1 Ti̱mo̱te̱yo̱ 4:1 - Tennet

¹ U̱du̱wa̱ Vongizi ci A̱li̱le̱ zoz de̱de̱, anyak atin vu̱rrta̱ ol cik odotik lo̱o̱c de̱mzi̱ne̱t ci a̱tu̱we̱ ol Ye̱su̱ ki Ta̱mu̱ta̱dde̱n, abarik ovvo azunne de̱mzi̱ne̱t ci een volong anyaha kuulo cik lo̱rye̱nta̱k.

1 Ti̱mo̱te̱yo̱ 4:1 ပူးပေါင်းရင်းမြစ်များ

Kananet 3:13

Iizek zin Manyi Ta̱mu̱ta̱dde̱n ngaa ne, “Nya ming ogoni niko ko̱?” O̱bo̱de̱k zin bo̱do̱k ngaa Ta̱mu̱ta̱dde̱n a̱nne̱k ne, “Uwat ci alabekan kar kadak o̱ya̱u̱ cik keet neci.”

Ma̱te̱yo̱ 18:7

Kar zin Ye̱su̱ bo̱do̱k kize ne, “O̱lle̱ cik lo̱o̱c cu eci anyike ol kabaccit. Aave ba̱ci̱ to, o̱lle̱ zin cik e̱e̱t wa anyaha ba̱ci̱.

Lu̱ka̱ 17:1

A̱nne̱k Ye̱su̱ nuyak ciginnek i̱i̱te̱n imma ne, “Izeto ojontte kaala cik aanyik ol ku̱tu̱gu̱zzo̱ mu̱nye̱n ko̱ kar ki̱vi̱ta̱, abarik o̱lle̱ ci e̱e̱t ci atin ovvo kaala ne̱ko̱ a̱vvu̱ go̱o̱le̱ cinne.

Kaviyak wak Abunna Ta̱mu̱ta̱dde̱no̱ eher Joni 16:13

Ming i̱ki̱ya̱ De̱me̱zo̱i̱ti̱ ci een Vongiz wa een de̱de̱, okko atin i̱ye̱le̱kku̱ng de̱mzi̱ne̱t wak e̱e̱ggi̱n de̱de̱. Iróng atin zoz ci okko enne a̱du̱wa̱ ko̱ een zoz cinne, a̱du̱wa̱kku̱ng atin zoz ci izik enne, kar zin atin ku̱du̱wa̱u̱ng gi̱i̱ ci atin okko a̱kku̱.

Buk wa To̱ni̱a̱u̱ 13:2

Imma ngati bali alawe nege Manyi kar bo̱do̱k ki̱ya̱yo̱, ize Vongizi ci A̱li̱le̱ ne, “Atahaltta Saul ki Barnabas ku̱tu̱gu̱zzo̱ li̱ngli̱ngo̱n bali kawak anna nogo la̱du̱n ke̱.”

Buk wa To̱ni̱a̱u̱ 17:18

A̱ka̱tte̱ zin koole ci Epicurean ki Stoic wak a̱gga̱ zoz ko̱ adangto ki nonno. I̱jji̱nto̱ uggak ngatinne̱ng, “Orong e̱e̱ti̱ ci ozoz darace ko̱ kize ne?” Ovvo uggak azi ne, “Ogon ki e̱e̱ti̱ ci ozoz ta̱mu̱ta̱dde̱ne̱t cik i̱do̱ngi̱nnu̱.” A̱du̱wa̱ nege zoz necu eci Pa̱u̱lo̱ uwahek ol kaviyak cik abunna obod ki Ye̱su̱ ki ngazi daiza.

Buk wa To̱ni̱a̱u̱ 20:23

Ka̱gga̱ anna eci a̱du̱wa̱ka̱ Vongizi ci A̱li̱le̱ o̱no̱zo̱we̱ o̱ro̱gjo̱we̱ cik kokkoye, azi ne, okko atin gi̱de̱ne̱t ki piryanzet i̱i̱na̱ka̱ annit lagama.

