1 Ti̱mo̱te̱yo̱ 4:3 - Tennet

³ Edemez nege ol azi ne gerza rucenet, kar bo̱do̱k ma adakku da̱i̱ne̱t u̱gge̱. Abarik ka̱gga̱ eenycak Ta̱mu̱ta̱dde̱n da̱i̱ne̱t ne̱ke̱ ol cik diirik kar ol wak a̱tu̱we̱ a̱gga̱ zoz ci een de̱de̱ ko̱, ka̱gga̱mta̱ ngati anyike nonno zany.

1 Ti̱mo̱te̱yo̱ 4:3 ပူးပေါင်းရင်းမြစ်များ

Kananet 9:3

Ka̱a̱nyu̱ng kaal cik aruge ko̱ do̱o̱k kizeto da̱i̱ne̱t cuggo̱k. Ki baling ka̱a̱nyu̱ng keen ki kaal do̱o̱k ke̱.

Ma̱te̱yo̱ 14:19

Kar enne ku̱du̱wa̱k ol ka̱vvu̱to̱ lo̱o̱ta̱ artene. Idima enne umunet tu̱r ki u̱lu̱g ram, kar zin kicin ta̱mu̱-keng, kar zin kala Ta̱mu̱ta̱dde̱n abunna ming a̱mu̱yu̱k da̱i̱ne̱t ne̱ko̱. U̱bu̱nya̱n zin umunet ne̱ko̱ ki u̱lu̱g kizeto idice. Engerek nuyak, kar nuyaha kengertek kollen do̱o̱k.

Ma̱te̱yo̱ 15:11

Iróng da̱i̱ne̱t cik adak e̱e̱ti̱ ko̱, cik aanyik e̱e̱t kize gerza icima kize ngoronya, abarik zoz ci iyowa utuge ci e̱e̱to̱ ko̱ ci anyike e̱e̱t kize gerza icima kize ngoronya ngu̱me̱ ci Ta̱mu̱ta̱dde̱no̱.”

Ma̱te̱yo̱ 15:36

Idima zin enne umunet turgerem ki u̱lu̱gi̱t, baling aanyik enne Ta̱mu̱ta̱dde̱n zany, u̱du̱l umunet ne̱ke̱ ki u̱lu̱gi̱t kizeto idice, kar kaanyik nuyak, engerttek zin nege ol do̱o̱k.

Lu̱ka̱ 24:30

Baling okko enne aave ki nogo ngati da̱i̱nto̱, idima enne umune, aanyik Ta̱mu̱ta̱dde̱n zany, engera kar kaanyik nogo.

Kaviyak wak Abunna Ta̱mu̱ta̱dde̱no̱ eher Joni 6:23

Ma̱i̱je̱ bo̱do̱k i̱vi̱tta̱k i̱be̱tta̱ uggak ti̱ti̱m, a̱vvu̱ o̱rge̱ ci een Tiberias, a̱vvu̱na̱k ti̱ti̱m bali adahe ol da̱i̱ne̱t ngati aanyik Manyi Ye̱su̱ Ta̱mu̱ta̱dde̱n zany.

Buk wa To̱ni̱a̱u̱ 27:35

Baling u̱du̱wa̱ Pa̱u̱lo̱ zoz necu, idima zin enne umune kar zin kaanyik Ta̱mu̱ta̱dde̱n zany ngu̱me̱ cinne̱ng do̱o̱k ngati alawine kiziyet nege do̱o̱k, u̱bu̱nya̱n umune neci, kar kadaho.

Roma 14:17

Eci ba̱a̱li̱ne̱t ci abale Ta̱mu̱ta̱dde̱n ol ko̱, iróng een da̱i̱ne̱t ki kaal cik kaudi. Abarik obod ki bunnat ci kabunanne naga ngu̱me̱ ci Ta̱mu̱ta̱dde̱no̱ ki gano ki talninet ci a̱kku̱ Vongize ci A̱li̱le̱.

Roma 14:3

Imma e̱e̱ti̱ ci adak kaal do̱o̱k, gerza ming ibbez enne ol wak iróng adak kaal u̱gge̱ ko̱. Imma e̱e̱ti̱ ci abure kaal u̱gge̱ ko̱, gerza ming apahek enne gerziten ol wak adak kaal do̱o̱k ko̱, eci Ta̱mu̱ta̱dde̱n elema nogo do̱o̱k.

Roma 14:6

Imma e̱e̱ti̱ ci a̱tu̱we̱ ci aanyik i̱i̱te̱n co̱de̱ kize ci riili, ogon Manyi bu̱k niko. Imma e̱e̱ti̱ ci adak i̱di̱ng, adahek enne Manyi, eci enne adahek Ta̱mu̱ta̱dde̱n go̱o̱le̱ necu. Imma e̱e̱ti̱ ci iróng adak i̱di̱ng, ogonik enne Manyi kar kaanyik Ta̱mu̱ta̱dde̱n zany kaale cik aanyik nonno kadak ko̱.

