1 Ti̱mo̱te̱yo̱ 1:9 - Tennet

⁹ Eci ka̱gga̱ niko iróng lo̱ti̱nno̱wa̱ een cik ol cik abunna, abarik e̱e̱ggi̱n cik ol wak een i̱rki̱ryo̱k ki ol wak abure zoz ci alaano, ki ol wak mu̱nye̱nu̱, ki wak abure zoz ci Ta̱mu̱ta̱dde̱no̱, ki wak a̱ru̱k be̱e̱ti̱gge̱k ki e̱e̱ti̱gge̱k ka̱da̱i̱to̱ ki wak amuny ol,

1 Ti̱mo̱te̱yo̱ 1:9 ပူးပေါင်းရင်းမြစ်များ

Lu̱ge̱z 20:13

“Ma amunyi e̱e̱t ci diiri.

Ma̱te̱yo̱ 10:21

“Ovvo atin ol ogon kaal ciko: Adawa atin e̱e̱ti̱ gotoni, okko be̱e̱ti̱ do̱le̱co̱ adawa do̱le̱c cinne; ovvo dooli abure ti̱lo̱wi̱ne̱t ci be̱e̱ti̱nne̱ng ki e̱e̱ti̱nne̱ng, kar ku̱ru̱we̱t nogo ka̱da̱i̱to̱.

Roma 1:30

a̱du̱wa̱k ol zoz ci gerze, amarine Ta̱mu̱ta̱dde̱n. A̱ppi̱k e̱le̱tti̱, ozozik ol gerzet, odong e̱le̱tti̱, i̱no̱n odohize gi̱i̱ imma ci gerze een jor. Iróng ol ne̱ko̱ o̱ngo̱o̱le̱ be̱e̱ti̱gge̱k.

Roma 4:13

U̱du̱wa̱k Ta̱mu̱ta̱dde̱n Aburaham ki dooli cik dooli cigge̱k, okko atin enne aanyik nogo lo̱o̱c. Iróng enne a̱du̱wa̱ zoz necu eci Aburahami uzute lo̱ti̱nno̱k balik Musesi ke̱, abarik Ta̱mu̱ta̱dde̱n acin bunnat ci a̱kku̱ tu̱we̱nte̱ cinne.

Roma 5:20

Aanyik Ta̱mu̱ta̱dde̱n Muses lo̱ti̱nno̱k, kar ki̱ye̱la̱ ba̱ci̱nno̱k cik ollu meelek, ming ovvo ba̱ci̱no̱wa̱ e̱e̱ggi̱n meele giir, okko zin deteni ci Ta̱mu̱ta̱dde̱no̱ okkomi kak, i̱ye̱la̱ bunnat cinne.

Roma 6:14

Ma anyikku mu̱nye̱n kanyait doiz ngatinno̱ng, eci lo̱ti̱nno̱wa̱ balik reentik Musesi ke̱ iróng ngen bo̱do̱k abalung, abarik aanycik de̱ti̱ne̱t ci Ta̱mu̱ta̱dde̱no̱ kabalung.

Ga̱la̱ti̱a̱ 3:19

Een zin li̱ngli̱ngo̱ni̱ ci lo̱ti̱nno̱u̱ ko̱ ni̱i̱? De̱de̱, anyonikket lo̱ti̱nno̱wa̱ vu̱rrta̱ kize ci i̱ye̱la̱ mu̱nye̱n, eci e̱e̱ti̱ ci diiri i̱ti̱k tu̱. E̱e̱ggi̱n lo̱ti̱nno̱wa̱ ne̱ke̱ cik abak zee kuruba do̱le̱c ci Aburahami bali u̱du̱wa̱ Ta̱mu̱ta̱dde̱n i̱i̱na̱k atin zoz neci nonno ke̱. Ta̱mu̱ta̱dde̱n ci adiman lo̱ti̱nno̱k kar kanyik anjilonya ciginnek ta̱mu̱-kenga kanyaktak lo̱o̱c, okko Musesi een zoc ci a̱gga̱m zoz ci Ta̱mu̱ta̱dde̱no̱ kar ku̱du̱wa̱k ol.

