1 Ti̱mo̱te̱yo̱ 2:10 - Tennet

¹⁰ Abunna ngaai wak ala Ta̱mu̱ta̱dde̱n ming eela ol.

1 Ti̱mo̱te̱yo̱ 2:10 ပူးပေါင်းရင်းမြစ်များ

Buk wa To̱ni̱a̱u̱ 9:36

Anyak nuyait imma ci nga̱a̱ye̱ een zara Tabita, azi keng cik zar ciginnek ne Dorkas, a̱kku̱ enne o̱rge̱ ci een zara Joppa, ogon da̱ gon kaal cik abunna kar bo̱do̱k keela ol wak amati.

Buk wa To̱ni̱a̱u̱ 9:39

I̱mi̱rrte̱ Peturu oot ki nogo, baling okko enne azuca, o̱o̱tte̱ ol nonno ca̱a̱to̱. Ibilet ngaai wak boyek do̱o̱k aburuk nonno, a̱lu̱ kar ki̱ye̱lte̱k nonno ru̱u̱ma̱ni̱ balik adiman Dorkasi bali ngen aruge aavtte ki nogo ke̱.

Evesos 2:10

Aruguzet Ta̱mu̱ta̱dde̱n kar naga ku̱tu̱gu̱z kaal cik abunna ngati Ye̱su̱ Ki̱ri̱sto̱. A̱rri̱ta̱nne̱t enne agit kar ki̱li̱ngli̱nge̱t li̱ngli̱ngo̱n cinne wa abunna lo̱o̱ta̱ ngatu.

1 Ti̱mo̱te̱yo̱ 2:11

Anyik ngaai wak a̱tu̱ zoz ci Ta̱mu̱ta̱dde̱no̱ kizeto gunune kar ke̱de̱me̱zi̱t kaal cik meelek ngati ijaine nege.

1 Ti̱mo̱te̱yo̱ 2:9

Korongi bo̱do̱k ngaai ki̱ti̱me̱t ru̱u̱ma̱ni̱ cik abunna iróng adak o̱ro̱bi̱ya̱ cik meelek, iróng e̱e̱ggi̱n ru̱u̱ma̱ni̱ cik u̱tu̱ri̱k ki̱ye̱lta̱i̱ vaana. Gerza ming a̱bbu̱k otir. Gerza ming aburuc zu̱rte̱ne̱n cik een dhahab ki alben cik i̱rra̱ne̱ nege.

Ti̱to̱ 2:14

Aanyik enne ele cinne kize wawac, kar keelawet ba̱ci̱no̱we̱, kar kidimanit kizet caale, kar zin kaanyyet kizet ol ciginnek, kar koronggit ku̱tu̱gu̱z oroot kaal cik abunna do̱ niko.

Ti̱to̱ 3:8

Een zoz ci ka̱du̱wa̱kku̱ng ko̱ de̱de̱. Korongi abunna ming odolnannu zo̱zzo̱we̱ ne̱ko̱ oroot, kar zin ol wak a̱tu̱ Ta̱mu̱ta̱dde̱n ku̱zu̱tte̱ zoz neci, kar ku̱tu̱gu̱zzo̱ kaal cik abunna odohize. Abunna kaala ne̱ko̱ do̱o̱k ming eela ol do̱o̱k.

1 Peturu 2:12

Aanycik ol kicinnet baiz cunno̱ng ming abunna orgene ci ol wak iróng a̱gga̱ Ta̱mu̱ta̱dde̱n, ma̱i̱je̱ nu̱nu̱n ming orong nege kimertung azi ne, abacu niga. Ovvo atin nege i̱i̱te̱ne̱ ci okko Ta̱mu̱ta̱dde̱n ettede lo̱ki̱ko̱, a̱di̱ngdi̱nga̱n Ta̱mu̱ta̱dde̱n kar koobtek Ta̱mu̱ta̱dde̱n kaal cik abunna ogonnu niga ba̱li̱ye̱.

2 Peturu 3:11

Aditai atin kaala veelek go̱o̱le̱ necu. Abunna zin ming abakku baiz ci a̱li̱le̱ o̱ngo̱o̱li̱nnu̱ Ta̱mu̱ta̱dde̱n kar i̱li̱ngli̱nge̱t zoz cinne.

O̱no̱zzo̱k 2:19

Ka̱gga̱ anna kaal cik ogonnu niga, ka̱gga̱ bo̱do̱k rezinet cunno̱ng ki tu̱we̱ne̱t, li̱ngli̱ngo̱n ki nimenet no̱ngi̱tto̱n, i̱yo̱ko̱ zin ogonnu niga kaal cik abunna ommog balik o̱o̱tti̱nu̱ ke̱.