1 Ko̱ri̱nto̱ 6:13

Azi i̱yo̱ko̱ e̱e̱ti̱ imma ne, “Adiman Ta̱mu̱ta̱dde̱n da̱i̱ne̱t kize cik kadak naga.” Een zin zoz necu de̱de̱, abarik atin Manyi egerzan da̱i̱ne̱t ki ol cik adak da̱i̱ne̱t ko̱ do̱o̱k. Iróng Ta̱mu̱ta̱dde̱n eenyca e̱le̱tti̱ cik ol cik diirik kize ci a̱li̱ya̱kze̱ti̱nu̱, abarik kanyak e̱le̱tti̱ kar ki̱li̱ngli̱ngto̱zi̱k Manyi Ye̱su̱, kar zin enne kuzute e̱le̱tti̱ cigga̱c.

1 Ko̱ri̱nto̱ 7:28

Abarik ming orong e̱e̱ti̱ kuruco, abunna bu̱k labak, i̱llo̱i̱ mu̱nye̱n. Ming orong do̱le̱c ci nga̱a̱ye̱ ngen ka̱ta̱gu̱zzo̱ ki e̱e̱t imma ki̱ti̱ye̱, abunna a̱ti̱ye̱ labak, iróng enne ogon zoz ci gerze. Abarik ol cik aruce ko̱ amuda atin no̱ngi̱tto̱n cik meelek baize necu, korongi anna kalamung zo̱ze̱ necu.

1 Ko̱ri̱nto̱ 8:8

Abarik iróng zin da̱i̱ne̱t anyahannet kizet ojontte ki Ta̱mu̱ta̱dde̱n; iróng naga kapirna ming iróng naga kadak da̱i̱ne̱t ne̱ke̱, i̱llo̱i̱ gi̱i̱ imma ci abunna ming kadak naga da̱i̱ne̱t ne̱ke̱.

Kolosiya 2:16

I̱yo̱ko̱ zin, ma anyikku e̱e̱t imma kettedeung zoz zo̱ze̱ ci obod ki da̱i̱ne̱t cik adakku icima kaal cik auddu, icima zoz ci obod ki kwo̱o̱rnya̱ cik Ya̱u̱do̱, icima i̱i̱te̱n ci iyowane nyelowi jor icima I̱i̱te̱n wa Yu̱bze̱nto̱.

Kolosiya 3:17

Kar ming ogonnu gi̱i̱ imma, ming ozozu u̱tu̱ge̱tti̱ne̱ icima ogonnu azzine, u̱tu̱gu̱z kaal ne̱ke̱ do̱o̱k zare cik Manyi Ye̱su̱. Kar bo̱do̱k go̱o̱le̱ cinne, aanycik Ta̱mu̱ta̱dde̱n Baba zany kaale do̱o̱k.

1 Ti̱mo̱te̱yo̱ 2:4

Orong Ta̱mu̱ta̱dde̱n ol do̱o̱k kurubta ruget, kar ka̱gga̱c zoz wa een de̱de̱.

1 Ti̱mo̱te̱yo̱ 4:4

Abunna da̱i̱ne̱t cik adimana Ta̱mu̱ta̱dde̱n do̱o̱k, i̱llo̱i̱ gi̱i̱ ci gerze, ming kadak da̱i̱ne̱t ngati arrak kalayye Ta̱mu̱ta̱dde̱n kar zin kaanycik zany, i̱llo̱i̱ kaal cik kabure.

1 Ti̱mo̱te̱yo̱ 5:14

Korongi ngaai cik boyek wak ngen een uturtta ki̱ti̱ktte̱ kar ki̱ti̱rrtta̱ dooli bak azunne ju̱rru̱m, kar zin moddena iróng ngen aranne.

I̱bu̱ru̱ 13:4

Niga ol wak urucou, abunna ming azunnu keer ci rucento, abunna iróng e̱e̱ti̱ ci maci aaz ngaa icima enne aaz e̱e̱t, anyik baiz cinne̱ng kize caala ne paz. Edez atin Ta̱mu̱ta̱dde̱n odot icima ngaai wak orooto ki ol.

I̱bu̱ru̱ 13:9

Ma anyikku de̱mzi̱ne̱t ci aave do̱ kuwe o̱o̱tti̱ cuggo̱k. Anyik deten ci Ta̱mu̱ta̱dde̱no̱ ka̱a̱nyu̱ng komiz, iróng een ti̱lo̱wi̱ne̱t ci Musesi ko̱ icima á̱há̱t ci adakku kwo̱o̱ra̱ ko̱ ci a̱a̱nyu̱ng komiz, iróng á̱há̱ta̱ neci eelannung.