2 Ko̱ri̱nto̱ 10:5 - Tennet

⁵ bak aditai zoz ci odonge nege e̱le̱tti̱ gon go̱o̱le̱ ci alame ol abunna iróng a̱gga̱ Ta̱mu̱ta̱dde̱n. Kommogta ol wak adangnyyet zo̱ze̱ ci Ta̱mu̱ta̱dde̱no̱ ko̱, kar zin ko̱to̱ngo̱o̱ltte̱ Ki̱ri̱sto̱.

2 Ko̱ri̱nto̱ 10:5 ပူးပေါင်းရင်းမြစ်များ

Kananet 8:21

Ocowa Manyi gi̱i̱ ci ongooli laala kar zin kizek zinin ne, “Iróng bo̱do̱k ngen kotori lo̱o̱c zo̱ze̱ ci obod ki e̱e̱t ci diiri udut, ming nu̱nu̱n i̱no̱n enne zinina kaal cik gerzek nginti meer bali kenycane nonno ngati enne ngen idica ke̱. Iróng bo̱do̱k kadita kaal cik aruge do̱o̱k ki baling ku̱tu̱gu̱ ke̱.”

Lu̱ge̱z 5:2

Ize alaani ne, “Ngene ci een Manyi, kar anna ko̱to̱ngo̱o̱le̱ ko̱, kar kanyik olli Israilo koot ko̱? Iróng anna ka̱gga̱ Manyi iróng zin kanyike olli Israilo koot.”

Ma̱te̱yo̱ 15:19

Eci i̱no̱ni̱ ci gerze a̱kku̱ zinina, ki i̱yo̱ko̱, munyenet e̱e̱t ci diiri, orooto e̱e̱ti̱ ki ngaai cik ollu, ki a̱li̱ya̱kze̱t, ogor, volong, ki zoz ci ozoze zar cik e̱e̱ta̱k volonga.

Lu̱ka̱ 1:51

U̱tu̱gu̱ enne kaal cik a̱ddi̱ki̱re̱ azzine ciginnek; azan ol wak anyak zoz ci odonge e̱le̱tti̱ zi̱nze̱tti̱nne̱ cigge̱k.

Roma 1:21

A̱gga̱ ol ne̱ke̱ ming aave Ta̱mu̱ta̱dde̱n to, iróng zin nege a̱di̱ngdi̱nga̱n nonno, icima anyike zany. Abarik anyait i̱no̱ni̱ ci gerze, iditet zi̱nze̱tti̱ cigge̱k ne pit.

Roma 1:5

Imma zin ngati Ye̱su̱ Manyi bunnat, aanya enne annit deten ci keene to̱ni̱a̱t ci kar kuwahek ol kaviyak waginnek abunna, kar ol wak iróng een Ya̱u̱d do̱o̱k ku̱tu̱we̱t nonno, kar ku̱zu̱tte̱ zoz neci.

Roma 16:26

Ma̱i̱je̱ i̱yo̱ko̱ zin, i̱ye̱la̱i̱ zoz bali eher a̱ri̱tto̱wa̱ balik reentik ke̱ zo̱ze̱ bali u̱du̱wa̱ Ta̱mu̱ta̱dde̱n udut ke̱. Kar ol do̱o̱k lo̱o̱ta̱ ngatu ku̱tu̱we̱t zo̱zzo̱k ne̱ke̱ kar ko̱to̱ngo̱o̱ltte̱ nonno.

Roma 7:23

Kacinni zinine cinanni, anyak kaal u̱gge̱ cik ooro zinine cinanni, kecebe lagame ci lo̱ti̱nno̱k cik mu̱nye̱nu̱, alamte kaala wak ki̱no̱ni̱ korongi ku̱tu̱gu̱.

1 Ko̱ri̱nto̱ 1:19

Azi Ta̱mu̱ta̱dde̱n warage cinne ne, “Kegerezani atin anna arizet ci e̱e̱t ci diiri; kegerezani atin anna genyiz ci ol wak azi ne kegenya ko̱.”

