1 Ti̱mo̱te̱yo̱ 4:12 - Tennet

¹² Ma anyik ol kibbeztin eci i̱nna̱ e̱e̱ni̱ idica, abarik anyik ol cik a̱tu̱we̱ kicinnet gool ci uwahe i̱nna̱ zoz ci Ta̱mu̱ta̱dde̱no̱, gool ci owowonu ki ol, gool ci ireze Ta̱mu̱ta̱dde̱n ki ol, gool ci a̱tu̱we̱ Ta̱mu̱ta̱dde̱n, ki gool ci abahe labak.

1 Ti̱mo̱te̱yo̱ 4:12 ပူးပေါင်းရင်းမြစ်များ

Ma̱te̱yo̱ 18:10

“Ma zin ibbezzu do̱le̱c co̱de̱ ṯok doolinne ne̱ko̱. Ka̱du̱wa̱kku̱ng eci anjilonya cigge̱k acin ngu̱m ci Baatanni odohize wa aave ta̱mu̱-kenga.

1 Ko̱ri̱nto̱ 11:1

Abunna ming anuyang annit kaale wak gon kogonni anna ko̱, ki i̱yo̱ko̱ ming kanu anna kaal cik ogon Ki̱ri̱sto̱ ko̱.

Vilipia 4:8

Gotonogga ki ngonogga tu̱we̱nta̱, aartik zi̱nze̱tti̱ zoz ci een de̱de̱, zoz ci caale, zoz ci okko ṯop, zoz ci a̱li̱le̱, ki zoz ci abunna, icima zoz ci a̱zi̱ze̱ orong zi̱nze̱tti̱, ki zoz ci abunna kinnat naga. Ma abilizzu i̱no̱ni̱ne̱t kaal ne̱ko̱ do̱o̱k.

1 Te̱se̱lo̱ni̱ka̱ 1:6

I̱ye̱zte̱ttu̱ ba̱li̱ye̱ baize cinna̱ng ki baiz ci Manyi Ye̱su̱ bu̱k. Ming apirnannu tu̱we̱nta̱ zo̱ze̱ ci Ye̱su̱ niko, elemttau labak, ma̱i̱je̱ Vongizi ci A̱li̱le̱ a̱a̱nyu̱ng talninet zo̱ze̱ cinne ngati animnyu no̱ngi̱tto̱n.

1 Te̱se̱lo̱ni̱ka̱ 2:10

E̱e̱ggi̱nnu̱ niga ki Ta̱mu̱ta̱dde̱n bu̱k bbacak go̱o̱le̱ ci abunna ka̱li̱ngli̱ngnya̱ naga kaal ne̱ko̱, baling elemttau zoz ci Ye̱su̱ kabaito bu̱k ke̱, kabaka go̱o̱le̱ ci atali Ta̱mu̱ta̱dde̱n, i̱llo̱i̱ rok ba̱ci̱.

1 Ti̱mo̱te̱yo̱ 1:14

Aanya zin Manyitinna eezete wainne, tu̱we̱ne̱t ki rezinet wa karuba ngati Ye̱su̱ Ki̱ri̱sto̱.

2 Ti̱mo̱te̱yo̱ 2:15

Li̱ngli̱ngo̱zi̱k Ta̱mu̱ta̱dde̱n ju̱rru̱m, kar ize du̱ca̱i̱t cinne ci abunna, iróng anyak a̱li̱ya̱n, kar gga̱m zoz ci een de̱de̱ ju̱rru̱m.

2 Ti̱mo̱te̱yo̱ 2:22

Tungek baiz ci logozu lo̱o̱c. Tu̱gu̱ kaal cik abunna odohize, ki tu̱we̱ne̱t Ta̱mu̱ta̱dde̱n ki rezinet ol, ki a̱vvu̱ze̱t yahe ki ol wak a̱tu̱ Manyi zi̱nze̱tti̱nne̱ cik alali.

2 Ti̱mo̱te̱yo̱ 2:7

I̱no̱n zoz ci ka̱du̱wa̱ki̱ ko̱, aanyi atin Manyi genyiz ci okko a̱gga̱we̱ kaal do̱o̱k.

Ti̱to̱ 2:15

I̱yo̱ko̱ zin, Ti̱to̱, demezek zo̱zzo̱k ne̱ko̱ ol wak a̱tu̱we̱. Dimannek nogo zo̱zzo̱k, anyik ku̱tu̱gu̱zzo̱ kaal ne̱ko̱. Aanyai i̱nna̱ komiz ci i̱lo̱tte̱ ol zo̱zzo̱we̱ ne̱ko̱. Abunna ming o̱ngo̱o̱li̱nni̱ ol do̱o̱k.

Ti̱to̱ 2:7

Abunna i̱nna̱ bu̱k ming ogoni kaal cik abunna kar ol kicinnet gool ci abunna ngatunne. Abunna kaala ne̱k ogoni ko̱ ming i̱ye̱la̱ de̱mzi̱ne̱t cunno̱ng.

Je̱mi̱s 3:13

Ming anyak e̱e̱ti̱ imma genyiz kar ka̱gga̱ zoz orgene cunno̱ng, anyik nonno ki̱ye̱la̱ baize cinne abunna ko̱, go̱o̱le̱ ci ogone enne kaal zinine ci alali a̱kku̱ genyiza.

Je̱mi̱s 3:17

Imma zin genyizi ci a̱kku̱ ta̱mu̱-kenga een caala paz; kar zin kirez gano, alali mului, a̱gga̱ zoz ju̱rru̱m, aziye zoz ju̱rru̱m, anyak deten ki zoz ci abunna, iróng enger ol kar kanyak zoz ci een de̱de̱.

1 Peturu 5:3

Ma ogonnu ki alaata wak odong e̱le̱tti̱ olle ngati a̱gga̱me̱ ol. Abarik aanycik ol kicinnta li̱ngli̱ngo̱n cunno̱ng ngati a̱li̱ngli̱ngnyu̱ ju̱rru̱m.