1 Ti̱mo̱te̱yo̱ 4:6 - Tennet

⁶ Ming edemzike i̱nna̱ ti̱lo̱wi̱ne̱t ba̱li̱ye̱ ol wak a̱tu̱we̱, e̱e̱ni̱ atin du̱ca̱i̱t ci abunna ngati Ye̱su̱ Ki̱ri̱sto̱, adaizi i̱nna̱ ele, ogon ki i̱yo̱ko̱ ming adaizi i̱nna̱ ele zo̱ze̱ ci a̱tu̱we̱ Ta̱mu̱ta̱dde̱n ki de̱mzi̱ne̱t wa een de̱de̱ azunne i̱nna̱ ko̱, ki e̱e̱ti̱ ci adaiz ele da̱i̱nte̱.

1 Ti̱mo̱te̱yo̱ 4:6 ပူးပေါင်းရင်းမြစ်များ

Ma̱te̱yo̱ 13:52

Kar zin kizek nogo ne, “Imma zin de̱me̱zo̱i̱ti̱ wa lo̱ti̱nno̱u̱ wa edemeze zo̱ze̱ ci ba̱a̱li̱ne̱t ci ta̱mu̱-kengo ko̱, ogon ki e̱e̱ti̱ ci een manyi ce̱e̱z. Anyaha kaal cik een jor ki wak unuweto de̱he̱ra̱ re̱e̱nu̱n.”

Lu̱ka̱ 1:3

Kar zin ming kicina anna eliya kaal do̱o̱k kanenta, abunna ngatinanni kar keteher zo̱zzo̱k ne̱ke̱ do̱o̱k ju̱rru̱m, keheriki anna i̱nne̱ta̱, Theophilos,

Buk wa To̱ni̱a̱u̱ 1:15

Imma bali i̱i̱nya̱we̱ ne̱ke̱, itinga Peturu je̱e̱na̱ orgene ci ol cik a̱tu̱we̱ ko̱. E̱e̱ggi̱n nege o̱bo̱n co̱de̱ ki moten rama (120).

Buk wa To̱ni̱a̱u̱ 20:31

U̱zu̱tte̱ zin e̱le̱tti̱ ciggo̱k, a̱a̱dda̱ zin e̱rki̱nya̱ balik een i̱i̱yo̱ ke̱, ngen anna kibiliz ti̱lo̱wi̱ne̱t i̱ge̱t ba̱a̱li̱n ki wazin ki ti̱la̱lo̱ eberene.

Buk wa To̱ni̱a̱u̱ 20:35

Imma kaale cik kogonni anna do̱o̱k, ki̱ye̱le̱u̱ng anna i̱ge̱t gool ci ka̱li̱ngli̱nge̱ naga oroot kar keelta ol cik amati, ka̱a̱da̱ zoz ci a̱du̱wa̱kke̱t Manyi Ye̱su̱ enne ele, azi ne: ‘A̱ma̱yu̱we̱ e̱e̱ti̱ ci aanyik e̱e̱t gi̱i̱ kommog e̱e̱t ci a̱gga̱ma̱ gi̱i̱ neci.’”

Roma 15:15

Imma zin warage necu, anyak zo̱zzo̱k u̱gge̱ cik keherakkung anna i̱ge̱t mozinta, abunna kobodekku̱ng bo̱do̱k, eci aanya Ta̱mu̱ta̱dde̱n deten cinne.

1 Ko̱ri̱nto̱ 4:17

Imma zin zo̱ze̱ necu ki̱tto̱na̱kku̱ng anna i̱ge̱t Ti̱mo̱te̱yo̱ wa een ngeranni tu̱we̱nta̱, kirezi anna nonno eci alali zinin zo̱ze̱ ci Manyi. A̱du̱wa̱kku̱ng atin enne i̱ge̱t baiz cinanni ngati Ki̱ri̱sto̱ Ye̱su̱, a̱du̱wo̱ baizi cinanni ki de̱mzi̱ne̱t ci kedemeze anna ol ke̱le̱ci̱a̱nya̱i̱ lo̱o̱co̱we̱ do̱o̱k.

2 Ko̱ri̱nto̱ 11:23

E̱e̱ggi̱n nege de̱de̱ to̱ni̱a̱k cik Ki̱ri̱sto̱? Ke̱e̱ni̱ anna e̱e̱t ci adaka ngamoni ming kozozi niko ko̱, abarik ka̱li̱ngli̱ngo̱ni̱k nonno kommog nogo do̱o̱k. Ki̱li̱ngli̱nga̱ oroot, a̱ju̱ke̱ka̱ ol lagam lak cik meelek giir zo̱ze̱ ci Ki̱ri̱sto̱. Ki̱bi̱ce̱ a̱lle̱ne̱ kize daizoit.