1 Ko̱ri̱nto̱ 3:19

Eci genyizi ci lo̱o̱tu̱ een tarbalzet ngu̱me̱ ci Ta̱mu̱ta̱dde̱no̱. Ki i̱yo̱ko̱ ming e̱he̱rye̱ Warage ci Ta̱mu̱ta̱dde̱no̱, “A̱gga̱m Ta̱mu̱ta̱dde̱n ol wak aanyik e̱le̱tti̱ genyiz ko̱ ming orong nege egenye nonno;”

2 Ko̱ri̱nto̱ 11:20

De̱de̱ anyikku niga ol wak a̱vvu̱ orong ku̱tu̱gu̱ze̱u̱ng kaal cik a̱a̱nyu̱ng izet du̱cca̱k, ogorozzung, aminyyung, kar kapanttung ngu̱mti̱ cuggo̱k.

2 Ko̱ri̱nto̱ 9:13

Imma go̱o̱le̱ ci eelannu ollik Ta̱mu̱ta̱dde̱no̱ ko̱, ovvo atin nege innat Ta̱mu̱ta̱dde̱n. A̱tu̱yyu̱ niga zoz ci Ki̱ri̱sto̱, o̱ngo̱o̱li̱nnu̱ Manyi kar ozolit o̱ro̱bi̱ya̱ ki ol cik Ta̱mu̱ta̱dde̱no̱.

Vilipia 4:7

Kar gano ci Ta̱mu̱ta̱dde̱no̱ wa ommog genyiz ci e̱e̱t ci diiri do̱o̱k, kuzute zi̱nze̱tti̱ ki i̱no̱ni̱ cuggo̱k ngati Ye̱su̱ Ki̱ri̱sto̱.

2 Te̱se̱lo̱ni̱ka̱ 2:4

Odong atin enne ele cinne kar kadang kaal cik Ta̱mu̱ta̱dde̱no̱ do̱o̱k, icima kaal cik a̱di̱ngdi̱nga̱n nonno, kar enne kaarik ele cinne Ce̱e̱z wa Ta̱mu̱ta̱dde̱no̱, azi ne ke̱e̱ni̱ Ta̱mu̱ta̱dde̱n.

2 Te̱se̱lo̱ni̱ka̱ 2:8

Kar atin e̱e̱ti̱ ci mu̱nye̱nu̱ ko̱ ki̱ye̱la̱i̱, okko atin Manyi Ye̱su̱ ottok nonno ngoote ci utug cinne kar kegerzan we̱t ci a̱kku̱nne̱ enne.

I̱bu̱ru̱ 4:12

Eci zoz ci Ta̱mu̱ta̱dde̱no̱ een ci abak udut kar bo̱do̱k ki̱li̱ngli̱ng udut. Leheda kommog illa wa lehedi abanyo do̱o̱k, i̱i̱zo̱ kenger zinin ki vongiz ci e̱e̱to̱ ecito. Etted zoz ci Ta̱mu̱ta̱dde̱no̱ zoz ki vongiz ci aave zinina ki zoz ci i̱no̱n e̱e̱ti̱.

I̱bu̱ru̱ 5:9

Ma baling elema Ye̱su̱ ku̱tu̱gu̱ zoz neci de̱de̱, aanyik zin enne ol wak elemi nonno ti̱ri̱ze̱ne̱t ci aave udut.

1 Peturu 1:2

E̱e̱ggi̱n ne̱ko̱ ol balik atahaltai ngati odola Ta̱mu̱ta̱dde̱n Be̱e̱ti̱nna̱, ahalai li̱ngli̱ngo̱ne̱ ci Vongiz ci A̱li̱le̱, ngati o̱ngo̱o̱li̱nne̱ nege Ye̱su̱ Ki̱ri̱sto̱ ki bi̱ye̱ balik azaconik ol ke̱. Anyik deten ki gano ka̱vvu̱ ngatinno̱ng oroot.

1 Peturu 1:22

I̱yo̱ko̱ i̱ti̱vi̱ltu̱ niga zi̱nze̱tti̱ cuggo̱k kizeto caale ngati elemnyyu zoz ci een de̱de̱, kar anyait rezinet ci een de̱de̱ ki gotonogget wak a̱tu̱we̱, irezit e̱le̱tti̱ cuggo̱k oroot, rezinet ci a̱kku̱ zinina.