1 Ti̱mo̱te̱yo̱ 3:16 - Tennet

¹⁶ I̱llo̱i̱ gi̱i̱ imma ci ommog li̱ngli̱ngo̱n wa obod ki gool wa Ta̱mu̱ta̱dde̱no̱ bali arrak a̱lu̱gnye̱ ke̱. I̱ye̱la̱i̱ Ye̱su̱ wa atahalai lo̱o̱ta̱ kize e̱e̱t ci diiri. Kar Vongizi ci Ta̱mu̱ta̱dde̱no̱ ki̱ye̱la̱ een enne de̱de̱ Ngerrti Ta̱mu̱ta̱dde̱no̱. Kar zin anjilonya wak Ta̱mu̱ta̱dde̱no̱ bu̱k kicinnet nonno. Uwakttek ol zoz wa obod ki nonno lo̱o̱cco̱k do̱o̱k. U̱tu̱we̱t zin ol cik meelek nonno lo̱o̱cco̱k do̱o̱k, kar zin Ta̱mu̱ta̱dde̱n kodong nonno kuuwe ta̱mu̱-kenga.

1 Ti̱mo̱te̱yo̱ 3:16 ပူးပေါင်းရင်းမြစ်များ

Ma̱te̱yo̱ 1:23

“Okko atin do̱le̱c ci nga̱a̱ye̱ ngen ka̱ta̱gu̱zzo̱ ki e̱e̱t imma ko̱, anyak atin do̱le̱c ci maci, akanonik atin ol zara cik een Immanuwel” azi keng cinne ne, “Aave Ta̱mu̱ta̱dde̱n ngati een agita.”

Ma̱te̱yo̱ 13:11

O̱bo̱de̱k zin Ye̱su̱ nogo, “Anyoziung i̱ge̱t genyizi ci a̱lu̱gnye̱ ba̱a̱li̱nte̱ ci ta̱mu̱-kengo, iróng anyonik nogo.

Ma̱te̱yo̱ 28:2

Ataman niko otomowe ki̱rki̱ryi̱ lo̱o̱c, ulucak zin anjilo ci Manyi ta̱mu̱-kenga lo̱o̱c. Iyot zin bee bali anyuge ol ilomi ci Ye̱su̱ ke̱ kar ka̱vvu̱ biye neci.

Ma̱te̱yo̱ 3:16

A̱gga̱me̱k zin Joni Ye̱su̱ ba̱ti̱ti̱mo̱, baling okko Ye̱su̱ iyowa maame, oowe ta̱mu̱-kengi, icin zin Ye̱su̱ Vongiz ci Ta̱mu̱ta̱dde̱no̱ a̱kku̱nna̱k lo̱o̱c kiwagon lu̱be̱ ki̱ta̱k nonno iba.

Ma̱te̱yo̱ 4:11

Imma nginatu utungek lo̱rye̱nti̱ nonno lo̱o̱c kar anjilonya cik Ta̱mu̱ta̱dde̱no̱ ki̱vi̱ta̱ keeltta nonno.

Marko 1:13

A̱vvu̱ zin enne balala i̱i̱nya̱ moten we̱c, atiman nonno Sitani. Aave enne ki elegje, kar anjilonya cik Ta̱mu̱ta̱dde̱no̱ ki̱ti̱ri̱ze̱t nonno.

Marko 16:19

Baling ozozek Manyi Ye̱su̱ zoz ki nogo, odonge zin enne uk ta̱mu̱-kenga kar ka̱vvu̱ ngati doizo a̱tte̱ ci Ta̱mu̱ta̱dde̱no̱ a̱zzo̱.

Marko 16:5

Baling ovvo nege i̱i̱zo̱ ilomi, u̱mu̱dda̱ lo̱gu̱t ci aim ru̱u̱m ci voori ming aave o̱to̱ne̱ ci a̱zzo̱. U̱ku̱lte̱k zin nege je̱e̱n.

Lu̱ka̱ 2:32

tukulec ci i̱ye̱le̱k ol cik iróng een Ya̱u̱d, ki di̱ngdi̱ngo̱n ci ol cigunnek Israilo.”

Lu̱ka̱ 20:44

Awu Da̱vi̱de̱ nonno kize ‘Manyi.’ Okko bo̱do̱k enne een Ngerinne ku̱?”

Lu̱ka̱ 22:43

I̱ye̱le̱k zin anjilo ci a̱kku̱ ta̱mu̱-kenga nonno ele kar kanyik nonno doiz.

