2 Ko̱ri̱nto̱ 1:1 - Tennet

¹ Annita Pa̱u̱lo̱ ci bali atahala Ta̱mu̱ta̱dde̱n kize to̱ni̱a̱t ci Ye̱su̱ Ki̱ri̱sto̱, kar ki̱li̱ngli̱ng zoz cinne, keheri waraga cu ki Ti̱mo̱te̱yo̱ wa een gotonet tu̱we̱nta̱. Keherika waraga cu ol wak ke̱le̱ci̱a̱k o̱rge̱ ci een Ko̱ri̱nto̱, ki ol wak a̱tu̱ zoz ci Ta̱mu̱ta̱dde̱no̱ lo̱o̱ce̱ ci Achaia.

2 Ko̱ri̱nto̱ 1:1 ပူးပေါင်းရင်းမြစ်များ

Buk wa To̱ni̱a̱u̱ 16:1

Oot Pa̱u̱lo̱ ki Silas rok orog ci een Derbe kar bo̱do̱k koot rok orog ci een Lystra abahe nuyaiti ci een zara Ti̱mo̱te̱yo̱, een yaatinne Ya̱u̱d kar bo̱do̱k a̱tu̱we̱, okko baatinne een Gi̱ri̱k.

Roma 15:26

Oowa ol cik a̱tu̱we̱ lo̱o̱co̱we̱ cik Macedonia ki Achaia kaal cik i̱tto̱ni̱k ol wak a̱tu̱we̱ amati Jerusalema.

Roma 16:21

Izayung Ti̱mo̱te̱yo̱ wa ka̱li̱ngli̱ngnya̱ bu̱k ko̱. Izayung bo̱do̱k ol wagannik een Ya̱u̱d, Lucius ki Jason ki Sosipater.

Roma 16:5

Izzac goona ci een Epenetus, bali elema Ki̱ri̱sto̱ lo̱o̱ce̱ ci een Asia ko̱. Izayeang goona Epenetus, wa bali elema Ta̱mu̱ta̱dde̱n oowa lo̱o̱ce̱ ci een Asia.

1 Ko̱ri̱nto̱ 10:32

Abait baiz ci abunna, ci iróng acazu e̱e̱t imma, icima olli Ya̱u̱do̱, icima olli Gi̱ri̱yo̱, icima ol wak a̱tu̱ Ta̱mu̱ta̱dde̱n.

1 Ko̱ri̱nto̱ 16:10

Ming uzucaung i̱ge̱t Ti̱mo̱te̱yo̱, a̱gga̱mtta̱ nonno talninta. A̱li̱ngli̱ng enne li̱ngli̱ngo̱n ci Manyi Ye̱su̱ ki i̱yo̱ko̱ anna ko̱.

1 Ko̱ri̱nto̱ 16:15

Abunna ming a̱gga̱yyu̱ Stephanas ki dooli ciginnek arrak cik elemi zoz ci Ta̱mu̱ta̱dde̱no̱ o̱rge̱ ci een Achaia, kar zin kaarttek zi̱nze̱tti̱ li̱ngli̱ngo̱n ci eelanne nege olli Ta̱mu̱ta̱dde̱no̱. Kilalekkung gotonogga ki ngonogga tu̱we̱nta̱,

1 Ko̱ri̱nto̱ 16:24

Kirezi anna ol do̱o̱k zare cik Ye̱su̱ Ki̱ri̱sto̱. Nonno nenen amen.

1 Ko̱ri̱nto̱ 6:11

I̱yo̱ko̱ orgene cunno̱ng ngatu, anyak ol u̱gge̱ ba̱li̱ye̱ cik ogon kaal ne̱ko̱. Uburuca zin abarik Manyitinna Ye̱su̱ Ki̱ri̱sto̱ ki Vongiz ci Ta̱mu̱ta̱dde̱no̱ mu̱nye̱n cuggo̱k, kar ka̱a̱nyu̱ng izet dooli cik a̱li̱le̱ Ta̱mu̱ta̱dde̱no̱.

