1 Te̱se̱lo̱ni̱ka̱ 5:23 - Tennet

²³ Kala Ta̱mu̱ta̱dde̱n manyi gano ka̱a̱nyu̱ng abait labak, kidimanung izet caale udut. Ka̱a̱nyu̱ng baiz ki vongiz cunno̱ng do̱o̱k ki̱zze̱c ba̱ci̱no̱wa̱ zee kobodak Manyitinna Ye̱su̱ Ki̱ri̱sto̱ lo̱o̱c.

1 Te̱se̱lo̱ni̱ka̱ 5:23 ပူးပေါင်းရင်းမြစ်များ

Lu̱ka̱ 1:46

Kar Ma̱ri̱ya̱ kize ne, “A̱di̱ngdi̱nga̱n zinin cinanne Manyi

Kaviyak wak Abunna Ta̱mu̱ta̱dde̱no̱ eher Joni 17:19

Kanyiya anna ele cinanni ki̱li̱li̱ la̱du̱n, kar ki̱li̱ngli̱ngo̱zi̱k nogo, kar nege kabaito zo̱ze̱ ci een de̱de̱ udut.”

Buk wa To̱ni̱a̱u̱ 20:32

“I̱yo̱ko̱ zin karikku̱ng a̱zzi̱t ci Ta̱mu̱ta̱dde̱no̱ ki zoz ci deten cinne, eci eelanung atin kar aragizet niga bu̱k bunnat ki ol cik a̱li̱le̱ Ta̱mu̱ta̱dde̱no̱.

Buk wa To̱ni̱a̱u̱ 26:18

kar oo ebere cigge̱k, tuhu nogo ngati mu̱hu̱ri̱ kicinnet nginti voori. Ooga nogo komize ci Sitano ki̱vi̱ta̱k Ta̱mu̱ta̱dde̱n, kar enne kalalek nogo mu̱nye̱n cigge̱k kar nege kidongte ki ol cik Ta̱mu̱ta̱dde̱no̱ a̱li̱le̱ zo̱ze̱ ci a̱tu̱ya̱ nege annita.’

Roma 15:13

Anyik bai Ta̱mu̱ta̱dde̱n wa karike naga zi̱nze̱tti̱ ko̱ ka̱a̱nyu̱ng talninet ki gano gi̱i̱ye̱ ci a̱tu̱yyu̱ niga nonno ko̱, kar zin niga aartik zi̱nze̱tti̱ cuggo̱k nonno komize ci Vongiz ci A̱li̱le̱.

Roma 15:33

Kala Ta̱mu̱ta̱dde̱n wa aanyyet gano, anyik bai gano ka̱vvu̱ ngatinno̱ng do̱o̱k. Nonno nenen.

Roma 15:5

Abunna bai ming aanyi Ta̱mu̱ta̱dde̱n zinin ci alali ki tu̱we̱ne̱t ci okkomi, kar bo̱do̱k niga o̱do̱ye̱ do̱o̱k ngati annuyu Ye̱su̱ Ki̱ri̱sto̱,

Roma 16:20

A̱du̱l atin Ta̱mu̱ta̱dde̱n wa anyak gano ko̱ Sitan kar korocek nonno lo̱o̱c zone cigunnek. Anyik deten ci Manyitinna Ye̱su̱ ka̱vvu̱ ngatinno̱ng.

1 Ko̱ri̱nto̱ 1:2

Keherakkung i̱ge̱t waraga cu olli ke̱le̱ci̱a̱k Ta̱mu̱ta̱dde̱no̱ wak abak lo̱o̱ce̱ ci een Ko̱ri̱nto̱. Atahalaung Ta̱mu̱ta̱dde̱n i̱ge̱t izet ol ciginnek a̱li̱le̱ zo̱ze̱ ci oromtoziu niga Ye̱su̱ Ki̱ri̱sto̱. Ki bo̱do̱k ol wak lo̱o̱tu̱ do̱o̱k balik atahala Manyi, kar nege bu̱k ki̱di̱ngdi̱nga̱ni̱t zar cik Manyitinna Ye̱su̱ Ki̱ri̱sto̱ wa een Manyi cinne̱ng ki agit bu̱k.

1 Ko̱ri̱nto̱ 1:30

E̱e̱ggi̱nnu̱ niga dooli cik Ta̱mu̱ta̱dde̱no̱, urumteu zin niga ki Ye̱su̱ Ki̱ri̱sto̱, wa a̱kku̱ ngati Ta̱mu̱ta̱dde̱no̱ ki̱ki̱ya̱ ki̱ti̱ri̱ze̱t kar enne kanyaha genyiz ci abunna kar bo̱do̱k ki̱li̱li̱.

