1 Te̱se̱lo̱ni̱ka̱ 5:9 - Tennet

⁹ Eelannet atin Ta̱mu̱ta̱dde̱n, iróng orongnyet kar kedezzeta. Abarik ahalanet kar ki̱tto̱nna̱e̱t Manyitinna Ye̱su̱ Ki̱ri̱sto̱ ki̱ti̱ri̱ze̱ta̱.

1 Te̱se̱lo̱ni̱ka̱ 5:9 ပူးပေါင်းရင်းမြစ်များ

Lu̱ge̱z 9:16

Abarik anna kidimani i̱nne̱t ize alaan kar doiz cinanni ki̱ye̱le̱i̱ kar ol ko̱to̱ngo̱o̱lte̱ya̱ annit lo̱o̱co̱we̱ do̱o̱k.

Ma̱te̱yo̱ 26:24

Eci Ngerrti E̱e̱to̱ a̱da̱i̱ atin ki bali ming u̱du̱ya̱i̱ zoz cinne Warage ci Ta̱mu̱ta̱dde̱no̱. O̱lle̱ bai atin cik e̱e̱t ci adawa Ngerrti E̱e̱to̱, agano weda ming iróng enne a̱rri̱ta̱i̱!”

Buk wa To̱ni̱a̱u̱ 1:20

Ize zin Peturu ne, “E̱he̱rye̱ buwe ci caliwono, azi ne, “‘Aanyik ngintinne ka̱vvu̱ ollin; ma anyike e̱e̱t imma kabak nginati,’ kar, “‘Anyik e̱e̱t imma wo̱ye̱ kuwe ngintinne kize ddi̱ki̱ryo̱i̱t.’

Buk wa To̱ni̱a̱u̱ 1:25

kar karagiz li̱ngli̱ngo̱n bali abure Judasi kar kuk ngati orong enne ke̱.”

Buk wa To̱ni̱a̱u̱ 13:48

Baling iziyyet ol cik iróng e̱e̱ggi̱n Ya̱u̱d zoz necu, ataltto oroot kar zin ki̱di̱ngdi̱nga̱ni̱t zoz ci Manyi; kar ol do̱o̱k wak atahalak Ta̱mu̱ta̱dde̱n kurubta baiz ci aave udut ko̱, ku̱tu̱we̱t.

Roma 11:30

Anyak i̱i̱te̱n imma ba̱li̱ye̱ ci aburnnu niga ol cik iróng een Ya̱u̱d zoz ci Ta̱mu̱ta̱dde̱no̱, imma i̱yo̱ko̱ urubtau niga deten eci utuburet nege zoz cinne.

Roma 11:7

I̱yo̱ko̱ zin i̱ye̱le̱kke̱t zoz necu agit nya? I̱ye̱le̱kke̱t zoz necu zoz ci olli Israilo do̱o̱k, anyak u̱gge̱ ngatinne̱ng cik u̱mu̱dda̱ gi̱i̱ ci aara nogo mu̱nye̱n. Ovvo uggak ngatinne̱ng odoi zi̱nze̱tti̱ ci iróng aziye zoz ci Ta̱mu̱ta̱dde̱no̱,

1 Te̱se̱lo̱ni̱ka̱ 1:10

ngati e̱re̱yyu̱ Ye̱su̱ Ngerinne, wa atin obodak lo̱o̱c ta̱mu̱-kenga, bali ingane enne daiza. Eelannet atin agit do̱o̱k kar kilittet mozinet ci Ta̱mu̱ta̱dde̱no̱ ci atin okko enne edeze ol cik abure iróng a̱tu̱ zoz ci Ye̱su̱.

1 Te̱se̱lo̱ni̱ka̱ 3:3

Abunna bo̱do̱k ming iróng e̱e̱ti̱ imma ngatinno̱ng a̱mi̱re̱ ki vu̱rru̱t zo̱ze̱ ci amarinnung ol zee ipirta ko̱. A̱gga̱c ju̱rru̱m een pirnanet cu talninet cinna ol wak a̱tu̱ zoz ci Ye̱su̱.