2 Ko̱ri̱nto̱ 1:19

Eci annit ki Ti̱mo̱te̱yo̱ ki Silas cik kuwahekkung zoz ci Ye̱su̱ Ki̱ri̱sto̱ Ngerrti Ta̱mu̱ta̱dde̱no̱ wa een zoz cinne de̱de̱, iróng abaci. Ogon zoz ci een de̱de̱, iróng anyak zi̱nze̱tti̱ ram.

2 Ko̱ri̱nto̱ 1:23

Korongi Ta̱mu̱ta̱dde̱n kize bbacait cinanni, abunna ming kaave reena ngatinno̱ng, iróng ka̱mi̱re̱ rok Ko̱ri̱nto̱.

2 Ko̱ri̱nto̱ 11:10

Ka̱du̱wa̱kku̱ng kaal ne̱ko̱ ko̱, eci kozozi zoz ci Ki̱ri̱sto̱ een de̱de̱ ngatinanni. I̱llo̱i̱ e̱e̱t imma ci wo̱ye̱ abilizan lo̱o̱ce̱ ci Achaia ko̱ ngati kodonge ele zo̱ze̱ necu.

2 Ko̱ri̱nto̱ 9:2

Ka̱gga̱ anyakku zi̱nze̱tti̱ cik orongnyu de̱de̱ eelta nogo. Kanattung anna oroot ngati ka̱du̱wa̱ke̱ olli Ta̱mu̱ta̱dde̱no̱ lo̱o̱c ci Macedonia zoz ci azi ne, ovvo gotonoggeta tu̱we̱nta̱ rok lo̱o̱c ci een Achaia, ovvo aanyik muci ol wak amati e̱rki̱t necu. Aanyik zin leminet ci anyikku niga ol muci ko̱ nogo koowec muci cinne̱ng bu̱k.

Ga̱la̱ti̱a̱ 1:1

Keheri anna Pa̱u̱lo̱ waraga cu, atahala Ta̱mu̱ta̱dde̱n kar ki̱li̱ngli̱ng li̱ngli̱ngo̱n cinne, ke̱e̱ni̱ to̱ni̱a̱t ci kuwahek ol zoz ci Ye̱su̱. Iróng ahalana e̱e̱ti̱ ci diiri, icima zu̱we̱ cik ahalanan. I̱tto̱na̱na̱ annit Ye̱su̱ Ki̱ri̱sto̱ ele ki Ta̱mu̱ta̱dde̱n wa een Be̱e̱ti̱nna̱ bali ingane Ye̱su̱ daiza ke̱.

Ga̱la̱ti̱a̱ 3:26

Ke̱e̱ggi̱n naga do̱o̱k doolik Ta̱mu̱ta̱dde̱no̱ ngati ka̱tu̱we̱ Ye̱su̱ Ki̱ri̱sto̱.

Evesos 1:1

Annita Pa̱u̱lo̱ wa ke̱e̱ni̱ to̱ni̱a̱t ci Ye̱su̱ Ki̱ri̱sto̱ zo̱ze̱ ci odola Ta̱mu̱ta̱dde̱n ci keheri warage cu ko̱. Keherik olli Ta̱mu̱ta̱dde̱no̱ ki ol wak a̱tu̱ zoz ci Ye̱su̱ Ki̱ri̱sto̱ ke̱le̱ci̱e̱ ci orog ci een Ephesus.

Vilipia 1:1

Annita Pa̱u̱lo̱ ki Ti̱mo̱te̱yo̱ wak ke̱e̱ggi̱nna̱ du̱cca̱k cik Ye̱su̱ Ki̱ri̱sto̱ ko̱ cik keherya waraga cu. Keherika waraga cu ol wak a̱tu̱ zoz ci Ye̱su̱ Ki̱ri̱sto̱ o̱rge̱ ci een Vilip, keherika bu̱k lo̱ddi̱ki̱re̱ cik ke̱le̱ci̱o̱ veelek.

1 Te̱se̱lo̱ni̱ka̱ 1:1

Keherikung anna Pa̱u̱lo̱, ki Silas, ki Ti̱mo̱te̱yo̱ waraga cu i̱ge̱t ol wak a̱tu̱we̱ ke̱le̱ci̱a̱k o̱rge̱ ci Te̱se̱lo̱ni̱ka̱, i̱ge̱t ol wak e̱e̱ggi̱nnu̱ ol cik Ta̱mu̱ta̱dde̱n wa een Be̱e̱ti̱nna̱ bali eenycanetta ki Manyi Ye̱su̱ Ki̱ri̱sto̱. Anyait deten ki baiz yahe tu̱we̱nte̱ ci zoz ci Ta̱mu̱ta̱dde̱no̱.

