1 Ti̱mo̱te̱yo̱ 5:5 - Tennet

⁵ Aarike ngaa ci boye a̱zze̱ rok e̱e̱t co̱de̱ ci eela to zinin cinne Ta̱mu̱ta̱dde̱n, ala nonno tu̱p kaal.

1 Ti̱mo̱te̱yo̱ 5:5 ပူးပေါင်းရင်းမြစ်များ

Lu̱ka̱ 18:1

A̱du̱wa̱k zin Ye̱su̱ nuyak ciginnek tubzenet cu, kar ki̱ye̱le̱k nogo abunna ming alaye nege odohize, iróng ungnek zoz necu lo̱o̱c.

Lu̱ka̱ 18:7

Kar iróng atin Ta̱mu̱ta̱dde̱n etted lo̱ki̱ko̱ ju̱rru̱m cik ol cik atahalai, ol cik a̱lu̱we̱k nonno wazin ki ba̱a̱li̱n? Okko gon atin enne abure lo̱ki̱ko̱ cinne̱ng?

Lu̱ka̱ 2:37

kar zin kize enne boya kizeto e̱rki̱nya̱ ciginnek moten tu̱rge̱ ki we̱c. Ngen enne kutungek Ce̱e̱z wa Ta̱mu̱ta̱dde̱no̱ lo̱o̱c i̱i̱te̱n imma, abarik ala Ta̱mu̱ta̱dde̱n kaal tu̱p, i̱ya̱ye̱ kar kalawo.

Buk wa To̱ni̱a̱u̱ 26:7

Een necu zoz ci u̱du̱ya̱i̱ ere booryowa cik e̱e̱ggi̱n omoto ki rama, arike zi̱nze̱tti̱ cigge̱k abunna kaala ne̱ko̱ ming ogone ming a̱li̱ngli̱nge̱k nege Ta̱mu̱ta̱dde̱n wazin ki ba̱a̱li̱n. Oh alaan, eci zo̱ze̱ ci karikka naga zi̱nze̱tti̱ ko̱, adawana zin olli Ya̱u̱do̱ annita.

Buk wa To̱ni̱a̱u̱ 6:1

Imma i̱i̱nya̱we̱ ne̱ke̱, bali otorye nuyaha cik e̱e̱ggi̱n Ya̱u̱d ke̱, nuyaha balik ozoz Gi̱ri̱k ke̱ adangto ki nuyak balik ozoz Aramaik, eci ngaai cigge̱k boyek iróng amuda da̱i̱ne̱t wak enger ol gon odohize ko̱.

Buk wa To̱ni̱a̱u̱ 9:39

I̱mi̱rrte̱ Peturu oot ki nogo, baling okko enne azuca, o̱o̱tte̱ ol nonno ca̱a̱to̱. Ibilet ngaai wak boyek do̱o̱k aburuk nonno, a̱lu̱ kar ki̱ye̱lte̱k nonno ru̱u̱ma̱ni̱ balik adiman Dorkasi bali ngen aruge aavtte ki nogo ke̱.

Buk wa To̱ni̱a̱u̱ 9:41

Eela Peturu nonno kitinga je̱e̱na̱. Utu zin enne ol wak a̱tu̱we̱, ki ngaai cik boyek kar zin ki̱ye̱le̱k nogo Dorkas ming aruge.

Roma 1:12

kar anna ki i̱ge̱t do̱o̱k kizocet tu̱we̱ne̱t cinna kokkomit ne kak.

Roma 1:5

Imma zin ngati Ye̱su̱ Manyi bunnat, aanya enne annit deten ci keene to̱ni̱a̱t ci kar kuwahek ol kaviyak waginnek abunna, kar ol wak iróng een Ya̱u̱d do̱o̱k ku̱tu̱we̱t nonno, kar ku̱zu̱tte̱ zoz neci.