1 Ti̱mo̱te̱yo̱ 1:13

Baling ka̱gi̱di̱ ol wak a̱tu̱ zoz ci Ye̱su̱, kar zin kodom nonno nu̱nu̱n, ngen Ta̱mu̱ta̱dde̱n eelanna annit dee, alaleya mu̱nye̱n wagannik ma̱rri̱t ngen bali anna kelema zoz cinne, kar bo̱do̱k ngen ka̱gga̱ kaal ne̱k balik kogonni ke̱.

1 Ti̱mo̱te̱yo̱ 1:16

Alaleya Ta̱mu̱ta̱dde̱n annit e̱e̱t wa mu̱nye̱nu̱ wa ommog veelek kar ol kicinnta bunnat ci Ye̱su̱ Ki̱ri̱sto̱ ngatinanni, kar ol kicinnet laliz ci zinin ci Ta̱mu̱ta̱dde̱no̱. Kar ol cik a̱tu̱ zoz ci Ye̱su̱ kuruget udut.

2 Ti̱mo̱te̱yo̱ 2:10

I̱yo̱ko̱ zin, kinima no̱ngi̱tto̱n do̱o̱k zo̱ze̱ ci ol wak atahala Ta̱mu̱ta̱dde̱n, kar nege bu̱k kurubta ti̱ri̱ze̱ne̱t ngati Ye̱su̱ Ki̱ri̱sto̱, ki baiz wa a̱zi̱ze̱ aave udut.

1 Peturu 2:10

“Iróng niga ba̱li̱ye̱ e̱e̱ggi̱nnu̱ ol cik Ta̱mu̱ta̱dde̱no̱. I̱yo̱ko̱ zin izetu niga ol ciginnek. Ba̱li̱ye̱ ngen niga urubta deten cinne, imma zin i̱yo̱ko̱ urubtau.”

1 Peturu 2:8

Azi bo̱do̱k ne, “Een enne bee ci adir ol kamarmarit, bee ci aanyik nogo ku̱yu̱kte̱.” Alam bee nogo eci iróng nege o̱ngo̱o̱le̱ kaviyak cik Ta̱mu̱ta̱dde̱no̱ bali odola enne kize cinne̱ng.

2 Peturu 1:1

Annita Si̱mo̱ne̱ Peturu wa ke̱e̱ni̱ du̱ca̱i̱t ki to̱ni̱a̱t ci Ye̱su̱ Ki̱ri̱sto̱. Keherakkung waraga necu i̱ge̱t ol wak anyakku tu̱we̱ne̱t ci okkomi ki i̱yo̱ko̱ naga ko̱ ngati Ta̱mu̱ta̱dde̱n cinna ki Ti̱ri̱zo̱i̱t Ye̱su̱ Ki̱ri̱sto̱, ogon atin enne kaal cik abunna.

2 Peturu 2:3

Anyak atin ol ne̱ke̱ zi̱nze̱tti̱ cik a̱ppi̱nte̱k kaale, ozoziku̱ng u̱tu̱ge̱tti̱ne̱ cik emede. Ettedik Ta̱mu̱ta̱dde̱n nogo lo̱ki̱ko̱ zo̱ze̱ necu, iróng zin enne adunge.

Ju̱da̱ 1:4

Eci anyak ol u̱gge̱ cik eher zoz ci adange nege Ta̱mu̱ta̱dde̱n, iniktozeung nege orgen cunno̱ng. Abarik zin ol ne̱ko̱ aminye deten ci Ta̱mu̱ta̱dde̱n cinna kize gool ci ogone nege kaal cik gerzek, kar kimigtoi Manyi cinna Ye̱su̱ Ki̱ri̱sto̱ O̱de̱ Ṯok niko. Ettede zin lo̱ki̱ko̱ ci ol ne̱ko̱ bali reena.