1 Ti̱mo̱te̱yo̱ 5:10 - Tennet

¹⁰ Anyik bo̱do̱k ol ku̱du̱kta̱ bunnat cinne, ki zoz ci azi ne, azunne ba̱li̱ye̱ dooli ju̱rru̱m, i̱i̱rke̱, a̱gga̱m e̱re̱nno̱k wak a̱tu̱we̱ ju̱rru̱m, kar gon keela bo̱yyo̱k.

1 Ti̱mo̱te̱yo̱ 5:10 ပူးပေါင်းရင်းမြစ်များ

Kananet 18:4

Inya kanyaha maam u̱gge̱ cik uudentak kar ocokte e̱le̱tti̱ kar i̱ye̱be̱zi̱t arrak do̱yo̱i̱t keete cu.

Kananet 19:2

Izek zin enne nogo ne, “Alaat wagannik, i̱vi̱ta̱ arrak ce̱e̱z ci du̱ca̱i̱t cunno̱ng. Abunna ovvo u̱u̱nyyu̱ zo̱o̱ cuggo̱k kar a̱ta̱gu̱z nginati kar zin nge̱rre̱t oot gool cunno̱ng.” O̱bo̱dde̱k zin nege nonno a̱nne̱k ne, “Iróng een niko, kooginna atidic naga buurato ngatu.”

Kananet 24:32

I̱tto̱ zin du̱ca̱i̱ti̱ ci Aburahami ce̱e̱z, kar i̱jjo̱ kaartai naganaganyai. Anyaktai tabara ki arte kize cik naganaganyau. Anyakttak ol nonno maam ki ol ciginnek kutunyet zo̱o̱ cigge̱k.

Kananet 43:24

Uwe zin du̱ca̱i̱ti̱ neci nogo ca̱a̱to̱, kar kaanyik nogo maam kutunyet zo̱o̱ cigge̱k kar kaanyik bo̱do̱k arte zi̱gi̱re̱ cigge̱k.

Ma̱te̱yo̱ 25:17

Uwe bo̱do̱k du̱ca̱i̱ti̱ wa anyak lodet rama cik een dhahab ko̱ lodet ne̱ke̱ uk i̱li̱ngli̱nge̱, bak otorye lodetta cik een dhahab ko̱ kizeto lodet we̱c.

Ma̱te̱yo̱ 5:16

Ogon zin baizi ci ol cik diirik ki urez ci ataran ce̱e̱z, aanycik zin urezwa ciggo̱k katalanyit kataranit ol, kar nege kicinnet bunnat cunno̱ng, kar zin nege kinnatit Be̱e̱ti̱nno̱ng wa aave ta̱mu̱-kenga.

Lu̱ka̱ 7:38

ibil zin enne bo̱i̱ce̱ cinne zone ciginnek, akate zin enne uculahan zo̱o̱ cik Ye̱su̱ ti̱la̱lo̱i̱ ciginnek. Kar zin enne ki̱ti̱vi̱l imane ciginnek, kar kucucu zo̱o̱ ciginnek kar ku̱du̱te̱k maal.

Lu̱ka̱ 7:44

Kar zin enne kutuhuwe kicin ngaa neci kar kizek Si̱mo̱ne̱ ne, “Acinni i̱nna̱ ngaa cu? Ki̱ki̱ya̱ anna rok ce̱e̱z cunne, ngen i̱nna̱ inya annit maam cik kunyene anna zo̱o̱ cigannik, abarik enne uculahan zo̱o̱ cigannik ti̱la̱lo̱i̱ kar ki̱ti̱vi̱l zo̱o̱ cigannik imane ciginnek.

Buk wa To̱ni̱a̱u̱ 10:22

O̱bo̱dde̱k zin nege, “Ka̱vvu̱nna̱ naga ngati Korneliosi wa een ddi̱ki̱ryo̱i̱t ci aciiru. Een enne e̱e̱t ci o̱ngo̱o̱le̱ Ta̱mu̱ta̱dde̱n, o̱ngo̱o̱le̱ olli Ya̱u̱do̱ nonno do̱o̱k oroot. U̱du̱wa̱k anjilo wa a̱li̱le̱ Ta̱mu̱ta̱dde̱no̱ nonno, a̱nne̱k ne, i̱jja̱ i̱nna̱ rok ce̱e̱z cinne kar abunna enne okko aziye zoz ci a̱du̱wa̱ i̱nna̱.”

Buk wa To̱ni̱a̱u̱ 22:12

“I̱ki̱ya̱ e̱e̱ti̱ ci een zara Ananiyas okko acinnan. Een enne e̱e̱t ci annu lo̱ti̱nno̱k, o̱ngo̱o̱le̱ olli Ya̱u̱di̱ wak abak nginati nonno do̱o̱k.

