2 Ko̱ri̱nto̱ 11:1 - Tennet

¹ Korongnyung izikttang annit ju̱rru̱m, ma wo̱ye̱ nu̱nu̱n kozozi kiwagon e̱e̱ti̱ ci tarbali, izikttang annit niko.

2 Ko̱ri̱nto̱ 11:1 ပူးပေါင်းရင်းမြစ်များ

Ma̱te̱yo̱ 17:17

O̱bo̱de̱k zin Ye̱su̱ nogo, a̱nne̱k ne, “Niga ol cik aditennung iina ko̱, iróng anyakku tu̱we̱ne̱t! Kabak atin anna ki i̱ge̱t rok atinga kar zin elemtta zoz ci Ta̱mu̱ta̱dde̱no̱? Anyaktang do̱le̱c ngatu.”

Buk wa To̱ni̱a̱u̱ 18:14

Baling orong Pa̱u̱lo̱ kozoz, izek zin Gallio Ya̱u̱d ne̱ke̱ ne, “Ming anyahannu niga zoz ci gerze ogon e̱e̱ti̱ cu, kaziknung wo̱ye̱.

Buk wa To̱ni̱a̱u̱ 26:29

Iizek Pa̱u̱lo̱ nonno ne, “Ma̱i̱je̱ nu̱nu̱n ming een i̱i̱te̱n co̱de̱ icima i̱i̱nya̱ cik meelek, kalaweki i̱nne̱t ki ol cik azikna ko̱ do̱o̱k Ta̱mu̱ta̱dde̱n kar kizeto Kiristian ki i̱yo̱ko̱ anna ko̱, iróng korongi ming e̱ce̱bje̱ nege lagama.”

1 Ko̱ri̱nto̱ 1:21

Eci genyizi ci Ta̱mu̱ta̱dde̱no̱ aave lo̱o̱ta̱ ngatu, iróng zin olli lo̱o̱tu̱ a̱gga̱ nonno genyize cinne̱ng. Atalne zin Ta̱mu̱ta̱dde̱n eci ol cik lo̱o̱tu̱ wak a̱tu̱we̱ u̱mu̱dda̱ ti̱ri̱ze̱ne̱t go̱o̱le̱ ci tarbali uwahek ol nogo kaviyak cik abunna. Abarik zin Ta̱mu̱ta̱dde̱n atahala ol wak a̱tu̱ kaviyak wak uwahek ol nogo ko̱ tarbalun.

1 Ko̱ri̱nto̱ 3:18

Ma a̱lu̱tu̱ e̱le̱tti̱ cuggo̱k. Ming i̱no̱n e̱e̱ti̱ imma ngatinno̱ng azi ne kegenyi kaale cik baiz cu, abunna zin abarik ming aanyik ele kize tarbal, kar enne kumuda genyiz.

1 Ko̱ri̱nto̱ 4:10

Kogon naga ki i̱yo̱ko̱ ol wak tarbalik ko̱ zo̱ze̱ ci obod ki Ki̱ri̱sto̱! Ma̱i̱je̱ niga egenyyu zo̱ze̱ ci Ki̱ri̱sto̱. Kamujna naga, ma̱i̱je̱ niga okkomnu kak. O̱ngo̱o̱li̱nnu̱ng ol, imma ol ibbezeta!

1 Ko̱ri̱nto̱ 4:8

I̱no̱nnu̱ niga anyakku kaal cik orongnyu niga do̱o̱k! Izetu niga i̱i̱tto̱k! Izetu niga alaat ngati ka̱zze̱na̱ naga to! Korongnya wo̱ye̱ ming izetu niga alaat, kar kabalit alaanzet necu ki i̱ge̱ta̱ nga̱to̱de̱!

2 Ko̱ri̱nto̱ 11:19

Ming i̱no̱nnu̱ niga egenyyu oroot niko, abarik atali ngati abakku ki de̱me̱zzo̱k wak tarbalik.

2 Ko̱ri̱nto̱ 11:21

Eci adaka annit a̱li̱ya̱ni̱ kar kizetta ne iróng naga kokkomna zo̱ze̱ neci. Ming odong nege e̱le̱tti̱, anna bu̱k, ma̱i̱je̱ ngatu, een gi̱i̱ ci tarbali kar ku̱tu̱gu̱.

2 Ko̱ri̱nto̱ 11:4

Kuwaktteung naga i̱ge̱t zoz ci Ye̱su̱, kar niga a̱gga̱mtta̱u̱ zoz cinna̱ng ki Vongiz ci A̱li̱le̱. Ma̱i̱je̱ vu̱rrta̱, i̱vi̱ta̱ ol uggak kuwaktteung i̱ge̱t zoz ci Ki̱ri̱sto̱ aave do̱, elemttau zin niga kaviyak ne̱ke̱ ki vongiz ci aave do̱.

2 Ko̱ri̱nto̱ 12:11

Ke̱e̱ni̱ anna tarbal ming kozozi zoz ci ele cinanni niko, abarik i̱ge̱t e̱le̱tti̱ cik aanyang kozoz niko. Ozozu weete niga e̱le̱tti̱ne̱ zoz cinanni. Kiize i̱yo̱ko̱ anna gi̱i̱tareng, iróng zin anna ke̱e̱ni̱ gerza, kize vu̱rru̱t ci to̱ni̱a̱k wak volongak, ming iróng anna ke̱e̱ni̱ e̱e̱t imma nu̱nu̱n.

2 Ko̱ri̱nto̱ 5:13

Ming adakket ngamoni, adakket zo̱ze̱ ci Ta̱mu̱ta̱dde̱no̱; ming kaavtte naga labak, kaavtiya zin zo̱ze̱ cunno̱ng.

I̱bu̱ru̱ 5:2

Owowo enne ki ol wak iróng a̱gga̱ gool ci baizo ju̱rru̱m eci enne bu̱k een e̱e̱t ci diiri.