Ga̱la̱ti̱a̱ 5:18

Ma̱i̱je̱ i̱yo̱ko̱, ming een Vongiz ci A̱li̱le̱ ci abahe i̱nna̱, iróng i̱nna̱ e̱e̱ni̱ du̱ca̱i̱t ci lo̱ti̱nno̱k cik Musesi.

Ga̱la̱ti̱a̱ 5:21

e̱e̱t ci aarik zinin kaal cik ollu, e̱e̱t ci ibbakce, e̱e̱t ci i̱i̱zo̱ rugumon ci anyak a̱li̱ya̱kze̱t kar ku̱tu̱gu̱zzo̱ kaal cik gerzek. Kobodekku̱ng ki ba̱li̱ye̱ ming ka̱du̱wa̱kku̱ng oowa ke̱, imma ol wak ogon kaal ne̱ko̱ ko̱, iróng atin i̱i̱zo̱ ba̱a̱li̱ne̱t ci Ta̱mu̱ta̱dde̱no̱.

Ga̱la̱ti̱a̱ 5:23

ki gool ci kozozik ol muluwe ci alali, aanyyet kanyait urutoit zoza. I̱llo̱i̱ lo̱ti̱nno̱k cik ongorko ki kaal ne̱ko̱.

2 Te̱se̱lo̱ni̱ka̱ 2:8

Kar atin e̱e̱ti̱ ci mu̱nye̱nu̱ ko̱ ki̱ye̱la̱i̱, okko atin Manyi Ye̱su̱ ottok nonno ngoote ci utug cinne kar kegerzan we̱t ci a̱kku̱nne̱ enne.

1 Ti̱mo̱te̱yo̱ 4:7

Ngera zin ele cunne nga̱ri̱de̱te̱ cik gerzek adang zoz ci Ta̱mu̱ta̱dde̱no̱, cik iróng agano ming i̱i̱zo̱ iin. Abarik demezek ele zoz ci Ta̱mu̱ta̱dde̱no̱ odohize.

1 Ti̱mo̱te̱yo̱ 6:20

Ti̱mo̱te̱yo̱, zuute zoz bali aanyi Ta̱mu̱ta̱dde̱n ke̱, bek ju̱rru̱m. Ma edeconik ta̱mu̱ta̱dde̱ne̱t wak zozak ki zoz wa volongo awu ol kize genyiz,

2 Ti̱mo̱te̱yo̱ 2:16

Ma i̱i̱zo̱ dangonet ci een li̱i̱k, eci zoz neci eceba ol o̱o̱tti̱ ki̱ti̱yye̱t tu̱ go̱o̱le̱ ci Ta̱mu̱ta̱dde̱no̱.

2 Ti̱mo̱te̱yo̱ 3:2

Orong atin ol kaal do̱o̱k kizeto cigge̱k, kar bo̱do̱k kirezit o̱ro̱bi̱ya̱, a̱ppi̱k atin ol e̱le̱tti̱, odom ol e̱le̱tti̱ oroot, ogon kaal cik gerzek i̱ba̱ti̱ne̱, iróng ol ngen o̱ngo̱o̱le̱ be̱e̱ti̱gge̱k ki e̱e̱ti̱gge̱k. Iróng anyik ol zany icima o̱ngo̱o̱le̱ Ta̱mu̱ta̱dde̱n, abak baiz ci gerze.

Ti̱to̱ 1:10

Anyak ol cik meelek ibbez de̱mzi̱ne̱t wa een de̱de̱, edemez nege ol de̱mzi̱ne̱t ci een darace kar ku̱lu̱te̱t ol. Een zoz necu de̱de̱ ngati ollik Ya̱u̱do̱ wak orong ol kettedit wucic vi̱ca̱vi̱cce̱t kar kurubta ti̱ri̱ze̱ne̱t.

Ti̱to̱ 1:16

A̱du̱wa̱k nyakanganeta ne̱k volongak ol zoz ci azi ne ka̱gga̱yya̱ Ta̱mu̱ta̱dde̱n, ma̱i̱je̱ abarik abure Ta̱mu̱ta̱dde̱n go̱o̱le̱ ci abahe nege. Ogon kaal cik gerzek.

Ti̱to̱ 1:6

Abunna e̱e̱ti̱ ci een nyakangan ming ogon kaal cik abunna. Abunna ming o̱de̱ nonno ngaa ṯok niko. Abunna dooli ciginnek ming a̱tu̱ Ye̱su̱, kar bo̱do̱k iróng a̱vi̱r o̱o̱tti̱.

