi zin ka̱a̱nyu̱ng i̱ge̱t kaal ne̱k kanyai anna ke̱ do̱o̱k rok ele cinanni bu̱k. Ming kirezzung anna i̱ge̱t oroot ke̱, iróng wo̱ye̱ niga irezang annit bu̱k?

2 Ko̱ri̱nto̱ 2:17

Iróng naga kogonna ki ol uggak cik uwahek ol zoz ci Ta̱mu̱ta̱dde̱no̱ go̱o̱le̱ ci oronge ba̱a̱li̱ne̱t. Abarik zin naga do̱o̱k iróng kogon niko, kuwahekka ol zoz ci Ye̱su̱ Ki̱ri̱sto̱ wa een de̱de̱, kogon ki ol wak i̱tto̱na̱i̱ Ta̱mu̱ta̱dde̱na̱.

2 Ko̱ri̱nto̱ 7:3

Iróng ka̱du̱wa̱ zoz necu kar kapahekung zoz ci gerze. Abarik ki baling ku̱du̱wa̱ arrak oowa ke̱, ki̱no̱nnu̱ng odohize ngati ka̱da̱kne̱ icima karugne nga̱to̱de̱.

I̱bu̱ru̱ 4:13

I̱llo̱i̱ gi̱i̱ imma ci aave lo̱o̱ta̱ ngatu ci iróng Ta̱mu̱ta̱dde̱n acinni. Acin enne kaal do̱o̱k, abunna ka̱du̱wa̱k nonno zoz ci een de̱de̱.

O̱no̱zzo̱k 2:23

Ka̱ru̱i̱ atin dooli ciginnek ka̱da̱i̱to̱. Kar ol wak ke̱le̱ci̱a̱nya̱i̱ do̱o̱k ka̱gga̱c ke̱e̱ni̱ anna e̱e̱t ci kerenyi zi̱nze̱tti̱ ki i̱no̱ni̱ cik ollu, ka̱ru̱we̱k atin anna ol kaal do̱o̱k kaale cik ogon e̱e̱ti̱.