1 Ti̱mo̱te̱yo̱ 3:3 - Tennet

³ Gerza ming een e̱e̱t ci een bba̱kco̱i̱t, gerza ming avaraci gaganiko. Abunna abarik ming een e̱e̱t ci gununi. Kar zin iróng irez o̱ro̱bi̱ya̱.

1 Ti̱mo̱te̱yo̱ 3:3 ပူးပေါင်းရင်းမြစ်များ

Ma̱te̱yo̱ 21:13

A̱nne̱k zin Ye̱su̱ nogo ne, “E̱he̱rye̱ Warage ci Ta̱mu̱ta̱dde̱no̱ azi ne, ‘Awu atin ol Ce̱e̱z cinanni kize Ce̱e̱z wa Lawinto,’ abarik niga anyikku kize ‘nyaperit ci a̱lu̱ngnye̱ne̱ ogoryaha.’”

Buk wa To̱ni̱a̱u̱ 20:33

Ngen anna katamatek ziik cik ataltali icima dhahab icima ru̱u̱ma̱ni̱ cik e̱e̱t imma.

Roma 16:18

Iróng ol ne̱k ogon niko ko̱ a̱li̱ngli̱nge̱k Manyitinna Ki̱ri̱sto̱, abarik a̱li̱ngli̱ng gi̱i̱ ci orong zi̱nze̱tti̱ cigge̱k. A̱lu̱t ol zo̱ze̱ ci a̱ru̱we̱ nege muluk lo̱o̱c kar ku̱lu̱te̱t ol wak iróng a̱gga̱ zoz.

Evesos 5:18

Ma egerzannu e̱le̱tti̱ mertene, eci zoz necu okkoyyung go̱o̱le̱ ci gerze. Abarik aanycik Vongiz ci Ta̱mu̱ta̱dde̱no̱ ka̱vvu̱ zi̱nze̱tti̱nne̱ cuggo̱k.

1 Te̱se̱lo̱ni̱ka̱ 5:14

Gotonogga ki ngonogga tu̱we̱nta̱, kilalekkung egerenycek ol cik e̱e̱ggi̱n gu̱u̱rwa̱. I̱ti̱lo̱z ol cik o̱ngo̱o̱le̱ zoz kokkomit zi̱nze̱tti̱. Eelta icima u̱zu̱tte̱ ol cik apirna kar bo̱do̱k inimet ol do̱o̱k.

1 Ti̱mo̱te̱yo̱ 3:8

Abunna zin bo̱do̱k ol wak een kuye Ce̱e̱ze̱ wa Ta̱mu̱ta̱dde̱no̱ ming e̱e̱ggi̱n ol cik abak baiz ci a̱zi̱ze̱. Gerza ming etted ebere, icima a̱bu̱re̱ merta. Gerza ming a̱bu̱re̱ o̱ro̱bi̱ya̱i̱.

2 Ti̱mo̱te̱yo̱ 3:2

Orong atin ol kaal do̱o̱k kizeto cigge̱k, kar bo̱do̱k kirezit o̱ro̱bi̱ya̱, a̱ppi̱k atin ol e̱le̱tti̱, odom ol e̱le̱tti̱ oroot, ogon kaal cik gerzek i̱ba̱ti̱ne̱, iróng ol ngen o̱ngo̱o̱le̱ be̱e̱ti̱gge̱k ki e̱e̱ti̱gge̱k. Iróng anyik ol zany icima o̱ngo̱o̱le̱ Ta̱mu̱ta̱dde̱n, abak baiz ci gerze.

Ti̱to̱ 1:11

Ma anyike nyakanganet cik volongak ko̱ ke̱de̱me̱zi̱t ol cik Ta̱mu̱ta̱dde̱no̱, eci de̱mzi̱nte̱ neci egerzanit ol cik meelek oroot, iróng ngen elemi zoz ci een de̱de̱. Orong demezyaha cik ogon niko o̱ro̱bi̱ya̱ cik ollu.

Ti̱to̱ 1:7

Abunna ming abak baiz ci emede eci enne een tuwayoit ci Ta̱mu̱ta̱dde̱no̱. Gerza ming idica zinin, gerza ming een bba̱kco̱i̱t, gerza ming een e̱e̱t ci jo̱o̱re̱ttu̱, gerza ming anyak zinin ci a̱ppwe̱ o̱ro̱bi̱ya̱i̱.

