1 Ti̱mo̱te̱yo̱ 2:4 - Tennet

⁴ Orong Ta̱mu̱ta̱dde̱n ol do̱o̱k kurubta ruget, kar ka̱gga̱c zoz wa een de̱de̱.

1 Ti̱mo̱te̱yo̱ 2:4 ပူးပေါင်းရင်းမြစ်များ

Ma̱te̱yo̱ 28:19

I̱yo̱ko̱, oot ngati ol cik lo̱o̱tu̱ do̱o̱k komize cinanni, aanycik booryyok do̱o̱k kizeto nuyak, a̱gga̱mte̱k nogo ba̱ti̱ti̱mo̱ zare cik Baba ki cik Ngerinne ki Vongiz ci A̱li̱le̱,

Marko 16:15

A̱nne̱k zin Ye̱su̱ nogo ne, “Oot lo̱o̱co̱we̱ do̱o̱k uwaktek ol veelek kaviyak cik abunna.

Lu̱ka̱ 1:77

kar i̱nna̱ anyik ol ciginnek ka̱gga̱c genyiz ci ti̱ri̱ze̱nto̱ go̱o̱le̱ ci alalneke Manyi nogo mu̱nye̱n,

Lu̱ka̱ 14:23

“Izek zin ddi̱ki̱ryo̱i̱ti̱ du̱ca̱i̱t cinne ne, ‘Bit reena go̱o̱lo̱we̱ ki loritwane anyik ol ki̱vi̱ta̱, kar atin ce̱e̱z cinanne kibbit ol.

Lu̱ka̱ 24:47

kar zoz ci uurtane ol mu̱nye̱n ki zoz ci alalneke Ta̱mu̱ta̱dde̱n nogo mu̱nye̱n kuwaktozik ol ciginnek lo̱o̱cco̱k do̱o̱k, akane Jerusalema.

Kaviyak wak Abunna Ta̱mu̱ta̱dde̱no̱ eher Joni 14:6

O̱bo̱de̱k zin Ye̱su̱ nonno, izek ne, “Ke̱e̱ni̱ anna eliya gool, kar bo̱do̱k kize zoz wa een de̱de̱, kar bo̱do̱k kize ruget. Iróng e̱e̱ti̱ imma a̱kku̱nna̱k Baba ming iróng iyok ngatinanni.

Kaviyak wak Abunna Ta̱mu̱ta̱dde̱no̱ eher Joni 17:17

Anyik nogo ka̱vvu̱to̱ do̱ ki̱li̱le̱c kar ke̱de̱me̱zi̱t zoz cunne wa een de̱de̱,

Kaviyak wak Abunna Ta̱mu̱ta̱dde̱no̱ eher Joni 6:37

A̱vvu̱na̱ka̱ atin ol wak aanya Baatanni annita, ma̱i̱je̱ ming a̱kku̱nna̱ka̱ e̱e̱ti̱ imma iróng anna ka̱bu̱ri̱.

Roma 11:14

Korongi zin gool neci kanyike ol wak iróng e̱e̱ggi̱n Ya̱u̱d kaviyak cik abunna kar ol uggak cigannik kanyait meder kar ki̱vi̱ta̱k Ta̱mu̱ta̱dde̱n bak amuda ti̱ri̱ze̱ne̱t.

1 Ti̱mo̱te̱yo̱ 4:10

Imma zin zo̱ze̱ cu, ka̱li̱ngli̱ng oroot, eci karikka zi̱nze̱tti̱ baiz ci Ta̱mu̱ta̱dde̱no̱, wa een Ti̱ri̱zo̱i̱t wa ollu do̱o̱k, ommogje ol wak a̱tu̱ nonno.

2 Ti̱mo̱te̱yo̱ 2:25

Abunna ming abariz ol wak adang nonno idic. Icima atin Ta̱mu̱ta̱dde̱n uhu zi̱nze̱tti̱ cigge̱k, kar kutungttek mu̱nye̱n lo̱o̱c, kar ka̱gga̱c zoz wa een de̱de̱.

2 Ti̱mo̱te̱yo̱ 3:7

edemez ol ngaai ne̱ko̱ odohize ma̱i̱je̱ ngatu iróng a̱gga̱m zoz ci een de̱de̱.

Ti̱to̱ 1:1

Annit Pa̱u̱lo̱ wa atahala Ta̱mu̱ta̱dde̱n kize du̱ca̱i̱t cinne kar zin bo̱do̱k kize to̱ni̱a̱t wa Ye̱su̱ Ki̱ri̱sto̱ bali atahalai ke̱. Ki̱tto̱nna̱i̱ kar ki̱ki̱ya̱ kanyahak tu̱we̱ne̱t ol wak engera Ta̱mu̱ta̱dde̱n, kar kedemez nogo ka̱gga̱c zoz wa een de̱de̱, kar ki̱ye̱le̱k nogo gool ci abahe nege ngati o̱ngo̱o̱li̱nne̱ Ta̱mu̱ta̱dde̱n.

Ti̱to̱ 2:11

Ma̱rri̱t Ta̱mu̱ta̱dde̱n i̱ye̱la̱ deten ci eelanne enne ol do̱o̱k.

I̱bu̱ru̱ 10:26

Gotonogga ki ngonogga tu̱we̱nta̱, ming kogon mu̱nye̱n i̱ba̱ti̱ne̱ ngati ka̱gga̱we̱ zoz ci een de̱de̱, i̱llo̱i̱ wawac imma ci atin a̱vi̱la̱ mu̱nye̱n ne̱ke̱ ngatinna ki baling aanyik Ye̱su̱ ele cinne kize wawac ci a̱vi̱la̱ mu̱nye̱n cik ollu do̱o̱k lak co̱de̱.

Je̱mi̱s 3:14

Ma̱i̱je̱ ming alugunyi i̱nna̱ meder ki rezinet ele cunne do̱ zinine cunne, ma odongi ele cunne zo̱ze̱ neci icima amikzene zoz ci een de̱de̱.

2 Peturu 3:9

Iróng Manyi ogon zoz ci u̱du̱wa̱ enne idic, ki i̱yo̱ko̱ ming i̱no̱n ol uggak ko̱. Alalizan enne zinin cinne ngatinno̱ng, iróng orong e̱e̱t imma ngatinno̱ng ka̱da̱k, abarik orong ol do̱o̱k kuturta mu̱nye̱n cigge̱k.

2 Jon 1:1

Eher ddi̱ki̱ryo̱i̱ti̱ ci ke̱le̱ci̱o̱ waraga cu. Eherik ngaa bali atahala Ta̱mu̱ta̱dde̱n ke̱ ki dooli ciginnek. Kirezung anna i̱ge̱t de̱de̱ do̱o̱k, iróng een annita do̱ ci kirezung, abarik ki ol do̱o̱k wak a̱gga̱ zoz ci een de̱de̱,

O̱no̱zzo̱k 14:6

Kicina zin anna anjilo imma. A̱ku̱l anjilo neci ta̱mu̱-kenga. Anyak kaviyak cik abunna abak udut kar kuwahek ol wak lo̱o̱tu̱ ki ol wak aavtte u̱tu̱ge̱tti̱ do̱ do̱ ki booryyok ki ol do̱o̱k lo̱o̱co̱we̱.