1 Ti̱mo̱te̱yo̱ 1:5 - Tennet

⁵ Keheraki zin waraga cu kar ti̱lo̱ ol wak a̱tu̱ Ye̱su̱ kirezto zi̱nze̱tti̱nne̱ cik voorik per, kar nege ki̱no̱ni̱t kaal cik abunna go̱o̱le̱ ci ki̱no̱ne̱ ol wak a̱tu̱ Ta̱mu̱ta̱dde̱n de̱de̱.

1 Ti̱mo̱te̱yo̱ 1:5 ပူးပေါင်းရင်းမြစ်များ

Ma̱te̱yo̱ 12:35

A̱du̱wa̱ e̱e̱ti̱ ci abunna zoz ci abunna anyak enne zinine ci voori, imma e̱e̱ti̱ ci gerze, a̱du̱wa̱ zoz ci gerze anyak zinine ci a̱mu̱we̱.

Ma̱te̱yo̱ 5:8

U̱mu̱yu̱k Ta̱mu̱ta̱dde̱n ol wak caalek zi̱nze̱tti̱, acin atin nege Ta̱mu̱ta̱dde̱n.

Buk wa To̱ni̱a̱u̱ 15:9

Katubo naga do̱o̱k ngu̱me̱ cinne, eci enne adiman zi̱nze̱tti̱ cigge̱k kizeto caale tu̱we̱nte̱ ci anyak nege.

Buk wa To̱ni̱a̱u̱ 23:1

Egelem Pa̱u̱lo̱ ol wak lo̱ki̱ko̱ kar kize ne, “Gotonogga, ku̱tu̱gu̱ anna li̱ngli̱ngo̱n ci Ta̱mu̱ta̱dde̱no̱ zinine ci abunna rok wazin cu.”

Buk wa To̱ni̱a̱u̱ 24:16

Kar zin zo̱ze̱ necu odohize korongi kanyik zinin cinanni kubunna ngu̱me̱ ci Ta̱mu̱ta̱dde̱no̱ ki bo̱do̱k ngati ol cik diirik.

Roma 10:4

Aṯurneke lo̱ti̱nno̱wa̱ baling i̱ki̱ya̱ Ki̱ri̱sto̱, kar ol do̱o̱k kurubta bunnat ci Ta̱mu̱ta̱dde̱no̱ eleme enne ol cik a̱tu̱we̱.

Roma 12:9

Abunna ming irezzu ol rezinet wa een de̱de̱ zi̱nze̱tti̱nne̱ cuggo̱k. Amartoi gi̱i̱ ci gerze; odokta gi̱i̱ye̱ ci abunna.

Roma 14:15

Ming iróng zinin ci gotonogget icima ngonogget tu̱we̱nta̱ orong da̱i̱ne̱t cik adai i̱nna̱ ko̱, iróng i̱nna̱ anyai rezinet zinine cunne. Ma egerzanni goonu da̱i̱nte̱ cik adai i̱nna̱ ko̱, eci Ki̱ri̱sto̱ u̱ru̱we̱ ka̱da̱k zo̱ze̱ cinne.

Roma 9:1

Kozozi anna zoz ci een de̱de̱ zare cik Ye̱su̱ Ki̱ri̱sto̱, iróng ka̱du̱wa̱ zoz ci een volong, eci Vongizi ci A̱li̱le̱ i̱ye̱le̱ka̱ zoz wa een de̱de̱.

1 Ko̱ri̱nto̱ 13:1

Ming kanyai anna komiz ci kozoze u̱tu̱ge̱tti̱ne̱ cik ollu do̱o̱k ki cik anjilonyau bu̱k, imma ngatu i̱llo̱i̱ annit rezinet ci kireze ol, een zoz cinanni ko̱ du̱wa̱ du̱wa̱ gaganiko, i̱llo̱i̱ zoz ci een de̱de̱.

2 Ko̱ri̱nto̱ 1:12

Katalninna gi̱i̱ye̱ co̱de̱ baize cinna, i̱ye̱le̱kke̱t zi̱nze̱tti̱ cigga̱c kabakta baiz ci abunna ki̱ti̱ri̱ztta̱ ol ju̱rru̱m, ommogje baling ngen kabak ki i̱ge̱t ke̱. Aanyyet Ta̱mu̱ta̱dde̱n deten ci kabahe, iróng een genyize ci lo̱o̱tu̱.

