1 Ti̱mo̱te̱yo̱ 6:4 - Tennet

⁴ een enne e̱e̱t ci odong ele. Iróng enne a̱gga̱ gi̱i̱ imma. Abarik orong kadang ol gaganiko kar zin kanyaha jo̱o̱re̱. Anyaha zin dangonet neci meder, ki zoz ci irawone ol, ki to̱ri̱ne̱t, ki i̱no̱ni̱ ci gerze,

1 Ti̱mo̱te̱yo̱ 6:4 ပူးပေါင်းရင်းမြစ်များ

Buk wa To̱ni̱a̱u̱ 15:2

Utuburet Pa̱u̱lo̱ ki Barnabas nong oroot kar kadangto ki nogo. Atahaltta zin lo̱ddi̱ki̱re̱ cik ke̱le̱ci̱a̱k Pa̱u̱lo̱ ki Barnabas ki ol u̱gge̱ wak a̱tu̱we̱, kar ki̱tto̱nni̱t nogo koot rok Jerusalem, koot kicinnet to̱ni̱a̱k ki lo̱ddi̱ki̱re̱ zo̱ze̱ necu.

Buk wa To̱ni̱a̱u̱ 18:15

Abarik een ji̱ne̱ne̱t, zar ki lo̱ti̱nno̱k ciggo̱k, oot ozozit niga do̱. Iróng anna kettedi zoz ci ogon niko.”

Buk wa To̱ni̱a̱u̱ 8:9

Anyak e̱e̱t imma ci een zara Si̱mo̱ne̱ a̱ru̱k agura orgato, aanyik zoz cinne ol do̱o̱k ka̱ma̱li̱ltte̱ o̱o̱tti̱. Odong ele azi ne, een enne e̱e̱t imma ci a̱ddi̱ki̱ri̱ oroot,

Roma 12:16

Abait ki ol do̱o̱k zi̱nze̱tti̱nne̱ cik voorik. Ma odongnyu e̱le̱tti̱ ki ci a̱gga̱yyu̱ niga kaal do̱o̱k, abarik izet gonen ki ol do̱o̱k.

Roma 13:13

Abunna kabak baiz ci abunna ki i̱yo̱ko̱ ol wak abak vooritene ci wazino ko̱. Ma ovvoyyu ngati alutene ol cik aud merten kar kibbakte. Ma owowonu ki a̱li̱ya̱k. Ma oyohonu ki ol. Ma anyikku zi̱nze̱tti̱ kizeto a̱ppi̱nte̱k kaale cik ollu.

Roma 14:1

Elemtta e̱e̱t ci anyak tu̱we̱ne̱t ci dici, ma adangnyu nonno eci enne i̱no̱n kaal cik aavtte do̱ ngati kaal cik i̱no̱nnu̱ niga.

Roma 2:8

Imma ngati ol wak a̱ppi̱nte̱k zi̱nze̱tti̱, ogon kaal cik gerzek, i̱ye̱la̱ atin enne mozinet cinne ngati e̱e̱t ci abure zoz ci een de̱de̱.

1 Ko̱ri̱nto̱ 11:16

Ming anyak e̱e̱t ci orong kadang zoz necu, iróng naga kanyak gool ci kogonne kaal, een necu gool ci kogonne kaal ke̱le̱ci̱a̱nya̱i̱ cik Ta̱mu̱ta̱dde̱no̱.

1 Ko̱ri̱nto̱ 11:18

Kazii azi ol ne arrak oowa, ming ovvo niga alutenu izet ol cik ke̱le̱ci̱a̱k, anyakku niga ngero orgene cunno̱ng, ka̱gga̱ zin anna ogon zoz necu niko de̱de̱.

1 Ko̱ri̱nto̱ 3:18

Ma a̱lu̱tu̱ e̱le̱tti̱ cuggo̱k. Ming i̱no̱n e̱e̱ti̱ imma ngatinno̱ng azi ne kegenyi kaale cik baiz cu, abunna zin abarik ming aanyik ele kize tarbal, kar enne kumuda genyiz.