Buk wa To̱ni̱a̱u̱ 21:11

Ma baling i̱ki̱ya̱ rok agita, idima nyakadingo ci Pa̱u̱lo̱ kar zin kecebe azzin ki zo̱o̱ ciginnek, kar zin kize ne, “Azi Vongizi ci A̱li̱le̱ ne, ‘Eceb atin Ya̱u̱di̱ cik Jerusalemo manyi nyakadingo cu ki i̱yo̱ko̱, kar zin kaanycik ol wak iróng een Ya̱u̱d.’”

Buk wa To̱ni̱a̱u̱ 28:25

Adangto zin nege e̱le̱tti̱ne̱, ma baling ngen nege koot, iizek zin Pa̱u̱lo̱ nogo ne, “Ozoz Vongizi ci A̱li̱le̱ zoz ci een de̱de̱ ngati ji̱ji̱ti̱ggo̱k baling a̱du̱wa̱k enne a̱ri̱to̱i̱t wa een Isaya a̱nne̱k ne:

1 Ko̱ri̱nto̱ 10:20

Abarik zin gon ol wak aanyik kaal ta̱mu̱ta̱dde̱n cik adimanai azzine ko̱, iróng een Ta̱mu̱ta̱dde̱n de̱de̱. Iróng zin anna korongnyung i̱ge̱t kar i̱li̱ngli̱nge̱t ki kuulo cik lo̱rye̱nta̱k.

1 Ko̱ri̱nto̱ 11:19

Abarik bo̱do̱k ngero cunno̱ng ko̱ iróng gerza, kar abunna ka̱gga̱ elemi Ta̱mu̱ta̱dde̱n ollik jang ngatinno̱ng.

1 Ko̱ri̱nto̱ 12:11

E̱e̱ggi̱n ne̱ko̱ do̱o̱k li̱ngli̱ngo̱n ci e̱e̱t co̱de̱ ki Vongiz neci ele, aanyik enne nogo do̱o̱k e̱co̱de̱ e̱co̱de̱ ki ci orong enne.

1 Ko̱ri̱nto̱ 2:10

I̱ye̱le̱i̱t zin Ta̱mu̱ta̱dde̱n agit zoz ci a̱lu̱gnye̱ Vongize cinne. Orongnye Vongizi orong kaal do̱o̱k, orong rok kaal cik riilik Ta̱mu̱ta̱dde̱no̱.

2 Ko̱ri̱nto̱ 11:3

Ma̱i̱je̱ i̱yo̱ko̱, ko̱ngo̱o̱le̱ anna alabanung atin uwat ki bali ming alaba ogonikket Eva, ngaa ci Adami nyaate ci een Eden ke̱. Kar i̱yo̱ko̱, ecebannung atin uwat o̱o̱tti̱ kar iróng ngen arikku zi̱nze̱tti̱ Ki̱ri̱sto̱ de̱de̱ ki ba̱li̱ye̱.

Kolosiya 2:18

Ma anyikku e̱e̱t imma ci ozoz volonga a̱ru̱k talaben ngati alawe anjilonya kar ka̱a̱nyu̱ng i̱ge̱t imiret zo̱ze̱ ci Ki̱ri̱sto̱. Imma e̱e̱ti̱ ci ogon niko oob ke̱ngti̱ cik zo̱zzo̱k ne̱k icin enne ko̱ oroot, kar kodong ele, kar kozoz darace.

2 Ti̱mo̱te̱yo̱ 3:13

Ma̱i̱je̱ ol wak gerzek ki ol wak een volongnyok, gerza atin zoz cinne̱ng oroot, ovolongek ol kar bo̱do̱k ol kovolongttek nogo.

2 Ti̱mo̱te̱yo̱ 4:4

Ungnek abarik atin zoz wa een de̱de̱ lo̱o̱c, kar zin koronggit kiziyet zoz ci iróng een de̱de̱.

