2 Ko̱ri̱nto̱ 1:19 - Tennet

¹⁹ Eci annit ki Ti̱mo̱te̱yo̱ ki Silas cik kuwahekkung zoz ci Ye̱su̱ Ki̱ri̱sto̱ Ngerrti Ta̱mu̱ta̱dde̱no̱ wa een zoz cinne de̱de̱, iróng abaci. Ogon zoz ci een de̱de̱, iróng anyak zi̱nze̱tti̱ ram.

2 Ko̱ri̱nto̱ 1:19 ပူးပေါင်းရင်းမြစ်များ

Lu̱ge̱z 3:14

Izek Ta̱mu̱ta̱dde̱n Muses ne, “Du̱wa̱k nogo ke̱e̱ni̱ anna Ta̱mu̱ta̱dde̱n wa een zara annita. Icu zoz ci a̱du̱wa̱k i̱nna̱ olli Israilo, ‘Annit ci i̱tto̱na̱na̱ annit rok i̱ge̱ta̱.’”

Ma̱te̱yo̱ 17:5

Imma baling ngen enne ozozi, i̱ki̱ya̱k zin nogo di̱i̱z ci voori, kar zin mului kize di̱i̱za̱ ne, “Een necu Ngeranni wa kirezi; katalne anna oroot ngatinne. Iziyyet zoz cinne.”

Ma̱te̱yo̱ 24:35

Adittai atin ta̱mu̱-kengi ki lo̱o̱c, imma zoz cinanni abak atin udut.”

Ma̱te̱yo̱ 27:40

kar kizeto ne, “I̱nna̱ e̱e̱ti̱ ci azi ne, okko egerzanni Ce̱e̱z wa Ta̱mu̱ta̱dde̱no̱ kar teheeny i̱i̱nya̱we̱ cik een i̱i̱yo̱, ti̱ri̱z da̱ ele cunne. Aara ele cunne ta̱la̱ke̱ca̱ ming e̱e̱ni̱ i̱nna̱ Ngerrti Ta̱mu̱ta̱dde̱no̱.”

Ma̱te̱yo̱ 27:54

Baling icin ddi̱ki̱ryo̱i̱ti̱ ci aciiru ki aciir balik ebek Ye̱su̱ ko̱ ki̱rki̱ri̱k ki kaal ne̱k ogone ke̱ do̱o̱k, o̱to̱ngo̱o̱ltte̱ nege lo̱o̱c oroot, kar kizeto ne, “Een ette enne de̱de̱ Ngerrti Ta̱mu̱ta̱dde̱no̱.”

Ma̱te̱yo̱ 3:17

Iyowa zin mului ci a̱kku̱ ta̱mu̱-kenga, ize ne, “Een necu Ngeranni, kirezi nonno oroot; katalne anna zo̱ze̱ cinne.”

Ma̱te̱yo̱ 4:3

I̱ki̱ya̱k zin lo̱rye̱nti̱ nonno izek ne, “Ming e̱e̱ni̱ i̱nna̱ Ngerrti Ta̱mu̱ta̱dde̱no̱, tuhu biyen ne̱ko̱ kizeto da̱i̱ne̱t.”

Marko 1:1

Een necu kananet kaviyak cik abunna obod ki Ye̱su̱ Ki̱ri̱sto̱, Ngerrti Ta̱mu̱ta̱dde̱no̱.

Lu̱ka̱ 1:35

O̱bo̱de̱k zin anjilo ci Ta̱mu̱ta̱dde̱no̱ nonno a̱nne̱k ne, “Abuweki atin Ta̱mu̱ta̱dde̱n Vongiz ci A̱li̱le̱ komize cinne, kar komizi ci Manyi wa Ommog Veelek kubungin kar atin i̱nna̱ nyaho niko. Ming i̱ddi̱ki̱r wa A̱li̱le̱ O̱de̱ Ṯok, a̱gga̱ atin ol nonno ming een Ngerrti Ta̱mu̱ta̱dde̱no̱.

Kaviyak wak Abunna Ta̱mu̱ta̱dde̱no̱ eher Joni 1:34

Kicina nonno, ka̱nne̱kku̱ng ne een enne Ngerrti Ta̱mu̱ta̱dde̱no̱.”