Lu̱ka̱ 24:4

Baling a̱ma̱li̱ltte̱ o̱o̱tti̱ cigge̱k zo̱ze̱ necu, i̱vi̱ta̱ zin ol cik e̱e̱ggi̱n rama aim ru̱u̱ma̱ni̱ cik voorik per ibilet abanyce cinne̱ng.

Lu̱ka̱ 24:51

Baling ngen enne a̱mu̱yu̱k nogo niko, utungek nogo lo̱o̱c, odonge enne uk ta̱mu̱-kenga.

Kaviyak wak Abunna Ta̱mu̱ta̱dde̱no̱ eher Joni 1:14

I̱ki̱ya̱ Zoz neci ize e̱e̱t ci diiri kar zin kabak orgene cinna, anyak deten ki zoz ci een de̱de̱. Kicinnet naga komiz cinne, komiz ci anyak enne do̱ Ngerrti Ta̱mu̱ta̱dde̱no̱ wa o̱de̱ ṯok wa a̱kku̱ ngati Baatinne.

Kaviyak wak Abunna Ta̱mu̱ta̱dde̱no̱ eher Joni 13:3

A̱gga̱ Ye̱su̱ niko ming aarik Baatinne kaal do̱o̱k azzin ciginnek, a̱gga̱ bo̱do̱k a̱kku̱ enne ba̱li̱ye̱ ngati Ta̱mu̱ta̱dde̱no̱, kar bo̱do̱k ki̱mi̱re̱ kuk ngati Ta̱mu̱ta̱dde̱no̱.

Kaviyak wak Abunna Ta̱mu̱ta̱dde̱no̱ eher Joni 15:26

“Ming i̱ki̱ya̱ De̱me̱zo̱i̱ti̱ wa atin ki̱tto̱na̱kku̱ng ngati Baba, een enne Vongiz wa een de̱de̱. Iyowa enne ngati Baba okko ibbacikung zoz ci obod ki annita.

Kaviyak wak Abunna Ta̱mu̱ta̱dde̱no̱ eher Joni 16:28

Ka̱kku̱ni̱ anna ngati Baba ka̱kku̱na̱k lo̱o̱c, abarik zin i̱yo̱ko̱ kutungeya lo̱o̱c ki̱mi̱re̱ kuwa ngati Baba.”

Kaviyak wak Abunna Ta̱mu̱ta̱dde̱no̱ eher Joni 17:5

I̱yo̱ko̱ zin Baba, anyik zar cigannik ku̱bu̱lte̱ ngu̱me̱ cunne bu̱le̱nte̱ bali kanyak ki i̱nne̱ta̱ la̱du̱n baling ngen keteehenye looci ke̱.

Kaviyak wak Abunna Ta̱mu̱ta̱dde̱no̱ eher Joni 20:12

icin zin anjilonya ram cik Ta̱mu̱ta̱dde̱no̱ aim ru̱u̱ma̱ni̱ cik voorik, aavtte ngin bali abahek ol Ye̱su̱ ke̱. Okko anjilo co̱de̱ aave o̱to̱ne̱ ci oowu imma co̱de̱ aave o̱to̱ne̱ ci zoonu.

Kaviyak wak Abunna Ta̱mu̱ta̱dde̱no̱ eher Joni 6:62

Ogon wo̱ye̱ ku̱ ming acinnu Ngerrti E̱e̱to̱ ming a̱mi̱re̱ okko ngin bali a̱kku̱nne̱ ke̱, ta̱mu̱-kenga!

Buk wa To̱ni̱a̱u̱ 1:19

Iziyyet ol do̱o̱k Jerusalema zoz necu, a̱ka̱tte̱k ol ma̱na̱ neci kize Akeldama, azi keng cinne utuge cinne̱ng ne, Ma̱na̱ ci bi̱ye̱tu̱.

Buk wa To̱ni̱a̱u̱ 10:34

Akate zin Peturu ozoza: “De̱de̱, kacinni, iróng Ta̱mu̱ta̱dde̱n ahal ol

Buk wa To̱ni̱a̱u̱ 14:27

Baling a̱ra̱yya̱ nege Antiyok, u̱tu̱yya̱ ol wak a̱tu̱we̱ do̱o̱k kar ku̱du̱kta̱k kaal cik u̱tu̱gu̱we̱k Ta̱mu̱ta̱dde̱n nogo ki bo̱do̱k ol wak iróng een Ya̱u̱d u̱tu̱we̱t Ye̱su̱.

