1 Ti̱mo̱te̱yo̱ 5:8 - Tennet

⁸ Imma ming iróng e̱e̱ti̱ azunne tatug cinne̱ng, ommogje ol cik ce̱e̱z cinne, utubur enne zoz ci a̱tu̱we̱ ol Ta̱mu̱ta̱dde̱n, ommog abarik enne e̱e̱t ci ngen kelema Ta̱mu̱ta̱dde̱n.

1 Ti̱mo̱te̱yo̱ 5:8 ပူးပေါင်းရင်းမြစ်များ

Kananet 30:30

Ovvo eeza balik kidik anyai i̱nna̱ ke̱ otorte oroot, kar Manyi ka̱ma̱yu̱k kaal cik kabali anna. Ma̱i̱je̱ i̱yo̱ko̱, kogonik atin anna ce̱e̱z cinanni nya?”

Ma̱te̱yo̱ 18:17

Ka̱du̱wa̱kku̱ng zin zoz cu: Ming abure e̱e̱ti̱ neci iróng aziye zoz cinne̱ng, bite zin zoz neci ke̱le̱ci̱a̱; kar ming abure zoz ci olli ke̱le̱ci̱o̱, dotek nonno lo̱o̱c, ma ngen edeconik nonno, cin nonno kiwagon e̱e̱ti̱ ci iróng a̱gga̱ Ta̱mu̱ta̱dde̱no̱ icima ki e̱e̱ti̱ ci a̱gga̱ma̱ ol mucuru.

Ma̱te̱yo̱ 7:11

Ming wo̱ye̱ e̱e̱ggi̱nnu̱ ol cik gerzek nu̱nu̱n, a̱gga̱yyu̱ niga amuccu dooli cuggo̱k kaale cik abunna. Amuccu̱ng wo̱ye̱ Be̱e̱ti̱nno̱ng wa aave ta̱mu̱-kenga ko̱ ku̱ ming a̱jji̱nnu̱ nonno!

Kaviyak wak Abunna Ta̱mu̱ta̱dde̱no̱ eher Joni 15:22

Wo̱ye̱ da̱ ming iróng anna ka̱kku̱ni̱ ki̱ki̱ya̱ ku̱du̱wa̱k nogo ba̱ci̱nno̱k cigge̱k mu̱nye̱nu̱, iróng wo̱ye̱ da̱ nege a̱gga̱ ming anyak mu̱nye̱n. Iróng zin ngen alit ba̱ci̱nno̱k cigge̱k mu̱nye̱nu̱.

1 Ko̱ri̱nto̱ 6:6

Abarik e̱e̱ti̱ ci a̱tu̱we̱ okkoye gooni lo̱ki̱ka̱ ngati ol wak iróng a̱tu̱we̱.

2 Ko̱ri̱nto̱ 12:14

Imma bali arrak oowa kicinnung lak rama, i̱yo̱ko̱ zin korongi ki̱ki̱ya̱ kicinnung bo̱do̱k. I̱llo̱i̱ zin atin gi̱i̱ ci ka̱jji̱nnu̱ng, ka̱gga̱ elem cinanni manyi. Iróng korongi kaal cuggo̱k, korongnyung i̱ge̱t e̱le̱tti̱. Ogonnu niga ki dooli cigannik, iróng wo̱ye̱ dooli cikidik atam be̱e̱ti̱nne̱ng, abarik be̱e̱ti̱nne̱ng ci atam dooli.

2 Ko̱ri̱nto̱ 6:15

Iróng Ki̱ri̱sto̱ een gooni lo̱rye̱ni̱t wa een zara Belial. Iróng zin ol ne̱k a̱tu̱ Ye̱su̱ ko̱ baizi cinne̱ng atubo ki ol wak iróng a̱tu̱ nonno.

Ga̱la̱ti̱a̱ 6:10

I̱yo̱ko̱ zin, ming aanyyet Ta̱mu̱ta̱dde̱n gool imma, ku̱tu̱gu̱zze̱k ol do̱o̱k kaal cik abunna, ommogje ol wak a̱tu̱ zoz ci Ki̱ri̱sto̱.

2 Ti̱mo̱te̱yo̱ 2:12

Ming kanime no̱ngi̱tto̱n cik a̱gi̱dde̱t ol zo̱ze̱ cinne, kovvo atin kabal lo̱o̱c ki nonno. Ming kutuburret nonno, aburnnet atin enne agit bu̱k.

2 Ti̱mo̱te̱yo̱ 3:5

Ogon e̱le̱tti̱ ki cik e̱e̱ggi̱n ol cik Ta̱mu̱ta̱dde̱no̱, ma̱i̱je̱ ngatu amikzene komiz ci Ta̱mu̱ta̱dde̱no̱ baize cinne̱ng. Ma orkoryyu ki ol cik ogon ki i̱yo̱ko̱.

Ti̱to̱ 1:16

A̱du̱wa̱k nyakanganeta ne̱k volongak ol zoz ci azi ne ka̱gga̱yya̱ Ta̱mu̱ta̱dde̱n, ma̱i̱je̱ abarik abure Ta̱mu̱ta̱dde̱n go̱o̱le̱ ci abahe nege. Ogon kaal cik gerzek.

2 Peturu 2:1

Anyak ba̱li̱ye̱ a̱ri̱tto̱k cik volongak orgene ci olli Israilo. A̱vvu̱na̱kku̱ng atin bo̱do̱k de̱me̱zzo̱wa̱ wak volongak kar ku̱du̱ktta̱u̱ng zoz ci volongo. Edemezek atin nege ol de̱mzi̱ne̱t ci gerze lo̱mu̱k. Iróng de̱me̱zzo̱wa̱ ne̱ko̱ elemi zoz ci Manyi wa a̱ti̱ri̱z nogo mu̱nye̱ne̱, egerzan atin zoz neci e̱le̱tti̱ cigge̱k.

Ju̱da̱ 1:4

Eci anyak ol u̱gge̱ cik eher zoz ci adange nege Ta̱mu̱ta̱dde̱n, iniktozeung nege orgen cunno̱ng. Abarik zin ol ne̱ko̱ aminye deten ci Ta̱mu̱ta̱dde̱n cinna kize gool ci ogone nege kaal cik gerzek, kar kimigtoi Manyi cinna Ye̱su̱ Ki̱ri̱sto̱ O̱de̱ Ṯok niko. Ettede zin lo̱ki̱ko̱ ci ol ne̱ko̱ bali reena.

O̱no̱zzo̱k 2:13

Ka̱gga̱ nginti abakku ko̱ een nginti aave alaanzet ci Sitano. Ngen zin niga aalnannu tu̱we̱nta̱ zo̱ze̱ cinanni. Iróng zin niga ungneku tu̱we̱ne̱t cunno̱ng ngatinanni lo̱o̱c, rok i̱i̱te̱n ci ibbace Antipasi zoz cinanni, ming u̱ru̱we̱t ol nonno ka̱da̱k nu̱nu̱n o̱rge̱ cunno̱ng a̱ddi̱ki̱re̱, ngati abahe Sitani.

O̱no̱zzo̱k 3:8

Ka̱gga̱ anna kaal cik ogonnu niga do̱o̱k. Icinnet zin, koowekku̱ng anna i̱ge̱t tatug ci iróng e̱e̱ti̱ imma anyugi. Ka̱gga̱ anyakku niga doiz cidici, ngen azunnu zoz cinanni iróng aburnnu zar cigannik.