2 Ko̱ri̱nto̱ 1:24 - Tennet

²⁴ Iróng naga ke̱e̱ggi̱nna̱ ol cik kodongnyya e̱le̱tti̱ kar ki̱ye̱ltte̱u̱ng zoz ci a̱tu̱yyu̱ Ta̱mu̱ta̱dde̱n. Ka̱li̱ngli̱ng naga do̱o̱k nga̱to̱de̱ abunna ming atalninnu, eci anyakku tu̱we̱ne̱t ci okkomi.

2 Ko̱ri̱nto̱ 1:24 ပူးပေါင်းရင်းမြစ်များ

Ma̱te̱yo̱ 24:49

kar gon enne kimice du̱cca̱k gonoggi, adak kaal cik e̱e̱t neci bak ibbakce ki ol cik een bba̱kco̱k.

Roma 1:12

kar anna ki i̱ge̱t do̱o̱k kizocet tu̱we̱ne̱t cinna kokkomit ne kak.

Roma 11:20

Anyozik ba̱li̱ye̱ zoz necu de̱de̱ nogo. Abarik u̱du̱lto̱zi̱k nege tu̱ eci iróng nege a̱tu̱we̱, imma niga abilnnu niga tu̱we̱nta̱. Ma e̱e̱ggi̱nnu̱ moote, abarik o̱to̱ngo̱o̱ltte̱.

Roma 5:2

I̱ye̱le̱i̱t zin Ye̱su̱ Ki̱ri̱sto̱ agit wak ka̱tu̱ nonno ko̱ gool ci kar Ta̱mu̱ta̱dde̱n kelemaita eci enne anyak deten, ka̱tu̱ bo̱do̱k naga nonno. Katalninna karikka zi̱nze̱tti̱ i̱i̱te̱n ci okko Manyi odongnyet okkoyyet ta̱dde̱na̱, kar ka̱vvu̱t ki nonno udut ngati a̱di̱ngdi̱nga̱ne̱ ol nonno.

1 Ko̱ri̱nto̱ 15:1

I̱yo̱ko̱ gotonogga ki ngonogga tu̱we̱nta̱, korongi ka̱a̱da̱u̱ng zo̱ze̱ ci kaviyak cik abunna balik kuwahekkung anna ke̱, kaviyak balik elemttau niga ke̱ kar u̱tu̱we̱t rok i̱yo̱ko̱ ko̱.

1 Ko̱ri̱nto̱ 3:5

Ma i̱yo̱ko̱ ming ki̱no̱n ju̱rru̱m, een Apollos ngene? Ma Pa̱u̱lo̱ een ngene? Ke̱e̱ggi̱n naga do̱o̱k du̱cca̱k, i̱tto̱na̱ne̱t Manyi kar ki̱vi̱ta̱ kaanycung i̱ge̱t elemtta zoz ci Ki̱ri̱sto̱. Imma gon e̱e̱ti̱ imma ngatinna̱ng a̱li̱ngli̱ng li̱ngli̱ngo̱n ci aanyik Manyi nonno ki̱li̱ngli̱ng.

2 Ko̱ri̱nto̱ 11:20

De̱de̱ anyikku niga ol wak a̱vvu̱ orong ku̱tu̱gu̱ze̱u̱ng kaal cik a̱a̱nyu̱ng izet du̱cca̱k, ogorozzung, aminyyung, kar kapanttung ngu̱mti̱ cuggo̱k.

2 Ko̱ri̱nto̱ 4:5

Imma zin go̱o̱le̱ necu, ming kovvo naga kedemeza ol zoz ci obod ki e̱le̱tti̱ cigga̱k. Abarik, kedemezung zoz ci een Ye̱su̱ Ki̱ri̱sto̱, Manyi. Ke̱e̱ggi̱nna̱ du̱cca̱k cuggo̱k zo̱ze̱ cinne.

2 Ko̱ri̱nto̱ 5:7

Kabak ngati ka̱tu̱we̱ Ta̱mu̱ta̱dde̱n, iróng kabak ngati kacine kaal eberene.

1 Peturu 5:3

Ma ogonnu ki alaata wak odong e̱le̱tti̱ olle ngati a̱gga̱me̱ ol. Abarik aanycik ol kicinnta li̱ngli̱ngo̱n cunno̱ng ngati a̱li̱ngli̱ngnyu̱ ju̱rru̱m.