2 Ko̱ri̱nto̱ 3:6

Aanyyet enne kizet ol cik ka̱li̱ngli̱ng olom ci een jor Ta̱mu̱ta̱dde̱no̱, iróng een lo̱ti̱nno̱k balik e̱he̱rye̱ ke̱. Imma kaale do̱o̱k, aanyyet lo̱ti̱nno̱wa̱ ne̱ke̱ daiz, okko Vongizi ci a̱li̱le̱ aanyyet ruget.

2 Ko̱ri̱nto̱ 6:4

Abarik ke̱e̱ggi̱n naga du̱cca̱k cik Ta̱mu̱ta̱dde̱no̱ kaale cik ka̱du̱wa̱ kar bo̱do̱k kogon naga ko̱, kanimnya kaal cik i̱i̱na̱kke̱t baiza do̱o̱k. Anyahakket ol no̱ngi̱tto̱n, kanimnya naga dee niko,

Evesos 6:21

I̱yo̱ko̱ zin, ki̱tto̱na̱kku̱ng i̱ge̱t gotonet tu̱we̱nta̱ wa een zara Tychicos, e̱e̱t ci gon anime zinin cinne li̱ngli̱ngo̱n ci Manyi. Okko atin enne a̱du̱wa̱kku̱ng kaviyak cik li̱ngli̱ngo̱n cinanni, ki ol cik karumena ki annit nga̱to̱de̱ ko̱ do̱o̱k. Kar zin enne bu̱k ka̱a̱nyu̱ng i̱ge̱t okkomit tu̱we̱nta̱ zo̱ze̱ ci Ta̱mu̱ta̱dde̱no̱.

Vilipia 2:20

I̱llo̱i̱ e̱e̱t imma ngatu ci kaavtiya bu̱k ci anyak zinin ci abunna ki Ti̱mo̱te̱yo̱, nonno do̱ niko ci azunne baiz cunno̱ng.

Vilipia 2:22

Imma Ti̱mo̱te̱yo̱, a̱gga̱yyu̱ niga arizet cinne, ka̱li̱ngli̱ngnya̱ ki nonno bu̱k ngati kuwaheka ol kaviyak cik abunna, ogon enne ngatinanni ki do̱le̱c ci a̱li̱ngli̱ng ki baatinne.

Vilipia 3:16

Abunna zin naga ming kemenna kowo go̱o̱le̱ ci baiz ci bali kurubta een de̱de̱ ko̱.

Kolosiya 2:19

Okko e̱e̱ti̱ ci ogon niko ko̱, iróng enne ngen arume ki Ki̱ri̱sto̱ wa een oo ngati ol wak a̱tu̱ nonno ko̱ do̱o̱k. Kar ele do̱o̱k ka̱gga̱mo̱zi̱k oo, kaanyik ele kurumte nga̱to̱de̱, kar Ta̱mu̱ta̱dde̱n kaanyik kitilizet ki ci orong enne.

Kolosiya 3:16

Aanycik zoz ci Ki̱ri̱sto̱ kabak zi̱nze̱tti̱nne̱ cuggo̱k oroot ming i̱lo̱ttu̱ niga e̱le̱tti̱ do̱o̱k genyiza, ki be̱ni̱ne̱t be̱ni̱nno̱k cik a̱di̱ngdi̱nga̱nnu̱ Ta̱mu̱ta̱dde̱n, anyikku nonno zany be̱ni̱no̱we̱ zi̱nze̱tti̱nne̱ cuggo̱k do̱o̱k.

Kolosiya 4:7

A̱du̱wa̱kku̱ng atin e̱e̱ti̱ ci een zara Tychicos kaviyak cik obod ki annita. Een enne gotonet ci kirezi anna oroot, azunne zoz ci Manyi, ka̱li̱ngli̱ngnya̱ ki nonno zoz ci Manyi ju̱rru̱m.