Ga̱la̱ti̱a̱ 5:22

Ma̱i̱je̱ baizi Vongiza, een rezinet, ki talninet, ki baiz yahe, ki niimenet no̱ngi̱tto̱n, ki i̱rrke̱ne̱t, ki bunnat, ki tu̱we̱ne̱t Ta̱mu̱ta̱dde̱n,

Ga̱la̱ti̱a̱ 5:6

Ming ke̱e̱ggi̱n ol wak ka̱tu̱ Ye̱su̱ Ki̱ri̱sto̱, i̱llo̱i̱ gi̱i̱ ci kamuda ming ketted wucic vi̱ca̱vi̱ca̱, icima iróng kettedi. Tu̱we̱ne̱t zin ci aanyyet kirezit ol.

1 Ti̱mo̱te̱yo̱ 1:18

Ti̱mo̱te̱yo̱ wa e̱e̱ni̱ ngeranni tu̱we̱nta̱, kamitaneki zoz necu niko kar zuute ele olle wak edemezek gonoggi volong azi ne zoz ci a̱kku̱ Ta̱mu̱ta̱dde̱na̱. Kozozi zin niko ngibali a̱du̱wa̱ne̱ a̱ri̱tto̱wa̱ muluk ci a̱kku̱ Ta̱mu̱ta̱dde̱na̱ obod ki i̱nne̱ta̱. Zik ti̱lo̱wi̱ne̱t necu ju̱rru̱m kar nyak tu̱we̱ne̱t, abunna atin ming u̱u̱li̱ a̱ri̱tto̱k ne̱k edemez ol volong ke̱.

1 Ti̱mo̱te̱yo̱ 1:19

Anyak ol u̱gge̱ cik iróng arike tu̱we̱ne̱t zi̱nze̱tti̱, bak a̱ddu̱te̱ tu̱we̱ne̱t cinne̱ng ki i̱ra̱na̱ cik aavtte de̱e̱ra̱.

1 Ti̱mo̱te̱yo̱ 3:9

Abunna ming a̱gga̱m zoz wa tu̱we̱nto̱ ju̱rru̱m zi̱nze̱tti̱nne̱ cik caalek paz.

2 Ti̱mo̱te̱yo̱ 1:3

Kanyik zany Ta̱mu̱ta̱dde̱n wa ka̱li̱ngli̱nge̱k anna ko̱ zinine ci voori ki baling ogon ji̱ji̱ti̱ga̱nni̱k bu̱k. Kala gon Ta̱mu̱ta̱dde̱n tu̱p kaal ngati ka̱a̱da̱ni̱n.

2 Ti̱mo̱te̱yo̱ 1:5

Ka̱a̱da̱ tu̱we̱ne̱t wanunne okkomi, ki tu̱we̱ne̱t wa ya̱ngtu̱nne̱ Loyiz, ki tu̱we̱ne̱t wa yaatunne Yuniz, ka̱gga̱wa̱ niko aanyi i̱nna̱ bu̱k tu̱we̱ne̱t neci.

2 Ti̱mo̱te̱yo̱ 2:22

Tungek baiz ci logozu lo̱o̱c. Tu̱gu̱ kaal cik abunna odohize, ki tu̱we̱ne̱t Ta̱mu̱ta̱dde̱n ki rezinet ol, ki a̱vvu̱ze̱t yahe ki ol wak a̱tu̱ Manyi zi̱nze̱tti̱nne̱ cik alali.

Ti̱to̱ 1:15

Caalette kaala do̱o̱k paz ngati ol wak anyak zi̱nze̱tti̱ cik voorik. Ma̱i̱je̱ ol wak gerzek baizi, iróng bo̱do̱k a̱tu̱we̱, a̱zze̱ gi̱i̱ imma ci caale to, eci zi̱nze̱tti̱ cigge̱k ki o̱o̱tti̱ do̱o̱k u̱la̱ltte̱.

I̱bu̱ru̱ 10:22

abunna zin naga ka̱vvu̱nna̱k Ta̱mu̱ta̱dde̱n zi̱nze̱tti̱nne̱ cik abunna kar kartik nonno zi̱nze̱tti̱ ki tu̱we̱ne̱t ci okkomi kak. Utunyca bi̱ye̱ta̱ cik Ye̱su̱ ngati a̱da̱kne̱ keete ci een ta̱la̱ke̱c ko̱ mu̱nye̱n, iróng ngen ko̱ngo̱o̱le̱ gi̱i̱ imma. Utunyyce e̱le̱tti̱ cigga̱c ko̱ maame cik caalek ne paz ngati ka̱gga̱me̱ ba̱ti̱ti̱mo̱.

