1 Ti̱mo̱te̱yo̱ 3:13 - Tennet

¹³ Aruba ol wak e̱e̱ggi̱n kuye Ce̱e̱ze̱ wa Ta̱mu̱ta̱dde̱no̱ ming a̱li̱ngli̱ng ju̱rru̱m, tinawinet ci abunna olle. Kar zin nege kinimet zoz ci Ta̱mu̱ta̱dde̱no̱ olle tu̱we̱nta̱ wanne̱ng ngati a̱tu̱we̱ Ye̱su̱ Ki̱ri̱sto̱ wa atahalai.

1 Ti̱mo̱te̱yo̱ 3:13 ပူးပေါင်းရင်းမြစ်များ

Ma̱te̱yo̱ 20:28

Imma Ngerrti E̱e̱to̱ iróng a̱kku̱ ki̱vi̱ta̱ ol ki̱li̱ngli̱ngte̱k nonno, abarik, a̱kku̱ ki̱ki̱ya̱ ki̱li̱ngli̱nge̱k ol, kar kaanyik baiz cinne kize wawac ci ol cik meelek.”

Ma̱te̱yo̱ 25:21

“O̱bo̱de̱k zin ddi̱ki̱ryo̱i̱ti̱ a̱nne̱k ne, ‘Abunna oroot, e̱e̱ni̱ i̱nna̱ du̱ca̱i̱t ci abunna, kar bo̱do̱k nyak zinin ci alali. A̱gga̱mu̱ i̱nna̱ lodet cik kidik ko̱ zinine ci alali, i̱yo̱ko̱ zin kaanyi atin gga̱m kaal cigannik meelek. I̱jja̱ ozolit talninet ki ddi̱ki̱ryo̱i̱t cunne.

Lu̱ka̱ 19:17

“Ize zin alaani ne, ‘U̱tu̱gu̱ i̱nna̱ gi̱i̱ ci abunna! Eci i̱nna̱ e̱e̱ni̱ du̱ca̱i̱t ci abunna azunne kaal cikidik ko̱, i̱yo̱ko̱ zin katahalai anna i̱nne̱ta̱ ize ddi̱ki̱ryo̱i̱t ci o̱ro̱gjo̱k omoto.’

Buk wa To̱ni̱a̱u̱ 21:35

Baling uzucca Pa̱u̱lo̱ lo̱ti̱ti̱nya̱, izeto ol moote oroot kar zin aciiri kodongit Pa̱u̱lo̱ niko.

Buk wa To̱ni̱a̱u̱ 6:15

Egelemit zin ol balik aavtte lo̱ki̱ka̱ ke̱ do̱o̱k Stephen oroot, kar kicinnet ngu̱m cinne ming ogon kiwagon ngu̱m ci anjilo.

Buk wa To̱ni̱a̱u̱ 6:5

Atalit koole zoz cu do̱o̱k. Atahaltta zin nege Stephen e̱e̱t ci anyak tu̱we̱ne̱t ki Vongiz ci A̱li̱le̱; ki bo̱do̱k ol ciko, Vilip, Porocorus, Nicanor, Timon, Parmenas, ki Nicolas wa bali elema zoz ci Ya̱u̱do̱, a̱kku̱ enne o̱rge̱ ci een Antiyok.

Buk wa To̱ni̱a̱u̱ 6:8

Een da̱ Stepheni e̱e̱t ci anyak deten ki komiz ci Ta̱mu̱ta̱dde̱no̱, u̱tu̱gu̱we̱k enne ol kaal cik aanyik o̱o̱tti̱ cik ollu ka̱ma̱li̱ltte̱ ki bo̱do̱k kaal cik a̱vu̱la̱.

1 Ko̱ri̱nto̱ 16:15

Abunna ming a̱gga̱yyu̱ Stephanas ki dooli ciginnek arrak cik elemi zoz ci Ta̱mu̱ta̱dde̱no̱ o̱rge̱ ci een Achaia, kar zin kaarttek zi̱nze̱tti̱ li̱ngli̱ngo̱n ci eelanne nege olli Ta̱mu̱ta̱dde̱no̱. Kilalekkung gotonogga ki ngonogga tu̱we̱nta̱,

Vilipia 1:14

Eci zo̱ze̱ ci kecebine anna ko̱, aanyik zoz necu komiz gotonogget cik meelek a̱tu̱ Manyi kuwaktek ol zoz ci Ta̱mu̱ta̱dde̱no̱ oroot kodoit zi̱nze̱tti̱ kak, iróng nege ngen o̱ngo̱o̱le̱ gi̱i̱ imma.

1 Te̱se̱lo̱ni̱ka̱ 2:2

A̱gga̱yyu̱ ri̱t bo̱do̱k niga niko baling ngen ki̱vi̱ta̱u̱ng Te̱se̱lo̱ni̱ka̱, i̱gi̱dde̱t ol o̱rge̱ ci een Vilipi kar bo̱do̱k kodomtetta. Baling aburnnet ol ne̱ke̱ nu̱nu̱n, aanyyet Ta̱mu̱ta̱dde̱n zi̱nze̱tti̱ cik okkomi kar kuwakteya nogo kaviyak cik abunna a̱vvu̱ ngatinne.

1 Ti̱mo̱te̱yo̱ 3:14

Aave zinin cinanne ngatunne, korongi anna bu̱k eliya ki̱ki̱ya̱ ki̱vo̱ni̱n, ma i̱yo̱ko̱ keheriki ti̱lo̱wi̱ne̱t warage cu ko̱.

2 Ti̱mo̱te̱yo̱ 2:1

I̱nna̱, Ti̱mo̱te̱yo̱ wa e̱e̱ni̱ ngeranni tu̱we̱nta̱, nyak komiz eezete ci aave ngati Ye̱su̱ Ki̱ri̱sto̱,

I̱bu̱ru̱ 6:10

A̱gga̱m Ta̱mu̱ta̱dde̱n ol go̱o̱le̱ ci abunna, iróng enne erehek li̱ngli̱ngo̱ni̱ ci a̱li̱ngli̱nge̱kku̱ niga nonno ki rezinet ci irezzu niga nonno go̱o̱le̱ ci eelannu ol ciginnek ki ba̱li̱ye̱. A̱gga̱ zin enne niko ming emenannu ngati eelannu nogo.