Buk wa To̱ni̱a̱u̱ 20:28

U̱zu̱tte̱ e̱le̱tti̱ ciggo̱k ki ol wak a̱a̱nyu̱ng Vongizi ci A̱li̱le̱, abunna ming aballu nogo. Izet tuwayok cik ke̱le̱ci̱a̱ ci Ta̱mu̱ta̱dde̱no̱, wak balik uuta Ye̱su̱ bi̱ye̱te̱ ciginnek ke̱.

Roma 10:12

I̱llo̱i̱ zoz imma ci gerze. Ming een e̱e̱ti̱ Ya̱u̱d icima iróng een Ya̱u̱d, kanyak Manyi co̱de̱ ṯok, i̱i̱rke̱ enne ngati ol wak a̱jji̱n nonno do̱o̱k.

Roma 10:18

Abarik ka̱jji̱ne̱: Ngen olli Israilo kiziyet kaviyak? Iziyyet zin ba̱li̱ye̱: “Uzuca mului cinne̱ng lo̱o̱cco̱k do̱o̱k, ki zo̱zzo̱k cigge̱k bu̱k.”

Roma 16:25

Abunna kinnat Ta̱mu̱ta̱dde̱n kanyike zany, eci anyak enne komiz ci anyike zi̱nze̱tti̱ cuggo̱k kodoit tu̱we̱nte̱ ci kaviyak cik abunna, obod ki Ye̱su̱ Ki̱ri̱sto̱, zo̱ze̱ wa een de̱de̱ bali a̱lu̱gnye̱, ngen e̱e̱ti̱ imma ka̱gga̱ ngati bali akanane looci bu̱u̱llo̱we̱ balik reentik abak udut ke̱.

Roma 16:26

Ma̱i̱je̱ i̱yo̱ko̱ zin, i̱ye̱la̱i̱ zoz bali eher a̱ri̱tto̱wa̱ balik reentik ke̱ zo̱ze̱ bali u̱du̱wa̱ Ta̱mu̱ta̱dde̱n udut ke̱. Kar ol do̱o̱k lo̱o̱ta̱ ngatu ku̱tu̱we̱t zo̱zzo̱k ne̱ke̱ kar ko̱to̱ngo̱o̱ltte̱ nonno.

Roma 3:4

Iróng een niko! A̱du̱wa̱ Ta̱mu̱ta̱dde̱n zoz ci een de̱de̱, ming nu̱nu̱n ovolong ol do̱o̱k, aalna zoz cinne een de̱de̱ udut. E̱he̱rye̱ Warage ci Ta̱mu̱ta̱dde̱no̱ zoz ci obod ki Ta̱mu̱ta̱dde̱n, azi ne, “I̱ye̱la̱i̱ atin zoz cunne een de̱de̱ ming ozozi i̱nna̱, ommogi atin i̱nna̱ ol wak orong kadayi i̱nne̱t lo̱ki̱ka̱.”

Roma 8:3

Iróng lo̱ti̱nno̱wa̱ balik aanyik Ta̱mu̱ta̱dde̱n Muses ke̱ aruguzeta eci mu̱nye̱na̱ amunyeta, ki i̱yo̱ko̱, eci naga ol cik diirik iróng kanime ku̱zu̱tte̱ nogo. Abarik zin Ta̱mu̱ta̱dde̱n aanyyet ruget ngati i̱tto̱na̱ne̱ Ngerinne kize e̱e̱t ci diiri ki olli mu̱nye̱nu̱ kar ki̱ki̱ya̱ kize wawac ci aara ol mu̱nye̱n. Aanyik Ta̱mu̱ta̱dde̱n ele ci Ye̱su̱ kize ci edeze enne mu̱nye̱n.

Roma 9:5

A̱rri̱ta̱ nogo alaata wak a̱ddi̱ki̱re̱, a̱vvu̱ ji̱ji̱ti̱k Ki̱ri̱sto̱ tatuge necu, wa een Ta̱mu̱ta̱dde̱n ci kaal do̱o̱k. Kinnatit zar cik Ta̱mu̱ta̱dde̱no̱ udut. Amen.

1 Ko̱ri̱nto̱ 15:47

Eenyca Ta̱mu̱ta̱dde̱n Adam, e̱e̱t wa een oo todowai, okko e̱e̱ti̱ ci vu̱rrto̱ een Ye̱su̱, a̱kku̱ ta̱mu̱-kenga.

