1 Ti̱mo̱te̱yo̱ 4:16 - Tennet

¹⁶ Zuute ele cunne ki kaal cik edemezi ko̱. Tu̱gu̱ kaal balik ki̱lo̱ti̱ki̱ ke̱. Ming u̱tu̱gu̱ niko, a̱ti̱ri̱zi̱ ele cunne ki ol cik aziknin bu̱k.

1 Ti̱mo̱te̱yo̱ 4:16 ပူးပေါင်းရင်းမြစ်များ

Marko 13:9

“Abunna zin niga bu̱k ming ebekku e̱le̱tti̱. A̱gga̱mnyu̱ng atin ol ovvoyyung lo̱ki̱ka̱ kar kecebtung Ce̱e̱zi̱nne̱ wak Lawinto. Imma zo̱ze̱ cinanni, ovvo atin niga abilnnu ngati ddi̱ki̱ryyo̱k ki alaat ibbaceku zoz cinanni nogo.

Lu̱ka̱ 21:34

“U̱zu̱tte̱ e̱le̱tti̱, icima ovvo atin zi̱nze̱tti̱ cuggo̱k egerzanne zo̱ze̱ ci gerze, ki udenet merten ki ngo̱li̱ne̱t lo̱o̱c zo̱ze̱ ci baizo, okko atin i̱i̱te̱ni̱ neci a̱kku̱na̱kku̱ng kiwagon tarabai.

Buk wa To̱ni̱a̱u̱ 26:22

Eelanna Ta̱mu̱ta̱dde̱n i̱i̱nya̱ ne̱ko̱ do̱o̱k. I̱yo̱ko̱ kabili ngatu, ka̱du̱wa̱i̱ zoz cinanni ol veelek cikidik ki ol cik a̱ddi̱ki̱re̱ nga̱to̱de̱. Een zoz ci ka̱du̱wa̱ ko̱ bali u̱du̱kta̱ a̱ri̱tto̱wa̱ wak zoz ci Ta̱mu̱ta̱dde̱no̱ ki Muses azi ne, akati atin zoz necu mo̱o̱le̱t,

Buk wa To̱ni̱a̱u̱ 6:4

abunna naga kanyik e̱le̱tti̱ cigga̱c lawinet ki uwai zoz ci Ta̱mu̱ta̱dde̱no̱.”

Roma 11:14

Korongi zin gool neci kanyike ol wak iróng e̱e̱ggi̱n Ya̱u̱d kaviyak cik abunna kar ol uggak cigannik kanyait meder kar ki̱vi̱ta̱k Ta̱mu̱ta̱dde̱n bak amuda ti̱ri̱ze̱ne̱t.

Roma 16:17

Gotonogga ki ngonogga tu̱we̱nta̱, kilalekkung kar icinnet ju̱rru̱m ol wak adiryung zoza baiza, anyaha ngero orgene cunno̱ng, kar bo̱do̱k ki̱ti̱tu̱ng tu̱ go̱o̱le̱ ci de̱mzi̱ne̱t ci tu̱we̱nto̱. A̱vvu̱t reena ngatinne̱ng.

Roma 2:7

Aanyik atin enne baiz ci aave udut e̱e̱t wa anime no̱ngi̱tto̱n, ogon kaal cik abunna, kar atin enne ki̱tto̱ di̱ngdi̱ngo̱n ci Ta̱mu̱ta̱dde̱no̱, ki baiz ci aave udut.

1 Ko̱ri̱nto̱ 1:21

Eci genyizi ci Ta̱mu̱ta̱dde̱no̱ aave lo̱o̱ta̱ ngatu, iróng zin olli lo̱o̱tu̱ a̱gga̱ nonno genyize cinne̱ng. Atalne zin Ta̱mu̱ta̱dde̱n eci ol cik lo̱o̱tu̱ wak a̱tu̱we̱ u̱mu̱dda̱ ti̱ri̱ze̱ne̱t go̱o̱le̱ ci tarbali uwahek ol nogo kaviyak cik abunna. Abarik zin Ta̱mu̱ta̱dde̱n atahala ol wak a̱tu̱ kaviyak wak uwahek ol nogo ko̱ tarbalun.

