2 Ko̱ri̱nto̱ 1:18 - Tennet

¹⁸ Ki i̱yo̱ko̱ ming ka̱tu̱ Ta̱mu̱ta̱dde̱n eci ogon kaal cik een de̱de̱, iróng zin anna kanyai zi̱nze̱tti̱ ram, ming ku̱du̱wa̱ zoz iróng bo̱do̱k kuhu zoz neci.

2 Ko̱ri̱nto̱ 1:18 ပူးပေါင်းရင်းမြစ်များ

Kaviyak wak Abunna Ta̱mu̱ta̱dde̱no̱ eher Joni 7:28

Baling ngen Ye̱su̱ edemez ol reena Ce̱e̱ze̱ wa Ta̱mu̱ta̱dde̱no̱, egereny zin oroot, ize ne, “A̱gga̱yya̱ng de̱de̱, a̱gga̱yyu̱ nginti ka̱kku̱ne̱? Iróng anna ka̱kku̱ni̱ ngintu do̱ o̱o̱we̱ cinanni, ma̱i̱je̱ e̱e̱ti̱ ci i̱tto̱na̱na̱ a̱du̱wa̱ zoz ci een de̱de̱. Iróng zin niga a̱gga̱yyu̱ nonno.

Kaviyak wak Abunna Ta̱mu̱ta̱dde̱no̱ eher Joni 8:26

Kar bo̱do̱k kize ne, “Kanyai anna zoz ci a̱ppwe̱ zo̱ze̱ cunno̱ng, ki zoz ci kettede lo̱ki̱ko̱ cunno̱ng. Imma e̱e̱ti̱ ci i̱tto̱na̱na̱ ko̱ een de̱de̱. Ma̱i̱je̱ enne e̱e̱ti̱ wa i̱tto̱na̱na̱ annit een de̱de̱, ka̱du̱wa̱k olli lo̱o̱tu̱ zoz ci kiziya anna ngatinne.”

1 Ko̱ri̱nto̱ 1:9

Ogonekku̱ng atin Ta̱mu̱ta̱dde̱n zoz necu de̱de̱, ogon gon enne zoz ci u̱du̱wa̱ enne, nonno ci a̱a̱nyu̱ng gool ci owowonu ki Ngerinne Ye̱su̱ Ki̱ri̱sto̱ wa een Manyitinna.

2 Ko̱ri̱nto̱ 1:23

Korongi Ta̱mu̱ta̱dde̱n kize bbacait cinanni, abunna ming kaave reena ngatinno̱ng, iróng ka̱mi̱re̱ rok Ko̱ri̱nto̱.

2 Ko̱ri̱nto̱ 11:31

Ka̱du̱wa̱ zoz ci een de̱de̱, i̱tto̱ni̱k Ta̱mu̱ta̱dde̱n Be̱e̱ti̱ Manyi Ye̱su̱, abunna kinnat Ta̱mu̱ta̱dde̱n udut, a̱gga̱ enne iróng anna kovolongi.

2 Ko̱ri̱nto̱ 2:17

Iróng naga kogonna ki ol uggak cik uwahek ol zoz ci Ta̱mu̱ta̱dde̱no̱ go̱o̱le̱ ci oronge ba̱a̱li̱ne̱t. Abarik zin naga do̱o̱k iróng kogon niko, kuwahekka ol zoz ci Ye̱su̱ Ki̱ri̱sto̱ wa een de̱de̱, kogon ki ol wak i̱tto̱na̱i̱ Ta̱mu̱ta̱dde̱na̱.

2 Ko̱ri̱nto̱ 6:8

Ma̱i̱je̱ go̱o̱le̱ ci a̱di̱ngdi̱nga̱ne̱tta̱ icima otoryyetta, a̱du̱wa̱ ol uggak kogonna naga zoz ci abunna kar uggak ku̱du̱kta̱ zoz ci gerze; kogon zoz ci abunna, ming nu̱nu̱n azi ol uggak ne ke̱e̱ggi̱nna̱ naga volongnyok.

1 Jon 5:20

Ka̱gga̱ naga do̱o̱k a̱kku̱ Ngerrti Ta̱mu̱ta̱dde̱no̱ lo̱o̱c kar ki̱ki̱ya̱ kaanyyet gool ci een de̱de̱ ka̱gga̱we̱ Manyi wa een de̱de̱. Karume zin naga ki nonno, ki bo̱do̱k Ngerinne Ye̱su̱ Ki̱ri̱sto̱, Manyi wa een de̱de̱ ki ruget ci aave udut.

O̱no̱zzo̱k 3:14

“Teherik i̱nna̱ anjilo ci Ta̱mu̱ta̱dde̱no̱ kar kanyik ol wak a̱tu̱we̱ ke̱le̱ci̱a̱ o̱rge̱ wa a̱ddi̱ki̱re̱ een zara Laodicea waraga cu: E̱e̱ggi̱n ne̱ko̱ zo̱zzo̱k cik E̱e̱t ci een De̱de̱, e̱e̱t ci abunna, ibbac zoz de̱de̱, nonno ci abal kaal cik Ta̱mu̱ta̱dde̱no̱ veelek.

O̱no̱zzo̱k 3:7

“Teherik i̱nna̱ anjilo ci Ta̱mu̱ta̱dde̱no̱ kar anyik ol wak a̱tu̱we̱ ke̱le̱ci̱a̱ o̱rge̱ ci a̱ddi̱ki̱re̱ een zara Piladilpiya waraga cu: E̱e̱ggi̱n ne̱ko̱ zo̱zzo̱k ciginnek ngati E̱e̱t ci a̱li̱le̱, een bo̱do̱k de̱de̱, nonno ci anyak jooron ci ce̱e̱z ci Da̱vi̱de̱ alaanzetu. Ming een gi̱i̱ ci oo enne, i̱llo̱i̱ e̱e̱t imma ci anyugi, kar ming unyuk enne, i̱llo̱i̱ e̱e̱t imma ci oo.