Ti̱to̱ 2:3

Ti̱lo̱ bo̱do̱k ngaai wak a̱ddi̱ki̱re̱ bu̱k kar kabaito baiz wa ngaai cik elemtta Ta̱mu̱ta̱dde̱n. Gerza ming omomot ol volonga, gerza ming een bba̱kco̱k. Abarik abunna ming edemez ol kaal cik abunna.

Ti̱to̱ 3:2

Gerza ming ozoz e̱e̱ti̱ gerzet, abunna ming alit dango. Abarik, abunna ming e̱e̱ggi̱nnu̱ ol cik gununik, abunna ming i̱i̱rke̱nnu̱ olle do̱o̱k.

I̱bu̱ru̱ 13:5

Ma amanikku o̱ro̱bi̱ya̱ cik ollu, e̱le̱zzo̱ ki cik aanyai i̱nna̱ ko̱. Eci ize Ta̱mu̱ta̱dde̱n ne, “Iróng atin anna ko̱do̱te̱kku̱ng i̱ge̱t lo̱o̱c, iróng atin anna kungnekkung lo̱o̱c.”

Je̱mi̱s 4:1

Nya ci anyaha jo̱o̱re̱t ki dango orgene cunno̱ng? Een kaal ne̱k a̱vvu̱ zo̱ze̱ ci orongnyu niga kaal cik a̱ti̱ko̱nu̱ imma i̱ge̱t zi̱nze̱tti̱nne̱ ko̱, cik anyaha jo̱o̱re̱t.

1 Peturu 5:2

Ki i̱yo̱ko̱ tuwayoiti ko̱, u̱zu̱tte̱ ol cik Ta̱mu̱ta̱dde̱no̱ a̱a̱nyu̱ng enne ko̱, abunna ming azunnu nogo. U̱tu̱gu̱z li̱ngli̱ngo̱n necu zi̱nze̱tti̱nne̱ cik alali ki ming orong Ta̱mu̱ta̱dde̱n. U̱zu̱tte̱ nogo ci iróng een zoz ci orongnyu o̱ro̱bi̱ya̱, abarik aanycik kize li̱ngli̱ngo̱n ci a̱kku̱ zi̱nze̱tti̱nne̱ ciggo̱k.

2 Peturu 2:3

Anyak atin ol ne̱ke̱ zi̱nze̱tti̱ cik a̱ppi̱nte̱k kaale, ozoziku̱ng u̱tu̱ge̱tti̱ne̱ cik emede. Ettedik Ta̱mu̱ta̱dde̱n nogo lo̱ki̱ko̱ zo̱ze̱ necu, iróng zin enne adunge.

Ju̱da̱ 1:11

Ize nonga o̱lle̱ ngatinne̱ng, eci nege unuwet zoz ci Kaini, wa bali amuny gotoni ke̱. Ogon nege kaal cik gerzek ki i̱yo̱ko̱ bali e̱e̱ti̱ wa een zara Balaam ke̱, kar kurubtai nege o̱ro̱bi̱ya̱. Atubo bo̱do̱k nege ki e̱e̱t wa azi zar ne Korah bali aburnek Ta̱mu̱ta̱dde̱n nong ke̱, adita atin Ta̱mu̱ta̱dde̱n nogo ki baling a̱ru̱k Korah ke̱.

O̱no̱zzo̱k 1:9

Ke̱e̱ni̱ anna Jon, gotonnu cunno̱ng tu̱we̱nta̱, kozol ki i̱ge̱t pirnanet, ki ba̱a̱li̱ne̱t ci Ta̱mu̱ta̱dde̱no̱, ki nimenet no̱ngi̱tto̱n zo̱ze̱ ci Ye̱su̱. Kaave ba̱li̱ye̱ anna lo̱o̱ce̱ ci aburuk maama een Patmos, kabai ki ci kecebje lagama, eci kuwahek ol zoz ci Ta̱mu̱ta̱dde̱no̱, kibbaci bo̱do̱k anna zoz ci Ye̱su̱.