1 Ko̱ri̱nto̱ 14:33

Eci Ta̱mu̱ta̱dde̱n iróng orong ngotaninet, abarik enne orongnyet agit ka̱vvu̱t labak ganonta. Ming ovvo olli Ta̱mu̱ta̱dde̱no̱ arume nga̱to̱de̱ ke̱le̱ci̱a̱,

2 Ko̱ri̱nto̱ 5:19

Een zin necu zoz ci gon kuwakka naga baling a̱da̱k Ki̱ri̱sto̱ ko̱ necu. Anyike Ta̱mu̱ta̱dde̱n ol do̱o̱k lo̱o̱ta̱ ngatu abunna ming anyak gano ki nonno. Iróng enne ngen azunne ba̱ci̱nno̱k balik ogon ol wak a̱tu̱we̱ ke̱. Aanyyet enne kaviyak cik kabahe naga labak ki nonno.

Vilipia 1:10

kar atin niga a̱gga̱c gi̱i̱ ci abunna kar kize caala ci iróng anyak kaal cik gerzek zee ki̱ki̱ya̱ i̱i̱te̱ni̱ ci okko Ki̱ri̱sto̱ obodak lo̱o̱c,

Vilipia 1:6

Ka̱gga̱ anna zoz ci kozozi ko̱, edeccak atin Ta̱mu̱ta̱dde̱n bali akane zoz ci abunna baize cunno̱ng ke̱, li̱ngli̱ngo̱n cinne zee ki̱ki̱ya̱ i̱i̱te̱ni̱ ci okko Ye̱su̱ Ki̱ri̱sto̱ obodak lo̱o̱c.

Vilipia 4:9

I̱li̱ngli̱ngte̱ kaal cik edemeztu niga icima a̱gga̱ma̱nnu̱ icima iziktu icima icinntu ngatinanni. Kar Ta̱mu̱ta̱dde̱n ci een manyi gano ka̱vvu̱ ngatinno̱ng.

Kolosiya 1:22

Ma̱i̱je̱ i̱yo̱ko̱, aganizung enne i̱ge̱ta̱ eliye ci Ngerinne Ki̱ri̱sto̱ bali a̱da̱i̱ keete ci een ta̱la̱ke̱c, kar enne ka̱a̱nyu̱ng izet ol cik abunna a̱li̱le̱ ngu̱me̱ cinne, iróng anyakku aruwa.

1 Te̱se̱lo̱ni̱ka̱ 2:19

Eci nya ci karike naga zi̱nze̱tti̱, ki talninet cinna, icima luluk ci alaanzetu ci atin kovvo naga ka̱di̱ngdi̱nga̱ne̱ Manyitinna Ye̱su̱ ming okko enne a̱kku̱? Iróng een i̱nne̱ta̱?

1 Te̱se̱lo̱ni̱ka̱ 3:11

Kala Ta̱mu̱ta̱dde̱n wa een Be̱e̱ti̱nna̱ ele ki Manyi Ye̱su̱ kidiman gool kubunna kar naga ki̱vi̱ta̱ ki̱vo̱nttu̱ng.

1 Te̱se̱lo̱ni̱ka̱ 3:13

Ma̱i̱je̱ go̱o̱le̱ neci a̱a̱nyu̱ng Ta̱mu̱ta̱dde̱n elemit ol ko̱, a̱a̱nyu̱ng atin okkomit tu̱we̱nta̱ bu̱k, kar izet ol cik i̱llo̱i̱ rok ba̱ci̱nno̱k ngu̱me̱ ci Ta̱mu̱ta̱dde̱n Be̱e̱ti̱nna̱, ming okko Ye̱su̱ Manyi oboda, orkora atin ki ollinne wak a̱li̱le̱ do̱o̱k.

1 Te̱se̱lo̱ni̱ka̱ 4:3

Azi zin Ta̱mu̱ta̱dde̱n ne ma a̱u̱llu̱ e̱le̱tti̱ ngati orootonu ki ngaai, a̱gga̱mi̱t e̱le̱tti̱ ki̱li̱le̱c.

1 Te̱se̱lo̱ni̱ka̱ 5:22

Utuburet kaal cik gerzek ogon lo̱rye̱nti̱ ko̱ udut.

