1 Ti̱mo̱te̱yo̱ 1:13 - Tennet

¹³ Baling ka̱gi̱di̱ ol wak a̱tu̱ zoz ci Ye̱su̱, kar zin kodom nonno nu̱nu̱n, ngen Ta̱mu̱ta̱dde̱n eelanna annit dee, alaleya mu̱nye̱n wagannik ma̱rri̱t ngen bali anna kelema zoz cinne, kar bo̱do̱k ngen ka̱gga̱ kaal ne̱k balik kogonni ke̱.

1 Ti̱mo̱te̱yo̱ 1:13 ပူးပေါင်းရင်းမြစ်များ

Lu̱ka̱ 12:47

“Okko du̱ca̱i̱ti̱ ci a̱gga̱ zoz ci alaan cinne kar ngatu iróng enne e̱re̱ye̱ icima ogon gi̱i̱ ci orong alaani cinne, a̱ru̱we̱ atin oroot.

Lu̱ka̱ 23:34

Kar zin Ye̱su̱ kalawo kize ne, “Baba, lalek nogo, eci iróng nege a̱gga̱ gi̱i̱ ci ogon ko̱.” Kar zin kengerit ru̱u̱ma̱ni̱ ciginnek ngati ovoce bibi.

Buk wa To̱ni̱a̱u̱ 22:4

Ka̱gi̱di̱ bali anna ol wak annu Ye̱su̱ ka̱da̱i̱to̱, karik ngaai ki odot lagam kecebte,

Buk wa To̱ni̱a̱u̱ 3:17

“Ma̱i̱je̱ zin i̱yo̱ko̱, gotonogga, ka̱gga̱ niko u̱tu̱gu̱zzu̱ niga ki lo̱ddi̱ki̱re̱ cuggo̱k kaal go̱o̱le̱ ci iróng niga a̱gga̱yyu̱.

Buk wa To̱ni̱a̱u̱ 8:3

Ma̱i̱je̱ zin Sauli akate azan olli ke̱le̱ci̱o̱. Okko ce̱e̱zi̱nne̱ e̱co̱de̱ e̱co̱de̱, kar ku̱tu̱gu̱ra̱ odot ki ngaai karik nogo lagam.

Buk wa To̱ni̱a̱u̱ 9:1

Ngen zin abarik Sauli emena a̱gi̱d nuyak cik Manyi dee. Uk enne ngati alaan ci a̱ddi̱ki̱re̱ wawaco

Buk wa To̱ni̱a̱u̱ 9:13

O̱bo̱de̱k zin Ananiyasi nonno, “Manyi, kiziya anna zoz ci obod ki e̱e̱t cu ki kaal cik gerzek u̱tu̱gu̱we̱k enne nuyak cigunnek Jerusalema.

Buk wa To̱ni̱a̱u̱ 9:5

I̱jji̱n zin Sauli nonno, a̱nne̱k ne, “E̱e̱ni̱ i̱nna̱ ngene, ddi̱ki̱ryo̱i̱t?” O̱bo̱de̱k zin Ye̱su̱ nonno, a̱nne̱k ne, “Annit Ye̱su̱ ci a̱gi̱di̱ i̱nna̱ ko̱.”

1 Ko̱ri̱nto̱ 15:9

Eci anna ke̱e̱ni̱ vu̱rru̱t ci to̱ni̱a̱u̱ veelek, iróng agano ming awuya ol kize to̱na̱i̱t, eci anna ki̱gi̱da̱ ol wak a̱tu̱we̱ Ce̱e̱ze̱ wa Ta̱mu̱ta̱dde̱no̱.

1 Ko̱ri̱nto̱ 7:25

Okko zo̱ze̱ ci e̱e̱t ki ngaa ci ngen kuruco, i̱llo̱i̱ zoz imma ci a̱du̱wa̱ Manyi zo̱ze̱ necu, abarik anna ka̱a̱nyu̱ng zoz ci kettede lo̱ki̱ko̱ eci anna ke̱e̱ni̱ e̱e̱t ci kanyai deten ci Manyi.

Ga̱la̱ti̱a̱ 1:13

A̱gga̱yyu̱ ri̱t niga ba̱li̱ye̱ baiz cinanni kabahe kize e̱e̱t ci kazunne keer ci Ya̱u̱do̱. Ki̱gi̱da̱ ba̱li̱ye̱ oroot ol wak a̱tu̱we̱ Ce̱e̱ze̱ wa Ta̱mu̱ta̱dde̱no̱, korongi kegerzan nogo.

Vilipia 3:6

Eci kanyai anna zinin ci kireze li̱ngli̱ngo̱n cinanni, ki̱gi̱da̱ zin olli Ki̱ri̱sto̱ ke̱le̱ci̱a̱k. Imma zo̱ze̱ ci abunna orong lo̱ti̱nno̱wa̱, i̱llo̱i̱ gi̱i̱ imma ci kabaci eci anna kazunne Lo̱ti̱nno̱k cik Musesi veelek.

1 Ti̱mo̱te̱yo̱ 1:16

Alaleya Ta̱mu̱ta̱dde̱n annit e̱e̱t wa mu̱nye̱nu̱ wa ommog veelek kar ol kicinnta bunnat ci Ye̱su̱ Ki̱ri̱sto̱ ngatinanni, kar ol kicinnet laliz ci zinin ci Ta̱mu̱ta̱dde̱no̱. Kar ol cik a̱tu̱ zoz ci Ye̱su̱ kuruget udut.

I̱bu̱ru̱ 4:16

Koot zin naga do̱o̱k rok Manyi Ta̱mu̱ta̱dde̱n ngati iróng ko̱ngo̱o̱li̱ne̱ gi̱i̱ imma kar kaanyyet deten, kar kurubta bunnat kar keelawet agit do̱o̱k i̱i̱te̱ne̱ ci koronge naga kaal.

1 Peturu 2:10

“Iróng niga ba̱li̱ye̱ e̱e̱ggi̱nnu̱ ol cik Ta̱mu̱ta̱dde̱no̱. I̱yo̱ko̱ zin izetu niga ol ciginnek. Ba̱li̱ye̱ ngen niga urubta deten cinne, imma zin i̱yo̱ko̱ urubtau.”