1 Ko̱ri̱nto̱ 7:32

Korongnyung anna i̱ge̱t a̱vvu̱t labak ki̱zze̱c rok kaal cik i̱no̱nnu̱ niga zi̱nze̱tti̱nne̱ cuggo̱k. Imma e̱e̱ti̱ ci ngen kuruco, arik zinin li̱ngli̱ngo̱n ci Manyi, eci ogon enne li̱ngli̱ngo̱n lo̱o̱ta̱ ngatu aanyik Manyi katalo zo̱ze̱ cinne.

1 Ko̱ri̱nto̱ 7:34

Aanyik zin zoz necu e̱e̱t necu kengerto go̱o̱le̱ ci ogone enne kaal. Imma ngaa ci i̱llo̱i̱ mac, icima ngaa ci ngen ka̱ta̱gu̱zzo̱ ki e̱e̱t ci maci, arike nege zi̱nze̱tti̱ li̱ngli̱ngo̱n ci Manyi oroot. Ma̱i̱je̱ ngaa ci i̱ti̱ye̱, aave zinin cinne kaale cik lo̱o̱tu̱ ko̱ do̱ niko, orong bo̱do̱k ku̱tu̱gu̱we̱k e̱e̱t cinne kaal cik aanyik nonno katalo.

Evesos 6:18

Ma abilizzu lawinet Ta̱mu̱ta̱dde̱n. U̱tu̱gu̱z kaal ne̱ko̱ do̱o̱k ngati alaweku gonoggu wak a̱tu̱we̱ Ta̱mu̱ta̱dde̱n odohize doize ci Vongiz cinne kar enne keelaung.

Vilipia 4:6

Ma anyikku zi̱nze̱tti̱ kibilet je̱e̱na̱ zo̱ze̱ ci kaalu, abarik alac Ta̱mu̱ta̱dde̱n kaale do̱o̱k zi̱nze̱tti̱nne̱ cik alali ngati anyikku nonno zany.

1 Ti̱mo̱te̱yo̱ 2:1

Korongnyung zin arrak oowa alayozik ol do̱o̱k kar keela Ta̱mu̱ta̱dde̱n, kar aanycik Ta̱mu̱ta̱dde̱n zany kaale wak ogonik enne nogo.

1 Ti̱mo̱te̱yo̱ 5:16

Ming anyak ngaa ci a̱tu̱we̱ ngaane cik boyek tatuge cinne̱ng, anyik keela nogo, abunna iróng anyike ol wak a̱li̱ngli̱ng ke̱le̱ci̱e̱ ci Ta̱mu̱ta̱dde̱no̱ li̱ngli̱ngo̱n ci atame nogo. Kar zin keela ngaai cik boyek a̱zze̱ e̱e̱ti̱ ci eela to.

1 Ti̱mo̱te̱yo̱ 5:3

Ti̱ri̱z ngaai cik boyek wak iróng anyak ol cik eela nogo.

2 Ti̱mo̱te̱yo̱ 1:3

Kanyik zany Ta̱mu̱ta̱dde̱n wa ka̱li̱ngli̱nge̱k anna ko̱ zinine ci voori ki baling ogon ji̱ji̱ti̱ga̱nni̱k bu̱k. Kala gon Ta̱mu̱ta̱dde̱n tu̱p kaal ngati ka̱a̱da̱ni̱n.

1 Peturu 3:5

Gool zin ci a̱tu̱we̱ ngaai balik reentik a̱li̱le̱, arike Ta̱mu̱ta̱dde̱n zi̱nze̱tti̱ ke̱ nenen necu. Aanycik nege e̱le̱tti̱ cigge̱k ki̱zi̱ze̱c ngati a̱tu̱we̱ Ta̱mu̱ta̱dde̱n kar bo̱do̱k ko̱to̱ngo̱o̱ltte̱ maccwa cigge̱k.

Buk ci ozoz zoz ci ngaa ci een Ruz 2:12

Anyik bai Manyi Ta̱mu̱ta̱dde̱n keelawi kaale cik u̱tu̱gu̱ i̱nna̱ ko̱. Anyik Manyi Ta̱mu̱ta̱dde̱n ci Israilo ka̱ma̱yu̱wi̱n eci i̱nna̱ i̱ki̱ya̱u̱ nonno kar kuzutin.”