1 Ko̱ri̱nto̱ 9:22

Imma ming ka̱li̱ngli̱ngnya̱ ki e̱e̱t ci iróng a̱tu̱we̱ ju̱rru̱m, kobodane anna ele cinanni kar kanyahak nonno tu̱we̱ne̱t ci okkomi. Ku̱tu̱gu̱ anna kaal do̱o̱k kar ki̱ti̱ri̱z ol u̱gge̱ ki̱vi̱ta̱k Ki̱ri̱sto̱ kanyait tu̱we̱ne̱t ci okkomi.

1 Ko̱ri̱nto̱ 9:27

Korongi anna kedemez ele cinanni ko̱ kokkom kak kar kuwahek ol kaviyak cik Ta̱mu̱ta̱dde̱no̱ ju̱rru̱m. Kar atin anna ki nogo bu̱k kurubta ma̱yu̱we̱ne̱t ngati Ta̱mu̱ta̱dde̱no̱.

Evesos 4:14

Abunna kabiliz baiz ci kabahe ki i̱yo̱ko̱ dooli cikidik ko̱. Gerza ming kelemi ol cik volongak kecebtaet o̱o̱tti̱ de̱mzi̱nte̱ cinne̱ng volongo. Ogon ki ngooti ci odong kaal okkoye gon ngati okkoye ngooti.

Kolosiya 4:17

U̱du̱kta̱k Arkipas abunna ming edecak li̱ngli̱ngo̱n bali aanyik Manyi nonno ku̱tu̱gu̱ ke̱.

1 Te̱se̱lo̱ni̱ka̱ 2:16

ngati alamnyet ming iróng kuwaheka ol wak iróng een Ya̱u̱d kaviyak wak Ta̱mu̱ta̱dde̱no̱ abunna, wak atin eela nogo. Imma go̱o̱le̱ necu, otorte ba̱ci̱no̱wa̱ cigge̱k, utubur Ta̱mu̱ta̱dde̱n nong. Edez atin Ta̱mu̱ta̱dde̱n nogo zo̱ze̱ necu vu̱rrta̱.

1 Ti̱mo̱te̱yo̱ 1:3

Ki baling ka̱jji̱nni̱ la̱du̱n i̱i̱ bali kokkoye anna lo̱o̱ce̱ ci een Macedonia ke̱, aave i̱nna̱ o̱rge̱ ci een Ephesus kar gerenyek ol wak edemezek ol wak a̱tu̱we̱ zoz ci een volong.

1 Ti̱mo̱te̱yo̱ 4:15

I̱no̱n zo̱zzo̱k cik ka̱du̱wa̱ki̱ ko̱ odohize, li̱ngli̱ng ju̱rru̱m kar kicinnet ebere do̱o̱k ming u̱u̱li̱ i̱nna̱ de̱de̱.

1 Ti̱mo̱te̱yo̱ 4:6

Ming edemzike i̱nna̱ ti̱lo̱wi̱ne̱t ba̱li̱ye̱ ol wak a̱tu̱we̱, e̱e̱ni̱ atin du̱ca̱i̱t ci abunna ngati Ye̱su̱ Ki̱ri̱sto̱, adaizi i̱nna̱ ele, ogon ki i̱yo̱ko̱ ming adaizi i̱nna̱ ele zo̱ze̱ ci a̱tu̱we̱ Ta̱mu̱ta̱dde̱n ki de̱mzi̱ne̱t wa een de̱de̱ azunne i̱nna̱ ko̱, ki e̱e̱ti̱ ci adaiz ele da̱i̱nte̱.

2 Ti̱mo̱te̱yo̱ 2:10

I̱yo̱ko̱ zin, kinima no̱ngi̱tto̱n do̱o̱k zo̱ze̱ ci ol wak atahala Ta̱mu̱ta̱dde̱n, kar nege bu̱k kurubta ti̱ri̱ze̱ne̱t ngati Ye̱su̱ Ki̱ri̱sto̱, ki baiz wa a̱zi̱ze̱ aave udut.