Je̱mi̱s 3:15

Iróng zin genyizi ci ogon niko a̱kku̱ ta̱mu̱-kenga, een genyiz ci lo̱o̱tu̱, iróng anyak zoz ci vongizo, anyak zoz ci lo̱rye̱nto̱.

1 Peturu 1:20

Atahala bali Ta̱mu̱ta̱dde̱n nonno baling ngen looci keteehenyai ke̱, abarik i̱ye̱la̱i̱ atin Ye̱su̱ ngati aṯurneke looci zo̱ze̱ cunno̱ng.

2 Peturu 2:1

Anyak ba̱li̱ye̱ a̱ri̱tto̱k cik volongak orgene ci olli Israilo. A̱vvu̱na̱kku̱ng atin bo̱do̱k de̱me̱zzo̱wa̱ wak volongak kar ku̱du̱ktta̱u̱ng zoz ci volongo. Edemezek atin nege ol de̱mzi̱ne̱t ci gerze lo̱mu̱k. Iróng de̱me̱zzo̱wa̱ ne̱ko̱ elemi zoz ci Manyi wa a̱ti̱ri̱z nogo mu̱nye̱ne̱, egerzan atin zoz neci e̱le̱tti̱ cigge̱k.

2 Peturu 3:3

Arrak oowa, abunna ming a̱gga̱yyu̱ i̱i̱te̱n ci okko looci aṯurneke, a̱vvu̱ atin ol wak a̱da̱c ol, ovvo aranne ol cik a̱tu̱we̱, abarik nege i̱no̱n kaal cik gerzek irez zi̱nze̱tti̱ cigge̱k do̱ niko.

1 Jon 2:18

Izikto niga dooli wagannik tu̱we̱nta̱, i̱ki̱ya̱ ṯurnenet ci lo̱o̱tu̱. Iziktu niga ba̱li̱ye̱ zoz ci azi ne, a̱kku̱ atin mo̱dde̱nti̱ ci amarine Ki̱ri̱sto̱. I̱yo̱ko̱ zin i̱ye̱ltta̱i̱ mo̱ddo̱ cik Ki̱ri̱sto̱ cik meelek. Imma zin zo̱ze̱ neci ka̱gga̱ i̱ki̱ya̱ ṯurnenet ci lo̱o̱tu̱.

1 Jon 4:6

Imma naga ke̱e̱ggi̱n ol cik Ta̱mu̱ta̱dde̱no̱. Ming a̱gga̱ e̱e̱ti̱ imma Ta̱mu̱ta̱dde̱n, aziye zoz cinna̱ng, imma e̱e̱ti̱ ci iróng a̱gga̱ Ta̱mu̱ta̱dde̱n, iróng aziye zoz cinna̱ng. Een necu gool ci ka̱gga̱we̱ Vongiz ci een de̱de̱ ki vongiz ci volongo.

Ju̱da̱ 1:18

A̱nne̱kku̱ng ne, “Imma atin i̱i̱nya̱we̱ cik okko looci aṯurneke, a̱vvu̱ atin ol cik ovvo aranne zoz ci Ta̱mu̱ta̱dde̱no̱, eci orong ku̱tu̱gu̱zzo̱ kaal cik gerzek amin zi̱nze̱tti̱ cigge̱k.”

Ju̱da̱ 1:4

Eci anyak ol u̱gge̱ cik eher zoz ci adange nege Ta̱mu̱ta̱dde̱n, iniktozeung nege orgen cunno̱ng. Abarik zin ol ne̱ko̱ aminye deten ci Ta̱mu̱ta̱dde̱n cinna kize gool ci ogone nege kaal cik gerzek, kar kimigtoi Manyi cinna Ye̱su̱ Ki̱ri̱sto̱ O̱de̱ Ṯok niko. Ettede zin lo̱ki̱ko̱ ci ol ne̱ko̱ bali reena.

