1 Ti̱mo̱te̱yo̱ 4:7 - Tennet

⁷ Ngera zin ele cunne nga̱ri̱de̱te̱ cik gerzek adang zoz ci Ta̱mu̱ta̱dde̱no̱, cik iróng agano ming i̱i̱zo̱ iin. Abarik demezek ele zoz ci Ta̱mu̱ta̱dde̱no̱ odohize.

1 Ti̱mo̱te̱yo̱ 4:7 ပူးပေါင်းရင်းမြစ်များ

Buk wa To̱ni̱a̱u̱ 24:16

Kar zin zo̱ze̱ necu odohize korongi kanyik zinin cinanni kubunna ngu̱me̱ ci Ta̱mu̱ta̱dde̱no̱ ki bo̱do̱k ngati ol cik diirik.

1 Ti̱mo̱te̱yo̱ 1:4

Ma anyike ol ne̱ke̱ kecebta ol wak a̱tu̱we̱ o̱o̱tti̱ nga̱ri̱de̱te̱ wak reentik ki boorzet wa obod ki ji̱ji̱ti̱gga̱c, ma̱rri̱t kaala ne̱ke̱ ming anyaha dangonet ci gerze do̱ niko. Iróng dangonet neci eela e̱e̱t imma kabak baiz ci a̱tu̱we̱ enne Ta̱mu̱ta̱dde̱n zinine ci abunna.

1 Ti̱mo̱te̱yo̱ 1:9

Eci ka̱gga̱ niko iróng lo̱ti̱nno̱wa̱ een cik ol cik abunna, abarik e̱e̱ggi̱n cik ol wak een i̱rki̱ryo̱k ki ol wak abure zoz ci alaano, ki ol wak mu̱nye̱nu̱, ki wak abure zoz ci Ta̱mu̱ta̱dde̱no̱, ki wak a̱ru̱k be̱e̱ti̱gge̱k ki e̱e̱ti̱gge̱k ka̱da̱i̱to̱ ki wak amuny ol,

1 Ti̱mo̱te̱yo̱ 2:10

Abunna ngaai wak ala Ta̱mu̱ta̱dde̱n ming eela ol.

1 Ti̱mo̱te̱yo̱ 3:16

I̱llo̱i̱ gi̱i̱ imma ci ommog li̱ngli̱ngo̱n wa obod ki gool wa Ta̱mu̱ta̱dde̱no̱ bali arrak a̱lu̱gnye̱ ke̱. I̱ye̱la̱i̱ Ye̱su̱ wa atahalai lo̱o̱ta̱ kize e̱e̱t ci diiri. Kar Vongizi ci Ta̱mu̱ta̱dde̱no̱ ki̱ye̱la̱ een enne de̱de̱ Ngerrti Ta̱mu̱ta̱dde̱no̱. Kar zin anjilonya wak Ta̱mu̱ta̱dde̱no̱ bu̱k kicinnet nonno. Uwakttek ol zoz wa obod ki nonno lo̱o̱cco̱k do̱o̱k. U̱tu̱we̱t zin ol cik meelek nonno lo̱o̱cco̱k do̱o̱k, kar zin Ta̱mu̱ta̱dde̱n kodong nonno kuuwe ta̱mu̱-kenga.

1 Ti̱mo̱te̱yo̱ 4:8

Ming edemezi i̱nna̱ vi̱ra̱ ele abunna oroot, imma de̱mzi̱ne̱t baiz ci Ta̱mu̱ta̱dde̱no̱ eelannet go̱o̱lo̱we̱ cik meelek. Anyak baizi ci Ta̱mu̱ta̱dde̱no̱ bunnat oroot, eci aanyyet i̱yo̱ko̱ baiz ci abunna ki ci atin reena.

1 Ti̱mo̱te̱yo̱ 6:11

Imma i̱nna̱ e̱e̱ti̱ ci Ta̱mu̱ta̱dde̱no̱, liit no̱ngi̱tto̱n ne̱ko̱ do̱o̱k. Abarik tu̱gu̱ kaal cik abunna, zuute zoz ci Ta̱mu̱ta̱dde̱no̱, nyak tu̱we̱ne̱t zo̱ze̱ ci Ta̱mu̱ta̱dde̱no̱, irez ol, ize gunun kar zin niim pirnanet.