2 Ti̱mo̱te̱yo̱ 3:14

Ma̱i̱je̱ ngatunne Ti̱mo̱te̱yo̱, medak de̱mzi̱ne̱t ba̱li̱ye̱ ju̱rru̱m, kar bil tu̱we̱nta̱ ju̱rru̱m, abunna ming a̱gga̱ ngene ci edemezin.

2 Ti̱mo̱te̱yo̱ 4:2

Uwahek ol zoz ci Ta̱mu̱ta̱dde̱no̱; abunna ming uwahek ol zoz ci Ta̱mu̱ta̱dde̱no̱ odohize, kar tu̱gu̱ra̱ o̱o̱tti̱ cik ollu, ti̱lo̱ ol ngati ogone kaal cik gerzek, kar gon zozek ol, demez nogo zinine ci voori.

Ti̱to̱ 1:9

Abunna ming a̱gga̱m enne kaviyak cik Ye̱su̱ balik edemeze ol nonno ke̱; kar atin enne ki̱ti̱lo̱ ol de̱mzi̱nte̱ neci, bak i̱ye̱la̱ ba̱ci̱nno̱k cik ol wak abure de̱mzi̱ne̱t neci.

Ti̱to̱ 2:15

I̱yo̱ko̱ zin, Ti̱to̱, demezek zo̱zzo̱k ne̱ko̱ ol wak a̱tu̱we̱. Dimannek nogo zo̱zzo̱k, anyik ku̱tu̱gu̱zzo̱ kaal ne̱ko̱. Aanyai i̱nna̱ komiz ci i̱lo̱tte̱ ol zo̱zzo̱we̱ ne̱ko̱. Abunna ming o̱ngo̱o̱li̱nni̱ ol do̱o̱k.

Ti̱to̱ 2:7

Abunna i̱nna̱ bu̱k ming ogoni kaal cik abunna kar ol kicinnet gool ci abunna ngatunne. Abunna kaala ne̱k ogoni ko̱ ming i̱ye̱la̱ de̱mzi̱ne̱t cunno̱ng.

Vilomene 1:19

Keheri anna Pa̱u̱lo̱ zoz necu a̱tte̱ cinanni. Ka̱ru̱i̱ atin anna nga̱bo̱lo̱ neci, iróng zin atin anna kabungi e̱e̱ni̱ i̱nna̱ bu̱k eliya nga̱bo̱le̱ni̱t cinanni go̱o̱le̱ ci amudanne i̱nna̱ baiz ngati Ki̱ri̱sto̱.

I̱bu̱ru̱ 12:15

Abunna ming eelannu kar urubta deten ci Ta̱mu̱ta̱dde̱no̱ niga do̱o̱k. Icinnet ju̱rru̱m, gerza ming oboda e̱e̱ti̱ ki vu̱rru̱t tu̱we̱nta̱ kar kize gerza bak a̱li̱b tu̱we̱ne̱t cunno̱ng, kar ol cik meelek kutungttek tu̱we̱ne̱t lo̱o̱c.

I̱bu̱ru̱ 13:9

Ma anyikku de̱mzi̱ne̱t ci aave do̱ kuwe o̱o̱tti̱ cuggo̱k. Anyik deten ci Ta̱mu̱ta̱dde̱no̱ ka̱a̱nyu̱ng komiz, iróng een ti̱lo̱wi̱ne̱t ci Musesi ko̱ icima á̱há̱t ci adakku kwo̱o̱ra̱ ko̱ ci a̱a̱nyu̱ng komiz, iróng á̱há̱ta̱ neci eelannung.

Je̱mi̱s 5:20

a̱a̱dda̱ zoz cu ju̱rru̱m: Ming eela e̱e̱ti̱ imma e̱e̱t ci mu̱nye̱nu̱ kutungek mu̱nye̱n lo̱o̱c, a̱ti̱ri̱z atin enne nonno daiza kar ku̱bu̱ng mu̱nye̱n cik meelek giir.