1 Te̱se̱lo̱ni̱ka̱ 5:15 - Tennet

¹⁵ Ma acacannu kaal cik gerzek ogonekku̱ng ol, abarik u̱tu̱gu̱zze̱k ol do̱o̱k kaal cik abunna.

1 Te̱se̱lo̱ni̱ka̱ 5:15 ပူးပေါင်းရင်းမြစ်များ

Kananet 45:24

Kar zin enne ki̱nya̱ma̱ne̱k gotonoggi gool, baling ovvo nege ovvo, a̱nne̱k enne nogo ne, “Ma adangonu goola!”

Ma̱te̱yo̱ 5:39

Abarik zin ka̱du̱wa̱kku̱ng, ma alami e̱e̱t ci gerze. Ming apani e̱e̱ti̱ mucec co̱de̱, anyik kapan o̱to̱n co̱de̱ ke̱ bu̱k.

Lu̱ka̱ 6:35

Abarik irezit mo̱ddo̱ cuggo̱k, u̱tu̱gu̱zze̱k nogo kaal cik abunna, aanycik nogo kaal labak ci iróng atin niga orongnyu nga̱bo̱lo̱. Kar atin Ta̱mu̱ta̱dde̱n ka̱a̱nyu̱ng kaal cik meelek, ovvo atin e̱e̱ggi̱nnu̱ dooli cik Manyi wa Ommog Veelek, eci enne een bunnatait ngati olli mu̱nye̱nu̱.

Buk wa To̱ni̱a̱u̱ 16:28

Ma̱i̱je̱ da̱ Pa̱u̱lo̱ acin niko, kar zin kegerenyek nonno, a̱nne̱k ne, “Ma a̱ru̱i̱ ele cunne! Kaavtiya naga do̱o̱k ngatu.”

Roma 12:9

Abunna ming irezzu ol rezinet wa een de̱de̱ zi̱nze̱tti̱nne̱ cuggo̱k. Amartoi gi̱i̱ ci gerze; odokta gi̱i̱ye̱ ci abunna.

Roma 14:19

Abunna zin gon odohize kogon kaal cik abunna kar kabait yahe ki ol wak a̱tu̱we̱ do̱o̱k, kar tu̱we̱ne̱t cinna̱ng kuk oowa.

1 Ko̱ri̱nto̱ 14:1

Abunna zin ming annuyu zoz ci rezinto oroot, kar orongit arizet ci Vongizo, ommogje arizet ci a̱du̱wa̱k ol zoz ci Ta̱mu̱ta̱dde̱no̱.

1 Ko̱ri̱nto̱ 16:10

Ming uzucaung i̱ge̱t Ti̱mo̱te̱yo̱, a̱gga̱mtta̱ nonno talninta. A̱li̱ngli̱ng enne li̱ngli̱ngo̱n ci Manyi Ye̱su̱ ki i̱yo̱ko̱ anna ko̱.

1 Ko̱ri̱nto̱ 6:7

Ming anyakku jooret cik ovvoyyu lo̱ki̱ka̱ orgene cunno̱ng, i̱ye̱la̱ necu zoz ci azi ne iróng niga abakku baiz ci abunna ngu̱me̱ ci Ta̱mu̱ta̱dde̱no̱. Ma̱i̱je̱ nu̱nu̱n ming ogonekku̱ng gonoggu wak a̱tu̱we̱ kaal cik gerzek, alaltek nogo labak, ma ovvoyyu nogo lo̱ki̱ka̱.

Ga̱la̱ti̱a̱ 6:10

I̱yo̱ko̱ zin, ming aanyyet Ta̱mu̱ta̱dde̱n gool imma, ku̱tu̱gu̱zze̱k ol do̱o̱k kaal cik abunna, ommogje ol wak a̱tu̱ zoz ci Ki̱ri̱sto̱.

Evesos 5:15

Egenyyit zin oroot! Ma abakku ki i̱yo̱ko̱ ol wak tarbalik ko̱, abarik abait baiz ci ol wak egenyi.

Evesos 5:33

I̱yo̱ko̱ zin, i̱ya̱bzo̱ni̱ku̱ng abarik zoz necu i̱ge̱t e̱le̱tti̱, abunna e̱e̱ti̱ ming irez ngaa cinne ki i̱yo̱ko̱ ming irez enne ele cinne ko̱. Abunna bo̱do̱k ngaa ming aziye zoz ci e̱e̱t cinne ju̱rru̱m.

1 Te̱se̱lo̱ni̱ka̱ 2:12

Ki̱lo̱tu̱ng, kadihizung kar kilalekkung abunna ming abakku baiz ci irez Ta̱mu̱ta̱dde̱n, kar atin ka̱a̱nyu̱ng izet ol cik ovvo abakku bu̱k ba̱a̱li̱nte̱ ci okko atin enne abale lo̱o̱c.

