Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Te̱se̱lo̱ni̱ka̱ 5:21 - Tennet

21 Abarik erenyyit no̱ngi̱tto̱n ne̱ke̱ ju̱rru̱m kar atahaltta wak abunna a̱vvu̱ Ta̱mu̱ta̱dde̱na̱.

အခန်းကိုကြည့်ပါ။ ကော်ပီ




1 Te̱se̱lo̱ni̱ka̱ 5:21
40 ပူးပေါင်းရင်းမြစ်များ  

“Nya ming iróng niga ettedu e̱le̱tti̱ne̱ zoz ci een de̱de̱ ngatinno̱ng ko̱?


Ka̱vvu̱t ki annit nga̱to̱de̱ ko̱do̱ye̱ kiwagon keet ki alawo. Iróng wo̱ye̱ alawoci a̱bbi̱rna̱ o̱ya̱u̱ enne do̱ ming iróng arumze ki keet ele kodowe. Iróng wo̱ye̱ niga do̱ ogonnu gi̱i̱ imma ming iróng karumze ki annita.


Izek Ye̱su̱ ol wak e̱e̱ggi̱n Ya̱u̱d a̱tu̱ nonno ko̱ ne, “Ming azunnu niga de̱mzi̱ne̱t cinanni, e̱e̱ggi̱nnu̱ nuyak waginnek de̱de̱.


Baling arawa enne kar kicin deten ci Ta̱mu̱ta̱dde̱no̱, atal oroot kar zin ku̱du̱wa̱k nogo abunna ming abile de̱de̱ zo̱ze̱ ci Manyi zi̱nze̱tti̱nne̱ cigge̱k do̱o̱k.


edemez nuyak kar bo̱do̱k ku̱du̱kta̱k nogo kokkomit kak tu̱we̱nte̱ cinne̱ng. A̱nne̱k nege nuyak ne, “Abunna la̱du̱n ming kamuda pirnanet ci a̱ppwe̱ kar ki̱tto̱z ba̱a̱li̱ne̱t ci Ta̱mu̱ta̱dde̱no̱.”


Abunna da̱ ol cik Berea oroot ommog cik Te̱se̱lo̱ni̱ka̱, elemtta nege zoz ci Ta̱mu̱ta̱dde̱no̱ talninta oroot. Ikebit zin nege Waraga ci Ta̱mu̱ta̱dde̱no̱ odohize, acin kaal cik edemez Pa̱u̱lo̱ ko̱ ming een de̱de̱.


Ma abakku baiz ci abahe ol cik lo̱o̱tu̱ ko̱, abarik aanycik Ta̱mu̱ta̱dde̱n kutuhu zi̱nze̱tti̱ ciggo̱k ki gool ci i̱no̱nnu̱ niga, kar izet ol cik ogon kaal cik abunna irez enne.


Abunna ming irezzu ol rezinet wa een de̱de̱ zi̱nze̱tti̱nne̱ cuggo̱k. Amartoi gi̱i̱ ci gerze; odokta gi̱i̱ye̱ ci abunna.


Gotonogga ki ngonogga tu̱we̱nta̱, ibilet ju̱rru̱m ci iróng gi̱i̱ imma omonung tu̱we̱nta̱. Abunna ming anyikku e̱le̱tti̱ cuggo̱k li̱ngli̱ngo̱n ci Manyi, eci li̱ngli̱ngo̱ni̱ cunno̱ng ngati Manyi iróng e̱de̱nye̱.


I̱llo̱i̱ e̱e̱t imma ci a̱gga̱ i̱no̱ni̱ ci e̱e̱t ci diiri, vongiz cinne do̱ niko ci a̱gga̱. Ogon zin bo̱do̱k niko, i̱llo̱i̱ e̱e̱t imma ci a̱gga̱ i̱no̱ni̱ ci Ta̱mu̱ta̱dde̱no̱, Vongiz cinne do̱ niko ci a̱gga̱.


I̱yo̱ko̱ zin, ming aanyyet Ta̱mu̱ta̱dde̱n gool imma, ku̱tu̱gu̱zze̱k ol do̱o̱k kaal cik abunna, ommogje ol wak a̱tu̱ zoz ci Ki̱ri̱sto̱.


U̱tu̱gu̱z kaal cik aanyik Manyi katalo.


kar atin niga a̱gga̱c gi̱i̱ ci abunna kar kize caala ci iróng anyak kaal cik gerzek zee ki̱ki̱ya̱ i̱i̱te̱ni̱ ci okko Ki̱ri̱sto̱ obodak lo̱o̱c,


Abunna zin naga ming kemenna kowo go̱o̱le̱ ci baiz ci bali kurubta een de̱de̱ ko̱.