Buk wa To̱ni̱a̱u̱ 6:3

Gotonogga, atahaltta ol u̱gge̱ turgerem ngatinno̱ng cik anyak Vongiz ki genyiz kar naga kanycik nogo li̱ngli̱ngo̱n cu

Buk wa To̱ni̱a̱u̱ 9:36

Anyak nuyait imma ci nga̱a̱ye̱ een zara Tabita, azi keng cik zar ciginnek ne Dorkas, a̱kku̱ enne o̱rge̱ ci een zara Joppa, ogon da̱ gon kaal cik abunna kar bo̱do̱k keela ol wak amati.

Buk wa To̱ni̱a̱u̱ 9:39

I̱mi̱rrte̱ Peturu oot ki nogo, baling okko enne azuca, o̱o̱tte̱ ol nonno ca̱a̱to̱. Ibilet ngaai wak boyek do̱o̱k aburuk nonno, a̱lu̱ kar ki̱ye̱lte̱k nonno ru̱u̱ma̱ni̱ balik adiman Dorkasi bali ngen aruge aavtte ki nogo ke̱.

Roma 12:13

Ming anyakku kaal, eelta ol cik Ta̱mu̱ta̱dde̱no̱ amati, anyik e̱re̱nno̱k ki̱vi̱ta̱ ce̱e̱zi̱ cuggo̱k.

Evesos 2:10

Aruguzet Ta̱mu̱ta̱dde̱n kar naga ku̱tu̱gu̱z kaal cik abunna ngati Ye̱su̱ Ki̱ri̱sto̱. A̱rri̱ta̱nne̱t enne agit kar ki̱li̱ngli̱nge̱t li̱ngli̱ngo̱n cinne wa abunna lo̱o̱ta̱ ngatu.

Kolosiya 1:10

Kalayya Ta̱mu̱ta̱dde̱n kar niga abait baiz ci abunna orong Manyi, kar enne katalo kaale cik ogonnu niga do̱o̱k: Anyak zoz ci a̱li̱ngli̱ngnyu̱ niga kaale cik abunna, amudannu zoz ci a̱gga̱yyu̱ Ta̱mu̱ta̱dde̱n ju̱rru̱m.

1 Ti̱mo̱te̱yo̱ 2:10

Abunna ngaai wak ala Ta̱mu̱ta̱dde̱n ming eela ol.

1 Ti̱mo̱te̱yo̱ 3:2

Abunna zin alaani ci Ce̱e̱z wa Ta̱mu̱ta̱dde̱no̱ een e̱e̱t ci abak baiz ci iróng anyak mu̱nye̱n. Abunna bo̱do̱k ming o̱de̱ ngaa ṯok niko. Abunna ming een e̱e̱t ci uwak ju̱rru̱m, abariz no̱ngi̱tto̱n ju̱rru̱m, abunna ming i̱i̱rke̱, abunna ming elemi de̱mzi̱ne̱t.

1 Ti̱mo̱te̱yo̱ 3:7

Abunna bo̱do̱k ming anyak baiz ci abunna ki ol wak iróng a̱tu̱we̱, kar atin enne iróng i̱i̱na̱k tarabak ci lo̱rye̱nto̱.

1 Ti̱mo̱te̱yo̱ 5:16

Ming anyak ngaa ci a̱tu̱we̱ ngaane cik boyek tatuge cinne̱ng, anyik keela nogo, abunna iróng anyike ol wak a̱li̱ngli̱ng ke̱le̱ci̱e̱ ci Ta̱mu̱ta̱dde̱no̱ li̱ngli̱ngo̱n ci atame nogo. Kar zin keela ngaai cik boyek a̱zze̱ e̱e̱ti̱ ci eela to.

1 Ti̱mo̱te̱yo̱ 5:25

Ogon bo̱do̱k niko, i̱ye̱la̱i̱ kaala cik abunna ogon e̱e̱ti̱, kicinnet ebere. Imma kaala cik gerzek iróng a̱lu̱gnye̱.

1 Ti̱mo̱te̱yo̱ 6:18

Du̱wa̱k nogo ku̱tu̱gu̱zzo̱ kaal cik abunna, kar kizeto itok zo̱ze̱ ci abunna kar kizeto ol cik i̱i̱rke̱ orong kar kozolit kaal ki ol.

2 Ti̱mo̱te̱yo̱ 1:5

Ka̱a̱da̱ tu̱we̱ne̱t wanunne okkomi, ki tu̱we̱ne̱t wa ya̱ngtu̱nne̱ Loyiz, ki tu̱we̱ne̱t wa yaatunne Yuniz, ka̱gga̱wa̱ niko aanyi i̱nna̱ bu̱k tu̱we̱ne̱t neci.

2 Ti̱mo̱te̱yo̱ 2:21

I̱ya̱bzo̱ni̱kke̱t zin kaala ne̱ko̱ agita. Ming utungek e̱e̱ti̱ imma mu̱nye̱n lo̱o̱c, u̱tu̱gu̱ enne ki gi̱i̱ ci a̱zi̱ze̱ agano ki li̱ngli̱ngo̱n. Aanyik ol ki̱li̱li̱ kar ki̱li̱ngli̱nge̱ manyi ce̱e̱z, aave kar ki̱li̱ngli̱ngte̱ li̱ngli̱ngo̱n ci abunna.

