1 Ti̱mo̱te̱yo̱ 5:1 - Tennet

¹ Ma i̱ye̱le̱k e̱e̱t ci a̱ddi̱ki̱re̱ utug, abarik ti̱lo̱ utuge ci alali kiwagon ming ozozik baatunne. Gga̱m logoz wak kidik kiwagon ming a̱ti̱ri̱zi̱ gotonoggu.

1 Ti̱mo̱te̱yo̱ 5:1 ပူးပေါင်းရင်းမြစ်များ

Ma̱te̱yo̱ 23:8

“Abarik ma anyikku e̱e̱t imma kutuwung kize ne, ‘De̱me̱zo̱i̱t’ eci niga anyakku Manyi co̱de̱ ṯok, e̱e̱ggi̱nnu̱ niga do̱o̱k gotonet ki ngonogget.

Buk wa To̱ni̱a̱u̱ 14:23

Atahaltta Pa̱u̱lo̱ ki Barnabas lo̱ddi̱ki̱re̱ u̱gge̱ ke̱le̱ci̱a̱nya̱i̱ do̱o̱k kabalit gonoggi, kar zin nege kalayo ki̱ya̱yo̱ ngati alawek nogo Manyi ci aarik nege zi̱nze̱tti̱ cigge̱k ko̱.

Buk wa To̱ni̱a̱u̱ 15:4

Baling i̱vi̱tta̱k Pa̱u̱lo̱ ki Barnabas Jerusalem, a̱gga̱mtta̱ zin ol cik ke̱le̱ci̱a̱k, to̱ni̱a̱k ki lo̱ddi̱ki̱re̱ nogo, kar zin ku̱du̱kta̱k nogo kaal do̱o̱k cik ogonik Ta̱mu̱ta̱dde̱n ol cik iróng e̱e̱ggi̱n Ya̱u̱d li̱ngli̱ngo̱ne̱ ci ogon nege.

Buk wa To̱ni̱a̱u̱ 15:6

U̱lu̱tte̱ zin to̱ni̱a̱ha̱ ki lo̱ddi̱ki̱re̱ wak ke̱le̱ci̱a̱ Jerusalema kar kozozit zoz neci.

Buk wa To̱ni̱a̱u̱ 20:17

Baling arawa Pa̱u̱lo̱ orog ci een zara Miletus, i̱tto̱ne̱k enne waraga lo̱ddi̱ki̱re̱ cik ke̱le̱ci̱a̱k o̱rge̱ ci Ephesusi.

Roma 13:7

Abunna zin ming a̱ru̱we̱kku̱ e̱e̱t kaal cik orong nege ngatinno̱ng. Ming orong mucuru, u̱ru̱ktte̱k. Abunna bu̱k niga ming o̱ngo̱o̱li̱nnu̱ ol wak agano ki to̱ngo̱o̱li̱ne̱t, abunna bo̱do̱k a̱di̱ngdi̱nga̱nnu̱ ol wak agano ki di̱ngdi̱nga̱ni̱ne̱t.

Ga̱la̱ti̱a̱ 6:1

Gotonogga ki ngonogga, ming i̱ta̱k e̱e̱ti̱ imma mu̱nye̱n, imma niga ol ne̱k okkomnu Vongize ci Ta̱mu̱ta̱dde̱no̱ ko̱, o̱zo̱zze̱k nonno idic kar enne kobodak orgen cunno̱ng. Ming okko e̱e̱ti̱ adiman zoz neci, zuute ele cunne, gerza ming i̱i̱na̱k i̱nna̱ bu̱k mu̱nye̱n.

1 Ti̱mo̱te̱yo̱ 5:17

Anyik ol cik a̱tu̱we̱ ki̱ti̱ri̱ze̱t lo̱ddi̱ki̱re̱ cik a̱li̱ngli̱ng Ce̱e̱ze̱ wa Ta̱mu̱ta̱dde̱no̱ ju̱rru̱m eci nege a̱li̱ngli̱ng ju̱rru̱m. Ommogje ming uwahek ol kar ke̱de̱me̱zi̱t zoz ci Ta̱mu̱ta̱dde̱no̱.

1 Ti̱mo̱te̱yo̱ 5:2

Ti̱ri̱z ma̱ti̱yo̱ cik nga̱a̱ye̱k kiwagon ming a̱gga̱mi̱ yaatunne, imma dooli cik nga̱a̱ye̱k, gga̱m nogo kiwagon ming anyai ngonoggu.

Ti̱to̱ 2:2

Ti̱lo̱ ol wak macik a̱ddi̱ki̱re̱ abunna ming anyak uruttok baizowe odohize, kar ol ko̱to̱ngo̱o̱ltte̱ nogo, kar kabaito baiz ci abunna. Abunna ming anyak tu̱we̱ne̱t ci okkomi, ki rezinet ol, ki niimenet no̱ngi̱tto̱n.

Ti̱to̱ 2:6

Imma go̱o̱le̱ neci i̱lo̱tte̱ ngaai wak a̱ddi̱ki̱re̱ ngaai wak kidik niko ko̱, Ti̱to̱, ti̱lo̱ logoz bu̱k kar kanyait uruttok baizowe kaale cik ogon nege.

Je̱mi̱s 3:17

Imma zin genyizi ci a̱kku̱ ta̱mu̱-kenga een caala paz; kar zin kirez gano, alali mului, a̱gga̱ zoz ju̱rru̱m, aziye zoz ju̱rru̱m, anyak deten ki zoz ci abunna, iróng enger ol kar kanyak zoz ci een de̱de̱.

Je̱mi̱s 5:14

Ming anyak e̱e̱t imma ci omori ngatinno̱ng, anyik nonno kutu lo̱ddi̱ki̱re̱ cik ke̱le̱ci̱a̱k kar kalayek nonno Ta̱mu̱ta̱dde̱n kar ku̱vu̱de̱t nonno maala zare cik Manyi.

1 Peturu 5:1

Niga ddi̱ki̱rze̱t ci ke̱le̱ci̱o̱, ki ming karume anna ki i̱ge̱t ko̱, kilalekkung ke̱e̱ni̱ bbacait ci Ki̱ri̱sto̱ wa bali a̱gi̱d ol lo̱o̱ta̱ ngatu ke̱ ka̱da̱k, kokko atin anna kozola imma nonno di̱ngdi̱ngo̱n ci okko atin i̱ye̱la̱i̱ ke̱.

2 Jon 1:1

Eher ddi̱ki̱ryo̱i̱ti̱ ci ke̱le̱ci̱o̱ waraga cu. Eherik ngaa bali atahala Ta̱mu̱ta̱dde̱n ke̱ ki dooli ciginnek. Kirezung anna i̱ge̱t de̱de̱ do̱o̱k, iróng een annita do̱ ci kirezung, abarik ki ol do̱o̱k wak a̱gga̱ zoz ci een de̱de̱,

3 Jon 1:1

Ngati ddi̱ki̱ryo̱i̱t ci ke̱le̱ci̱o̱. Keherik anna waraga cu goona wa zinino een zara Gaius, kirezi anna nonno zo̱ze̱ wa een de̱de̱.

O̱no̱zzo̱k 4:4

Anyak bo̱do̱k lecere cik e̱e̱ggi̱n moten rama ki we̱c cik aburuk lecer ci alaano, aavtte lo̱ddi̱ki̱re̱ cik e̱e̱ggi̱n moten rama ki we̱c. Aim nege ru̱u̱ma̱ni̱ cik voorik ki lulukwa cik alaatu adimanai zu̱rte̱nte̱ ci een dhahab o̱o̱tti̱ne̱.