2 Ko̱ri̱nto̱ 10:7 - Tennet

⁷ Acinnu niga kaal ta̱dde̱n, aniyyu ne ke̱e̱ni̱ anna e̱e̱t ci diiri niko. Ming i̱no̱nnu̱, i̱ge̱t do̱ cik e̱e̱ggi̱nnu̱ olli Ki̱ri̱sto̱? Abunna ming a̱gga̱yyu̱ ke̱e̱ggi̱nna̱ naga bu̱k olli Ki̱ri̱sto̱ ki i̱yo̱ko̱ niga ko̱.

2 Ko̱ri̱nto̱ 10:7 ပူးပေါင်းရင်းမြစ်များ

Ma̱te̱yo̱ 23:5

“Imma kaala ne̱k ogon nege ko̱, ogone abunna ming acin ol. Aburccek gon nege ru̱u̱ma̱ni̱ cik u̱u̱ntti̱k lawinto, ecebek e̱le̱tti̱ kaal cikidik ogon ki a̱mi̱le̱ eheronik zo̱zo̱wa̱ cik Ta̱mu̱ta̱dde̱no̱, kar ol kicinnet;

Lu̱ka̱ 16:15

Kar zin enne kizek nogo ne, “Orongnyu niga i̱ye̱lta̱ e̱le̱tti̱ cuggo̱k izet ol cik abunnanu eberene cik ollu, ma̱i̱je̱ Ta̱mu̱ta̱dde̱n a̱gga̱ zi̱nze̱tti̱ ciggo̱k. Imma kaala cik irez ol cik lo̱o̱tu̱ oroot, e̱e̱ggi̱n kaal cik gerzek ngu̱me̱ ci Ta̱mu̱ta̱dde̱no̱.”

Kaviyak wak Abunna Ta̱mu̱ta̱dde̱no̱ eher Joni 7:24

Ma zin ettedekku e̱e̱t lo̱ki̱ko̱ kaale cik acinnu eberene, etteddek e̱e̱t lo̱ki̱ko̱ ju̱rru̱m.”

1 Ko̱ri̱nto̱ 1:12

Kazi ne, azi keng ci zozo ne: Azi e̱e̱ti̱ co̱de̱ ngatinno̱ng ne, “Kanu anna Pa̱u̱lo̱”; okko imma azi ne, “Kanu anna Apollos”; okko imma azi ne, “Kanu anna Cephas”; okko imma azi ne, “Kanu anna Ki̱ri̱sto̱.”

1 Ko̱ri̱nto̱ 14:37

Ming i̱no̱n e̱e̱ti̱ imma azi ne ke̱e̱ni̱ a̱ri̱to̱i̱t, icima kanyai arizet ci vongizo, abunna enne ming a̱gga̱ zoz ci keherakkung anna i̱ge̱t ko̱ een zoz ci Manyi Ye̱su̱ Ki̱ri̱sto̱.

1 Ko̱ri̱nto̱ 15:23

Ogone atin kaala ne̱ko̱ i̱i̱nya̱we̱ cik aavtte do̱ do̱ olle do̱o̱k. Ki̱ri̱sto̱ bali ci ingazi daiza oowa, ovvo zin ol ciginnek a̱tu̱ nonno ko̱ ingazi daiza ming okko enne obodak lo̱o̱c.

1 Ko̱ri̱nto̱ 3:23

kar niga e̱e̱ggi̱nnu̱ olli Ki̱ri̱sto̱, okko Ki̱ri̱sto̱ een ci Ta̱mu̱ta̱dde̱no̱.

1 Ko̱ri̱nto̱ 9:1

Abunna zin niga ming a̱gga̱yyu̱ kowo anna labak i̱llo̱i̱ gi̱i̱ ci adiryan kaale cik lo̱o̱tu̱. Ke̱e̱ni̱ anna to̱ni̱a̱t ci Manyi Ye̱su̱ Ki̱ri̱sto̱. Kicina anna Ye̱su̱ Manyitinna. E̱e̱ggi̱nnu̱ niga ol balik kuwahekkung kaviyak cik Manyi ke̱ bak elemannu zoz cinne.