1 Te̱se̱lo̱ni̱ka̱ 5:21

Abarik erenyyit no̱ngi̱tto̱n ne̱ke̱ ju̱rru̱m kar atahaltta wak abunna a̱vvu̱ Ta̱mu̱ta̱dde̱na̱.

1 Ti̱mo̱te̱yo̱ 6:11

Imma i̱nna̱ e̱e̱ti̱ ci Ta̱mu̱ta̱dde̱no̱, liit no̱ngi̱tto̱n ne̱ko̱ do̱o̱k. Abarik tu̱gu̱ kaal cik abunna, zuute zoz ci Ta̱mu̱ta̱dde̱no̱, nyak tu̱we̱ne̱t zo̱ze̱ ci Ta̱mu̱ta̱dde̱no̱, irez ol, ize gunun kar zin niim pirnanet.

2 Ti̱mo̱te̱yo̱ 2:24

Gerza ming adango du̱ca̱i̱ti̱ ci Manyi ki ol, abarik abunna ming i̱i̱rke̱ olle do̱o̱k, eheronik ol, kar bo̱do̱k kanyak zinin ci alali.

Ti̱to̱ 3:2

Gerza ming ozoz e̱e̱ti̱ gerzet, abunna ming alit dango. Abarik, abunna ming e̱e̱ggi̱nnu̱ ol cik gununik, abunna ming i̱i̱rke̱nnu̱ olle do̱o̱k.

I̱bu̱ru̱ 12:14

Abait baiz ci abakku ki ol yahe ki baiz ci a̱li̱le̱, eci ol wak abak baiz ci caale do̱ niko cik atin acin Manyi.

1 Peturu 1:22

I̱yo̱ko̱ i̱ti̱vi̱ltu̱ niga zi̱nze̱tti̱ cuggo̱k kizeto caale ngati elemnyyu zoz ci een de̱de̱, kar anyait rezinet ci een de̱de̱ ki gotonogget wak a̱tu̱we̱, irezit e̱le̱tti̱ cuggo̱k oroot, rezinet ci a̱kku̱ zinina.

1 Peturu 2:17

O̱to̱ngo̱o̱ltte̱ ol do̱o̱k, irezit ol wak a̱tu̱ Ta̱mu̱ta̱dde̱n, akatek Ta̱mu̱ta̱dde̱n u̱zu̱ngtti̱ lo̱o̱c, o̱to̱ngo̱o̱ltte̱ bo̱do̱k alaat.

1 Peturu 3:9

Ming ogoneki e̱e̱ti̱ gi̱i̱ ci gerze icima odomnyin, icima amarninin, ma acaca, abarik lalek nonno, ma̱yu̱k nonno, tu̱gu̱we̱k kaal cik abunna eci bali atahalaung Ta̱mu̱ta̱dde̱n kar izet dooli ciginnek tu̱we̱nta̱. Azi Warage ci Ta̱mu̱ta̱dde̱no̱ ne,

3 Jon 1:11

Goona wa zinino, ma uhu zoz ci mu̱nye̱nu̱ kize zoz ci abunna. Imma e̱e̱ti̱ ci ogon zoz ci abunna een enne e̱e̱t ci Ta̱mu̱ta̱dde̱no̱, imma e̱e̱ti̱ ci ogon mu̱nye̱n iróng enne a̱gga̱ Ta̱mu̱ta̱dde̱n.

O̱no̱zzo̱k 19:10

Imma ngatu kakateya anna nonno u̱zu̱ngti̱nne̱ zoone ciginnek kar ki̱di̱ngdi̱nga̱n nonno. Ma̱i̱je̱ enne a̱nne̱ka̱ ne, “Ma ogoni niko! Ke̱e̱ni̱ anna du̱ca̱i̱t ki i̱nne̱t ki gonoggu wak a̱gga̱m zoz ci Ye̱su̱. Di̱ngdi̱nga̱n Ta̱mu̱ta̱dde̱n do̱ niko! Eci zoz ci obod ki Ye̱su̱ ko̱ ci ozoz a̱ri̱tto̱wa̱ ko̱.”

O̱no̱zzo̱k 22:9

Ma̱i̱je̱ enne a̱nne̱ka̱ ne, “Ma ogoni zoz necu! Ke̱e̱ni̱ anna du̱ca̱i̱t ci Ta̱mu̱ta̱dde̱no̱ ki i̱nne̱ta̱ bu̱k, ki gotonogget wak e̱e̱ggi̱n a̱ri̱tto̱k cik zoz ci Ta̱mu̱ta̱dde̱no̱ ki ol wak azunne zoz ci e̱he̱rye̱ buwe cu. Di̱ngdi̱nga̱n Ta̱mu̱ta̱dde̱n do̱ niko!”