1 Te̱se̱lo̱ni̱ka̱ 5:27 - Tennet

²⁷ Kilalekkung zare cik Manyi, ikebtek waraga cu ol wak a̱tu̱ zoz ci Ta̱mu̱ta̱dde̱no̱.

1 Te̱se̱lo̱ni̱ka̱ 5:27 ပူးပေါင်းရင်းမြစ်များ

Ma̱te̱yo̱ 26:63

Ma̱i̱je̱ Ye̱su̱ ijakce li̱i̱m. Iizek alaani ci a̱ddi̱ki̱re̱ wawaco nonno ne, “Ka̱jji̱ni̱n zare cik Ta̱mu̱ta̱dde̱n wa aruge, du̱wa̱kke̱t ming e̱e̱ni̱ i̱nna̱ Ki̱ri̱sto̱, Ngerrti Ta̱mu̱ta̱dde̱no̱.”

Marko 5:7

Egereny zin enne muluwe ci a̱ppwe̱, “Orongi i̱nna̱ nya ngatinanni, Ye̱su̱, Ngerrti Ta̱mu̱ta̱dde̱n wa a̱ddi̱ki̱re̱? Du̱l da̱ keet zare cik Ta̱mu̱ta̱dde̱no̱ ize ne iróng atidic i̱nna̱ a̱gi̱dda̱n!”

Buk wa To̱ni̱a̱u̱ 1:15

Imma bali i̱i̱nya̱we̱ ne̱ke̱, itinga Peturu je̱e̱na̱ orgene ci ol cik a̱tu̱we̱ ko̱. E̱e̱ggi̱n nege o̱bo̱n co̱de̱ ki moten rama (120).

Buk wa To̱ni̱a̱u̱ 19:13

Anyak Ya̱u̱d u̱gge̱ cik owo lo̱o̱co̱we̱ ottok kuulo olle zare cik Manyi Ye̱su̱. Azi nege ne, “Zare cik Ye̱su̱, wa bali uwak Pa̱u̱lo̱, ka̱du̱wa̱kku̱ng iyokta re̱e̱nu̱n.”

Kolosiya 4:16

Ming ikebtu niga do̱o̱k waraga necu, i̱tto̱nta̱k zin waraga necu bu̱k ol wak a̱tu̱we̱ abak o̱rge̱ ci een Laodicea kar kikebit nege bu̱k. Kar zin niga bu̱k ikebit waraga bali ki̱tto̱nna̱k anna ol wak a̱tu̱we̱ o̱rge̱ ci een Laodicea ke̱.

1 Te̱se̱lo̱ni̱ka̱ 2:11

A̱gga̱yyu̱ bo̱do̱k ming kuzutung naga i̱ge̱ta̱ kiwagon ming a̱gga̱m be̱e̱ti̱ ollu dooli ciginnek.

2 Te̱se̱lo̱ni̱ka̱ 3:14

U̱zu̱tte̱ e̱e̱t ci abure zoz ci keherakkung naga ko̱ ju̱rru̱m. E̱de̱yya̱ e̱le̱tti̱ ngatinne kar kadak a̱li̱ya̱ni̱ nonno.

1 Ti̱mo̱te̱yo̱ 1:18

Ti̱mo̱te̱yo̱ wa e̱e̱ni̱ ngeranni tu̱we̱nta̱, kamitaneki zoz necu niko kar zuute ele olle wak edemezek gonoggi volong azi ne zoz ci a̱kku̱ Ta̱mu̱ta̱dde̱na̱. Kozozi zin niko ngibali a̱du̱wa̱ne̱ a̱ri̱tto̱wa̱ muluk ci a̱kku̱ Ta̱mu̱ta̱dde̱na̱ obod ki i̱nne̱ta̱. Zik ti̱lo̱wi̱ne̱t necu ju̱rru̱m kar nyak tu̱we̱ne̱t, abunna atin ming u̱u̱li̱ a̱ri̱tto̱k ne̱k edemez ol volong ke̱.

1 Ti̱mo̱te̱yo̱ 1:3

Ki baling ka̱jji̱nni̱ la̱du̱n i̱i̱ bali kokkoye anna lo̱o̱ce̱ ci een Macedonia ke̱, aave i̱nna̱ o̱rge̱ ci een Ephesus kar gerenyek ol wak edemezek ol wak a̱tu̱we̱ zoz ci een volong.

1 Ti̱mo̱te̱yo̱ 5:21

Ki̱lo̱ti̱n, Ti̱mo̱te̱yo̱, zare cik Ta̱mu̱ta̱dde̱no̱ ki cik Ye̱su̱ Ki̱ri̱sto̱ ki cik anjilonya wak Ta̱mu̱ta̱dde̱no̱, zuute lo̱ti̱nno̱k wak ka̱du̱wa̱ki̱ ke̱, ma ahali ol. Ti̱ri̱z ol do̱o̱k ju̱rru̱m.

1 Ti̱mo̱te̱yo̱ 5:7

Oobek ngaai cik boyek ti̱lo̱wi̱ne̱t cu, kar atin iróng ol angany nogo.

1 Ti̱mo̱te̱yo̱ 6:13

Ki̱lo̱ti̱ anna i̱nne̱ta̱ kar kicin Ta̱mu̱ta̱dde̱n wa aanyik kaal do̱o̱k ruget ko̱, kar bo̱do̱k kicin Ye̱su̱ Ki̱ri̱sto̱ bu̱k bali a̱du̱wa̱k alaan Pontius Pilato tu̱we̱ne̱t cinne ke̱,

1 Ti̱mo̱te̱yo̱ 6:17

Ti̱lo̱ ol wak e̱e̱ggi̱n bo̱to̱ro̱ lo̱o̱ta̱ ko̱, gerza ming aarik zi̱nze̱tti̱ kaal ne̱k anyak nege ke̱. Abarik du̱wa̱k nogo kartik zi̱nze̱tti̱ Ta̱mu̱ta̱dde̱n wa een bo̱to̱ro̱c aanyyet kaal do̱o̱k kar naga katalte baiz.

2 Ti̱mo̱te̱yo̱ 4:1

Kilaleki zare cik Ta̱mu̱ta̱dde̱no̱ ki Ye̱su̱ Ki̱ri̱sto̱ wa atin okko apak lo̱ki̱ko̱ cik ol wak ngen aruge ki wak a̱da̱i̱to̱ bu̱k, kar zin go̱o̱le̱ ci okko enne a̱kku̱ ki ba̱a̱li̱ne̱t cinne, ki̱lo̱ti̱ki̱ zoz cu:

I̱bu̱ru̱ 3:1

Gotonogga ki ngonogga wak tu̱we̱nta̱k balik awuyyung Ta̱mu̱ta̱dde̱n wa a̱li̱le̱ ta̱mu̱-kenga, i̱no̱ni̱t zoz ci Ye̱su̱ ko̱, wa een to̱ni̱a̱t ci Ta̱mu̱ta̱dde̱no̱ kar bo̱do̱k kize alaan ci a̱ddi̱ki̱re̱ wawaco wa ka̱tu̱ naga zoz cinne.