2 Te̱se̱lo̱ni̱ka̱ 3:16

I̱yo̱ko̱ zin, kala zin Manyi wa anyaha gano, ka̱a̱nyu̱ng gano odohize go̱o̱lo̱we̱ do̱o̱k.

I̱bu̱ru̱ 13:20

Anyik bai Ta̱mu̱ta̱dde̱n ci gon a̱a̱nyu̱ng gano, go̱o̱le̱ ci bi̱ye̱ cik Ye̱su̱ ci een olom ci aave udut ko̱, bali obodai Manyi Ye̱su̱ daiza, Tuwayoit ci a̱ddi̱ki̱re̱ ommog veelek,

I̱bu̱ru̱ 2:11

Ye̱su̱ ci anyike ol kizeto dooli cik a̱li̱le̱ Ta̱mu̱ta̱dde̱no̱, o̱de̱ be̱e̱ti̱ ol ne̱k aanyik Ye̱su̱ kizeto dooli cik Ta̱mu̱ta̱dde̱no̱ ko̱. Iróng a̱li̱ya̱ni̱ adak Ye̱su̱ ngati awu nogo kizeto gotonoggi ki ngonoggi.

I̱bu̱ru̱ 4:12

Eci zoz ci Ta̱mu̱ta̱dde̱no̱ een ci abak udut kar bo̱do̱k ki̱li̱ngli̱ng udut. Leheda kommog illa wa lehedi abanyo do̱o̱k, i̱i̱zo̱ kenger zinin ki vongiz ci e̱e̱to̱ ecito. Etted zoz ci Ta̱mu̱ta̱dde̱no̱ zoz ki vongiz ci aave zinina ki zoz ci i̱no̱n e̱e̱ti̱.

Je̱mi̱s 1:4

Abunna nimenet no̱ngi̱tto̱n ming edeca li̱ngli̱ngo̱n cinne baize cunne kar atin i̱nna̱ a̱vvu̱ ju̱rru̱m, ize i̱nna̱ e̱e̱t ci anyai arizet baiza, i̱llo̱i̱ gi̱i̱ imma ci a̱zze̱ ngatunne to.

1 Peturu 1:2

E̱e̱ggi̱n ne̱ko̱ ol balik atahaltai ngati odola Ta̱mu̱ta̱dde̱n Be̱e̱ti̱nna̱, ahalai li̱ngli̱ngo̱ne̱ ci Vongiz ci A̱li̱le̱, ngati o̱ngo̱o̱li̱nne̱ nege Ye̱su̱ Ki̱ri̱sto̱ ki bi̱ye̱ balik azaconik ol ke̱. Anyik deten ki gano ka̱vvu̱ ngatinno̱ng oroot.

1 Peturu 5:10

Ma zin Ta̱mu̱ta̱dde̱n a̱a̱nyu̱ng i̱ge̱t deten do̱o̱k, ngati ipirtayyu niga, okko atin Ta̱mu̱ta̱dde̱n a̱a̱nyu̱ng okkomit kak kar bo̱do̱k ki̱ti̱ri̱zzu̱ng udut, nonno nenen ci i̱tto̱na̱ne̱ enne Ye̱su̱ Ki̱ri̱sto̱ kar ki̱ki̱ya̱ atahalaung ko̱.

2 Peturu 3:14

Gotonogga ki ngonogga tu̱we̱nta̱, ming ngen niga erewinnu ko̱, abait baiz ci a̱li̱le̱, i̱llo̱i̱ rok gi̱i̱ imma ci gerze, kar bo̱do̱k abait yahe.

Ju̱da̱ 1:1

Annita Ju̱da̱ wa ke̱e̱ni̱ gotoni Je̱mi̱s, wa een du̱ca̱i̱t ci Ye̱su̱ Ki̱ri̱sto̱ ko̱ ci keheri waraga cu. Keherakkung i̱ge̱t ol wak atahaltai ki bo̱do̱k wak irez Ta̱mu̱ta̱dde̱n wa een Be̱e̱ti̱nna̱ kar bo̱do̱k Ye̱su̱ Ki̱ri̱sto̱ kuzute nogo.

Ju̱da̱ 1:24

A̱a̱nyu̱ng Ta̱mu̱ta̱dde̱n i̱ge̱t u̱zu̱tte̱ tu̱we̱ne̱t cunno̱ng, iróng enne a̱a̱nyu̱ng u̱yu̱kte̱, kar kuwuyung rok nginti aave enne di̱ngdi̱ngo̱nta̱ ki talninta.