1 Ko̱ri̱nto̱ 2:7

I̱llo̱i̱, imma genyizi ci kozoz ko̱, een genyiz ci Ta̱mu̱ta̱dde̱no̱ bali arrak a̱lu̱gnye̱ ke̱, orong Ta̱mu̱ta̱dde̱n kaanyik ol cik diirik kize ci a̱di̱ngdi̱nga̱n Ta̱mu̱ta̱dde̱n nogo baling ngen enne kakate teheenyinet lo̱o̱c.

2 Ko̱ri̱nto̱ 1:19

Eci annit ki Ti̱mo̱te̱yo̱ ki Silas cik kuwahekkung zoz ci Ye̱su̱ Ki̱ri̱sto̱ Ngerrti Ta̱mu̱ta̱dde̱no̱ wa een zoz cinne de̱de̱, iróng abaci. Ogon zoz ci een de̱de̱, iróng anyak zi̱nze̱tti̱ ram.

Ga̱la̱ti̱a̱ 2:8

Ta̱mu̱ta̱dde̱n dee niko ci anyike Peturu komiz kize to̱ni̱a̱t ci uwahek Ya̱u̱d zoz cinne, kar bo̱do̱k atahalan kize to̱ni̱a̱t ci kuwahek ol wak iróng een Ya̱u̱d kaviyak ciginnek.

Ga̱la̱ti̱a̱ 4:4

Baling utube i̱i̱te̱ni̱ ci odola Ta̱mu̱ta̱dde̱n, i̱tto̱na̱ zin Ngerinne, a̱rri̱ta̱i̱ ngati e̱e̱t ci diiri, kar enne bu̱k ko̱to̱ngo̱o̱le̱ lo̱ti̱nno̱k.

Evesos 1:9

I̱ye̱le̱kke̱t enne talninta gi̱i̱ bali a̱lu̱gu̱ny enne zinina la̱du̱n ke̱. Orong enne la̱du̱n gi̱i̱ neci kar ki̱ki̱ya̱ ku̱tu̱gu̱we̱ ngati Ki̱ri̱sto̱.

Evesos 6:19

Alayeang gon annit bu̱k Ta̱mu̱ta̱dde̱n kar kaanya enne annit ku̱du̱wa̱ zo̱zzo̱k cik abunna gwo̱o̱nya̱ do̱o̱k ngati kozoze, kar kuwahek mazeta ol do̱o̱k ke̱ngti̱ cik kaviyak cik abunna Ta̱mu̱ta̱dde̱no̱ bali arrak a̱lu̱gnye̱ ke̱.

Kolosiya 1:23

Abarik abunna ming aalnannu tu̱we̱nte̱ cunno̱ng, abilnnu ṯop, ma ungneku kaviyak cik abunna arikku niga zi̱nze̱tti̱ ko̱. E̱e̱ggi̱n ne̱ko̱ kaviyak cik abunna iziktu niga ba̱li̱ye̱, uwaktozik ol do̱o̱k lo̱o̱ta̱ ngatu. Ke̱e̱ni̱ zin anna Pa̱u̱lo̱ du̱ca̱i̱t ci ka̱li̱ngli̱ngi̱ li̱ngli̱ngo̱n ci kaviyak ne̱ke̱.

Kolosiya 1:27

Ogon Ta̱mu̱ta̱dde̱n niko eci enne orong ki̱ye̱le̱k ol wak iróng een Ya̱u̱d zoz cinne a̱lu̱ngnye̱ ko̱, nonno ci een Ki̱ri̱sto̱ ci abak ngatinno̱ng, nonno ci karike naga zi̱nze̱tti̱ kar kurubta di̱ngdi̱ngo̱n ci Ta̱mu̱ta̱dde̱no̱.

Kolosiya 1:6

balik i̱vi̱tta̱u̱ng i̱ge̱ta̱ ke̱. Azawonik kaviyaha ne̱ke̱ lo̱o̱c do̱o̱k, kar kanyak o̱ya̱u̱ cik alize orgene cunno̱ng i̱i̱te̱ne̱ bali aziknnu niga ke̱ kar a̱gga̱c deten ci Ta̱mu̱ta̱dde̱no̱ zo̱ze̱ ci een de̱de̱.

