1 Ti̱mo̱te̱yo̱ 6:9 - Tennet

⁹ Ma̱i̱je̱ ol wak orong kizeto bo̱to̱ro̱, ovvo i̱i̱na̱k zoz ci gerze atimane lo̱rye̱nti̱ kar atin kidita nogo pit.

1 Ti̱mo̱te̱yo̱ 6:9 ပူးပေါင်းရင်းမြစ်များ

Ma̱te̱yo̱ 13:22

Imma i̱nyo̱mo̱na̱ cik i̱i̱na̱k biila ko̱, ogon ki ol cik aziye kaviyak cik abunna. Kar zi̱nze̱tti̱ cigge̱k kibilet je̱e̱na̱ kaale cik orong nege baiza, acin i̱to̱kze̱t ci lo̱o̱tu̱, kar kutungttek kaviyak ne̱ke̱ lo̱o̱c.

Ma̱te̱yo̱ 19:22

Baling izik lo̱gu̱t neci zoz ci a̱du̱wa̱ Ye̱su̱ ko̱, etteda zinin, kar odotek zin enne Ye̱su̱ lo̱o̱c, eci enne anyak kaal cik meelek, een enne bo̱to̱ro̱c oroot.

Ma̱te̱yo̱ 26:15

Kar ki̱jji̱n nogo, “A̱ru̱we̱ka̱ng o̱ro̱bi̱ya̱ izong kar anna ki̱ye̱le̱u̱ng gool ci a̱gga̱mnyu̱ niga Ye̱su̱?” Kar zin nege kanycik nonno o̱ro̱bi̱ya̱ moten i̱i̱yo̱ cik een ziik.

Ma̱te̱yo̱ 6:19

“Ma adazekku e̱le̱tti̱ kaal lo̱o̱ta̱ ngatu, eci i̱to̱kze̱t ci lo̱o̱tu̱ ngatu ovvo adak todowa ki zizac, ovvo bo̱do̱k ogoryaha ogorozi.

Marko 4:19

ma̱i̱je̱ ming i̱no̱n nege kaal wak baizak, ki lu̱te̱ne̱t wa oronge e̱e̱ti̱ kize jaitot, okko zoz necu adudut zoz bali izik e̱e̱ti̱ ke̱, kar zoz neci iróng ngen anyaha zoz ci abunna.

Lu̱ka̱ 12:21

“Ogon atin niko ngati e̱e̱t imma ci adazek kaal ele cinne, ma̱i̱je̱ ngatu iróng enne een jaitot ngati Ta̱mu̱ta̱dde̱no̱.”

Lu̱ka̱ 21:35

Eci a̱kku̱na̱k zoz neci ol cik abak lo̱o̱ta̱ ngatu do̱o̱k.

Buk wa To̱ni̱a̱u̱ 8:20

O̱bo̱de̱k Peturu nonno: “Anyik bai o̱ro̱bi̱ya̱ cigunnek kiditai ki i̱nne̱t do̱o̱k, eci i̱nna̱ i̱no̱ni̱ azi ne, uuta wo̱ye̱ i̱nna̱ muci ci Ta̱mu̱ta̱dde̱no̱ o̱ro̱bi̱ya̱i̱!

Evesos 4:22

Edemezung de̱me̱zzo̱wa̱ ba̱li̱ye̱ zoz cu, ibilizet baiz bali reeni ke̱ eci baizi bali reeni amin zi̱nze̱tti̱ ciggo̱k ke̱ ecebannung o̱o̱tti̱ kar kegerzan baiz cunno̱ng.

1 Ti̱mo̱te̱yo̱ 1:9

Eci ka̱gga̱ niko iróng lo̱ti̱nno̱wa̱ een cik ol cik abunna, abarik e̱e̱ggi̱n cik ol wak een i̱rki̱ryo̱k ki ol wak abure zoz ci alaano, ki ol wak mu̱nye̱nu̱, ki wak abure zoz ci Ta̱mu̱ta̱dde̱no̱, ki wak a̱ru̱k be̱e̱ti̱gge̱k ki e̱e̱ti̱gge̱k ka̱da̱i̱to̱ ki wak amuny ol,

1 Ti̱mo̱te̱yo̱ 3:7

Abunna bo̱do̱k ming anyak baiz ci abunna ki ol wak iróng a̱tu̱we̱, kar atin enne iróng i̱i̱na̱k tarabak ci lo̱rye̱nto̱.

1 Ti̱mo̱te̱yo̱ 6:10

Eci ming irez e̱e̱ti̱ kaal oroot, anyak no̱ngi̱tto̱n cik gerzek do̱o̱k. Abarik ol uggak utuburet tu̱we̱ne̱t zoz ci Ta̱mu̱ta̱dde̱no̱ aartik zi̱nze̱tti̱ kaal, kar kanyaktak e̱le̱tti̱ u̱u̱ce̱z.

1 Ti̱mo̱te̱yo̱ 6:17

Ti̱lo̱ ol wak e̱e̱ggi̱n bo̱to̱ro̱ lo̱o̱ta̱ ko̱, gerza ming aarik zi̱nze̱tti̱ kaal ne̱k anyak nege ke̱. Abarik du̱wa̱k nogo kartik zi̱nze̱tti̱ Ta̱mu̱ta̱dde̱n wa een bo̱to̱ro̱c aanyyet kaal do̱o̱k kar naga katalte baiz.

2 Ti̱mo̱te̱yo̱ 2:26

Kar zin kilittet lo̱rye̱ni̱t bali eceba nogo o̱o̱tti̱ ki̱li̱ngli̱ngto̱zi̱k nonno ke̱.

Ti̱to̱ 2:12

Edemezet de̱ti̱ne̱t kar kutungget baiz ci gerze ci iróng Ta̱mu̱ta̱dde̱n elemi. Abunna kabak lo̱o̱ce̱ cu ngati kanyahe uruttok baizowe, kogon kaal cik abunna, kar bo̱do̱k kaarttek zi̱nze̱tti̱ Ta̱mu̱ta̱dde̱n,

2 Peturu 2:3

Anyak atin ol ne̱ke̱ zi̱nze̱tti̱ cik a̱ppi̱nte̱k kaale, ozoziku̱ng u̱tu̱ge̱tti̱ne̱ cik emede. Ettedik Ta̱mu̱ta̱dde̱n nogo lo̱ki̱ko̱ zo̱ze̱ necu, iróng zin enne adunge.

Ju̱da̱ 1:11

Ize nonga o̱lle̱ ngatinne̱ng, eci nege unuwet zoz ci Kaini, wa bali amuny gotoni ke̱. Ogon nege kaal cik gerzek ki i̱yo̱ko̱ bali e̱e̱ti̱ wa een zara Balaam ke̱, kar kurubtai nege o̱ro̱bi̱ya̱. Atubo bo̱do̱k nege ki e̱e̱t wa azi zar ne Korah bali aburnek Ta̱mu̱ta̱dde̱n nong ke̱, adita atin Ta̱mu̱ta̱dde̱n nogo ki baling a̱ru̱k Korah ke̱.