Kaviyak wak Abunna Ta̱mu̱ta̱dde̱no̱ eher Joni 1:49

Odola zin Nathanaeli ize ne, “De̱me̱zo̱i̱t, e̱e̱ni̱ i̱nna̱ Ngerrti Ta̱mu̱ta̱dde̱no̱, e̱e̱ni̱ bo̱do̱k Alaan ci Israilo.”

Kaviyak wak Abunna Ta̱mu̱ta̱dde̱no̱ eher Joni 19:7

Ommogtek olli Ya̱u̱do̱ zoz cinne̱ng, izettek zin Pilato ne, “Kanyaka naga lo̱ti̱nno̱k wagga̱c, azi zin lo̱ti̱nno̱wa̱ ne̱ke̱ ne, anyik nonno ka̱da̱k, ma̱rri̱t ming azi enne ne, ke̱e̱ni̱ Ngerrti Ta̱mu̱ta̱dde̱no̱.”

Kaviyak wak Abunna Ta̱mu̱ta̱dde̱no̱ eher Joni 20:28

O̱bo̱de̱k zin Tomasi nonno zoz ci azi ne, “Manyi ki Ta̱mu̱ta̱dde̱n wananni!”

Kaviyak wak Abunna Ta̱mu̱ta̱dde̱no̱ eher Joni 20:31

Ma̱i̱je̱ zin kaala ne̱ko̱ e̱he̱rye̱ kar niga anyait tu̱we̱ne̱t ngati Ye̱su̱ wa een Ki̱ri̱sto̱ nenen bali atahalai, Ngerrti Ta̱mu̱ta̱dde̱no̱, kar ming a̱tu̱yyu̱ niga nonno, arubannu ruget.

Kaviyak wak Abunna Ta̱mu̱ta̱dde̱no̱ eher Joni 3:16

“Eci Ta̱mu̱ta̱dde̱n irez ol do̱o̱k oroot, kar zin kaanyik Ngerinne wa o̱de̱ ṯok niko keela nogo, ming anyak ol cik a̱tu̱ nonno, amuda atin nege ruget wa aave udut.

Kaviyak wak Abunna Ta̱mu̱ta̱dde̱no̱ eher Joni 6:69

Ka̱tu̱yya̱ zoz cunne, ka̱gga̱yya̱ e̱e̱ni̱ i̱nna̱ e̱e̱t ci A̱li̱le̱ O̱de̱ Ṯok, ci a̱kku̱ ngati Ta̱mu̱ta̱dde̱no̱.”

Kaviyak wak Abunna Ta̱mu̱ta̱dde̱no̱ eher Joni 8:58

A̱nne̱k Ye̱su̱ nogo ne, “Ka̱du̱wa̱kku̱ng zoz ci een de̱de̱, baling ngen Aburahami ki̱ti̱rra̱i̱, ka̱vvu̱ anna to la̱du̱n.”

Buk wa To̱ni̱a̱u̱ 15:22

Odolta zin to̱ni̱a̱ha̱ ki lo̱ddi̱ki̱re̱ ki ol cik ke̱le̱ci̱a̱k do̱o̱k, kar katahalta ol u̱gge̱ cigge̱k kar ki̱tto̱nni̱t koot o̱rge̱ ci een Antiyok ki Pa̱u̱lo̱ ki Barnabas. Ahala nege Judas wa een zara uggak ne Barsabbas ki Silas, e̱e̱ggi̱n nege lo̱ddi̱ki̱re̱ cik ol wak a̱tu̱we̱.

Buk wa To̱ni̱a̱u̱ 16:1

Oot Pa̱u̱lo̱ ki Silas rok orog ci een Derbe kar bo̱do̱k koot rok orog ci een Lystra abahe nuyaiti ci een zara Ti̱mo̱te̱yo̱, een yaatinne Ya̱u̱d kar bo̱do̱k a̱tu̱we̱, okko baatinne een Gi̱ri̱k.

Buk wa To̱ni̱a̱u̱ 18:5

Baling i̱vi̱ta̱ ciko Silasi ki Ti̱mo̱te̱yo̱ lo̱o̱ce̱ ci een Macedonia, uwahek Pa̱u̱lo̱ olli Ya̱u̱do̱ zoz ci Ta̱mu̱ta̱dde̱no̱ odohize, a̱nne̱k ne, een bali Ye̱su̱, Ki̱ri̱sto̱.

