2 Ko̱ri̱nto̱ 10:13 - Tennet

¹³ Iróng atin kodognyya e̱le̱tti̱ gi̱i̱ye̱ ci amire ki agit cik kogonna. Kodongnyya atin e̱le̱tti̱ li̱ngli̱ngo̱nte̱ ci i̱tto̱nne̱t Ta̱mu̱ta̱dde̱n kar ku̱tu̱gu̱zza̱ ko̱, een li̱ngli̱ngo̱ni̱ necu bu̱k ci ka̱li̱ngli̱ng naga orgene cunno̱ng.

2 Ko̱ri̱nto̱ 10:13 ပူးပေါင်းရင်းမြစ်များ

Ma̱te̱yo̱ 25:15

Aanyik du̱ca̱i̱t co̱de̱ lodet tu̱r cik dhahabo, okko bo̱do̱k co̱de̱ anyike lodet rama cik dhahabo, kar bo̱do̱k ci vu̱rrto̱ kanyik lo̱do̱ co̱de̱ ci dhahabo. Anyik enne e̱e̱t go̱o̱le̱ ci uule e̱e̱ti̱. Kar zin enne kuk eroni cinne.

Roma 10:18

Abarik ka̱jji̱ne̱: Ngen olli Israilo kiziyet kaviyak? Iziyyet zin ba̱li̱ye̱: “Uzuca mului cinne̱ng lo̱o̱cco̱k do̱o̱k, ki zo̱zzo̱k cigge̱k bu̱k.”

Roma 12:3

Ka̱gga̱wa̱ bunnat ci Ta̱mu̱ta̱dde̱no̱ aanya kize to̱ni̱a̱t cinne. Ka̱nne̱k zin ol do̱o̱k ne: Ma odongnyu e̱le̱tti̱ aniyyu ne, ke̱e̱ggi̱nna̱ ol cik riilik oroot. Abarik abunna gon e̱e̱ti̱ angamnik ele cinne go̱o̱le̱ ci abunna. Abunna gon ming iyab e̱e̱ti̱ ci riili ele cinne tu̱we̱nte̱ ci aanyik Ta̱mu̱ta̱dde̱n nonno.

Roma 12:6

Aanyyet zin Ta̱mu̱ta̱dde̱n arizet ci aave do̱ do̱, aanyyet Ta̱mu̱ta̱dde̱n de̱ti̱ne̱t cinne. Ming anyak e̱e̱ti̱ arizet ci a̱du̱wa̱ne̱ kaviyak cik Ta̱mu̱ta̱dde̱no̱, anyik nonno ki̱li̱ngli̱nge̱ tu̱we̱nte̱ cinne.

Roma 15:20

Korongi gon la̱du̱n kuwahek ol kaviyak cik abunna ngati ngen kaviyaha cik Ki̱ri̱sto̱ kuzuca. Iróng anna korongi keteehenyek ce̱e̱z ngati adawek e̱e̱ti̱ lolanya ciginnek.

1 Ko̱ri̱nto̱ 12:11

E̱e̱ggi̱n ne̱ko̱ do̱o̱k li̱ngli̱ngo̱n ci e̱e̱t co̱de̱ ki Vongiz neci ele, aanyik enne nogo do̱o̱k e̱co̱de̱ e̱co̱de̱ ki ci orong enne.

Evesos 4:7

Ma̱i̱je̱ Ki̱ri̱sto̱ engerek ol deten ci a̱li̱ngli̱nge̱ ngengene baize cinne.

1 Peturu 4:10

A̱ma̱yu̱ng i̱ge̱t deteni ci Ta̱mu̱ta̱dde̱no̱ a̱a̱nyu̱ng arizet ci abunna, kar niga abunna ming eelannu ol u̱gge̱. I̱li̱ngli̱ngte̱ zin ma̱yu̱we̱ne̱t necu ju̱rru̱m.