1 Ti̱mo̱te̱yo̱ 2:6 - Tennet

⁶ ci aanyik zin enne ele cinne kize wawac, ku̱ru̱we̱ ka̱da̱k kar kaara ol mu̱nye̱n, a̱kku̱ zoz necu go̱o̱le̱ ci orong Ta̱mu̱ta̱dde̱n.

1 Ti̱mo̱te̱yo̱ 2:6 ပူးပေါင်းရင်းမြစ်များ

Ma̱te̱yo̱ 20:28

Imma Ngerrti E̱e̱to̱ iróng a̱kku̱ ki̱vi̱ta̱ ol ki̱li̱ngli̱ngte̱k nonno, abarik, a̱kku̱ ki̱ki̱ya̱ ki̱li̱ngli̱nge̱k ol, kar kaanyik baiz cinne kize wawac ci ol cik meelek.”

Marko 1:15

Ize enne ne, “Ize ojon ba̱a̱li̱ne̱t ci Ta̱mu̱ta̱dde̱no̱ abale ol. Utungtek mu̱nye̱n lo̱o̱c kar elemtta kaviyak cik abunna.”

Marko 10:45

Eci Ngerrti E̱e̱to̱ iróng a̱kku̱ kar ol ki̱li̱ngli̱ngte̱k nonno, abarik a̱li̱ngli̱nge̱k enne ol, kar kaanyik ele cinne kize wawac ci ol cik meelek.”

Kaviyak wak Abunna Ta̱mu̱ta̱dde̱no̱ eher Joni 10:15

Ki i̱yo̱ko̱ ming a̱gga̱ya̱ Baba annit ko̱, ka̱gga̱ anna bu̱k nonno. Ka̱da̱i̱ vu̱rrte̱ ci eeza cigannik.

Kaviyak wak Abunna Ta̱mu̱ta̱dde̱no̱ eher Joni 6:51

Ke̱e̱ni̱ anna da̱i̱ne̱t wa rugeto, kalucai ta̱mu̱-kenga. Ming adak e̱e̱ti̱ imma da̱i̱ne̱t ne̱ko̱, abak atin enne udut. Een da̱i̱ne̱t ciko ele cinanni, ci kanyike kize ruget ci olli lo̱o̱tu̱.”

Roma 16:26

Ma̱i̱je̱ i̱yo̱ko̱ zin, i̱ye̱la̱i̱ zoz bali eher a̱ri̱tto̱wa̱ balik reentik ke̱ zo̱ze̱ bali u̱du̱wa̱ Ta̱mu̱ta̱dde̱n udut ke̱. Kar ol do̱o̱k lo̱o̱ta̱ ngatu ku̱tu̱we̱t zo̱zzo̱k ne̱ke̱ kar ko̱to̱ngo̱o̱ltte̱ nonno.

Roma 5:6

Ma baling i̱zzi̱ gool ci kar naga keelttai e̱le̱tti̱ cigga̱c, i̱ki̱ya̱ zin Ki̱ri̱sto̱ ti̱ri̱zo̱i̱ti̱ i̱i̱te̱ne̱ ci odola Ta̱mu̱ta̱dde̱n kar ka̱da̱k mu̱nye̱ne̱ cigga̱c.

1 Ko̱ri̱nto̱ 1:6

eci zoz cinna̱ng wa obod ki Ki̱ri̱sto̱ uzucaung i̱ge̱ta̱.

2 Ko̱ri̱nto̱ 5:21

Abunna ming a̱tu̱we̱nu̱, ngen Ki̱ri̱sto̱ kabac zoz imma, Ta̱mu̱ta̱dde̱n ci anyaha nonno ki̱ki̱ya̱ ki̱ti̱ri̱z mu̱nye̱n cik ogon ol, ogon ki ci een Ye̱su̱ ele ci anyak mu̱nye̱n. Kar i̱yo̱ko̱ eci naga kowowo ki Ki̱ri̱sto̱, i̱ti̱vi̱la̱ Ta̱mu̱ta̱dde̱n mu̱nye̱n cigga̱c do̱o̱k.