Kolosiya 2:2

Korongi anna ki̱ti̱lo̱ nogo kokkomit zi̱nze̱tti̱ kar urumte nga̱to̱de̱ rezinta, kar zin anyait genyiz ci a̱gga̱yyu̱ zoz ju̱rru̱m, kar a̱gga̱c zoz ci Ta̱mu̱ta̱dde̱no̱ a̱lu̱gnye̱ ci een Ki̱ri̱sto̱ ele.

2 Te̱se̱lo̱ni̱ka̱ 1:10

Akane atin de̱zi̱ne̱t necu ming okko Ye̱su̱ oboda kataltal ele ngati ol wak a̱li̱le̱ a̱tu̱ zoz cinne kar ko̱to̱ngo̱o̱ltte̱ nonno. Kar ol balik a̱tu̱ nonno katalit. Iddonginu atin niga bu̱k ki ol ne̱ke̱, eci a̱tu̱yyu̱ zoz bali kuwahekkung obod ki Ye̱su̱ ke̱.

2 Te̱se̱lo̱ni̱ka̱ 2:7

Eci doizi ci e̱e̱t ci mu̱nye̱nu̱ a̱lu̱gnye̱ ko̱ i̱li̱ngli̱ng la̱du̱n; ma̱i̱je̱ e̱e̱ti̱ ci alam nonno i̱yo̱ko̱ ko̱, ngen a̱gga̱me̱k vu̱rru̱t zee kaara nonno goola.

1 Ti̱mo̱te̱yo̱ 3:9

Abunna ming a̱gga̱m zoz wa tu̱we̱nto̱ ju̱rru̱m zi̱nze̱tti̱nne̱ cik caalek paz.

I̱bu̱ru̱ 1:3

I̱ye̱la̱ Ngerinne doiz ki di̱ngdi̱ngo̱n ci Ta̱mu̱ta̱dde̱no̱, ogon enne odohize ki Ta̱mu̱ta̱dde̱n. A̱gga̱m zin enne lo̱o̱c doize cinne. Baling utunya Ngerinne mu̱nye̱n cigga̱c do̱o̱k, a̱vvu̱ zin lo̱o̱ta̱ a̱tte̱ ci a̱zzo̱ di̱ngdi̱ngo̱nte̱ ci Ta̱mu̱ta̱dde̱no̱, ta̱mu̱-kenga.

I̱bu̱ru̱ 12:2

Abunna karike zi̱nze̱tti̱ do̱o̱k Ye̱su̱ wa anyahakket tu̱we̱ne̱t kar kidiman tu̱we̱ne̱t cinna kubunna ju̱rru̱m. Eci enne ere talninet ci okko enne a̱ti̱ri̱ze̱t agita, inim zin enne daiz keete ci een ta̱la̱ke̱c zo̱ze̱ ci talninet neci, iróng enne ngen o̱ngo̱o̱le̱ gi̱i̱ imma. I̱yo̱ko̱ aanyik Ta̱mu̱ta̱dde̱n nonno ka̱vvu̱ ngatinne a̱tte̱ ci a̱zzo̱ ta̱mu̱-kenga.

I̱bu̱ru̱ 7:7

Ka̱gga̱ zin naga do̱o̱k a̱mu̱yu̱k e̱e̱ti̱ ci a̱ddi̱ki̱re̱ e̱e̱t cidici.

I̱bu̱ru̱ 8:1

Ungec ci kaal cik riili ka̱du̱wa̱nna̱ ko̱ iciko: Kanyak naga do̱o̱k alaan ci a̱ddi̱ki̱re̱ wawaco Ce̱e̱ze̱ wa Ta̱mu̱ta̱dde̱no̱ ta̱mu̱-kenga, a̱vvu̱ lo̱o̱ta̱ a̱tte̱ ci Ta̱mu̱ta̱dde̱n a̱zzo̱ ta̱mu̱-kenga,

1 Peturu 1:12

I̱ye̱lto̱zi̱k nogo iróng nege a̱li̱ngli̱nge̱k e̱le̱tti̱ cigge̱k abarik a̱li̱ngli̱ngngo̱ni̱kku̱ng. Uwakteung nege kaviyak cik abunna Ta̱mu̱ta̱dde̱no̱ i̱ge̱ta̱ komize ci Vongiz ci A̱li̱le̱ bali i̱tto̱na̱i̱ ta̱mu̱-kenga. Orongit anjilonya bu̱k kicinnet kaal ne̱ke̱.

