1 Te̱se̱lo̱ni̱ka̱ 5:3 - Tennet

³ I̱nna̱ atin wazini neci ngati aniwe ol ne, “Aave looci labak, i̱llo̱i̱ jo̱o̱re̱.” Kar zin li̱be̱ne̱t ci edeze Ta̱mu̱ta̱dde̱n lo̱o̱c ki̱tta̱ niko! Obokket ki u̱u̱ce̱zi̱ ci obok ngaa ci orong uukcai ki̱zze̱c rok ol cik a̱vi̱ri̱.

1 Te̱se̱lo̱ni̱ka̱ 5:3 ပူးပေါင်းရင်းမြစ်များ

Ma̱te̱yo̱ 23:33

“Niga ol cik e̱e̱ggi̱nnu̱ gerze oroot ko̱, ogonnu niga kiwagon uwanya! Ijaru atin niga de̱zi̱ne̱t ci okkoyyung gwo̱o̱ye̱ ci apadpadi udut?

Kaviyak wak Abunna Ta̱mu̱ta̱dde̱no̱ eher Joni 16:21

“Ming ukca ngaa do̱le̱c anyak u̱u̱ce̱z oroot, eci utubte nonno i̱i̱nya̱ ciginnek tuyanto, abarik ming okko do̱le̱c iyowa, erehek nonno u̱ce̱zi̱ abarik atalo enne eci i̱ti̱rya̱i̱ do̱le̱c.

Buk wa To̱ni̱a̱u̱ 13:41

“‘Izikto niga wak aminyu ol ko̱, u̱ku̱lte̱k je̱e̱n kar a̱da̱i̱to̱, eci anna Ta̱mu̱ta̱dde̱n kokko kogonni gi̱i̱ imma i̱i̱nya̱we̱ ne̱ko̱ iróng atin niga a̱tu̱yyu̱, ming u̱du̱wa̱u̱ng e̱e̱ti̱ imma i̱ge̱t nu̱nu̱n.’”

2 Te̱se̱lo̱ni̱ka̱ 1:9

Edez atin Manyi nogo udut kar kanyik ka̱vvu̱to̱ reena alaanzete cinne.

I̱bu̱ru̱ 12:23

I̱tto̱zzu̱ niga nginti aavtte a̱bu̱nya̱ ke̱le̱ci̱e̱ ci Ta̱mu̱ta̱dde̱no̱, wak e̱he̱rye̱ zara cigge̱k buwe ci Ta̱mu̱ta̱dde̱no̱ ta̱mu̱-kenga. I̱vi̱ta̱u̱ niga Ta̱mu̱ta̱dde̱n ele ci okko etted lo̱ki̱ko̱ ci kaal do̱o̱k. I̱vi̱ta̱u̱ niga vongizzok cik ol cik abunna idiman Ta̱mu̱ta̱dde̱n kubunnta ta̱mu̱-kenga.

I̱bu̱ru̱ 2:3

Ming kutuburret naga gool ci abunna kamudane ti̱ri̱ze̱ne̱t ko̱, kalit lo̱ki̱ko̱ ci Ta̱mu̱ta̱dde̱no̱ wo̱ye̱ ku̱? U̱du̱wa̱ Ye̱su̱ Manyi zoz necu arrak oowa, imma ol balik iziyyet ke̱ a̱gga̱c ming een zoz ci een de̱de̱, nogo cik a̱du̱wa̱kke̱ta̱.

2 Peturu 2:4

Iróng Ta̱mu̱ta̱dde̱n alalnek anjilonya balik ogon mu̱nye̱n ke̱, abarik a̱ju̱ke̱k nogo koot ngati mu̱u̱hu̱ri̱ gwo̱o̱ya̱ ki̱ki̱ya̱ i̱i̱te̱ni̱ ci lo̱ki̱ko̱.