1 Ti̱mo̱te̱yo̱ 1:12 - Tennet

¹² Kanyik zin anna zany Manyitinna Ye̱su̱ Ki̱ri̱sto̱. Kanyik bo̱do̱k zany ngati a̱gga̱we̱ zinin cinanni ming karike nonno. Kar zin a̱gga̱ya̱ annit ke̱e̱ni̱ e̱e̱t ci kabunna kar kaanya komiz ci ka̱li̱ngli̱nge̱ li̱ngli̱ngo̱n wainne.

1 Ti̱mo̱te̱yo̱ 1:12 ပူးပေါင်းရင်းမြစ်များ

Ma̱te̱yo̱ 20:4

Kar zin enne kozozek nogo, a̱nne̱k ne, ‘Oot niga bu̱k li̱ngli̱ngo̱n ma̱ne̱ cinanni, ka̱ru̱we̱kku̱ng atin o̱ro̱bi̱ya̱ cik mayek.’

Kaviyak wak Abunna Ta̱mu̱ta̱dde̱no̱ eher Joni 5:23

Kar zin ol do̱o̱k ko̱to̱ngo̱o̱ltte̱ Ngerinne ki i̱yo̱ko̱ ming o̱ngo̱o̱le̱ nege Baba ko̱. Ming iróng e̱e̱ti̱ o̱ngo̱o̱le̱ Ngerinne, iróng o̱ngo̱o̱le̱ Baba bali i̱tto̱na̱na̱ ke̱.”

Buk wa To̱ni̱a̱u̱ 16:15

Baling a̱gga̱mte̱k nege nonno ki ol cik ce̱e̱z cinne do̱o̱k ba̱ti̱ti̱mo̱, utuwet zin enne agita ce̱e̱ze̱ cinne. A̱nne̱kke̱t ne, “Ming aanyang niga annit kize e̱e̱t ci a̱tu̱ Manyi Ye̱su̱, i̱vi̱ta̱ a̱vvu̱t ce̱e̱ze̱ cinanni.” Kelemtta naga zoz cinne, kar ko̱o̱tta̱ i̱ye̱ niko.

Buk wa To̱ni̱a̱u̱ 9:15

A̱nne̱k zin Manyi Ananiyas ne, “Tinga je̱e̱na̱ bito! Een Sauli e̱e̱t ci katahala anna kize e̱e̱t ci uwahek i̱do̱ngi̱ ki alaat cigge̱k ki ol cik Israilo kaviyak cigannik abunna.

Buk wa To̱ni̱a̱u̱ 9:22

Anyak Sauli komiz ci uwahe zoz ci Ta̱mu̱ta̱dde̱no̱ ka̱ma̱li̱ltte̱ o̱o̱tti̱ cik Ya̱u̱d wak abak Damascusa eci Sauli azi ne, een Ye̱su̱, Ki̱ri̱sto̱.

1 Ko̱ri̱nto̱ 15:10

Abarik kiize anna e̱e̱t imma bu̱k eci Ta̱mu̱ta̱dde̱n aanya deten cinne, iróng deteni ci Ta̱mu̱ta̱dde̱no̱ aave gaganiko ngatinanni. Ming ki̱li̱ngli̱nga̱ anna nu̱nu̱n oroot kommog to̱ni̱a̱k veelek, deten ci Ta̱mu̱ta̱dde̱no̱ ci a̱ma̱yu̱ka̱n.

1 Ko̱ri̱nto̱ 3:5

Ma i̱yo̱ko̱ ming ki̱no̱n ju̱rru̱m, een Apollos ngene? Ma Pa̱u̱lo̱ een ngene? Ke̱e̱ggi̱n naga do̱o̱k du̱cca̱k, i̱tto̱na̱ne̱t Manyi kar ki̱vi̱ta̱ kaanycung i̱ge̱t elemtta zoz ci Ki̱ri̱sto̱. Imma gon e̱e̱ti̱ imma ngatinna̱ng a̱li̱ngli̱ng li̱ngli̱ngo̱n ci aanyik Manyi nonno ki̱li̱ngli̱ng.

1 Ko̱ri̱nto̱ 7:25

Okko zo̱ze̱ ci e̱e̱t ki ngaa ci ngen kuruco, i̱llo̱i̱ zoz imma ci a̱du̱wa̱ Manyi zo̱ze̱ necu, abarik anna ka̱a̱nyu̱ng zoz ci kettede lo̱ki̱ko̱ eci anna ke̱e̱ni̱ e̱e̱t ci kanyai deten ci Manyi.

2 Ko̱ri̱nto̱ 4:1

I̱yo̱ko̱ zin eci Ta̱mu̱ta̱dde̱n edete kar kaanya gool ci kedemzike ol kaviyak cik abunna, ngen i̱i̱te̱n imma kutubur nong kar kibiliz de̱mzi̱ne̱t ol.

