1 Ti̱mo̱te̱yo̱ 2:2 - Tennet

² Alayek Ta̱mu̱ta̱dde̱n alaat cik abal lo̱o̱c ki ol wak a̱ddi̱ki̱re̱ abal ol, ki ol wak abal nege, kar kabait labak go̱o̱le̱ ci kireze Ta̱mu̱ta̱dde̱n zi̱nze̱tti̱nne̱ cik abunna.

1 Ti̱mo̱te̱yo̱ 2:2 ပူးပေါင်းရင်းမြစ်များ

Lu̱ka̱ 1:6

Abunna bali nege a̱gga̱m zoz ci Ta̱mu̱ta̱dde̱no̱ oroot. Acin bo̱do̱k ol nogo ming azunne lo̱ti̱nno̱k wak Manyi ki keerani cigge̱k.

Lu̱ka̱ 2:25

Anyak ba̱li̱ye̱ e̱e̱t imma Jerusalema ci een zara Si̱mo̱ne̱, e̱e̱t ci abunna kar karik zinin zoz ci Ta̱mu̱ta̱dde̱no̱. Ere da̱ enne Ti̱ri̱zo̱i̱t ci olli Israilo, aave zin da̱ Vongizi ci A̱li̱le̱ ngatinne.

Buk wa To̱ni̱a̱u̱ 10:22

O̱bo̱dde̱k zin nege, “Ka̱vvu̱nna̱ naga ngati Korneliosi wa een ddi̱ki̱ryo̱i̱t ci aciiru. Een enne e̱e̱t ci o̱ngo̱o̱le̱ Ta̱mu̱ta̱dde̱n, o̱ngo̱o̱le̱ olli Ya̱u̱do̱ nonno do̱o̱k oroot. U̱du̱wa̱k anjilo wa a̱li̱le̱ Ta̱mu̱ta̱dde̱no̱ nonno, a̱nne̱k ne, i̱jja̱ i̱nna̱ rok ce̱e̱z cinne kar abunna enne okko aziye zoz ci a̱du̱wa̱ i̱nna̱.”

Buk wa To̱ni̱a̱u̱ 24:16

Kar zin zo̱ze̱ necu odohize korongi kanyik zinin cinanni kubunna ngu̱me̱ ci Ta̱mu̱ta̱dde̱no̱ ki bo̱do̱k ngati ol cik diirik.

Roma 12:18

Itimanit ju̱rru̱m gool ci abakku ki ol do̱o̱k yahe.

Vilipia 4:8

Gotonogga ki ngonogga tu̱we̱nta̱, aartik zi̱nze̱tti̱ zoz ci een de̱de̱, zoz ci caale, zoz ci okko ṯop, zoz ci a̱li̱le̱, ki zoz ci abunna, icima zoz ci a̱zi̱ze̱ orong zi̱nze̱tti̱, ki zoz ci abunna kinnat naga. Ma abilizzu i̱no̱ni̱ne̱t kaal ne̱ko̱ do̱o̱k.

1 Te̱se̱lo̱ni̱ka̱ 4:11

Ki̱lo̱tu̱ng bo̱do̱k ka̱nne̱kku̱ng ne, abait baiz ci abunna aavtiyyu labak, i̱li̱ngli̱nge̱t li̱ngli̱ngo̱n azzine cuggo̱k kar urubta da̱i̱ne̱t ki bali ming ku̱du̱ktta̱u̱ng ke̱.

I̱bu̱ru̱ 12:14

Abait baiz ci abakku ki ol yahe ki baiz ci a̱li̱le̱, eci ol wak abak baiz ci caale do̱ niko cik atin acin Manyi.