1 Ti̱mo̱te̱yo̱ 2:5 - Tennet

⁵ Eci anyak Ta̱mu̱ta̱dde̱n co̱de̱ ṯok ki e̱e̱t ci een zoc co̱de̱ ṯok ci aave orgene ci Ta̱mu̱ta̱dde̱no̱ ki ol cik diirik, een enne Ki̱ri̱sto̱ Ye̱su̱,

1 Ti̱mo̱te̱yo̱ 2:5 ပူးပေါင်းရင်းမြစ်များ

Ma̱te̱yo̱ 1:1

A̱kku̱ Ye̱su̱ Ki̱ri̱sto̱ ngerrti Da̱vi̱de̱ tatuge ciko alaan wa een zara Da̱vi̱de̱ ki ngerrti Aburahami, een necu lelet ci tatug cinne̱ng.

Ma̱te̱yo̱ 1:23

“Okko atin do̱le̱c ci nga̱a̱ye̱ ngen ka̱ta̱gu̱zzo̱ ki e̱e̱t imma ko̱, anyak atin do̱le̱c ci maci, akanonik atin ol zara cik een Immanuwel” azi keng cinne ne, “Aave Ta̱mu̱ta̱dde̱n ngati een agita.”

Lu̱ka̱ 14:22

“U̱du̱wa̱k zin du̱ca̱i̱ti̱ ddi̱ki̱ryo̱i̱t cinne, ‘Ddi̱ki̱ryo̱i̱t, ku̱tu̱gu̱ zoz ci a̱du̱wa̱ i̱nna̱ ke̱, abarik ngen kanyak nginti a̱ppwe̱ dee.’

Kaviyak wak Abunna Ta̱mu̱ta̱dde̱no̱ eher Joni 1:14

I̱ki̱ya̱ Zoz neci ize e̱e̱t ci diiri kar zin kabak orgene cinna, anyak deten ki zoz ci een de̱de̱. Kicinnet naga komiz cinne, komiz ci anyak enne do̱ Ngerrti Ta̱mu̱ta̱dde̱no̱ wa o̱de̱ ṯok wa a̱kku̱ ngati Baatinne.

Kaviyak wak Abunna Ta̱mu̱ta̱dde̱no̱ eher Joni 17:3

A̱gga̱yi̱ atin nege i̱nne̱t rugete wa aave udut, ize Ta̱mu̱ta̱dde̱n wa een de̱de̱ kar zin bo̱do̱k ka̱gga̱yya̱ annit Ye̱su̱ Ki̱ri̱sto̱ wa bali i̱tto̱na̱i̱ ke̱ nenen necu.

Buk wa To̱ni̱a̱u̱ 4:12

A̱zze̱ e̱e̱ti̱ imma ci a̱ti̱ri̱ze̱t wo̱ye̱ agit to, eci i̱llo̱i̱ e̱e̱t imma ci kamuda naga ta̱mu̱-kenga kar wo̱ye̱ ki̱ti̱ri̱z ol, een Ye̱su̱ do̱ niko.”

Roma 1:3

Een kaviyaha ne̱k a̱li̱le̱ ko̱ zoz ci obod ki Ngerinne wa a̱rri̱ta̱i̱ kize e̱e̱t ci diiri tatuge ci alaan wa een Da̱vi̱de̱.

Roma 10:12

I̱llo̱i̱ zoz imma ci gerze. Ming een e̱e̱ti̱ Ya̱u̱d icima iróng een Ya̱u̱d, kanyak Manyi co̱de̱ ṯok, i̱i̱rke̱ enne ngati ol wak a̱jji̱n nonno do̱o̱k.

1 Ko̱ri̱nto̱ 8:4

I̱yo̱ko̱ zin, imma zo̱ze̱ ci obod ki da̱i̱ne̱t cik kadak naga apahek ol to̱do̱yyo̱k cik e̱e̱ggi̱n ta̱mu̱ta̱dde̱ne̱t cigge̱k, ka̱gga̱ naga to̱do̱yyo̱k ne̱ko̱ e̱e̱ggi̱n kaal cik iróng anyak doiz. Anyak Ta̱mu̱ta̱dde̱n co̱de̱ ṯok lo̱o̱ta̱ ngatu.