1 Ko̱ri̱nto̱ 3:3

Ngen zin niga abakku baiz ci olli lo̱o̱tu̱, eci ngen anyakku meder, adangonu e̱le̱tti̱ne̱ cuggo̱k. Imma zin go̱o̱le̱ necu abakku ko̱, o̱do̱wi̱nu̱ niga ki olli lo̱o̱tu̱. Ogonnu kaal cik ogon olli lo̱o̱tu̱.

2 Ko̱ri̱nto̱ 11:20

De̱de̱ anyikku niga ol wak a̱vvu̱ orong ku̱tu̱gu̱ze̱u̱ng kaal cik a̱a̱nyu̱ng izet du̱cca̱k, ogorozzung, aminyyung, kar kapanttung ngu̱mti̱ cuggo̱k.

Ga̱la̱ti̱a̱ 5:15

Ma̱i̱je̱ ming oronnu niga e̱le̱tti̱ne̱ adawanu gonoggu, u̱zu̱tte̱ e̱le̱tti̱, ma egerzannu gonoggu.

Ga̱la̱ti̱a̱ 5:26

Gerza ming kodong e̱le̱tti̱, icima kanyike e̱e̱t imma kutubur nong. Gerza ming kanyak meder kaale cik ollu.

Ga̱la̱ti̱a̱ 6:3

Ming i̱no̱n e̱e̱ti̱ ele azi ne ke̱e̱ni̱ e̱e̱t ci riili ngati keelane ol, a̱lu̱t e̱e̱ti̱ neci ele cinne. Iróng e̱e̱ti̱ neci een riil.

Vilipia 1:15

Een de̱de̱ anyak ol cik uwak zoz ci Ki̱ri̱sto̱ go̱o̱le̱ ci anyahe nege meder ki jooret, ma̱i̱je̱ ol uggak uwak zi̱nze̱tti̱nne̱ cik voorik.

Vilipia 2:14

U̱tu̱gu̱z kaal do̱o̱k ju̱rru̱m ki̱zzi̱ rok zoz ci adangonu,

Vilipia 2:3

Ma anyakku meder icima zoz ci odongnyu e̱le̱tti̱, abarik izet ol cik gununik kar aanycik ol u̱gge̱ kizeto riile kommogit e̱le̱tti̱ cuggo̱k.

Kolosiya 2:18

Ma anyikku e̱e̱t imma ci ozoz volonga a̱ru̱k talaben ngati alawe anjilonya kar ka̱a̱nyu̱ng i̱ge̱t imiret zo̱ze̱ ci Ki̱ri̱sto̱. Imma e̱e̱ti̱ ci ogon niko oob ke̱ngti̱ cik zo̱zzo̱k ne̱k icin enne ko̱ oroot, kar kodong ele, kar kozoz darace.

2 Te̱se̱lo̱ni̱ka̱ 2:4

Odong atin enne ele cinne kar kadang kaal cik Ta̱mu̱ta̱dde̱no̱ do̱o̱k, icima kaal cik a̱di̱ngdi̱nga̱n nonno, kar enne kaarik ele cinne Ce̱e̱z wa Ta̱mu̱ta̱dde̱no̱, azi ne ke̱e̱ni̱ Ta̱mu̱ta̱dde̱n.

1 Ti̱mo̱te̱yo̱ 1:4

Ma anyike ol ne̱ke̱ kecebta ol wak a̱tu̱we̱ o̱o̱tti̱ nga̱ri̱de̱te̱ wak reentik ki boorzet wa obod ki ji̱ji̱ti̱gga̱c, ma̱rri̱t kaala ne̱ke̱ ming anyaha dangonet ci gerze do̱ niko. Iróng dangonet neci eela e̱e̱t imma kabak baiz ci a̱tu̱we̱ enne Ta̱mu̱ta̱dde̱n zinine ci abunna.

1 Ti̱mo̱te̱yo̱ 1:7

Orong kizeto de̱me̱zzo̱k cik lo̱ti̱nno̱k cik Musesi, iróng zin nege e̱le̱tti̱ne̱ a̱gga̱ zo̱zzo̱k cik a̱du̱wa̱ ko̱, iróng bo̱do̱k a̱gga̱ u̱nge̱tti̱ cik de̱mzi̱ne̱t neci.