Ga̱la̱ti̱a̱ 3:26

Ke̱e̱ggi̱n naga do̱o̱k doolik Ta̱mu̱ta̱dde̱no̱ ngati ka̱tu̱we̱ Ye̱su̱ Ki̱ri̱sto̱.

Ga̱la̱ti̱a̱ 3:28

Ming anyakku tu̱we̱ne̱t ci Ye̱su̱ Ki̱ri̱sto̱ niko, i̱zzi̱ zoz ci bo̱do̱k kazi ne, e̱e̱ggi̱n ciko olli Ya̱u̱d, ovvo ciko e̱e̱ggi̱n ol wak een Gi̱ri̱k, icima uggak e̱e̱ggi̱n du̱cca̱k, ovvo uggak een jain, icima e̱e̱ggi̱n uggak ngaai, icima odot; eci naga do̱o̱k ke̱e̱ggi̱n ol co̱de̱ ngati Ye̱su̱.

Vilipia 2:11

kar ol do̱o̱k u̱tu̱ge̱tti̱ne̱ cigge̱k kizeto ne, een Ye̱su̱ Ki̱ri̱sto̱ Manyi, imma zin zo̱ze̱ necu a̱di̱ngdi̱nga̱n nege Ta̱mu̱ta̱dde̱n Baba.

Vilipia 4:13

Kogonni wo̱ye̱ anna kaal do̱o̱k zo̱ze̱ ci Ki̱ri̱sto̱ nonno ci aanya doiz.

Kolosiya 1:25

Kiize anna du̱ca̱i̱t ci ol wak a̱tu̱we̱ eci Ta̱mu̱ta̱dde̱n atahala annita, kar kaanya li̱ngli̱ngo̱n necu kar ku̱du̱wa̱u̱ng zoz cinne do̱o̱k.

1 Ti̱mo̱te̱yo̱ 1:1

Ki̱tto̱na̱ki̱ waraga cu anna Pa̱u̱lo̱ to̱ni̱a̱ti̱ ci Ye̱su̱ Ki̱ri̱sto̱, wa bali atahala Ta̱mu̱ta̱dde̱n wa een Ti̱ri̱zo̱i̱t cinna ki Ye̱su̱ Ki̱ri̱sto̱ ci karike naga zi̱nze̱tti̱ ko̱.

1 Ti̱mo̱te̱yo̱ 1:11

orkor ki kaviyak cik abunna Ta̱mu̱ta̱dde̱no̱ manyi ma̱yu̱we̱ne̱t balik i̱lo̱ti̱ka̱ enne annit ke̱.

1 Ti̱mo̱te̱yo̱ 1:2

Keheriki i̱nne̱t Ti̱mo̱te̱yo̱ wa een ngeranni de̱de̱ tu̱we̱nta̱. Kala Ta̱mu̱ta̱dde̱n Be̱e̱ti̱nna̱ ki Manyitinna Ye̱su̱ Ki̱ri̱sto̱ kar kaanyci deten ki bunnat ki a̱vvu̱ze̱t yahe.

1 Ti̱mo̱te̱yo̱ 6:13

Ki̱lo̱ti̱ anna i̱nne̱ta̱ kar kicin Ta̱mu̱ta̱dde̱n wa aanyik kaal do̱o̱k ruget ko̱, kar bo̱do̱k kicin Ye̱su̱ Ki̱ri̱sto̱ bu̱k bali a̱du̱wa̱k alaan Pontius Pilato tu̱we̱ne̱t cinne ke̱,

2 Ti̱mo̱te̱yo̱ 2:2

kar zo̱zzo̱wa̱ balik aziyi i̱nna̱ ngatinanni, ngati aavtte bbacaha cik meelek ke̱, anyonik zo̱zzo̱wa̱ ne̱ke̱ ol cik abunna kar atin nege ke̱de̱me̱zi̱t ol u̱gge̱ bu̱k.

2 Ti̱mo̱te̱yo̱ 4:17

Abarik wazin neci, uzuta Manyi kar zin kaanya komiz ci kuwaheke ol kaviyak ciginnek ju̱rru̱m, kar ol wak iróng een Ya̱u̱d do̱o̱k kiziyet. Eelawa zin Ye̱su̱ daiza.

Ti̱to̱ 1:4

Keheriki zin anna waraga necu i̱nne̱ta̱ Ti̱to̱, wa u̱tu̱gu̱ ki ngeranni tu̱we̱nte̱ ci kozol naga ko̱: Anyik Ta̱mu̱ta̱dde̱n wa een Be̱e̱ti̱nna̱ ki Ye̱su̱ Ki̱ri̱sto̱ Ti̱ri̱zo̱i̱t cinna kaanyi deten ki baiz yahe.

Vilomene 1:9

Abarik kilaleki rezinta, anna Pa̱u̱lo̱ e̱e̱ti̱ ci a̱ddi̱ki̱re̱. I̱yo̱ko̱ kecebje zo̱ze̱ ci kuwahek ol kaviyak cik Ye̱su̱ Ki̱ri̱sto̱.