1 Te̱se̱lo̱ni̱ka̱ 3:2

Ki̱tto̱ntta̱ gotonet Ti̱mo̱te̱yo̱ wa ka̱li̱ngli̱ngnya̱ bu̱k zo̱ze̱ ci Ta̱mu̱ta̱dde̱no̱ ngati kuwaheka ol kaviyak cik abunna, kar ki̱ki̱ya̱ ki̱ti̱lo̱u̱ng zo̱ze̱ ci Ki̱ri̱sto̱ kar bo̱do̱k keelaung ibilet ju̱rru̱m tu̱we̱nta̱ zo̱ze̱ ci Ta̱mu̱ta̱dde̱no̱.

2 Te̱se̱lo̱ni̱ka̱ 1:1

Keherikung naga ciko Pa̱u̱lo̱ ki Silas ki Ti̱mo̱te̱yo̱ waraga cu ol wak ke̱le̱ci̱a̱k a̱tu̱ zoz ci Ta̱mu̱ta̱dde̱no̱ ki Manyitinna Ye̱su̱ Ki̱ri̱sto̱ o̱rge̱ ci een Te̱se̱lo̱ni̱ka̱.

1 Ti̱mo̱te̱yo̱ 1:1

Ki̱tto̱na̱ki̱ waraga cu anna Pa̱u̱lo̱ to̱ni̱a̱ti̱ ci Ye̱su̱ Ki̱ri̱sto̱, wa bali atahala Ta̱mu̱ta̱dde̱n wa een Ti̱ri̱zo̱i̱t cinna ki Ye̱su̱ Ki̱ri̱sto̱ ci karike naga zi̱nze̱tti̱ ko̱.

2 Ti̱mo̱te̱yo̱ 1:1

Annit Pa̱u̱lo̱ ci keheri waraga cu, ke̱e̱ni̱ to̱ni̱a̱t ci Ye̱su̱ Ki̱ri̱sto̱ wa bali atahalai. Orongnya Ta̱mu̱ta̱dde̱n kar kuwahek ol ruget wa bali u̱du̱wa̱ enne ize ne, kamuda atin ngati karumzene ki Ye̱su̱ ke̱.

Ti̱to̱ 1:1

Annit Pa̱u̱lo̱ wa atahala Ta̱mu̱ta̱dde̱n kize du̱ca̱i̱t cinne kar zin bo̱do̱k kize to̱ni̱a̱t wa Ye̱su̱ Ki̱ri̱sto̱ bali atahalai ke̱. Ki̱tto̱nna̱i̱ kar ki̱ki̱ya̱ kanyahak tu̱we̱ne̱t ol wak engera Ta̱mu̱ta̱dde̱n, kar kedemez nogo ka̱gga̱c zoz wa een de̱de̱, kar ki̱ye̱le̱k nogo gool ci abahe nege ngati o̱ngo̱o̱li̱nne̱ Ta̱mu̱ta̱dde̱n.

Vilomene 1:1

Ki̱tto̱na̱ waraga cu anna Pa̱u̱lo̱ wa kecebje lagama zo̱ze̱ ci Ye̱su̱ Ki̱ri̱sto̱. Keherya waraga cu anna ki Ti̱mo̱te̱yo̱ gotonet tu̱we̱nta̱. Keherika Vilomene gotonet tu̱we̱nta̱ kar bo̱do̱k ka̱li̱ngli̱ngnya̱ bu̱k zo̱ze̱ ci Ta̱mu̱ta̱dde̱no̱.

I̱bu̱ru̱ 13:23

Korongi ku̱du̱wa̱u̱ng i̱yo̱ko̱, oogtta ol Ti̱mo̱te̱yo̱ lagama. Ming arawa enne ngintu, korkoranna atin bu̱k ming kokko anna ki̱vo̱nnu̱ng.