1 Ti̱mo̱te̱yo̱ 3:6

Ma anyikku e̱e̱t ci a̱tu̱we̱ jor ki̱ddi̱ki̱r Ce̱e̱ze̱ wa Ta̱mu̱ta̱dde̱no̱. Ming anyciu nonno ki̱ddi̱ki̱r, okko atin odong ele kar zin kapahozik ba̱ci̱ ki bali lo̱rye̱nti̱.

2 Ti̱mo̱te̱yo̱ 2:14

Oobek ol wak a̱tu̱we̱ de̱mzi̱ne̱t cu ju̱rru̱m. Recanek nogo ngati azikne Manyi bu̱k kar iróng adangone zo̱zo̱nno̱k. Iróng dangonet anyaha gi̱i̱ ci abunna, abarik egerzan ol ne̱k azikne ke̱.

2 Ti̱mo̱te̱yo̱ 2:23

Ma i̱i̱zo̱ dango ci adangone ol darace, eci okko anyaha jo̱o̱re̱.

2 Ti̱mo̱te̱yo̱ 3:4

Ovolonge atin nege gonoggi, kar zin ku̱tu̱gu̱zzo̱ kaal cik e̱e̱ggi̱n darace, odong e̱le̱tti̱. Irez kaal cik lo̱o̱tu̱, abarik uunge Ta̱mu̱ta̱dde̱n.

Ti̱to̱ 3:9

Abarik, aara ele ngati adangone ol zoz ci obod ki ji̱ji̱ti̱gga̱c. A̱vvu̱ reena olle cik adango zo̱ze̱ ci lo̱ti̱nno̱k cik Ya̱u̱do̱. Een dangonet ci ogon niko ko̱ darace, iróng karuba gi̱i̱ ci abunna to.

Je̱mi̱s 1:19

Gotonogga ki ngonogga tu̱we̱nta̱, iziyyet zoz cu ju̱rru̱m: Abunna gon e̱e̱ti̱ ming aziye zoz ataman, ma a̱li̱bo̱ni̱k zoz, ma adunya zinin ataman,

2 Peturu 2:12

Imma ol ne̱ko̱ iróng a̱gga̱ gerziten cinne̱ng. Ogon nege ki i̱yo̱ko̱ elegje wak zarak iróng ozozi, a̱rri̱ta̱i̱ nege kize kaal cik a̱ru̱we̱ ka̱da̱i̱to̱. Ozoz zoz ci mu̱nye̱nu̱ ci iróng nege a̱gga̱. Egerzan atin nogo zoz ci gerze ogon nege ko̱.

2 Peturu 2:18

Odong nege e̱le̱tti̱ gaganiko, ozoz zoz ci ilabane ol wak amuje o̱o̱tti̱ orong kaal cik lo̱rye̱nta̱k.

Ju̱da̱ 1:10

Imma ol ne̱ko̱ odomnye zo̱ze̱ ci iróng nege bu̱k a̱gga̱, ogon nege kiwagon elegje cik iróng i̱no̱ne̱. Gi̱i̱ zin ci egerzan nogo ko̱ nenen necu.

Ju̱da̱ 1:16

E̱e̱ggi̱n ol ne̱ko̱ ol cik acucut tu̱p niko; annu nege kaal cik gerzek lo̱rye̱nto̱ amin zi̱nze̱tti̱ cigge̱k; odong e̱le̱tti̱ kar kalabta ol u̱tu̱ge̱tti̱ne̱ cik emede kar kurubta kaal cik orong nege ngatinne̱ng.

O̱no̱zzo̱k 3:17

A̱nnu̱ niga ne, ‘Ke̱e̱ni̱ anna jaitot; kuruba anna jainzet, iróng ngen korongi gi̱i̱ imma.’ Iróng zin niga a̱gga̱yyu̱ e̱e̱ggi̱nnu̱ niga ma̱ta̱k, bo̱yyo̱k, kaalakreng, ru̱be̱no̱k kar a̱vvu̱t nga̱dhi̱ri̱r.