2 Jon 1:5 - Tennet

⁵ I̱yo̱ko̱ zin, ngaa ci kirezi ko̱, ka̱jji̱nni̱ abunna ming kirezo naga e̱le̱tti̱ne̱ do̱o̱k. Iróng neci een ti̱lo̱wi̱ne̱t ci een jor ci keheriki ko̱, abarik een ti̱lo̱wi̱ne̱t ci kanyak naga ba̱li̱ye̱ arrak oowa.

2 Jon 1:5 ပူးပေါင်းရင်းမြစ်များ

Kaviyak wak Abunna Ta̱mu̱ta̱dde̱no̱ eher Joni 15:12

Zoz zin cinanni ki̱lo̱tu̱ng icu: Irezto e̱le̱tti̱ ki baling kirezzung anna i̱ge̱t ke̱.

Kaviyak wak Abunna Ta̱mu̱ta̱dde̱no̱ eher Joni 15:17

Ki̱lo̱ti̱kku̱ng zin i̱yo̱ko̱ zoz ci ka̱nne̱kku̱ng ne, irezto e̱le̱tti̱.

Ga̱la̱ti̱a̱ 5:22

Ma̱i̱je̱ baizi Vongiza, een rezinet, ki talninet, ki baiz yahe, ki niimenet no̱ngi̱tto̱n, ki i̱rrke̱ne̱t, ki bunnat, ki tu̱we̱ne̱t Ta̱mu̱ta̱dde̱n,

Evesos 5:2

Abunna ming abakku baiz rezinta ki i̱yo̱ko̱ ming irezet Ki̱ri̱sto̱ ko̱, a̱kku̱ enne ta̱mu̱-kenga ki̱ki̱ya̱ kize wawac cinna ka̱da̱k zo̱ze̱ cinna, atalnet zin Ta̱mu̱ta̱dde̱n zo̱ze̱ cinne.

1 Te̱se̱lo̱ni̱ka̱ 4:9

Ma̱i̱je̱ ming een lemanet wa irezzu gotonogget wak a̱tu̱we̱, iróng keherikung zoz ci obod ki o̱to̱n neci, ma̱rri̱t ba̱li̱ye̱ ming een Ta̱mu̱ta̱dde̱n eliya ci edemezung gool ci irezzu e̱le̱tti̱.

I̱bu̱ru̱ 13:1

Gotonogga ki ngonogga tu̱we̱nta̱, e̱me̱dda̱ irezto niga do̱o̱k.

1 Peturu 4:8

Ma gi̱i̱ye̱ ci riili oroot, abunna zin niga ming irezonnu, eci rezinet ngati aave, amadan mu̱nye̱n.

2 Peturu 1:7

Kar bo̱do̱k otortek zoz ci arikku zoz ci Ta̱mu̱ta̱dde̱no̱ zi̱nze̱tti̱ ko̱ zoz ci eelannu gonoggu wak a̱tu̱we̱ ki niga, kar bo̱do̱k otortek rezinet zoz ci eelannu ol cik a̱tu̱we̱ ko̱.

1 Jon 3:11

Een necu kaviyak cik iziktu niga arrak ba̱li̱ye̱ oowa. Azi ne, abunna kirezo naga do̱o̱k e̱le̱tti̱.

1 Jon 3:23

Een zin necu ti̱lo̱wi̱ne̱t cinne: Abunna ka̱tu̱we̱ zare cik Ngerinne Ye̱su̱ Ki̱ri̱sto̱, kar kirezit e̱le̱tti̱ cigga̱c do̱o̱k ki bali u̱du̱wa̱e̱t enne agit ke̱.

1 Jon 4:20

Ming azi e̱e̱ti̱ imma ne, kirezi enne Ta̱mu̱ta̱dde̱n, imma ngatu amarine gooni, een enne volongnyoit. Eci ming iróng e̱e̱ti̱ irez gooni ci acin enne eberene, irez wo̱ye̱ enne Ta̱mu̱ta̱dde̱n ci iróng enne acin eberene ko̱?

2 Jon 1:1

Eher ddi̱ki̱ryo̱i̱ti̱ ci ke̱le̱ci̱o̱ waraga cu. Eherik ngaa bali atahala Ta̱mu̱ta̱dde̱n ke̱ ki dooli ciginnek. Kirezung anna i̱ge̱t de̱de̱ do̱o̱k, iróng een annita do̱ ci kirezung, abarik ki ol do̱o̱k wak a̱gga̱ zoz ci een de̱de̱,