2 Ti̱mo̱te̱yo̱ 3:15

A̱gga̱ ri̱t i̱nna̱ Waraga ci Ta̱mu̱ta̱dde̱no̱ baling ngen e̱e̱ni̱ idica. Aanyi zoz cinne genyiz ki ti̱ri̱ze̱ne̱t go̱o̱le̱ ci a̱tu̱we̱ Ye̱su̱ Ki̱ri̱sto̱ kar ruba baiz wa aave udut.

2 Ti̱mo̱te̱yo̱ 3:17

kar zin e̱e̱ti̱ ci a̱li̱ngli̱nge̱k Ta̱mu̱ta̱dde̱n kuruba arizet ci ogone kaal cik abunna.

Ti̱to̱ 2:14

Aanyik enne ele cinne kize wawac, kar keelawet ba̱ci̱no̱we̱, kar kidimanit kizet caale, kar zin kaanyyet kizet ol ciginnek, kar koronggit ku̱tu̱gu̱z oroot kaal cik abunna do̱ niko.

Ti̱to̱ 2:7

Abunna i̱nna̱ bu̱k ming ogoni kaal cik abunna kar ol kicinnet gool ci abunna ngatunne. Abunna kaala ne̱k ogoni ko̱ ming i̱ye̱la̱ de̱mzi̱ne̱t cunno̱ng.

Ti̱to̱ 3:1

Ti̱lo̱ ol wak a̱tu̱we̱ abunna ming aziye zoz ci gaalau ki ddi̱ki̱ryyo̱k wagge̱k. Abunna ming aziye zoz, kar ku̱tu̱gu̱zzo̱ kaal cik abunna odohize.

Ti̱to̱ 3:14

Anyik ol cigga̱c ke̱de̱me̱zi̱t zoz ci li̱ngli̱ngo̱nto̱, abunna ming edemezek e̱le̱tti̱ zoz ci eelanne nege ol cik apirna.

Ti̱to̱ 3:8

Een zoz ci ka̱du̱wa̱kku̱ng ko̱ de̱de̱. Korongi abunna ming odolnannu zo̱zzo̱we̱ ne̱ko̱ oroot, kar zin ol wak a̱tu̱ Ta̱mu̱ta̱dde̱n ku̱zu̱tte̱ zoz neci, kar ku̱tu̱gu̱zzo̱ kaal cik abunna odohize. Abunna kaala ne̱ko̱ do̱o̱k ming eela ol do̱o̱k.

I̱bu̱ru̱ 10:24

Abunna ming ki̱lo̱t ol zo̱ze̱ ci kirezonne bak kogon kaal cik abunna.

I̱bu̱ru̱ 13:2

Abunna ming a̱ti̱ri̱zu̱ ol cik een i̱do̱ngi̱ cik een e̱re̱nno̱k ce̱e̱zi̱nne̱ cuggo̱k ju̱rru̱m, imma abarik go̱o̱le̱ ci ka̱ti̱ri̱ze̱ ol ko̱, i̱ti̱ri̱zze̱t ol uggak anjilonya lo̱mu̱k ngati iróng nege a̱gga̱we̱.

I̱bu̱ru̱ 13:21

nonno ci a̱a̱nyu̱ng kaal do̱o̱k eci niga a̱li̱ngli̱ngnyu̱ zoz cinne, kanycik bai nonno ki̱li̱ngli̱ng baize cinna kaale cik orong enne, go̱o̱le̱ ci Ye̱su̱ Ki̱ri̱sto̱, kanycik nonno ki̱di̱ngdi̱nga̱ne̱ udut. Amen.

1 Peturu 2:12

Aanycik ol kicinnet baiz cunno̱ng ming abunna orgene ci ol wak iróng a̱gga̱ Ta̱mu̱ta̱dde̱n, ma̱i̱je̱ nu̱nu̱n ming orong nege kimertung azi ne, abacu niga. Ovvo atin nege i̱i̱te̱ne̱ ci okko Ta̱mu̱ta̱dde̱n ettede lo̱ki̱ko̱, a̱di̱ngdi̱nga̱n Ta̱mu̱ta̱dde̱n kar koobtek Ta̱mu̱ta̱dde̱n kaal cik abunna ogonnu niga ba̱li̱ye̱.

1 Peturu 4:9

Aanycik ol ki̱vi̱ta̱k ce̱e̱zi̱ ciggo̱k ki̱zzi̱ rok zoz imma ci anyakku zi̱nze̱tti̱nne̱ to.

3 Jon 1:12

Ozoz ol do̱o̱k zoz ci abunna obod ki e̱e̱t ci een zara Demetrius, i̱ye̱la̱ zoz ci een de̱de̱ bu̱k bunnat cinne. Kozozi zin anna bu̱k zoz ci abunna zo̱ze̱ cinne, a̱gga̱yyu̱ niga zoz ci kozozi anna ko̱ een de̱de̱.