Gotonogga ki ngonogga tu̱we̱nta̱, aartik zi̱nze̱tti̱ zoz ci een de̱de̱, zoz ci caale, zoz ci okko ṯop, zoz ci a̱li̱le̱, ki zoz ci abunna, icima zoz ci a̱zi̱ze̱ orong zi̱nze̱tti̱, ki zoz ci abunna kinnat naga. Ma abilizzu i̱no̱ni̱ne̱t kaal ne̱ko̱ do̱o̱k.


Ma acacannu kaal cik gerzek ogonekku̱ng ol, abarik u̱tu̱gu̱zze̱k ol do̱o̱k kaal cik abunna.


Utuburet kaal cik gerzek ogon lo̱rye̱nti̱ ko̱ udut.


I̱yo̱ko̱ zin, gotonogga, u̱zu̱tte̱ de̱mzi̱ne̱t bali kedemzekung ke̱, icima go̱o̱le̱ bali kaavtte bu̱k ke̱ icima warage bali ki̱tto̱na̱kku̱ng ke̱.


A̱gga̱ ri̱t i̱nna̱ niko utungteya ol balik lo̱o̱ce̱ ci een zara Asia ke̱ lo̱o̱c, owoye ciko Phygelus ki Hermogenes.


Anyak olle ne̱ke̱ u̱gge̱ cik ovvo ce̱e̱zi̱nne̱ cik ngaai wak amuje o̱o̱tti̱ kar ki̱mi̱cce̱ nogo, a̱i̱c ngaai ne̱ke̱ mu̱nye̱na̱, kar koronggit kaal cik gerzek irez zi̱nze̱tti̱ cigge̱k,


U̱tu̱gu̱we̱ya̱ bo̱do̱k Alizanduru wa gon u̱u̱rte̱ ko̱ kaal cik gerzek oroot. A̱ru̱k atin Manyi nga̱bo̱lo̱ cinanni do̱ niko.


Abunna ka̱gga̱m tu̱we̱ne̱t ci karike naga zi̱nze̱tti̱ cik ka̱tu̱we̱ Ta̱mu̱ta̱dde̱n ko̱ ju̱rru̱m, eci Ta̱mu̱ta̱dde̱n ci ka̱tu̱ ko̱ ogon atin zoz ci u̱du̱wa̱ enne ke̱.


Gotonogga ki ngonogga tu̱we̱nta̱, ma a̱tu̱yyu̱ zoz ci ol cik azi ne kanyaka Vongiz ci Ta̱mu̱ta̱dde̱no̱, abarik abunna ming atimanu vongizzok ming e̱e̱ggi̱n cik Ta̱mu̱ta̱dde̱no̱ de̱de̱, eci anyak a̱ri̱tto̱k cik meelek volongak i̱vi̱tta̱k lo̱o̱c cu.


Ka̱gga̱ anna li̱ngli̱ngo̱n cunno̱ng ki nimenet no̱ngi̱tto̱n. Ka̱gga̱ iróng niga elemnyyu ol cik mu̱nye̱nu̱, itimanttu niga ol cik azi ne ke̱e̱ggi̱nna̱ to̱ni̱a̱k cik Ye̱su̱, iróng zin een de̱de̱, amuda e̱e̱ggi̱n nege volongnyok iróng e̱e̱ggi̱n to̱ni̱a̱k cigannik.


U̱zu̱tte̱ gool ci abunna ko̱ zee ki̱ki̱ya̱ anna.


Ka̱kku̱ni̱ anna ataman. U̱zu̱tte̱ zoz ci anyakku niga ko̱, kar atin iróng e̱e̱ti̱ imma okkoye lulukwa cuggo̱k alaanzetinu.


Abunna ming a̱a̱da̱nnu̱ gool ci iziktu niga ko̱ ki ci a̱gga̱ma̱nnu̱ niga zoz ci Ta̱mu̱ta̱dde̱no̱; o̱to̱ngo̱o̱ltte̱ zin zoz neci, kar uturtta mu̱nye̱n cuggo̱k. Ma̱i̱je̱ ming iróng niga ooyyu ebere cuggo̱k, ka̱kku̱ni̱ atin anna kiwagon ogoryaiti, iróng atin niga a̱gga̱yyu̱ i̱i̱te̱n ci ka̱kku̱na̱ku̱ng anna i̱ge̱ta̱.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