Ga̱la̱ti̱a̱ 1:4

A̱gga̱yyu̱ niko aanyik Ye̱su̱ ele cinne kize wawac ci aara ol mu̱nye̱n ki bali ming odola Ta̱mu̱ta̱dde̱n wa een Be̱e̱ti̱nna̱, kar keelawet lo̱o̱ce̱ ci gerze kabahe anyak mu̱nye̱n ko̱.

Ga̱la̱ti̱a̱ 4:4

Baling utube i̱i̱te̱ni̱ ci odola Ta̱mu̱ta̱dde̱n, i̱tto̱na̱ zin Ngerinne, a̱rri̱ta̱i̱ ngati e̱e̱t ci diiri, kar enne bu̱k ko̱to̱ngo̱o̱le̱ lo̱ti̱nno̱k.

Evesos 1:17

Ka̱jji̱nni̱ Ta̱mu̱ta̱dde̱n wa Manyitinna Ye̱su̱ Ki̱ri̱sto̱ kar Be̱e̱ti̱nna̱ wa a̱di̱ngdi̱nge̱ ka̱a̱nyu̱ng Vongiz cinne ci atin a̱a̱nyu̱ng genyiz kar a̱gga̱c zoz ci riili obod ki Ta̱mu̱ta̱dde̱n.

Evesos 1:7

Imma zo̱ze̱ ci Ki̱ri̱sto̱, ku̱mu̱dda̱ naga eelannet bi̱ye̱te̱ ciginnek, alalneket mu̱nye̱n, go̱o̱le̱ ci anyahe Ta̱mu̱ta̱dde̱n deten oroot.

Evesos 3:5

Imma bali la̱du̱n oowa ke̱, ngen Ta̱mu̱ta̱dde̱n ki̱ye̱le̱k zoz necu e̱e̱t ci diiri, kar zin vu̱rrta̱ i̱ye̱le̱k Vongizi cinne zoz necu to̱ni̱a̱k wak a̱li̱le̱ ki a̱ri̱tto̱k cik zoz cinne.

Evesos 5:2

Abunna ming abakku baiz rezinta ki i̱yo̱ko̱ ming irezet Ki̱ri̱sto̱ ko̱, a̱kku̱ enne ta̱mu̱-kenga ki̱ki̱ya̱ kize wawac cinna ka̱da̱k zo̱ze̱ cinna, atalnet zin Ta̱mu̱ta̱dde̱n zo̱ze̱ cinne.

2 Te̱se̱lo̱ni̱ka̱ 1:10

Akane atin de̱zi̱ne̱t necu ming okko Ye̱su̱ oboda kataltal ele ngati ol wak a̱li̱le̱ a̱tu̱ zoz cinne kar ko̱to̱ngo̱o̱ltte̱ nonno. Kar ol balik a̱tu̱ nonno katalit. Iddonginu atin niga bu̱k ki ol ne̱ke̱, eci a̱tu̱yyu̱ zoz bali kuwahekkung obod ki Ye̱su̱ ke̱.

1 Ti̱mo̱te̱yo̱ 6:15

Aanyik atin Ta̱mu̱ta̱dde̱n zoz neci ki̱tta̱ i̱i̱te̱ne̱ ci a̱gga̱ enne, a̱ma̱yu̱we̱ enne kar kize ba̱a̱lo̱i̱t co̱de̱ ṯok, Alaan ci alaatu, Manyi ci ta̱mu̱ta̱dde̱ne̱t do̱o̱k.

2 Ti̱mo̱te̱yo̱ 1:8

Ma zin anyike a̱li̱ya̱n kadayin ngati uwaheke ol zoz ci Manyi, icima a̱gga̱mnyi̱ a̱li̱ya̱ni̱ ngatinanni bali kecebine anna zo̱ze̱ cinne. Abarik nyak komiz ci aanyi Ta̱mu̱ta̱dde̱n ko̱, kar i̱jja̱ kipirta nga̱to̱de̱ ngati kuwahek ol kaviyak cik abunna.