1 Ko̱ri̱nto̱ 8:6

ka̱gga̱ naga anyak Ta̱mu̱ta̱dde̱n wa een Be̱e̱ti̱nna̱ o̱de̱ ṯok niko. A̱vvu̱ kaala do̱o̱k ngatinne, kabak naga do̱o̱k zo̱ze̱ cinne; anyak Manyi Ye̱su̱ Ki̱ri̱sto̱ co̱de̱ ṯok niko, a̱vvu̱ kaala do̱o̱k ki ruget ci kabahe naga ko̱ do̱o̱k zo̱ze̱ cinne.

Ga̱la̱ti̱a̱ 3:20

Kanyak naga Ta̱mu̱ta̱dde̱n co̱de̱, iróng enne eliye cinne orong e̱e̱t ci een zoc.

Evesos 4:6

Anyak Ta̱mu̱ta̱dde̱n co̱de̱ wa een Be̱e̱ti̱ ollu do̱o̱k. Abal enne kaal do̱o̱k, abarik a̱li̱ngli̱ng enne baize ci ol do̱o̱k.

1 Ti̱mo̱te̱yo̱ 6:13

Ki̱lo̱ti̱ anna i̱nne̱ta̱ kar kicin Ta̱mu̱ta̱dde̱n wa aanyik kaal do̱o̱k ruget ko̱, kar bo̱do̱k kicin Ye̱su̱ Ki̱ri̱sto̱ bu̱k bali a̱du̱wa̱k alaan Pontius Pilato tu̱we̱ne̱t cinne ke̱,

I̱bu̱ru̱ 12:24

I̱vi̱ta̱u̱ niga Ye̱su̱ ta̱mu̱-kenga, wa een zoc ci olom ci een jor, ki bali aanyik Ye̱su̱ ele cinne kize wawac, kar bi̱ye̱ta̱ ciginnek kanyakta zoz ci kalalek naga ol, een necu olom ci een jor, ommog necu bi̱ye̱ cik Abeli orong caac.

I̱bu̱ru̱ 7:25

Imma go̱o̱le̱ neci, anyak enne doiz ci a̱ti̱ri̱ze̱ ol wak elemi Ta̱mu̱ta̱dde̱n ngatinne, eci enne aruge udut, alawek nogo Ta̱mu̱ta̱dde̱n odohize.

I̱bu̱ru̱ 8:6

Imma i̱yo̱ko̱, aanyik Ta̱mu̱ta̱dde̱n Ye̱su̱ di̱ngdi̱ngo̱n ki li̱ngli̱ngo̱n ci ommog veelek, ommog li̱ngli̱ngo̱n ci ol wak wawaco balik lo̱o̱tu̱ ke̱, een necu olom ci elema Manyi ko̱ ci ommog veelek, anyaha gano ngati Ta̱mu̱ta̱dde̱no̱ kar kanyik e̱e̱t ci diiri, een Ye̱su̱ zoc ci ommog bali reeni ke̱.

I̱bu̱ru̱ 9:15

Ye̱su̱ Ki̱ri̱sto̱ ci een zoc ci Ta̱mu̱ta̱dde̱no̱, anyaha olom ci een jor, kar ol cik awu Ta̱mu̱ta̱dde̱n kar elemtta olom ci een oo, aruba baiz ci aave udut kar kanyait kaal do̱o̱k, eci Ye̱su̱ a̱da̱i̱ kar kaara ol mu̱nye̱ne̱ balik ogon nege lo̱ti̱nno̱we̱ balik Musesi reentik ke̱.

1 Jon 2:1

Niga dooli cigannik tu̱we̱nta̱, keherakkung i̱ge̱t zoz cu kar abunna atin iróng ogonnu mu̱nye̱n. Ming u̱tu̱gu̱ e̱e̱ti̱ imma mu̱nye̱n, kanyak naga Ye̱su̱ Ki̱ri̱sto̱ E̱e̱t wa Abunna O̱de̱ een zoc cinna ozozek Baatinne zoz cinna.

O̱no̱zzo̱k 1:13

imma orgene ci kaal cik abilne tukulena ko̱, anyak e̱e̱t ci diiri ogon ki “Ngerrti E̱e̱to̱,” aburuc ru̱u̱m ci wu̱u̱ni̱ azuca rok zo̱o̱, ki ru̱u̱m ci een dhahab atadonik erahek zi̱nze̱tti̱nne̱.