1 Te̱se̱lo̱ni̱ka̱ 3:2

Ki̱tto̱ntta̱ gotonet Ti̱mo̱te̱yo̱ wa ka̱li̱ngli̱ngnya̱ bu̱k zo̱ze̱ ci Ta̱mu̱ta̱dde̱no̱ ngati kuwaheka ol kaviyak cik abunna, kar ki̱ki̱ya̱ ki̱ti̱lo̱u̱ng zo̱ze̱ ci Ki̱ri̱sto̱ kar bo̱do̱k keelaung ibilet ju̱rru̱m tu̱we̱nta̱ zo̱ze̱ ci Ta̱mu̱ta̱dde̱no̱.

1 Ti̱mo̱te̱yo̱ 1:10

ki ol wak orooto ki ngaai, ki ol cik macik ottodo kiwagon ming oogin ol ki ngaai, ki ol wak ogoroz dooli cik ollu koot ku̱tu̱yyo̱i̱ kizeto du̱cca̱k, ki ol wak e̱e̱ggi̱n volongnyok, ki ol wak iróng a̱du̱wa̱ zoz ci een de̱de̱ ngu̱me̱ ci Ta̱mu̱ta̱dde̱no̱, ki ol wak abure de̱mzi̱ne̱t wa een de̱de̱,

1 Ti̱mo̱te̱yo̱ 4:16

Zuute ele cunne ki kaal cik edemezi ko̱. Tu̱gu̱ kaal balik ki̱lo̱ti̱ki̱ ke̱. Ming u̱tu̱gu̱ niko, a̱ti̱ri̱zi̱ ele cunne ki ol cik aziknin bu̱k.

1 Ti̱mo̱te̱yo̱ 6:3

ming edemez e̱e̱ti̱ lo̱ti̱nno̱k wak aavtte do̱ ngati lo̱ti̱nno̱k wak Manyitinna Ye̱su̱ Ki̱ri̱sto̱ een de̱de̱ ki gool ci kanu ko̱,

2 Ti̱mo̱te̱yo̱ 1:6

Imma zin zo̱ze̱ necu, anyik ele kezezek ngati a̱li̱ngli̱nge̱ zo̱ze̱ ci Ta̱mu̱ta̱dde̱no̱ ju̱rru̱m ki bali katadeki azzin kalaweki Manyi ke̱.

2 Ti̱mo̱te̱yo̱ 3:10

I̱yo̱ko̱, Ti̱mo̱te̱yo̱, a̱gga̱ i̱nna̱ de̱mzi̱ne̱t cinanni oroot, gool ci kowowene ki ol, ki gi̱i̱ ci korongi anna baize cinanni, ki tu̱we̱ne̱t cinanni ci ka̱tu̱we̱ Ta̱mu̱ta̱dde̱n, ki zinin ci alali, ki gool ci kireze ol, ki baiz ci kanime no̱ngi̱tto̱n.

2 Ti̱mo̱te̱yo̱ 4:3

A̱kku̱ i̱i̱te̱ni̱ ci iróng ol ngen orong kiziyet de̱mzi̱ne̱t ci abunna. Abarik aluta demezyak kizeto meele, orongit kar ku̱du̱kta̱k nogo kaal cik i̱i̱zo̱ iin cigge̱k.

Ti̱to̱ 2:1

Ti̱to̱, abunna zin ming edemzek ol de̱mzi̱ne̱t wa een de̱de̱.

1 Peturu 2:2

U̱tu̱gu̱z ki dooli wak kidik aud i̱ra̱ cik caalek paz Vongizak, kar keela nogo ki̱ddi̱ki̱rre̱t ti̱ri̱ze̱nte̱ cinne̱ng.

2 Jon 1:9

Ma ukce kar bo̱do̱k tungek lo̱o̱c zoz bali edemezi ol i̱nne̱t obod ki Ki̱ri̱sto̱ ke̱, icima atin Ta̱mu̱ta̱dde̱n iróng ngen aave ngatunne. Imma e̱e̱ti̱ ci azunne de̱mzi̱ne̱t bali edemze ol nonno ke̱, aave Baba ki Ngerinne ngatinne.

Ju̱da̱ 1:5

Ma wo̱ye̱ nu̱nu̱n ming a̱gga̱yyu̱ niga gi̱i̱ bali eelanne Manyi Ta̱mu̱ta̱dde̱n olli Israilo lo̱o̱ce̱ ci Masiro ke̱, korongi ku̱du̱wa̱u̱ng bo̱do̱k gi̱i̱ neci dee. Eela bali nogo Ta̱mu̱ta̱dde̱n Masira, imma bali vu̱rrta̱, idita ol wak iróng a̱tu̱we̱.