O̱no̱zzo̱k 13:14

Ma̱rri̱t enne ogon kaal cik a̱vu̱la̱, anyozik zin nonno komizi ci ogone kaal zare cik e̱le̱gi̱t bali o̱o̱wu̱ ke̱, u̱lu̱t zin enne olli lo̱o̱tu̱. Kar ku̱du̱wa̱k ol kokovanta ngu̱m ci e̱le̱gto̱ biya kize gool ci o̱ngo̱o̱li̱nne̱ nege nonno, e̱le̱gi̱t bali abucane nyazuwata ke̱, imma ngatu ngen aruge dee.

O̱no̱zzo̱k 16:14

E̱e̱ggi̱n ne̱ko̱ kuulo cik lo̱rye̱nta̱k ogon kaal cik a̱vu̱la̱, kar zin koot reena ngati alaat cik lo̱o̱tu̱ do̱o̱k, kar kuluta nogo koot koorit illa i̱i̱te̱ne̱ ci a̱ddi̱ki̱re̱ Ta̱mu̱ta̱dde̱no̱ wa anyak Komiz do̱o̱k.

O̱no̱zzo̱k 18:2

Egereny zin enne muluwe ci a̱bu̱le̱: “I̱li̱be̱ bai! I̱li̱be̱ Babiloni orogi ci a̱ddi̱ki̱re̱! Ize enne ce̱e̱z ci abahe kuulo cik lo̱rye̱nta̱k kar kize nyaperit ci vongizzok cik lo̱rye̱nta̱k, een nyaperit ci iballi cik ngoronyik gerzek.

O̱no̱zzo̱k 18:23

Iróng atin bo̱do̱k gwa̱a̱ ci urezo alanyit ngatunne bo̱do̱k udut. Imma mului ci e̱e̱t ci aruce ki buuwec, iróng atin i̱nna̱ azii o̱rge̱ cunne bo̱do̱k udut. Ovvo ol balik utene kaal ke̱ nogo cik e̱e̱ggi̱n ol cik a̱ddi̱ki̱re̱. Imma go̱o̱le̱ ci a̱ru̱we̱ i̱nna̱ agura, i̱ti̱ye̱ lo̱o̱cco̱k do̱o̱k go̱o̱le̱ ci gerze.

O̱no̱zzo̱k 19:20

Ma̱i̱je̱ zin da̱ e̱le̱gi̱ti̱ a̱gga̱me̱, nonno ki a̱ri̱to̱i̱t ci volongo, ogonek nege kaal cik a̱vu̱la̱ ko̱ e̱le̱gi̱t. Imma zo̱ze̱ ci a̱vu̱la̱ u̱tu̱gu̱ enne ke̱, alaba enne ol wak anyak baayenit ci e̱le̱gto̱ kar ki̱di̱ngdi̱nga̱ni̱t ri̱ri̱to̱n cinne. Kar rama ngatinne̱ng ku̱ju̱kto̱zi̱k rugetet gwo̱o̱ ci apadpadi oroot.

O̱no̱zzo̱k 2:11

Ming anyak e̱e̱ti̱ imma iin ko̱, anyik kizik zoz ci a̱du̱wa̱k Vongizi ci Ta̱mu̱ta̱dde̱no̱ ol wak a̱tu̱we̱ ke̱le̱ci̱a̱nya̱i̱. Imma e̱e̱ti̱ ci anime, iróng atin enne apirna ming okko daizi ci vu̱rrto̱ a̱kku̱.

