1 Ti̱mo̱te̱yo̱ 4:4 - Tennet

⁴ Abunna da̱i̱ne̱t cik adimana Ta̱mu̱ta̱dde̱n do̱o̱k, i̱llo̱i̱ gi̱i̱ ci gerze, ming kadak da̱i̱ne̱t ngati arrak kalayye Ta̱mu̱ta̱dde̱n kar zin kaanycik zany, i̱llo̱i̱ kaal cik kabure.

1 Ti̱mo̱te̱yo̱ 4:4 ပူးပေါင်းရင်းမြစ်များ

Kananet 1:31

Icin zin Ta̱mu̱ta̱dde̱n kaal ne̱k adimana enne ke̱ do̱o̱k ming abunna oroot. Kar zin yo̱mo̱ni̱ ki nge̱rre̱ti̱n ka̱vvu̱to̱ to, een necu i̱i̱te̱n wa een torkonom.

Buk wa To̱ni̱a̱u̱ 10:15

Ozozek mului bo̱do̱k nonno dee, a̱nne̱k ne, “Ma azi da̱i̱ne̱t u̱gge̱ cik adiman Ta̱mu̱ta̱dde̱n ki̱zi̱ze̱c ko̱ ne, e̱e̱ggi̱n ngoronye.”

Buk wa To̱ni̱a̱u̱ 15:29

Ma adakku da̱i̱ne̱t cik amuci ol ta̱mu̱ta̱dde̱n ci adimanai azzine, ma adakku i̱di̱ng ci ngen anyak bi̱ye̱ icima e̱le̱gi̱t ci adal ol, ma e̱e̱ggi̱nnu̱ a̱li̱ya̱k. Ogonnu atin ju̱rru̱m ming azunnu lo̱ti̱nno̱k ne̱ko̱. Oot labak.

Buk wa To̱ni̱a̱u̱ 21:25

Ma̱i̱je̱ ngati ol cik iróng e̱e̱ggi̱n Ya̱u̱d wak a̱tu̱we̱, keteherteya ba̱li̱ye̱ naga nogo kar iróng adak i̱di̱ng ci apahek ol ta̱mu̱ta̱dde̱ne̱t, ma auddu bi̱ye̱, ma adakku e̱le̱gi̱t ci adal ol kar bo̱do̱k ma e̱e̱ggi̱nnu̱ a̱li̱ya̱k.”

Roma 14:14

Ka̱gga̱ anna ju̱rru̱m, eci ka̱vvu̱ta̱ ki Manyi Ye̱su̱, i̱llo̱i̱ da̱i̱ne̱t cik ngoronyik, nege do̱ e̱le̱tti̱ne̱. Ma̱i̱je̱ ming ize e̱e̱ti̱ ne, ngoronye da̱i̱ne̱t ne̱ko̱, ngoronye zin de̱de̱ ngatinne.

Roma 14:20

Ma egerzannu zoz ci Ta̱mu̱ta̱dde̱no̱ zo̱ze̱ ci da̱i̱nto̱. Abunna da̱i̱ne̱t do̱o̱k ngu̱me̱ ci Ta̱mu̱ta̱dde̱no̱, gerza zin ming adak e̱e̱ti̱ da̱i̱ne̱t cik anyike gotonogget ki ngonogget tu̱we̱nta̱ kurubta no̱ngi̱tto̱n.

Roma 14:6

Imma e̱e̱ti̱ ci a̱tu̱we̱ ci aanyik i̱i̱te̱n co̱de̱ kize ci riili, ogon Manyi bu̱k niko. Imma e̱e̱ti̱ ci adak i̱di̱ng, adahek enne Manyi, eci enne adahek Ta̱mu̱ta̱dde̱n go̱o̱le̱ necu. Imma e̱e̱ti̱ ci iróng adak i̱di̱ng, ogonik enne Manyi kar kaanyik Ta̱mu̱ta̱dde̱n zany kaale cik aanyik nonno kadak ko̱.

1 Ko̱ri̱nto̱ 10:23

Azi ol uggak ngatinno̱ng ne, “Kogon wo̱ye̱ naga kaal cik korong naga ku̱tu̱gu̱z labak.” De̱de̱, ogonnu wo̱ye̱ ki i̱yo̱ko̱, abarik zin iróng kaala do̱o̱k cik kogon naga ko̱ eelanneta, ma bo̱do̱k anyak kaal cik iróng aanyet koo oowa tu̱we̱nta̱.

1 Ko̱ri̱nto̱ 10:25

Ming adakku niga i̱di̱ng ci atalannu cuwa, adait labak ki̱zzi̱ ji̱ne̱ne̱t zo̱ze̱ ci obod ki ngo̱li̱ne̱t ci da̱i̱ne̱t cik atuvek wo̱ye̱ ol ta̱mu̱ta̱dde̱ne̱t wak adimanai azzine.

1 Ko̱ri̱nto̱ 10:26

E̱he̱rye̱ warage wa Ta̱mu̱ta̱dde̱no̱ zoz ci azi ne, “Een looci ki kaal wak lo̱o̱tu̱ do̱o̱k, kaal cik Manyi Ta̱mu̱ta̱dde̱no̱.”

1 Ko̱ri̱nto̱ 10:30

Ming kadai anna da̱i̱ne̱t ngati kanyike Ta̱mu̱ta̱dde̱n zany, nya ming anganya ol uggak annita ko̱ zo̱ze̱ necu?

1 Ti̱mo̱te̱yo̱ 4:3

Edemez nege ol azi ne gerza rucenet, kar bo̱do̱k ma adakku da̱i̱ne̱t u̱gge̱. Abarik ka̱gga̱ eenycak Ta̱mu̱ta̱dde̱n da̱i̱ne̱t ne̱ke̱ ol cik diirik kar ol wak a̱tu̱we̱ a̱gga̱ zoz ci een de̱de̱ ko̱, ka̱gga̱mta̱ ngati anyike nonno zany.