Ti̱to̱ 3:3

Ke̱e̱ggi̱n ba̱li̱ye̱ naga bu̱k tarbale ki i̱yo̱ko̱ ol ne̱k iróng a̱tu̱ zoz ci Ye̱su̱ ko̱, ol u̱gge̱ cik a̱ti̱kke̱t tu̱, kar kizetta du̱cca̱k cik kireza kaal cik orong e̱le̱tti̱ lo̱rye̱nta̱k. Anyak baizi cinna ṯeel ki meder. Kamartoyya ol, ovvo bo̱do̱k ol amarinetta.

I̱bu̱ru̱ 11:31

Okko tu̱we̱nte̱ ci ngaa ci een a̱li̱ya̱i̱t een zara Rihab ko̱, iróng Ta̱mu̱ta̱dde̱n ngen a̱ru̱k nonno ki ol balik abure Manyi ke̱, eci enne i̱ti̱ri̱z ro̱tto̱k balik ovvo oroot lo̱o̱c ke̱.

I̱bu̱ru̱ 12:16

Gerza ming aave e̱e̱ti̱ ci maci icima ngaa ci orooto ki ol orgene cunno̱ng, icima ogon ki bali I̱sa̱u̱ ming utene a̱bu̱ze̱t da̱i̱nte̱, iróng enne elemi zoz ci Ta̱mu̱ta̱dde̱no̱. Utuwoi enne a̱bu̱ze̱t utubur kaal cik atin aragiz ko̱.

1 Peturu 2:7

I̱yo̱ko̱ niga ol wak a̱tu̱we̱ ko̱, riil bee necu. Ma̱i̱je̱ ol wak iróng a̱tu̱we̱, “Okko bee bali abure ol wak eenyce ko̱ ize bee ci abilne ce̱e̱z kommog veelek.”

1 Peturu 3:20

E̱e̱ggi̱n zin bali ol ne̱ke̱, ol cik abure Ta̱mu̱ta̱dde̱n bali reena e̱rki̱nya̱i̱ balik aave Nowa lo̱o̱ta̱ ngatu ke̱, ere bali Ta̱mu̱ta̱dde̱n nogo baling ngen Nowa adiman i̱bo̱ ke̱. Abarik zin bali i̱i̱te̱n neci anyigzai ol cik e̱e̱ggi̱n tu̱rge̱, imma ol do̱o̱k utuddudde maame.

1 Peturu 4:18

ki i̱yo̱ko̱ “Ming okkomi ngati ol wak abunna kar kurubta ti̱ri̱ze̱ne̱t, ogon ucca ngati ol wak abure Ta̱mu̱ta̱dde̱n ki ol wak mu̱nye̱nu̱ ku̱?”

Ju̱da̱ 1:15

kar ki̱ki̱ya̱ kettedek ol do̱o̱k lo̱ki̱ko̱, ol wak iróng elemi zoz ci Ta̱mu̱ta̱dde̱no̱, ki ol wak ogon kaal go̱o̱le̱ ci iróng Ta̱mu̱ta̱dde̱no̱ orongi, kar bo̱do̱k ki ol wak ozoz gerzet zo̱ze̱ ci Ta̱mu̱ta̱dde̱no̱.”

O̱no̱zzo̱k 21:8

Ma̱i̱je̱ ol wak o̱ngo̱o̱le̱ ol ko̱, ki ol wak iróng a̱tu̱we̱, ki ol wak mu̱nye̱nu̱, ki ol wak amuny ol, ki ol wak e̱e̱ggi̱n a̱li̱ya̱k, ki ol wak irez agura, ki ol wak ala to̱do̱yyo̱k ki volongnyok, een gwa̱a̱ ci apadpadi oroot ko̱ cinne̱ng. Een necu daiz ci vu̱rrto̱.”

O̱no̱zzo̱k 22:15

Imma ol cik ogon kiwagon urzi aavtte reene ci orog ci a̱ddi̱ki̱re̱ ko̱, a̱ru̱k agura, e̱e̱ggi̱n a̱li̱ya̱k, amuny ol, ala to̱do̱yyo̱k kize ta̱mu̱ta̱dde̱ne̱t cigge̱k, kar kabaito volonga.