I̱bu̱ru̱ 13:18

Alayettu Ta̱mu̱ta̱dde̱n. Iróng naga ko̱ngo̱o̱le̱ gi̱i̱ imma, korongnyya odohize kabakta baiz ci abunna.

I̱bu̱ru̱ 9:14

Izikto zin ju̱rru̱m, ming anyak da̱ bi̱ye̱ta̱ cik kaal cik kapahek naga Ta̱mu̱ta̱dde̱n ko̱ doiz, imma ngati Vongiz ci A̱li̱le̱ udut, anyak bi̱ye̱ta̱ cik Ye̱su̱ komiz kommog bi̱ye̱ cik kaalu, aanyik enne ele cinne Ta̱mu̱ta̱dde̱n ngati a̱da̱kne̱ ki̱zze̱c rok mu̱nye̱n ngatinne. A̱vi̱la̱ atin bi̱ye̱ta̱ cik Ki̱ri̱sto̱ kaale cik kabaccit lo̱o̱ta̱ ngatu, kar atin kala icima ka̱li̱ngli̱ng zoz cinne ki̱zze̱c rok mu̱nye̱n cik okkoyyet daiza.

Je̱mi̱s 4:8

Ojongozit Ta̱mu̱ta̱dde̱n, kar enne kojongozung i̱ge̱t bu̱k. Utuunyet azzin cuggo̱k, niga olli mu̱nye̱nu̱, kar aanycik zi̱nze̱tti̱ kizeto caale, niga ol cik anyakku zi̱nze̱tti̱ rama ko̱.

1 Peturu 1:22

I̱yo̱ko̱ i̱ti̱vi̱ltu̱ niga zi̱nze̱tti̱ cuggo̱k kizeto caale ngati elemnyyu zoz ci een de̱de̱, kar anyait rezinet ci een de̱de̱ ki gotonogget wak a̱tu̱we̱, irezit e̱le̱tti̱ cuggo̱k oroot, rezinet ci a̱kku̱ zinina.

1 Peturu 3:16

Abunna abarizek ol zoz ci abunna kar ol wak a̱du̱wa̱ki̱ kaal cik gerzek ngati Ki̱ri̱sto̱ ko̱, kadak nogo a̱li̱ya̱ni̱.

1 Peturu 3:21

Ogon zin maama ne̱k balik tawan neci ki ba̱ti̱ti̱mo̱ ci a̱gga̱me̱ke̱ ol, nonno nenen ci i̱yo̱ko̱ aruguzanung ko̱. Abarik zin ba̱ti̱ti̱mo̱ ommog maam cik arane e̱e̱ti̱ ele. I̱ye̱le̱kke̱t zoz necu gool ci kar naga kubunnta ngu̱me̱ ci Ta̱mu̱ta̱dde̱no̱ zi̱nze̱tti̱nne̱ cik abunna eci bali enne itingai Ye̱su̱ Ki̱ri̱sto̱ daiza.

1 Peturu 4:8

Ma gi̱i̱ye̱ ci riili oroot, abunna zin niga ming irezonnu, eci rezinet ngati aave, amadan mu̱nye̱n.

2 Peturu 1:7

Kar bo̱do̱k otortek zoz ci arikku zoz ci Ta̱mu̱ta̱dde̱no̱ zi̱nze̱tti̱ ko̱ zoz ci eelannu gonoggu wak a̱tu̱we̱ ki niga, kar bo̱do̱k otortek rezinet zoz ci eelannu ol cik a̱tu̱we̱ ko̱.

1 Jon 3:10

Een zin necu gool ci ka̱gga̱we̱ naga dooli cik Ta̱mu̱ta̱dde̱no̱ ki dooli cik lo̱rye̱nta̱k. Ming ogon e̱e̱ti̱ imma gi̱i̱ ci gerze, icima iróng irez gotoni, iróng enne een do̱le̱c ci Ta̱mu̱ta̱dde̱no̱.

1 Jon 3:23

Een zin necu ti̱lo̱wi̱ne̱t cinne: Abunna ka̱tu̱we̱ zare cik Ngerinne Ye̱su̱ Ki̱ri̱sto̱, kar kirezit e̱le̱tti̱ cigga̱c do̱o̱k ki bali u̱du̱wa̱e̱t enne agit ke̱.

1 Jon 3:3

Imma e̱e̱ti̱ ci arike zinin zoz ci Ki̱ri̱sto̱, adiman ele cinne ki̱li̱li̱, ki i̱yo̱ko̱ Ki̱ri̱sto̱ ming a̱li̱le̱ ko̱.