2 Ko̱ri̱nto̱ 10:1

I̱yo̱ko̱, kilalekkung anna Pa̱u̱lo̱ eliya i̱ge̱t go̱o̱le̱ ci kozoze muluwe ci alali abunna kiwagon Ki̱ri̱sto̱. Ming kaave anna ki i̱ge̱ta̱, kozozi “dalanzeta” ma̱i̱je̱ ming kaave reena ngatinno̱ng kozozi iróng “ko̱ngo̱o̱le̱” zoz!

2 Ko̱ri̱nto̱ 11:18

Ming anyak ol u̱gge̱ cik orong kodongit e̱le̱tti̱ kaale cik u̱tu̱gu̱zzo̱ nege, kodongi atin anna bu̱k ele.

2 Ko̱ri̱nto̱ 11:23

E̱e̱ggi̱n nege de̱de̱ to̱ni̱a̱k cik Ki̱ri̱sto̱? Ke̱e̱ni̱ anna e̱e̱t ci adaka ngamoni ming kozozi niko ko̱, abarik ka̱li̱ngli̱ngo̱ni̱k nonno kommog nogo do̱o̱k. Ki̱li̱ngli̱nga̱ oroot, a̱ju̱ke̱ka̱ ol lagam lak cik meelek giir zo̱ze̱ ci Ki̱ri̱sto̱. Ki̱bi̱ce̱ a̱lle̱ne̱ kize daizoit.

2 Ko̱ri̱nto̱ 11:4

Kuwaktteung naga i̱ge̱t zoz ci Ye̱su̱, kar niga a̱gga̱mtta̱u̱ zoz cinna̱ng ki Vongiz ci A̱li̱le̱. Ma̱i̱je̱ vu̱rrta̱, i̱vi̱ta̱ ol uggak kuwaktteung i̱ge̱t zoz ci Ki̱ri̱sto̱ aave do̱, elemttau zin niga kaviyak ne̱ke̱ ki vongiz ci aave do̱.

2 Ko̱ri̱nto̱ 12:11

Ke̱e̱ni̱ anna tarbal ming kozozi zoz ci ele cinanni niko, abarik i̱ge̱t e̱le̱tti̱ cik aanyang kozoz niko. Ozozu weete niga e̱le̱tti̱ne̱ zoz cinanni. Kiize i̱yo̱ko̱ anna gi̱i̱tareng, iróng zin anna ke̱e̱ni̱ gerza, kize vu̱rru̱t ci to̱ni̱a̱k wak volongak, ming iróng anna ke̱e̱ni̱ e̱e̱t imma nu̱nu̱n.

2 Ko̱ri̱nto̱ 13:3

Kozozi anna zoz ci i̱ye̱le̱ka̱ Ki̱ri̱sto̱. Ming okko enne adiman zoz cunne, iróng enne alali, een ti̱i̱r.

2 Ko̱ri̱nto̱ 5:12

Iróng naga korongnyya kar kodongta e̱le̱tti̱ zo̱ze̱ cinna̱ng ngatinno̱ng bo̱do̱k, abarik ka̱a̱nyu̱ng gool ci kar niga odongit e̱le̱tti̱ zo̱ze̱ cinna, kar zin atin abarizek ol cik odong e̱le̱tti̱ gi̱i̱ye̱ ci acin nege eberene kommog gi̱i̱ ci aave zinina.

Ga̱la̱ti̱a̱ 3:29

Ming izetu ol cik Ki̱ri̱sto̱ niko ko̱, izetu zin niga bu̱k doolik Aburahami, een zin zoz bali u̱du̱wa̱k Ta̱mu̱ta̱dde̱n Aburaham ke̱ cunno̱ng bu̱k.

1 Jon 4:6

Imma naga ke̱e̱ggi̱n ol cik Ta̱mu̱ta̱dde̱no̱. Ming a̱gga̱ e̱e̱ti̱ imma Ta̱mu̱ta̱dde̱n, aziye zoz cinna̱ng, imma e̱e̱ti̱ ci iróng a̱gga̱ Ta̱mu̱ta̱dde̱n, iróng aziye zoz cinna̱ng. Een necu gool ci ka̱gga̱we̱ Vongiz ci een de̱de̱ ki vongiz ci volongo.