1 Peturu 1:20

Atahala bali Ta̱mu̱ta̱dde̱n nonno baling ngen looci keteehenyai ke̱, abarik i̱ye̱la̱i̱ atin Ye̱su̱ ngati aṯurneke looci zo̱ze̱ cunno̱ng.

1 Peturu 1:21

A̱tu̱yyu̱ zin niga Ta̱mu̱ta̱dde̱n zo̱ze̱ cinne, Ta̱mu̱ta̱dde̱n ci ba̱li̱ye̱ ingane nonno daiza kar ki̱di̱ngdi̱nga̱n nonno, aave zin tu̱we̱ne̱t cunno̱ng ki zoz ci arikku niga zi̱nze̱tti̱ Ta̱mu̱ta̱dde̱n.

1 Peturu 3:18

Eci a̱da̱i̱ ba̱li̱ye̱ Ki̱ri̱sto̱ lak co̱de̱ mu̱nye̱ne̱ cigga̱c. Iróng bali enne abaci gi̱i̱ imma. Abarik zin bali enne a̱da̱i̱ zo̱ze̱ ci ol cik ogon kaal cik gerzek kar kanyahak nogo Ta̱mu̱ta̱dde̱n, a̱ru̱we̱ bali enne ka̱da̱k, ma̱i̱je̱ bali Vongizi aanyik nonno kurug.

1 Peturu 3:22

I̱yo̱ko̱ zin, uk Ki̱ri̱sto̱ a̱vvu̱ ta̱mu̱-kenga kar kuk ka̱vvu̱ ngati Ta̱mu̱ta̱dde̱no̱ a̱tte̱ ci a̱zzo̱, urumte ki anjilonya ki alaat wak ta̱mu̱-kengo ki alaanzet do̱o̱k a̱gga̱m enne.

1 Jon 1:2

I̱ye̱la̱i̱ bali rugeti neci, kicinnta bo̱do̱k naga nonno e̱le̱tti̱ne̱. Kozoza abarik gi̱i̱ ci ka̱gga̱yya̱, kuwahekkung zoz ci baiz ci aave udut ngati Baatinne, kar zin ki̱ye̱la̱i̱ ngatinna bu̱k.

1 Jon 3:5

A̱gga̱yyu̱ niga a̱kku̱ Ki̱ri̱sto̱ kar ki̱ki̱ya̱ kaara mu̱nye̱n cigga̱c, iróng enne eliya anyak mu̱nye̱n udut.

1 Jon 3:8

Imma e̱e̱ti̱ ci ogon mu̱nye̱n ko̱, een enne e̱e̱t ci lo̱rye̱nto̱, eci lo̱rye̱nti̱ u̱tu̱gu̱ mu̱nye̱n arrak oowa kanante ci lo̱o̱tu̱. A̱kku̱ zin Ngerrti Ta̱mu̱ta̱dde̱no̱ kar ki̱ki̱ya̱ kidita li̱ngli̱ngo̱n ci lo̱rye̱nto̱.

O̱no̱zzo̱k 17:5

E̱he̱rye̱ zoz cu ngu̱me̱ cinne: Zar cik a̱lu̱gnye̱ Babilon ci a̱ddi̱ki̱re̱ E̱e̱ti̱ a̱li̱ya̱k do̱o̱k Ki kaal cik a̱li̱ya̱kze̱ti̱nu̱ lo̱o̱ta̱ ngatu do̱o̱k.

O̱no̱zzo̱k 17:7

A̱nne̱ka̱ zin anjilo annit ne, “Nya ming a̱ku̱le̱k i̱nna̱ je̱e̱n ko̱? Kokko atin anna koobeki zoz ci a̱lu̱gnye̱ zo̱ze̱ ci ngaa necu ki e̱le̱gi̱t ci ottod enne ko̱, anyak o̱o̱tti̱ turgerem ki o̱to̱ omoto ko̱.

O̱no̱zzo̱k 7:9

Imma baling edeccai zoz necu, kicina ngu̱me̱ cinanni koole ci a̱ppwe̱ oroot iróng wo̱ye̱ e̱e̱ti̱ imma a̱gi̱li̱, a̱vvu̱ lo̱o̱co̱we̱ do̱o̱k, booryyok do̱o̱k, ki ol cik ozoz u̱tu̱ge̱tti̱ cik aavtte do̱ do̱, abile nege lecera ojonun ngu̱me̱ ci Nyoono. Aim nege do̱o̱k ru̱u̱ma̱ni̱ cik voorik, a̱gga̱m eetele azzine cigge̱k.