O̱no̱zzo̱k 2:17

Ming anyak e̱e̱ti̱ imma iin ko̱, anyik nonno kizik zoz ci a̱du̱wa̱k Vongizi ci Ta̱mu̱ta̱dde̱no̱ ol wak a̱tu̱we̱ ke̱le̱ci̱a̱nya̱i̱. Imma e̱e̱ti̱ ci anime no̱ngi̱tto̱n, kanyike atin anna nonno da̱i̱ne̱t cik een maana a̱lu̱gnye̱ ko̱. Kanyike atin anna nonno bu̱k biyen cik voorik, anyak zar cik e̱he̱rye̱ biyene ne̱ke̱, a̱gga̱ e̱e̱ti̱ ci a̱gga̱ma̱ ko̱ do̱.

O̱no̱zzo̱k 2:29

Ming anyak e̱e̱ti̱ imma iin ko̱, anyik nonno kizik zoz ci a̱du̱wa̱k Vongizi ci Ta̱mu̱ta̱dde̱no̱ ol wak a̱tu̱we̱ ke̱le̱ci̱a̱nya̱i̱.

O̱no̱zzo̱k 2:7

Ming anyak e̱e̱ti̱ iin ko̱, anyik nonno kizik zoz ci a̱du̱wa̱k Vongizi ci Ta̱mu̱ta̱dde̱no̱ ol wak a̱tu̱we̱ ke̱le̱ci̱a̱nya̱i̱. Kanyik atin anna ol wak anime no̱ngi̱tto̱n kadait o̱ya̱u̱ cik keet ci rugeto, ci aave ta̱mu̱-kenga ki Ta̱mu̱ta̱dde̱n.

O̱no̱zzo̱k 20:10

Imma lo̱rye̱nti̱ bali a̱lu̱t nogo ke̱, u̱ju̱ko̱zi̱k gwo̱o̱ ci apadpadi oroot, nginti a̱ju̱ko̱ni̱k e̱le̱gi̱ti̱ ki a̱ri̱to̱i̱t ci volongo. Apirna atin nege nginati tu̱p kaal udut.

O̱no̱zzo̱k 20:8

Kar atin enne kuk ku̱lu̱t olli lo̱o̱tu̱, vatanine: i̱do̱, i̱do̱li̱ya̱, je̱e̱n, ki nyege cik lo̱o̱tu̱ e̱e̱ggi̱n we̱c. Okko alaba ciko Gog ki Magog kar kuwe illawa. E̱e̱ggi̱n nege koole ci atubo ki azac ti̱ti̱me̱ ci liil ci a̱ddi̱ki̱re̱.

O̱no̱zzo̱k 3:13

Ming anyak e̱e̱ti̱ imma iin ko̱, anyik kizik ju̱rru̱m zoz ci a̱du̱wa̱k Vongizi ci Ta̱mu̱ta̱dde̱no̱ ol wak a̱tu̱we̱ ke̱le̱ci̱a̱nya̱i̱.

O̱no̱zzo̱k 3:22

Ming anyak e̱e̱ti̱ imma iin ko̱, anyik kizik ju̱rru̱m zoz ci a̱du̱wa̱k Vongizi ci Ta̱mu̱ta̱dde̱no̱ ol wak a̱tu̱we̱ ke̱le̱ci̱a̱nya̱i̱.”

O̱no̱zzo̱k 3:6

Ming anyak e̱e̱ti̱ imma iin ko̱, anyik kizik ju̱rru̱m zoz ci a̱du̱wa̱k Vongizi ci Ta̱mu̱ta̱dde̱no̱ ol wak a̱tu̱we̱ ke̱le̱ci̱a̱nya̱i̱.

O̱no̱zzo̱k 9:20

Imma ol balik ngen ku̱ru̱kte̱ zerenine ke̱, iróng ungnek kaal cik adiman nege azzine cigge̱k; iróng ngen abilne gool ci a̱di̱ngdi̱nga̱ne̱ nege kuulo cik lo̱rye̱nta̱k, ki to̱do̱yyo̱k cik adimanai zu̱rte̱ne̱ne̱ cik een dhahab, ki ziik cik ataltali, ki biyen ki keen, to̱do̱yyo̱k cik iróng acine icima aziye icima owo.