Ti̱to̱ 1:3

kar doize cinne, idiman enne lo̱lo̱yo̱k kar enne kanyahak zoz cinne nginti voori go̱o̱le̱ ci aanya enne kar kuwahek ol kaviyak ne̱ke̱. Ta̱mu̱ta̱dde̱n ti̱ri̱zo̱i̱t cinna ci a̱du̱wa̱ka̱n,

Ti̱to̱ 2:14

Aanyik enne ele cinne kize wawac, kar keelawet ba̱ci̱no̱we̱, kar kidimanit kizet caale, kar zin kaanyyet kizet ol ciginnek, kar koronggit ku̱tu̱gu̱z oroot kaal cik abunna do̱ niko.

I̱bu̱ru̱ 9:12

Iróng zin enne i̱i̱zo̱ Ngin wa A̱li̱le̱ Oroot ko̱ gi̱i̱ye̱ ci apahek eeza ki maala ngati aparanek Ta̱mu̱ta̱dde̱n bi̱ye̱. I̱tto̱ Ye̱su̱ ngin neci lak co̱de̱ ngati a̱da̱kne̱, uddutai bi̱ye̱ta̱ ciginnek keete wa een ta̱la̱ke̱c, kar kaara mu̱nye̱n cigga̱c udut.

1 Peturu 2:24

Atala Ye̱su̱ mu̱nye̱n cigga̱c. Odode ba̱li̱ye̱ enne keete wa een ta̱la̱ke̱c kar naga abunna ming kunnek mu̱nye̱n lo̱o̱c kar ka̱vvu̱t baize ci abunna. I̱di̱lle̱t enne agit ngodocete wak balik a̱ru̱we̱ ol nonno ke̱.

1 Peturu 3:18

Eci a̱da̱i̱ ba̱li̱ye̱ Ki̱ri̱sto̱ lak co̱de̱ mu̱nye̱ne̱ cigga̱c. Iróng bali enne abaci gi̱i̱ imma. Abarik zin bali enne a̱da̱i̱ zo̱ze̱ ci ol cik ogon kaal cik gerzek kar kanyahak nogo Ta̱mu̱ta̱dde̱n, a̱ru̱we̱ bali enne ka̱da̱k, ma̱i̱je̱ bali Vongizi aanyik nonno kurug.

1 Jon 4:10

Een necu rezinet ci Ta̱mu̱ta̱dde̱no̱: Iróng een agit cik kirez Ta̱mu̱ta̱dde̱n, abarik nonno ci irezet agita, kar ki̱tto̱na̱i̱t Ngerinne kize wawac ci okko alalnek mu̱nye̱n cigga̱c.

O̱no̱zzo̱k 1:5

kar bo̱do̱k ngati Ye̱su̱ Ki̱ri̱sto̱ kize bbacait wa abunna, wa een a̱bu̱ ci ingazi daiza oowa, kar bo̱do̱k kize Alaan ci alaat cik lo̱o̱tu̱ do̱o̱k. Irezet Ye̱su̱ Ki̱ri̱sto̱ kar zin kaara mu̱nye̱n cigga̱c bi̱ye̱te̱ ciginnek,

O̱no̱zzo̱k 5:9

Kar zin ke̱be̱ni̱t lo̱ng ci een jor, azi ne, “Aganonu i̱nna̱ ming adima waraga kar du̱l mutula ne̱ke̱, eci i̱nna̱ u̱ru̱we̱ ba̱li̱ye̱, kar bi̱ye̱te̱ cigunnek, atalau i̱nna̱ ol Ta̱mu̱ta̱dde̱n olle cik lo̱o̱tu̱ ki u̱tu̱ge̱tti̱ cik ozoz ol do̱o̱k lo̱o̱ta̱ ngatu do̱ do̱.