1 Te̱se̱lo̱ni̱ka̱ 5:4 - Tennet

⁴ Imma niga ol wak a̱tu̱yyu̱ zoz ci Ye̱su̱ ko̱, ma anyikku zoz ci lo̱o̱c ci gerze ko̱ kecebaung o̱o̱tti̱, koboung wazini neci. Obokkung atin wazini ci a̱kku̱nne̱ Ye̱su̱ ke̱ ki ta̱mu̱ ci tagizo.

1 Te̱se̱lo̱ni̱ka̱ 5:4 ပူးပေါင်းရင်းမြစ်များ

Ma̱te̱yo̱ 10:15

Ka̱du̱wa̱kku̱ng zoz ci een de̱de̱, obokce atin abarik ngati o̱ro̱gjo̱k cik een Sodom ki Gomorrah i̱i̱te̱ne̱ ci okko Ta̱mu̱ta̱dde̱n ettede lo̱ki̱ko̱ cinne, gerza atin ngati orog neci oroot.

Lu̱ka̱ 21:34

“U̱zu̱tte̱ e̱le̱tti̱, icima ovvo atin zi̱nze̱tti̱ cuggo̱k egerzanne zo̱ze̱ ci gerze, ki udenet merten ki ngo̱li̱ne̱t lo̱o̱c zo̱ze̱ ci baizo, okko atin i̱i̱te̱ni̱ neci a̱kku̱na̱kku̱ng kiwagon tarabai.

Buk wa To̱ni̱a̱u̱ 26:18

kar oo ebere cigge̱k, tuhu nogo ngati mu̱hu̱ri̱ kicinnet nginti voori. Ooga nogo komize ci Sitano ki̱vi̱ta̱k Ta̱mu̱ta̱dde̱n, kar enne kalalek nogo mu̱nye̱n cigge̱k kar nege kidongte ki ol cik Ta̱mu̱ta̱dde̱no̱ a̱li̱le̱ zo̱ze̱ ci a̱tu̱ya̱ nege annita.’

Kolosiya 1:13

Eci enne eelawet agit baize ci mu̱hu̱ri̱ kar kanyait ba̱a̱li̱ne̱t ci Ngerinne irez enne ko̱,

1 Te̱se̱lo̱ni̱ka̱ 5:2

Eci niga a̱gga̱yyu̱ niko obokket atin wazini ci a̱kku̱nne̱ Manyi ki ta̱mu̱ ci tagizo.

2 Peturu 3:10

Abarik atin i̱i̱te̱ni̱ ci Manyi a̱kku̱ kiwagon ogoryaiti, iróng e̱e̱ti̱ imma a̱gga̱. Okko i̱i̱te̱ne̱ neci a̱zze̱ atin ta̱mu̱-kengi ne dakdak. Imma koor ki nye̱lo̱k ki munyuny atuze gwo̱o̱ya̱ ne lai. Atuze atin looci ki kaal do̱o̱k wak aavtte lo̱o̱ta̱ ngatu ko̱ ne lai, kar kaala do̱o̱k ki̱ye̱lta̱i̱.

1 Jon 2:8

Ngen zin keherakkung ti̱lo̱wi̱ne̱t ci een jor; i̱ye̱la̱i̱ zoz cinne de̱de̱ ngati Ki̱ri̱sto̱ ki i̱ge̱ta̱, i̱llo̱i̱ mu̱hu̱ri̱te̱n udut, enyerkai tukuleci ci een de̱de̱.

O̱no̱zzo̱k 16:15

Azi Manyi Ye̱su̱ ne, “Izikto ju̱rru̱m, ka̱kku̱ni̱ atin anna kiwagon ogoryaiti! A̱ma̱yu̱we̱ e̱e̱ti̱ ci ereya annita odohize kar kuzute kaal ciginnek, kar atin iróng enne okko nga̱dhi̱ri̱r kar a̱li̱ya̱ni̱ kadak nonno.”

O̱no̱zzo̱k 3:3

Abunna ming a̱a̱da̱nnu̱ gool ci iziktu niga ko̱ ki ci a̱gga̱ma̱nnu̱ niga zoz ci Ta̱mu̱ta̱dde̱no̱; o̱to̱ngo̱o̱ltte̱ zin zoz neci, kar uturtta mu̱nye̱n cuggo̱k. Ma̱i̱je̱ ming iróng niga ooyyu ebere cuggo̱k, ka̱kku̱ni̱ atin anna kiwagon ogoryaiti, iróng atin niga a̱gga̱yyu̱ i̱i̱te̱n ci ka̱kku̱na̱ku̱ng anna i̱ge̱ta̱.