Buk wa To̱ni̱a̱u̱ 8:36

Ma baling ngen nege owo ke̱, u̱mu̱dda̱ maam u̱gge̱, kar zin e̱e̱ti̱ ci Ethiopio kize ne, “Cinno, maam iciko, ma wo̱ye̱ ming a̱gga̱me̱ka̱ ba̱ti̱ti̱mo̱?”

Buk wa To̱ni̱a̱u̱ 9:20

Uwak gon bo̱do̱k enne Ce̱e̱zi̱nne̱ wak Lawinto azi ne, een Ye̱su̱ Ngerrti Ta̱mu̱ta̱dde̱no̱.

2 Ko̱ri̱nto̱ 1:1

Annita Pa̱u̱lo̱ ci bali atahala Ta̱mu̱ta̱dde̱n kize to̱ni̱a̱t ci Ye̱su̱ Ki̱ri̱sto̱, kar ki̱li̱ngli̱ng zoz cinne, keheri waraga cu ki Ti̱mo̱te̱yo̱ wa een gotonet tu̱we̱nta̱. Keherika waraga cu ol wak ke̱le̱ci̱a̱k o̱rge̱ ci een Ko̱ri̱nto̱, ki ol wak a̱tu̱ zoz ci Ta̱mu̱ta̱dde̱no̱ lo̱o̱ce̱ ci Achaia.

1 Te̱se̱lo̱ni̱ka̱ 1:1

Keherikung anna Pa̱u̱lo̱, ki Silas, ki Ti̱mo̱te̱yo̱ waraga cu i̱ge̱t ol wak a̱tu̱we̱ ke̱le̱ci̱a̱k o̱rge̱ ci Te̱se̱lo̱ni̱ka̱, i̱ge̱t ol wak e̱e̱ggi̱nnu̱ ol cik Ta̱mu̱ta̱dde̱n wa een Be̱e̱ti̱nna̱ bali eenycanetta ki Manyi Ye̱su̱ Ki̱ri̱sto̱. Anyait deten ki baiz yahe tu̱we̱nte̱ ci zoz ci Ta̱mu̱ta̱dde̱no̱.

2 Te̱se̱lo̱ni̱ka̱ 1:1

Keherikung naga ciko Pa̱u̱lo̱ ki Silas ki Ti̱mo̱te̱yo̱ waraga cu ol wak ke̱le̱ci̱a̱k a̱tu̱ zoz ci Ta̱mu̱ta̱dde̱no̱ ki Manyitinna Ye̱su̱ Ki̱ri̱sto̱ o̱rge̱ ci een Te̱se̱lo̱ni̱ka̱.

1 Ti̱mo̱te̱yo̱ 3:16

I̱llo̱i̱ gi̱i̱ imma ci ommog li̱ngli̱ngo̱n wa obod ki gool wa Ta̱mu̱ta̱dde̱no̱ bali arrak a̱lu̱gnye̱ ke̱. I̱ye̱la̱i̱ Ye̱su̱ wa atahalai lo̱o̱ta̱ kize e̱e̱t ci diiri. Kar Vongizi ci Ta̱mu̱ta̱dde̱no̱ ki̱ye̱la̱ een enne de̱de̱ Ngerrti Ta̱mu̱ta̱dde̱no̱. Kar zin anjilonya wak Ta̱mu̱ta̱dde̱no̱ bu̱k kicinnet nonno. Uwakttek ol zoz wa obod ki nonno lo̱o̱cco̱k do̱o̱k. U̱tu̱we̱t zin ol cik meelek nonno lo̱o̱cco̱k do̱o̱k, kar zin Ta̱mu̱ta̱dde̱n kodong nonno kuuwe ta̱mu̱-kenga.

I̱bu̱ru̱ 1:11

Ovvo atin looci ki ta̱mu̱-keng a̱zze̱ dakdak ku̱tu̱gu̱ ki ru̱u̱m ci erece ku̱mu̱. Imma i̱nna̱ abai udut.

I̱bu̱ru̱ 13:8

Iróng Ye̱su̱ Ki̱ri̱sto̱ uhu zoz cinne! Aave niko baliwaz, wazin necu kar bo̱do̱k ka̱vvu̱ udut.