1 Ti̱mo̱te̱yo̱ 6:20

Ti̱mo̱te̱yo̱, zuute zoz bali aanyi Ta̱mu̱ta̱dde̱n ke̱, bek ju̱rru̱m. Ma edeconik ta̱mu̱ta̱dde̱ne̱t wak zozak ki zoz wa volongo awu ol kize genyiz,

1 Ti̱mo̱te̱yo̱ 6:3

ming edemez e̱e̱ti̱ lo̱ti̱nno̱k wak aavtte do̱ ngati lo̱ti̱nno̱k wak Manyitinna Ye̱su̱ Ki̱ri̱sto̱ een de̱de̱ ki gool ci kanu ko̱,

1 Ti̱mo̱te̱yo̱ 6:5

anyaha ol wak e̱e̱ggi̱n giilcak dango ki̱zzi̱ zoz ci een de̱de̱. I̱no̱n ol ne̱ke̱ azi ne, okko e̱e̱ti̱ een bo̱to̱ro̱c go̱o̱le̱ ci annuwe enne Ta̱mu̱ta̱dde̱n.

2 Ti̱mo̱te̱yo̱ 2:16

Ma i̱i̱zo̱ dangonet ci een li̱i̱k, eci zoz neci eceba ol o̱o̱tti̱ ki̱ti̱yye̱t tu̱ go̱o̱le̱ ci Ta̱mu̱ta̱dde̱no̱.

2 Ti̱mo̱te̱yo̱ 2:23

Ma i̱i̱zo̱ dango ci adangone ol darace, eci okko anyaha jo̱o̱re̱.

2 Ti̱mo̱te̱yo̱ 3:12

De̱de̱, ming aanyik e̱e̱ti̱ zinin Ta̱mu̱ta̱dde̱n ngati Ye̱su̱ Ki̱ri̱sto̱, abarik a̱gi̱d atin ol nonno.

2 Ti̱mo̱te̱yo̱ 3:5

Ogon e̱le̱tti̱ ki cik e̱e̱ggi̱n ol cik Ta̱mu̱ta̱dde̱no̱, ma̱i̱je̱ ngatu amikzene komiz ci Ta̱mu̱ta̱dde̱no̱ baize cinne̱ng. Ma orkoryyu ki ol cik ogon ki i̱yo̱ko̱.

2 Ti̱mo̱te̱yo̱ 4:4

Ungnek abarik atin zoz wa een de̱de̱ lo̱o̱c, kar zin koronggit kiziyet zoz ci iróng een de̱de̱.

Ti̱to̱ 1:14

Abunna ming abiliz zoz ci azikne nga̱ri̱de̱t wak Ya̱u̱do̱, ki zoz ci a̱du̱wa̱ ol wak utuburet zoz wa een de̱de̱.

Ti̱to̱ 2:12

Edemezet de̱ti̱ne̱t kar kutungget baiz ci gerze ci iróng Ta̱mu̱ta̱dde̱n elemi. Abunna kabak lo̱o̱ce̱ cu ngati kanyahe uruttok baizowe, kogon kaal cik abunna, kar bo̱do̱k kaarttek zi̱nze̱tti̱ Ta̱mu̱ta̱dde̱n,

Ti̱to̱ 3:9

Abarik, aara ele ngati adangone ol zoz ci obod ki ji̱ji̱ti̱gga̱c. A̱vvu̱ reena olle cik adango zo̱ze̱ ci lo̱ti̱nno̱k cik Ya̱u̱do̱. Een dangonet ci ogon niko ko̱ darace, iróng karuba gi̱i̱ ci abunna to.

I̱bu̱ru̱ 5:14

Imma ol cik i̱ddi̱ki̱rre̱t adak á̱há̱t ci okkomi, eci e̱le̱tti̱ cigge̱k a̱gga̱yye̱k da̱i̱ne̱t ne̱ke̱. A̱gga̱ nege zoz ci abunna ki ci gerze.