1 Peturu 5:12

Eelanna Silasi ngati kehere waraga cu, ka̱gga̱ Silas niko ming een gotonet ci anyak deten. Een waraga ci keherakkung ko̱, waraga ci orongi kar ku̱du̱wa̱u̱ng abunna ming a̱gga̱yyu̱ deten ci Ta̱mu̱ta̱dde̱n ming een de̱de̱ kar abunna ming emenannu ngati a̱tu̱yyu̱ nonno.

2 Peturu 1:17

Eci enne amuda ngo̱li̱ne̱t ki di̱ngdi̱ngo̱n ngati Ta̱mu̱ta̱dde̱no̱ Be̱e̱ti̱nna̱ baling i̱tto̱na̱ enne muluk ci azi ne, “Een necu Ngeranni wa kirezi; katalne anna oroot ngatinne.”

1 Jon 1:3

Ka̱du̱wa̱kku̱ng naga i̱ge̱t gi̱i̱ ci kicinnta kar bo̱do̱k kizikta, kar abunna ming karume tu̱we̱nta̱. Kar naga bu̱k kurumte ki Be̱e̱ti̱nna̱ ki Ngerinne Ye̱su̱ Ki̱ri̱sto̱.

1 Jon 5:20

Ka̱gga̱ naga do̱o̱k a̱kku̱ Ngerrti Ta̱mu̱ta̱dde̱no̱ lo̱o̱c kar ki̱ki̱ya̱ kaanyyet gool ci een de̱de̱ ka̱gga̱we̱ Manyi wa een de̱de̱. Karume zin naga ki nonno, ki bo̱do̱k Ngerinne Ye̱su̱ Ki̱ri̱sto̱, Manyi wa een de̱de̱ ki ruget ci aave udut.

2 Jon 1:9

Ma ukce kar bo̱do̱k tungek lo̱o̱c zoz bali edemezi ol i̱nne̱t obod ki Ki̱ri̱sto̱ ke̱, icima atin Ta̱mu̱ta̱dde̱n iróng ngen aave ngatunne. Imma e̱e̱ti̱ ci azunne de̱mzi̱ne̱t bali edemze ol nonno ke̱, aave Baba ki Ngerinne ngatinne.

O̱no̱zzo̱k 1:11

azi ne, “Teher kaal cik acinni i̱nna̱ ko̱ waraga, kar zin i̱tto̱ni̱k ol wak a̱tu̱we̱ ke̱le̱ci̱a̱nya̱i̱ cik Ta̱mu̱ta̱dde̱no̱ e̱e̱ggi̱n turgerem ko̱: Ephesus, ki Smyrna, ki Pergamum, ki Thyatira, ki Sardis, ki Piladilpiya, ki Laodicea.”

O̱no̱zzo̱k 1:17

Baling kicina anna nonno, kuduwa lo̱o̱c zoone ciginnek kiwagon e̱e̱ti̱ ci a̱da̱ha̱. Kar zin enne katadeya annit a̱zzi̱t cinne a̱zzo̱ kar kize ne: “Ma o̱ngo̱o̱le̱ gi̱i̱ imma. Annit ci ke̱e̱ni̱ Oo ki Vu̱rru̱t.

O̱no̱zzo̱k 1:8

Azi Manyi Ta̱mu̱ta̱dde̱n ne, “Ke̱e̱ni̱ anna Kananet ki Ṯurnenet, annit ci kaave i̱yo̱ko̱, annit ci kaave ba̱li̱ye̱, annit ci atin kokko ka̱kku̱ni̱, annit ci ke̱e̱ni̱ Ta̱mu̱ta̱dde̱n ci kanyai Komiz do̱o̱k.”

O̱no̱zzo̱k 2:18

“Teherik i̱nna̱ anjilo ci Ta̱mu̱ta̱dde̱no̱ kar kanyik ol wak a̱tu̱we̱ ke̱le̱ci̱a̱ o̱rge̱ ci a̱ddi̱ki̱re̱ een zara Thyatira waraga cu: E̱e̱ggi̱n ne̱ko̱ zo̱zzo̱k cik Ngerrti Ta̱mu̱ta̱dde̱no̱ wagon ogon ebere ciginnek kiwagon gwa̱a̱ ci alanyit ko̱, ovvo zoona ogon ki zu̱rte̱ne̱n wak gon apucan ol zee kataltalit.